SIHE Medicine Faculty

23/08/2026

د Neurological Emergencies (Seizure, CNS infection, Unconscious Patient, Stroke) تر عنوان لاندې سمینار وړاندې شو

د Neurological Emergencies (Seizure, CNS infection, Unconscious Patient, Stroke) تر عنوان لاندې سمینار وړاندې شو

دا سمینار سپین غر پوهنتون د مسلکي پرمختیا آمریت ظرفیت لوړونې برنامو کلني پلان له مخې د پوهنتون استادانو او اداري کار کوونکو ته تنظیم شوی و، چې د معالجوي طب پوهنځي د رئیس پوهنیار دوکتور محمد جاوېد حاذق له لوري وړاندې شو.

ښاغلي حاذق د Neurological Emergencies پېژندنې ترڅنګ، تشنج (Seizures)، د اختلاجاتو ډولونه، نښې نښانې، پلټنه، تشخیص او درملنه، د مرکزي عصبي سیستم انتانات(CNS Infections) ، دماغي سکته (Stroke)، د سکتې کلینیکي علایم، ډولونه، لاملونه او درملنې په اړه مفصل معلومات له ګډونوالو سره شریک کړل او هم یې د هغوی پوښتنو ته ځوابونه وویل.

همدارنګه، د موضوع د لا ښه درک لپاره بېلابېلې Case Study یا عملي قضیې وړاندې او د تشخیص، ارزونې او درملنې اړوند مهمو نقاطو په اړه هم بحث ترسره شو.

د نشراتو او ټولیزو اړیکو آمریت

18/08/2026

«په ځانګړو تخصصي څانګو کې تازه معلومات» تر عنوان لاندې سمینار وړاندې شو

سپین غر پوهنتون د مسلکي پرمختیا آمریت د ظرفیت لوړونې برنامو کلني پلان له مخې د استاد نوماند پوهنیار ذبیح الله یوسفزي له لوري «په ځانګړو تخصصي څانګو کې تازه معلومات» تر سرلیک لاندې معلوماتي سمینار وړاندې شو، چې د پوهنتون د استادانو په ګډون په کې یو شمېر اداري کار کوونکو هم برخه لرله.

ښاغلي یوسفزي تر مقدماتي خبرو وروسته، ولې تازه معلومات مهم دي؟ یوه سوځېدلي ماشوم ته د کب پوستکي د پیوند بریالۍ درملنه، د چاغښت د کموالي تازه مروج شوي درمل، د Fatty liver په درملنه کې نوي درمل، د اختلاطي بولي لارو په انتاناتو کې نوي درمل، د واکسینو په پروګرام کې د ملاریا شاملېدل او په طبابت کې د مصنوعي ځیرکتیا استعمال په اړه وروستي تازه او مهم معلومات بحث، شریک او هم یې د ګډونوالو پوښتنو ته ځوابونه وویل.

دا چې طب یو ثابت علم نه دی او هره ورځ د طب په ځانګړو تخصصي او فرعي تخصصي څانګو کې نوي تشخیصيه، درملیز، جراحي او ټکنالوژیک پرمختګونه او تغیرات رامنځته کېږي، نو د دې لپاره چې سپین غر پوهنتون استادان او علمي کادرونه له یادو پرمختګونو څخه خبر اوسي، وخت په وخت ورته داسې علمي او معلوماتي سمینارونه وړاندې کېږي.

د نشراتو او ټولیزو اړیکو آمریت

12/08/2026

آیا غواړئ د سپین غر پوهنتون په معالجوي طب پوهنځي کې د راتلونکي مسلکي ډاکتر په توګه طبي زده کړې وکړئ؟
په دې پوهنځي کې محصلانو ته د معالجوي طب اړوند نظري او عملي روزنه ورکول کېږي، څو د فراغت وروسته وکولای شي په لاندې برخو کې مسلکي طبي خدمتونه وړاندې کړي:
- د ناروغانو معاینه او طبي ارزونه
- د ناروغیو تشخیص
- د درملنې پلان جوړول او تعقیبول
- د درملو تجویزول
- د بېړنیو حالاتو لومړنۍ طبي پاملرنه
- د ناروغیو د مخنیوي او روغتیايي پوهاوي مشورې
- د ناروغ د اړتیا له مخې متخصص ته راجع کول
- د ناروغ د طبي تاریخ او اسنادو ثبت او ساتنه
- له فراغت وروسته د تخصصي زده‌کړو لپاره تخصصي پروګرامونو ته لاره پیدا کول او د نورو مسلکي زده کړو دوام
نوم لیکنه هره ورځ د سهار له ۷:۰۰ بجو د مازدیګر تر ۵:۰۰ بجو پورې جریان لري...!

