ALFALAH UNIVERSITY الفلاح پوهنتون

ALFALAH UNIVERSITY الفلاح پوهنتون University With a commitment to academic excellence and continuous improvement, we empower our students to excel in their professional and academic pursuits.
(2)

Unlock Your Potential with Alfalah University:

At Alfalah University (AU), we believe education is the cornerstone of progress and innovation in a rapidly changing world. Undergraduate Programs:
Explore our diverse range of bachelor's Degrees designed to prepare you for the demands of the modern workforce:

- Civil Engineering
- Business Administration
- Economics
- Journalism
- Law
- Computer Sc

ience

Postgraduate Excellence:
Take your academic journey to the next level with our master's Programs:

- MPhil in International Law
- MPhil in Tafseer & Hadith

At Alfalah University, we are dedicated to shaping future leaders by providing cutting-edge education and fostering a culture of innovation, critical thinking, and excellence. Join AU Today:

Be part of a thriving academic community that inspires growth, nurtures talent, and opens doors to limitless opportunities. Let us help you achieve your dreams and make a meaningful impact on the world.

د نړیوالو بشر دوستانه حقوقو د تطبیق حقوقي او سیاسي خنډونو په اړه علمي سمینار ترسره شود الفلاح پوهنتون، د حقوق او سیاسي ع...
20/05/2026

د نړیوالو بشر دوستانه حقوقو د تطبیق حقوقي او سیاسي خنډونو په اړه علمي سمینار ترسره شو

د الفلاح پوهنتون، د حقوق او سیاسي علومو پوهنځي محصلانو ته د اضافه نصابي فعالیتونو په لړ کې « د نړیوالو بشر دوستانه حقوقو د تطبیق حقوقي او سیاسي خنډونه» تر سرلیک لاندې علمي سمینار د استاد، پوهنیار مرحمت جلال له خوا وړاندې شو.

د پیل وینا کې د حقوق او سیاسي علومو پوهنځي رئیس: شمس الهدا شمس په اوسني عصر کې د یادې موضوع پر اهمیت لنډې خبرې وکړي. نوموړي دغه شان برنامې د محصلانو د ظرفیت لوړونې په برخه کې اغیزمنې وګڼلې.

د سمینار وړاندې کوونکي استاد، پوهنیار مرحمت جلال د موضوع اهمیت او موخې، د نړیوالو بشردوستانه حقوقو پیژندنې او تاریخچې، د سیاسي او حقوقي خنډونو او د عملیاتي او عصري ننګونو په اړه تفصیلي معلومات شریک کړل. همدارنګه د موضوع په تړاو د محصلانو او ښاغلي جلال تر منځ ازاد بحث ترسره، پوښتنې مطرح او ځواب شوې.

د عامه اړیکو او نشراتو امریت.

د حقوقي عریضې، دفع دعوې او صورت دعوې لیکنې په اړه علمي سمینار ترسره شود الفلاح پوهنتون د حقوقي کلینیک له لوري د حقوقو او...
19/05/2026

د حقوقي عریضې، دفع دعوې او صورت دعوې لیکنې په اړه علمي سمینار ترسره شو

د الفلاح پوهنتون د حقوقي کلینیک له لوري د حقوقو او سیاسي علومو او شرعیاتو پوهنځیو محصلانو ته د «حقوقي عریضې، دفع دعوې او صورت دعوې لیکنې» په اړه علمي سمینار د حقوقي کلینیک آمر او استاد حاجي حاکم مشفق او د حقوقو پوهنځي استاد، پوهنیار شاه محمود احساس له خوا وړاندې شو.
په دغه سمینار کې ښاغلي مشفق د حقوقي عریضې پېژندنې، اهدافو، محتویاتو، شرطونو، د عریضه لیکونکي ځانګړنو، د عریضو ډولونو، د حقوقي ادارو دندو او مسؤولیتونو، د صکوکو د نمبر د ګټو او د عریضې د متن په اړه تفصیلي معلومات شریک کړل.
ورپسې ښاغلي احساس محصلانو ته د صورت دعوې او دفع دعوې پېژندنه او د لیکلو طریقې تشریح کړې. همدارنګه نوموړي د دعوې د اقسامو، د دعوې د ډولونو، د صورت دعوې او دفع دعوې د لیکلو عملي طرز، عمومي او اختصاصي شرایطو، د دعوې متن، د مطالبې حق او مجازاتو په اړه مفصل معلومات له عملي بېلګو سره وړاندې کړل.
د موضوع د لا ښه پوهاوي په موخه، اړوند اسناد هم په عملي ډول محصلانو ته وښودل شول.

