Al-Taqwa Institute of Higher Education

  • Home
  • Al-Taqwa Institute of Higher Education
Call Website Contact the university

Al-Taqwa Institute of Higher Education Official Page of Al-Taqwa University Today it is a thriving academic and intellectual center dedicated to providing Afghans with a world-class education.

Since opening in 2012, ATIHE has grown from an initial enrollment of 150 students to more than 320 students in less than a few months. A non-profit, coeducational institution, ATIHE offers degrees in Political Science (LLB), Business Administration (BBA), and Economics (BEc). ATIHE also offers diploma programs in Business Administration (DBA) Information Technology (DIT), and English Language (DEL).

د مدافع وکیل او موکل ترمنځ د متقابل چلند په اړه علمي سیمینار او عملي تمثیل ترسره شو!د التقوی پوهنتون د حقوقو او سیاسي عل...
21/10/2026

د مدافع وکیل او موکل ترمنځ د متقابل چلند په اړه علمي سیمینار او عملي تمثیل ترسره شو!

د التقوی پوهنتون د حقوقو او سیاسي علومو پوهنځي د حقوقو څانګې د محصلینو لپاره د «مدافع وکیل او موکل ترمنځ متقابل چلند» تر سرلیک لاندې علمي سیمینار او عملي تمثیل ترسره شو.

یاده برنامه د قاري صاحب صداقت له لوري د قرآن کریم د مبارکو آیتونو په تلاوت سره پیل شوه. ورپسې د حقوقو څانګې آمر او لارښود استاد، پوهنیار طارق الله ملکزي، د ښه راغلاست وینا وکړه او د موضوع پر علمي، حقوقي او مسلکي اهمیت یې خبرې وکړې.

په علمي سیمینار کې د مدافع وکیل او موکل ترمنځ د مسلکي اړیکو، متقابل چلند، حقوقي مشورې او اغېزمنې حقوقي استازولۍ پر بېلابېلو اړخونو هر اړخیز بحث وشو. د موضوع د لا ښه روښانتیا په موخه، پر لاندې مهمو ټکو ټینګار وشو:

• د قضیې دقیق تحلیل او د اړوندو حقوقي موضوعاتو پېژندنه؛
• د نافذه قوانینو د اړوندو موادو سمه او روښانه تشریح؛
• د قضیې د پرمخ وړلو لپاره د مناسبې حقوقي ستراتیژۍ او پلان ټاکل؛
• موکل ته د قضیې د احتمالي حقوقي خطرونو او پایلو بیانول؛
• د قضیې د حل لپاره د بدیلو حقوقي لارو چارو وړاندې کول؛
• له موکل سره مسلکي، درناوی لرونکی او مسؤولانه چلند؛
• د وخت اغېزمن مدیریت او د حقوقي چارو پر وخت ترسره کول؛
• د موکل د اسنادو، معلوماتو او شواهدو د محرمیت ساتنه؛
• د رښتینولۍ، امانتدارۍ او مسلکي اخلاقو له لارې د موکل د باور ترلاسه کول.

د برنامې په دویمه برخه کې د موضوع د عملي درک او د محصلینو د مسلکي مهارتونو د پیاوړتیا په موخه د مدافع وکیل او موکل ترمنځ د اړیکو عملي تمثیل وړاندې شو. په دې برخه کې د لومړنۍ حقوقي مشورې، د قضیې د معلوماتو راټولولو او د حقوقي وضعیت د ارزونې بهیر په عملي بڼه تمثیل شو.

په عملي تمثیل کې څرګنده شوه چې مدافع وکیل باید موکل ته د خپلو خبرو د بیانولو مناسب فرصت برابر کړي، د هغه څرګندونې په دقت واوري، د قضیې د بشپړ وضاحت لپاره دقیقې او هدفمندې پوښتنې مطرح کړي او د اړوندو معلوماتو په راټولولو سره د قضیې ټول اړخونه وارزوي.