28/07/2026

د ۱۴۰۵ لمریز کال خزاني سمستر کانکور ازموینه – اسد ۲۳

نوم لیکنه په معالجوي طب، غاښونو طب او طبي ټکنالوژۍ پوهنځیو کې هره روځ له شنبې تر پنجشنبې د سهار له ۷:۰۰ بجو د مازدیګر تر ۵:۰۰ بجو پورې جریان لري!

سپین غر پوهنتون؛ د طبي لوړو زده کړو معیاري اداره

25/07/2026

د علم په سمندر کې موږ ټول د یوې کښتۍ سپرلۍ یو؛ خو سپین غر پوهنتون د طبي علومو کښتۍ د انسانانو د ژوند ژغورنې، د دردونو د درملنې او د هیلو د راژوندي کولو پر لور په ډاډمنه اراده روانه ده.

که غواړئ د انسانانو د ژوند ژغورونکی، د ناروغانو د امید څراغ او د ټولنې یو اغیزمن روغتیاپال شئ، نو سپین غر پوهنتون ستاسو د روښانه راتلونکي لپاره خپلې دروازې پرانیستې دي.

همدا نن خپل راتلونکی وټاکئ

🕖 نوم‌لیکنه له شنبې تر پنجشنبې، د سهار له ۷:۰۰ بجو څخه د مازدیګر تر ۵:۰۰ بجو پورې جریان لري.
078 503 0915

21/07/2026

The future you choose today at Spinghar University, Faculties of Medicine, Medicine in Dentistry and Medical Laboratory Technology will become your greatest achievement tomorrow.

13/07/2026

ستاسو د بریالي طبي راتلونکي پیل، له سم انتخابه پیلېږي!

ستاسې د بریالي طبي راتلونکي پیل، له سم انتخابه پیلېږي!

یو مسلکي ډاکتر د معیاري زده‌کړو له لارې د عملي تجربو، مجهزو لابراتوارونو او باوري علمي چاپېریال په شتون کې روزل کېږي.

سپین غر پوهنتون د معالجوي طب پوهنځي محصلانو ته مجهز لابراتوارونه، فزیکي او برېښنايي کتابتونونه، د عملي او ستاژ زده کړو لپاره تدریسي روغتون او د تجربه‌لرونکو او متخصصو استادانو تر لارښوونې لاندې د زده‌کړو مناسب چاپېریال برابر کړی دی، څو محصلان د خپلې راتلونکې مسلکي دندې لپاره په پوره وړتیا چمتو شي.

که تاسې هم غواړئ خپل علمي سفر په یوه معیاري پوهنتون کې پیل کړئ، نو د ۱۴۰۵ لمریز کال خزاني سمستر لپاره همدا اوس نوم‌لیکنه وکړئ او د سپین غر علمي کورنۍ غړی شئ.

نوم لیکنه جریان لري...!

23/05/2026

د معالجوي طب پوهنځي محصلانو ترمنځ علمي رقابتي سیالي ترسره شوه

شنبه، ۱۴۰۵/۳/۲
سپین غر پوهنتون د معالجوي طب پوهنځي څلورم سمستر B او C سکشن محصلانو په پتالوژي مضمون کې علمي رقابتي سیالي ترسره کړه.

یاده سیالي د استاد نوماند پوهنيار محمد ادريس عبدالرحيمزي په لارښووونه «په ناروغیو کې هیموډینامیک بدلونونه او التهابي پروسې - Hemodynamic Changes and Inflammatory Processes in Disease» تر عنوان لاندې د پوهنځي د مرستیال نوماند پوهنیار صفي الله محبت په مقدماتي وینا پیل شوه او د ژوري هیئت غړو تر منظمې څارنې او ارزونې لاندې ترسره شوه.

په سیالۍ کې جمله ۱۲ تنو محصلانو په مستقیم ډول ګډون درلود، چې تر ټاکلي وخت او د پوښتنو او ځوابونو وروسته د ژوري هيئت له لوري C سکشن لومړی او B سکشن دویم مقام ګټونکي اعلان شول او ټولو ګډونوالو محصلانو ته ډالۍ هم ورکول شوې.

د نشراتو او ټولیزو اړیکو آمریت

09/05/2026

د عمومي طب پوهنځي دوه تنو محصلانو سمینارونه وړاندې کړل

شنبه، ۱۴۰۵/۲/۱۹
سپین غر پوهنتون د عمومي طب پوهنځي لسم سمستر دوه تنو محصلانو هر یو جلال احمد او خالد د وینې د سپینو حجرو مزمن سرطان (Chronic Myeloid Leukemia) او د وینې د سپینو لمفاوي حجرو مزمن سرطان - Chronic Lymphocytic Leukemia (CLL) په اړه معلوماتي سمینارونه وړاندې شو.