د عامه اړیکو او نشراتو آمریت.

د میراث عملي وېش په اړه علمي سمینار ترسره شود الفلاح پوهنتون د حقوقو او سیاسي علومو پوهنځي محصلانو ته د استاد نور محمد ح...
19/05/2026

د میراث عملي وېش په اړه علمي سمینار ترسره شو

د الفلاح پوهنتون د حقوقو او سیاسي علومو پوهنځي محصلانو ته د استاد نور محمد حماد له خوا د «میراث عملي وېش» تر عنوان لاندې علمي سمینار وړاندې شو.
د سمینار د پرانیستې وینا پر مهال د حقوقو او سیاسي علومو پوهنځي رئیس، شمس الهدا شمس په خپلو خبرو کې د میراث له امله د رامنځته کېدونکو ستونزو په اړه خبرې وکړې. نوموړي یادونه وکړه چې د دغه ډول سمینارونو له لارې محصلان په عملي ډګر کې له ستونزو سره نه مخامخ کېږي.
د سمینار وړاندې کوونکي استاد؛ نور محمد حماد، د موضوع پېژندنه وکړه او په میراث کې د فرضي برخو د خاوندانو د برخو؛ د مېړه میراث، د ښځې میراث، د پلار میراث، د مور میراث، د صلبي لور میراث، د زوی د لور میراث، د مورني ورور او خور میراث، د پلرني او مورني ورور او خور میراث، د پلرنۍ خور میراث، د نیکه میراث او د نیا د میراث عملي وېش په اړه یې تفصیلي معلومات وړاندې کړل.
همدارنګه، نوموړي د عصباتو او د هغو د ډولونو په اړه هم هر اړخیز معلومات شریک کړل.
د برنامې په جریان کې د ګډونوالو محصلانو او ښاغلي حماد ترمنځ د موضوع اړوند ازاد بحث ترسره، پوښتنې مطرح او ځواب شوې.

د عامه اړیکو او نشراتو آمریت

د انجینري پروژو د تطبیق مرحلو په اړه علمي سمینار ترسره شود الفلاح پوهنتون، انجینري پوهنځي سیول څانګې محصلانو ته د استاد،...
18/05/2026

د انجینري پروژو د تطبیق مرحلو په اړه علمي سمینار ترسره شو

د الفلاح پوهنتون، انجینري پوهنځي سیول څانګې محصلانو ته د استاد، انجینر شاه مسعود مخلص له خوا « په افغانستان کې د انجینري پروژو د تطبیق مرحلې» تر سرلیک لاندې علمي سمنیار وړاندې شو.

د سمینار د پیل خبرو کې د سیول څانګې امر، انجینر عزت الله لطیفي د موضوع ارزښت ته اشاره وکړه او زیاته کړه، چې دغه شان برنامې د محصلانو د علمي ودې او پرمختګ لپاره ډېرې ارزښتمندې تمامیږي.

په دغه سمینار کې ښاغلي مخلص محصلانو ته د موضوع پیژندنې، د امکان سنجونې مطالعه، سروې او ډيزاین، د بودیجې او مالي سرچینو تثبیت، د ساحې سپارل، د پروژې تطبیق، نظارت او د کیفیت کنټرول، د پروژې ارزونه او راپور ورکول، ابتدايي تسلیمي، د تضمین مودې، نهايي تسلیمي او د تصفیې حساب په اړه هر اړخیز معلومات له عملي بیلګو سره یو ځای وړاندې کړل. همدارنګه د سمینار پر مهال د موضوع اړوند ازاد بحث ترسره، پوښتنې مطرح او ځواب شوې.