همدارنګه، د احتمالي تناقضونو د معلومولو، د مبهمو معلوماتو د روښانه کولو او د موکل د باور د ترلاسه کولو پر اهمیت ټینګار وشو. دغه راز، د حقوقي مشورې او استازولۍ پر مهال د درناوي، محرمیت، رښتینولۍ او مسلکي اخلاقو رعایت اړین وبلل شو.

د یادې علمي او عملي برنامې موخه د حقوقو څانګې د محصلینو د حقوقي پوهې پراختیا، د مسلکي اړیکو او حقوقي مشورې ورکولو د مهارتونو پیاوړتیا، د قضیو د تحلیل او معلوماتو راټولولو له عملي لارو سره د هغوی بلدتیا، او د نظري زده کړو او عملي تجربو ترمنځ د اړیکې پیاوړتیا وه.

د یادونې وړ ده چې د دغه ډول علمي او عملي برنامو جوړول د حقوقو محصلینو د مسلکي وړتیاوو په لوړولو، د حقوقي استازولۍ د اصولو په ښه درک او د راتلونکي مسلکي ژوند لپاره د هغوی په چمتو کولو کې مهم رول لري.

د نشراتو او ټولیزو اړیکو آمریت

التقوی؛ د یوه ډاډمن راتلونکي پر لور

د From Beginner to Programmer: Building Your Coding Skills تر سرلیک لاندې پنځه اوونیزه عملي روزنیزه برنامه پیل شوه!د الت...
20/10/2026

د From Beginner to Programmer: Building Your Coding Skills تر سرلیک لاندې پنځه اوونیزه عملي روزنیزه برنامه پیل شوه!

د التقوی پوهنتون د کمپیوټر ساینس پوهنځي له لوري، د مسلکي پرمختیا امریت په همکارۍ، د سافټویر انجینرۍ څانګې د لومړي سمستر محصلینو ته د پروګرام جوړونې د بنسټیزو او عملي مهارتونو د پیاوړتیا په موخه، د «From Beginner to Programmer: Building Your Coding Skills» تر سرلیک لاندې پنځه اوونیزه عملي روزنیزه برنامه پیل شوه.

یاده روزنیزه برنامه د قرآن کریم د مبارکو آیتونو په تلاوت سره پیل شوه. ورپسې، د پوهنتون د علمي چارو مرستیال، پوهنيار بختیار حليمي، د برنامې د پرانیستې په مراسمو کې وینا وکړه. نوموړي د محصلینو د علمي او مسلکي ودې په برخه کې د عملي زده‌کړو ارزښت مهم وباله او ټینګار یې وکړ چې نظري زده‌کړې هغه مهال لا اغېزمنې تمامېږي چې له عملي تمرینونو او تجربو سره مل وي. نوموړي همدارنګه ډاډ څرګند کړ چې التقوی پوهنتون به د محصلینو د علمي اړتیاوو او د معاصرې ټکنالوژۍ د غوښتنو په پام کې نیولو سره، د ورته عملي او مهارت‌محوره روزنیزو برنامو د پلي کولو لړۍ ته دوام ورکړي.

ورپسې، د کمپیوټر ساینس پوهنځي رئیس، استاد محمد صابر نیازی، د برنامې د موخو، محتوا او روزنیز بهیر په اړه محصلینو ته معلومات وړاندې کړل. نوموړي د پروګرام جوړونې په برخه کې د کوډ لیکلو، منطقي تفکر، مسئلې‌حلولو او عملي تمرینونو پر اهمیت خبرې وکړې او محصلین یې وهڅول چې د برنامې له روزنیزو فرصتونو څخه په اعظمي توګه ګټه واخلي.

د دې برنامې له لارې به محصلین وکولای شي چې د پروګرام جوړونې له بنسټیزو مفاهیمو سره بلدتیا پیدا کړي، د کوډ لیکلو لومړني مهارتونه ترلاسه کړي او خپله نظري پوهه د عملي تمرینونو او تجربو له لارې لا پیاوړې کړي.