د پوهنځي رئیس پوهنیار دوکتور محمد جاوېد حاذق ګډونوالو ته په وینا کې د محصلانو له لوري د سمینارونو وړاندې کولو پر اهمیت او ارزښت خبرې وکړې او دا ډول علمي فعالیتونه یې د محصلانو د مسلکي ودې لپاره مهم وبلل، ځکه چې د سرطان ناروغۍ پېښې د زیاتېدو په حال کې دي، له همدې امله د طبي برخې راتلونکي ډاکټران باید د دې ناروغیو د تشخیص او درملنې په برخه کې بشپړ علمي او عملي چمتووالی ولري.

ورپسې جلال احمد د وینې د سپینو حجرو مزمن سرطان (Chronic Myeloid Leukemia) او خالد د وینې د سپینو لمفاوي حجرو مزمن سرطان (Chronic Lymphocytic Leukemia) پېژندنه، کلینیکي نښې نښانې، تشخیص، لابراتواري موندنو، تفریقي تشخیص ( (DDXاو د ناروغۍ پایلې، موضوعات په هر اړخیز او مفصل شکل تشریح کړل او هم یې په تالار کې د ناستو محصلانو پوښتنو ته ځوابونه وویل.

د یادونې وړ ده چې سپین غر پوهنتون د بېلابېلو پوهنځیو محصلانو ته په هر سمستر کې د خپلو مسلکونو اړوند علمي سمینارونو وړاندې کولو زمینه برابروي، څو د هغوی علمي پوهه او مسلکي وړتیاوې ورسره وغوړېږي.

د نشراتو او ټولیزو اړیکو آمریت

05/05/2026

د لاسونو د حفظ الصحې نړیوالې ورځې په مناسبت د عامه پوهاوي سمینار وړاندې شو

د لاسونو د حفظ الصحې نړیوالې ورځې په مناسبت د عامه پوهاوي سمینار وړاندې شو

سه شنبه، ۱۴۰۵/۲/۱۵
سپین غر پوهنتون د فرهنګي چارو اصلي کمېټې د ۱۴۰۵ لمریز کال نړيوالو روغتیايي ورځو مهالوېش له مخې د لاسونو د حفظ الصحې نړیواله ورځ (World Hand Hygiene Day) د عامه پوهاوي سمینار په وړاندې کولو سره ونمانځله.

په سمینار کې د معالجوي طب پوهنځي ماسپښین دورې محصلانو برخه لرله، چې د کلینیک ډیپارټمنټ آمر استاد، پوهنیار دوکتور محبت شاه همت له لوري وړاندې شو.

د پرانیستې او ښه راغلاست وینا پر وخت د پوهنځي مرستیال نوماند پوهنیار صفي الله محبت د موضوع اهمیت او ارزښت بیان کړ او زیاته یې کړه، د دې لپاره چې د میکروبونو او ناروغیو د خپرېدو مخنیوی او په روغتونونو او کلینیکونو کې د انتاناتو کچه راکمه شي، هر کال د مۍ میاشتې په پنځمه نېټه یاده ورځ نمانځل کېږي، څو روغتیايي کارکوونکي د لاسونو حفظ الصحې ته متوجه اوسي.

ورپسې د سمینار وړاندې کوونکي ښاغلي همت د یادې ورځې تاریخچه، اهمیت، د لاسونو د حفظ الصحې په هکله د روغتیا نړیوال سازمان سپارښتنې او عملي لارې چارې په تفصیل سره بیان کړې. همدارنګه، د لاسونو د سم مینځلو طریقه یې هم تشریح کړه او ټینګار یې وکړ چې د لاسونو حفظ الصحه نه یوازې د روغتیايي کارکوونکو، بلکې د ټولنې د هر وګړي مسؤلیت دی، ځکه چې ډېری ساري ناروغۍ د ککړو لاسونو له لارې انتقالېږي.

د سمینار په پای کې د ګډونوالو پوښتنو ته ځوابونه وویل شول او له محصلانو وغوښتل شول چې د لاسونو د حفظ الصحې پیغام خپلو کورنیو او ټولنې ته ورسوي، څو د عامې روغتیا د ښه والي لپاره اغېزمن ګامونه پورته شي.

د نشراتو او ټولیزو اړیکو آمریت