د عامه اړیکو او نشراتو امریت.

د خاورې د کثافت معلومولو په اړه لابراتواري تطبیقات ترسره شود الفلاح پوهنتون، انجینري پوهنځي د سیول څانګې ماښام دورې شپږ...
17/05/2026

د خاورې د کثافت معلومولو په اړه لابراتواري تطبیقات ترسره شو

د الفلاح پوهنتون، انجینري پوهنځي د سیول څانګې ماښام دورې شپږم سمستر محصلانو ته د استاد، نوماند پوهنيار ذاهدالله مومند په لارښوونه د خاورې د اعظمي وچ کثافت (Maximum Dry Density) ازمایښت د پوهنتون په څېړنیز مرکز او د ساختماني موادو ازمایښت لابراتوار کې ترسره شو.

د یاد ازمایښت پر مهال ښاغلي مومند محصلانو ته هر اړخیز معلومات وړاندې کړل. ورپسې د لابراتوار تخنیکي مسؤول، انجینر محمد جعفر ملکزي، نوموړی ازمایښت په عملي ډول ترسره کړ. همدارنګه د محصلانو له لوري مطرح شوې پوښتنې يې هم ځواب کړې.

د یاد ازمایښت موخه د خاورې د اعظمي وچ کثافت او مناسب رطوبت معلومول دي، څو د ساختماني پروژو لپاره د خاورې د مناسب کمپکشن، استحکام او بار وړلو وړتیا ارزونه وشي. دغه ازمایښت د سړکونو، ودانیو او نورو ساختماني بنسټونو د کیفیت او دوام په ښه والي کې مهم رول لري.

د عامه اړیکو او نشراتو امریت.

د انجینري پوهنځي محصلانو د عملي کار په موخه ساحوي کتنه وکړهد الفلاح پوهنتون، انجینري پوهنځي د سیول څانګې سهار او ماښام ...
17/05/2026

د انجینري پوهنځي محصلانو د عملي کار په موخه ساحوي کتنه وکړه

د الفلاح پوهنتون، انجینري پوهنځي د سیول څانګې سهار او ماښام دورو څلورم سمستر محصلانو د استاد غنچه ګل بهار په لارښوونه د سروې II مضمون اړوند « د رهایشي ودانۍ ترتیب شوې پلان خط اندازي او تطبیق» په موخه د جلال اباد ښار اړوند فارم هاډې سیمې ته ساحوي سفر وکړ.

په لومړي سر کې ښاغلي بهار محصلانو ته د رهایشي ودانیو د پلان، خط اندازۍ او د هغې د تطبیق په اړه تفصیلي معلومات شریک کړل. ورپسې د ښاغلي بهار تر لارښوونې لاندې محصلانو په عملي توګه د یوې راهایشي ودانۍ خط اندازي وکړه. همدارنګه د یاد عملي کار پر مهال د محصلانو هغه پوښتنې چې د نظري زده کړو پر مهال ورسره مخ شوي هم ځواب شوې.

د عامه اړیکو او نشراتو امریت.

د ۱۴۰۵ لمریز کال پسرلنۍ مشاعره ترسره شوهد الفلاح پوهنتون د فرهنګي چارو د اصلي کمېټې له لوري د ۱۴۰۵ لمریز کال په جریان کې...
16/05/2026

د ۱۴۰۵ لمریز کال پسرلنۍ مشاعره ترسره شوه

د الفلاح پوهنتون د فرهنګي چارو د اصلي کمېټې له لوري د ۱۴۰۵ لمریز کال په جریان کې پوهنتون ‌شموله پسرلنۍ مشاعره ترسره شوه، چې د پوهنتون رئیس، د علمي شورا استازو، استادانو او محصلانو پکې ګډون کړی و.