د نشراتو او ټولیزو اړیکو آمریت

التقوی؛ د یوه ډاډمن راتلونکي پر لور

د کمپیوټر ساینس پوهنځي د لومړي سمستر محصلینو لپاره د ځانګړې روزنیزې برنامې دريم درس وړاندې شو!د التقوی پوهنتون د کمپیوټر...
17/10/2026

د کمپیوټر ساینس پوهنځي د لومړي سمستر محصلینو لپاره د ځانګړې روزنیزې برنامې دريم درس وړاندې شو!

د التقوی پوهنتون د کمپیوټر ساینس پوهنځي د لومړي سمستر محصلینو لپاره د (Essential IT & Programming Skills for Computer Science Students) تر سرلیک لاندې د شپږ اونیزې ځانګړې روزنیزې برنامې دريم درس وړاندې شو.

په دغه روزنیز پروګرام کې درېیم درس د کمپیوټر ساینس پوهنځي د استادانو، نامزد پوهنيار زین‌الله احمدزي او نامزد پوهنيار حیات ‌الله صافي، له لوري په عملي بڼه وړاندې شو. د دغه درس موخه د محصلینو د معلوماتي ټکنالوژۍ په برخه کې د بنسټیزو او عملي مهارتونو پیاوړتیا، د هغوی د مسلکي وړتیاوو لوړول او د زده‌کړو په بهیر کې د عملي مهارتونو د کچې ارتقا وه.

د دريم درس په ترڅ کې لاندې موضوعات په تفصیل سره تشریح او اړوند عملي تمرینونه ترسره شول:

• Advanced IP Camera Configuration and Management
• NVR & DVR Advanced Configuration
• CCTV Network Design and IP Addressing
• PoE Switch Configuration and Power Management
• Video Compression Technologies (H.264, H.265 & H.265+)
• Advanced CCTV Troubleshooting and Maintenance

یاده شپږ اونیزه روزنیزه برنامه د کمپیوټر ساینس پوهنځي او مسلکي پرمختیا آمریت (PDC) په ګډه همکارۍ ترسره کېږي، چې د محصلینو د عملي IT مهارتونو د پیاوړتیا، تخنیکي وړتیاوو د لوړولو او د مسلکي زده‌کړو د لا اغېزمنتیا په موخه به په راتلونکو اونیو کې هم دوام ولري.

د نشراتو او ټوليزو اړيکو امريت

التقوی؛ د یوه ډاډمن راتلونکي پر لور

د استادانو د ګمارنې خبرتیا!التقوی پوهنتون د وړ، مسلکي او با تجربه کار کوونکو د جذب او کار اهل کار ته د سپارلو په موخه، د...
14/10/2026

د استادانو د ګمارنې خبرتیا!

التقوی پوهنتون د وړ، مسلکي او با تجربه کار کوونکو د جذب او کار اهل کار ته د سپارلو په موخه، د ازادې سیالۍ له لارې لاندې کادري بستونه اعلان ته سپاري:

د بست عنوان: د اسلامي ثقافت څانګې استادان

د بستونو تعداد: درې (۳) بستونه

د اعلان نېټه: ۲۲/ میزان/۱۴۰۵ هـ ش

د اعلان د پای نېټه: ۲۷/میزان /۱۴۰۵ هـ ش

معاش: د پوهنتون د معاشاتو له کړنلارې سره سم.

د ګمارنې شرایط:

1. لږ تر لږه د دوکتورا یا ماسترۍ تر کچې لوړې زده کړې ولري.

2. که له هېواده بهر یې زده کړې کړې وي، تحصیلي اسناد یې باید د لوړو زده کړو محترم وزارت تائیدي ولري.

3. په اړونده برخه کې لږ تر لږه درې کاله کاري تجربه ولري.

4. د باصلاحیته محکمې له لوري په اخلاقي او جنايي جرمونو محکوم شوی نه وي.

5. د اداري چارو د سم پرمخ بېولو لپاره جسمي، فکري او رواني وړتیا ولري.

6. د هېواد په رسمي ژبو پوره حاکمیت ترڅنګ د انګلیسي ژبې سره بلدتیا ولري.

د اسنادو سپارلو تګلاره:

په شرایطو برابر نوماندان کولای شي، چې تر ټاکلې نېټې خپل تحصیلي اسناد او CV، په حضوري ډول د التقوی پوهنتون کار کوونکو چارو آمریت ته وسپاري او په غیرحضوري ډول یې د پوهنتون رسمي برېښنالیک [email protected] ته واستوي.

یادونه: د برېښنالیک په Subject کې د دندې عنوان لیکل حتمي دي.

پته: دویمه ناحیه، ګولایي عربان، د لغمان هډې عمومي سرک، ننګرهار – افغانستان

اړیکو شمېره: 0782676157

د نشراتو او ټوليزو اړيکو آمريت

التقوی پوهنتون

د ننګرهار ولایت عدلیې ریاست ته علمي سير ترسره شو!د التقوی پوهنتون د حقوقو او سیاسي علومو پوهنځي د حقوقو څانګې محصلینو، د...
14/10/2026

د ننګرهار ولایت عدلیې ریاست ته علمي سير ترسره شو!

د التقوی پوهنتون د حقوقو او سیاسي علومو پوهنځي د حقوقو څانګې محصلینو، د یادې څانګې د آمر او لارښود استاد، پوهنیار طارق‌الله ملکزي، په مشرۍ د ننګرهار ولایت عدلیې ریاست ته علمي سير ترسره کړ.

د دغه علمي سير په ترڅ کې د ننګرهار ولایت عدلیې ریاست له لوري د محصلینو لپاره علمي او معلوماتي سیمینار جوړ شوی و. سیمینار د قاري صاحب صداقت له خوا د قرآن کریم د مبارکو آیتونو په تلاوت سره پیل شو. ورپسې د عدلیې ریاست د مدافع وکیلانو امریت آمر، محمد اسلم صمیم، د التقوی پوهنتون محصلینو ته ښه راغلاست ووایه او د پوهنتون دغه علمي نوښت یې د محصلینو د علمي او مسلکي ظرفیت د لوړولو په برخه کې مهم او ګټور وباله.

ښاغلي صمیم د نظري زده کړو ترڅنګ د عملي زده کړو پر ارزښت رڼا واچوله او د عدلیې ریاست د فعالیتونو، مسؤلیتونو او بېلابېلو اړوندو شعبو په اړه یې محصلینو ته هر اړخیز معلومات وړاندې کړل.

ورپسې د التقوی پوهنتون په استازیتوب د حقوقو او سیاسي علومو پوهنځي د حقوقو څانګې آمر، پوهنیار طارق‌الله ملکزي، د ننګرهار ولایت عدلیې ریاست له مسؤلینو څخه د مننې ترڅنګ، د محصلینو د عملي زده کړو په برخه کې یې د هغوی همکاري او ملاتړ وستایه. نوموړي محصلینو ته سپارښتنه وکړه چې د سیمینار له وړاندې شویو معلوماتو او لارښوونو څخه په اغېزمنه توګه ګټه واخلي او خپلې ترلاسه کړې نظري زده کړې په عملي ډګر کې هم مشاهده او تجربه کړي.

د سیمینار له پای ته رسېدو وروسته، محصلینو د عدلیې ریاست د مسؤلینو په ملتیا د دغه ریاست له بېلابېلو څانګو او ادارو څخه لیدنه وکړه. په دې لړ کې یې د مدافع وکیلانو امریت، د انسجام امریت، قضایي امریت، د غصب د مخنیوي کمېسیون سکرتریت، د اسنادو د تصدیق مدیریت، مالي او اداري مدیریت او د معلوماتي ټکنالوژۍ (IT) امریت له نږدې ولیدل.

د یادو شعبو مسؤلینو محصلینو ته د خپلو کاري برخو، دندو او فعالیتونو په اړه معلومات وړاندې کړل او د هغوی پوښتنو ته یې لازم او قناعت‌بښونکي ځوابونه ورکړل.

د دغه علمي سير موخه د محصلینو د عملي زده کړو پیاوړتیا، له حقوقي او عدلي بنسټونو سره د هغوی د لا زیاتې بلدتیا رامنځته کول، د یادو بنسټونو د کاري بهیر له نږدې مشاهده کول او د پوهنتوني نظري زده کړو او عملي تجربو ترمنځ د اړیکې پیاوړتیا وه.

د نشراتو او ټوليزو اړيکو امريت

التقوی؛ د یوه ډاډمن راتلونکي پر لور

د کمپیوټر ساینس پوهنځي د سافټویر انجینرۍ څانګې اختصاصي کانکور ازموینه واخیستل شوه!التقوی پوهنتون له لورې د دولسمو ټولګيو...
09/10/2026

د کمپیوټر ساینس پوهنځي د سافټویر انجینرۍ څانګې اختصاصي کانکور ازموینه واخیستل شوه!

التقوی پوهنتون له لورې د دولسمو ټولګيو له فارغانو څخه د کمپيوټر ساينس پوهنځي د سافټوير انجينرۍ څانګې اختصاصي کانکور ازموينه د پوهنتون د رهبرۍ، د ننګرهار پوهنتون او امنيتي ارګانونو د څارونکو پلاوو په شتون کې واخيستل شوه.

د ازموینې د بهیر پر مهال د التقوی پوهنتون د علمي چارو مرستیال، پوهنیار بختیار حلیمي، د سافټویر انجینرۍ څانګې د اختصاصي کانکور ازموینې ګډونوالو ته د ښه راغلاست ترڅنګ، له دې امله وستایل چې د لوړو زده کړو د ترلاسه کولو په موخه یې التقوی پوهنتون د خپل علمي او تحصیلي سفر د پیل لپاره غوره کړی دی.

نوموړي د علم او زده کړو پر ارزښت او اړتیا هر اړخیزې خبرې وکړې، د ازموینې ګډونوال یې خپلو راتلونکو علمي او مسلکي مسؤلیتونو ته متوجه کړل او د زده کړو د بریالي بهیر لپاره یې یو لړ اړینې سپارښتنې ورسره شریکې کړې.

ښاغلي حلیمي خوښي څرګنده کړه چې التقوی پوهنتون د علمي او تحصیلي معیارونو له پلوه د پام وړ پرمختګ کړی او د محصلینو د اغېزمنې روزنې لپاره یې په خپل تشکیل کې د لوړو علمي رتبو او تحصیلي درجو لرونکي استادان، معیاري تحصیلي نصاب، مناسب تدریسي چاپېریال او اسانتیاوې، او د عملي زده کړو اغېزمن او ګټور مرکزونه او سیستمونه برابر کړي دي.

ورپسې، د ننګرهار پوهنتون د پلاوي په استازیتوب، د یاد پوهنتون د کیفیت لوړونې او اعتبار ساتنې آمر، پوهندوی حنیف‌الله باوري، د ازموینې ګډونوالو ته د وینا پر مهال سپارښتنه وکړه چې په راتلونکو څلورو کلونو کې خپلو زده‌کړو ته جدي پاملرنه وکړي؛ ځکه، د نوموړي په وینا، هېواد په اوسنیو شرایطو کې مسلکي، وړ او متخصص کاري ځواک ته تر بل هر وخت ډېره اړتیا لري او د ازموينې ګډونوالو ته يې د ازموينې د شفافيت په اړه بشپړ ډاډ ورکړ.

ورپسې د التقوی پوهنتون د محصلانو چارو مرستيال محمد يعقوب خپلواک د ازموينې د پروسې څرنګوالي، د پايلو د اعلان او کتلو او د سمستر د پيل په اړه له نوماندانو سره بشپړ معلومات شريک کړل.

په پای کې د پوهنتون د رهبرۍ، د ننګرهار پوهنتون او امنيتي ارګانونو د پلاوي او د ازموينې د ګډونوالو د استازو په شتون کې د پوښتنو صندوق پرانيستل شو او ازموينه پيل شوه.

د نشراتو او ټوليزو اړيکو امريت

التقوی؛ د یوه ډاډمن راتلونکي پر لور

سبا، د جمعې په ورځ هم د نومليکنې فرصت لرئ!که مو تر اوسه د اختصاصي کانکور ازموینې لپاره نوم‌لیکنه نه وي کړې، نو اندېښنه م...
08/10/2026

سبا، د جمعې په ورځ هم د نومليکنې فرصت لرئ!

که مو تر اوسه د اختصاصي کانکور ازموینې لپاره نوم‌لیکنه نه وي کړې، نو اندېښنه مه کوئ؛ سبا د جمعې په ورځ، د ازموینې تر پیلېدو مخکې هم کولی شئ خپله نوم‌لیکنه بشپړه کړئ.

اختصاصي کانکور ازموینه د روان ۱۴۰۵ هـ ش کال د ميزان میاشتې په ( ۱۷ ) مه نېټه د جمعې په ورځ اخیستل کېږي.

نوم لیکنه هره ورځ د سهار له ۸:۰۰ بجو څخه د ماښام تر ۵:۰۰ بجو پورې جریان لري...!

ادرس: عربانو ګولایي، لغمان هډې ته غزېدلی سړک، دویمه ناحیه، جلال اباد ښار- ننګرهار، افغانستان

د اړیکو شميرې: 0774294461 - 0783287788

التقوی؛ د یوه ډاډمن راتلونکي پر لور

د کمپیوټر ساینس پوهنځي د لومړي سمستر محصلینو لپاره د ځانګړې روزنیزې برنامې دويم درس وړاندې شو!د التقوی پوهنتون د کمپیوټر...
08/10/2026

د کمپیوټر ساینس پوهنځي د لومړي سمستر محصلینو لپاره د ځانګړې روزنیزې برنامې دويم درس وړاندې شو!

د التقوی پوهنتون د کمپیوټر ساینس پوهنځي د لومړي سمستر محصلینو لپاره د (Essential IT & Programming Skills for Computer Science Students) تر سرلیک لاندې د شپږ اونیزې ځانګړې روزنیزې برنامې دويم درس وړاندې شو.

په دې روزنیز پروګرام کې دويم درس د کمپیوټر ساینس پوهنځي رئیس، استاد محمد صابر نیازی، له لوري په عملي بڼه وړاندې شو، چې موخه یې د محصلینو د بنسټیزو او عملي معلوماتي ټکنالوژۍ مهارتونو پیاوړتیا او د هغوی د مسلکي وړتیاوو لوړول دي.

د دويم درس په ترڅ کې لاندې موضوعات په تفصیل سره تشریح او اړوند عملي تمرینونه ترسره شول:

• Advanced PBX Telephone Systems
• Call Routing & Dial Plans
• Voicemail & Call Recording
• PBX Networking & Security
• PBX Integration & Automation
• Troubleshooting & System Maintenance

یاده شپږ اونیزه روزنیزه برنامه د کمپیوټر ساینس پوهنځي او مسلکي پرمختیا آمریت (PDC) په ګډه همکارۍ ترسره کېږي، چې د محصلینو د عملي IT مهارتونو د پیاوړتیا، تخنیکي وړتیاوو د لوړولو او د مسلکي زده‌کړو د لا اغېزمنتیا په موخه به په راتلونکو اونیو کې هم دوام ولري.

د نشراتو او ټوليزو اړيکو امريت

التقوی؛ د یوه ډاډمن راتلونکي پر لور

يوازې يوه ورځ تر کانکور ازموينې!که تر اوسه مو نومليکنه نه وي کړی، نو بيړه وکړئ، فرصت له لاسه مه ورکوئ. همدا اوس د التقوی...
08/10/2026

يوازې يوه ورځ تر کانکور ازموينې!

که تر اوسه مو نومليکنه نه وي کړی، نو بيړه وکړئ، فرصت له لاسه مه ورکوئ. همدا اوس د التقوی پوهنتون د معلوماتو څانګې ته مراجعه وکړئ او د کانکور ازموينې لپاره خپله نومليکنه بشپړه کړئ.

اختصاصي کانکور ازموینه د روان ۱۴۰۵ هـ ش کال د ميزان میاشتې په ( ۱۷ ) مه نېټه د جمعې په ورځ اخیستل کېږي.

نوم لیکنه هره ورځ د سهار له ۸:۰۰ بجو څخه د ماښام تر ۵:۰۰ بجو پورې جریان لري...!

ادرس: عربانو ګولایي، لغمان هډې ته غزېدلی سړک، دویمه ناحیه، جلال اباد ښار- ننګرهار، افغانستان

د اړیکو شميرې: 0774294461 - 0783287788

التقوی؛ د یوه ډاډمن راتلونکي پر لور

د پایلیک (مونوګراف) د نوي لارښود په اړه د پوهاوي سیمینار ترسره شو!د التقوی پوهنتون د حقوقو او سیاسي علومو پوهنځي له لوري...
07/10/2026

د پایلیک (مونوګراف) د نوي لارښود په اړه د پوهاوي سیمینار ترسره شو!

د التقوی پوهنتون د حقوقو او سیاسي علومو پوهنځي له لوري، د مسلکي پرمختيا مرکز په همکارۍ، محصلینو ته د پایلیک (مونوګراف) د نوي لارښود د لا ښه پېژندنې او د هغه د علمي اصولو او معیارونو په اړه د پوهاوي لوړولو په موخه، پوهاوییز سیمینار ترسره شو.

یاد سیمینار د قاري اجرالدین له لوري د قرآن کریم د مبارکو آیتونو په تلاوت سره پیل شو. ورپسې د حقوقو او سیاسي علومو پوهنځي رئیس، محمد ادریس سباوون، د سیمینار د پرانیستې وینا وکړه. نوموړي په خپلو خبرو کې د پایلیک د علمي او معیاري لیکنې پر اهمیت، د څېړنیزو اصولو پر رعایت او د نوي لارښود د احکامو پر سم او اغېزمن تطبیق خبرې وکړې او ګډونوالو ته یې لازمې لارښوونې وړاندې کړې.

وروسته د پوهنځي رئیس د نوي لارښود پر بنسټ د پایلیک د لیکلو اړوند مهم او اساسي موارد په تفصیل سره تشریح کړل. په دې برخه کې د مناسب علمي عنوان د ټاکلو، د موضوع د ثبت او تأیید د مراحلو، د پروپوزل د ترتیب او لیکلو، د علمي او معتبرو سرچینو د راټولولو، د مأخذونو د معیاري تنظیم، د مطالبو د منظم ترتیب او د پایلیک د لیکنې له نورو اړینو علمي او تخنیکي اصولو سره د محصلینو د لا ښه بلدتیا په موخه هر اړخیز معلومات وړاندې شول.

د سیمینار په وروستۍ برخه کې محصلینو خپلې پوښتنې، ستونزې او ابهامات مطرح کړل، چې د پوهنځي رئیس له لوري ورته لازم، واضح او قناعت‌بښونکي ځوابونه وړاندې شول.

ياد سيمينار د محصلینو د علمي او څېړنیزو وړتیاوو د پیاوړتیا، د پایلیک د معیاري لیکنې په اړه د هغوی د پوهې د لوړولو او د علمي څېړنې په برخه کې د لا ښه عملي چمتووالي په موخه ترسره شوه.

سيمينار د دعايي په ويلو سره پای ته ورسېد.

د نشراتو او ټوليزو اړيکو امريت

التقوی؛ د یوه ډاډمن راتلونکي پر لور

Address


Telephone

+93777323368

Website

Alerts

Be the first to know and let us send you an email when Al-Taqwa Institute of Higher Education posts news and promotions. Your email address will not be used for any other purpose, and you can unsubscribe at any time.

Contact The University

Send a message to Al-Taqwa Institute of Higher Education:

Shortcuts

  • Want your university to be the top-listed university?

Share