د مشاعرې په پیل کې د پوهنتون رئیس، ډاکټر سید معشوق سادات د مشاعرې د اهمیت او ارزښت په اړه لنډې خبرې وکړې. نوموړي وویل، چې دا ډول فرهنګي برنامې د محصلانو د فکري ودې، ادبي استعدادونو د غوړېدو او سالمې تفریح لپاره مهم رول لري او له همدې لارې د محصلانو پټ استعدادونه رابرسېره کېږي.
دغه مشاعره د محصلانو د سالمې تفریح په موخه جوړه شوې وه، چې برحاله محصلانو سربیره پکې فارغ شویو محصلانو، اسرار الله حسنزي او نجیب الله فاروقزي هم خپل انتخاب کړي شعرونه، نظمونه، غزلې او ترنمونه وړاندې کړل.
د یادونې وړ ده، چې مشاعرې په پښتو ادب کې ځانګړی ارزښت لري او د پښتو ژبې او کلتور د ساتنې لپاره خورا مهمې بلل کېږي. همدارنګه مشاعرې د فکر، احساس، ژبې او فرهنګ د ودې ستر مرکز ګڼل کېږي.

د عامه اړیکو او نشراتو آمریت.

د CV او Cover Letter لیکلو په اړه معلوماتي سمینار ترسره شود الفلاح پوهنتون، د کارموندنې او مشوره ورکونې مدیریت او بهرنیو...
16/05/2026

د CV او Cover Letter لیکلو په اړه معلوماتي سمینار ترسره شو

د الفلاح پوهنتون، د کارموندنې او مشوره ورکونې مدیریت او بهرنیو ژبو او مسلکي پرمختیا امریت په ګډه همغږۍ د پوهنتون اتم سمستر محصلانو ته « د CV او Cover Letter لیکلو طریقه » تر سرلیک لاندې معلوماتي سمینار د اقتصاد پوهنځي استاد نعمت الله موسی زي له خوا وړاندې شو.

د پرانیستې وینا پر مهال د محصلانو چارو مرستیال: ذبیح الله شینواري د اغیزمنې او مسلکي CV پر اهمیت او ارزښت لندې خبرې وکړې. نوموړي محصلان وهڅول، څو په دغه شان برنامو کې فعاله ګډون وکړي او له لارې خپل ظرفیتونه پیاوړي کړي.

ښاغلي موسی زي د سمینار په جریان کې د CV پیژندنې، د CV او Resume تر منځ توپیرونو، د CV لیکلنې اساسي اصول، د CV لیکنې فارمیټ او د Cover Letter لیکلو تخنیکونه؛ د لیکنې هدف او جوړښت په اړه يې تفصیلي معلومات شریک کړل. همدارنګه د سمینار پر مهال يې محصلانو سره د موضوع په تړاو ازاد بحث ترسره پوښتنې مطرح او ځواب کړې.

د عامه اړیکو او نشراتو امریت.

د اتربرګ حدوداتو په اړه لابراتواري تطبیقات ترسره شود انجینري پوهنځي، سیول څانګې سهار دورې شپږم سمستر محصلانو ته د عملي ک...
16/05/2026

د اتربرګ حدوداتو په اړه لابراتواري تطبیقات ترسره شو

د انجینري پوهنځي، سیول څانګې سهار دورې شپږم سمستر محصلانو ته د عملي کار په موخه د اتربرګ حدودات (Plasticity Index) ټیسټ د استاد، انجینر ذاهد الله مومند په لارښونه د الفلاح پوهنتون په څېړنیز مرکز او ساختماني موادو ازمایښت لابراتوار کې ترسره شو.

د تطبيقاتو په لومړي سر کې لارښود استاد، ښاغلي مومند محصلانو ته د نوموړي ازمایښت په اړه هر اړخیز معلومات وړاندې کړل. ورپسې د یاد څېړنیز مرکز تخنیکي مسؤل: انجینر محمد جعفر ملکزي (Plasticity Index) ازمایښت په عملي توګه ترسره او د تطبیقاتو پر مهال يې د محصلانو مطرح شوې پوښتنې هم ځواب کړې.

د عامه اړیکو او نشراتو امریت.

د نړیوالو حقوقو ماسټرۍ برنامې محصلانو حقوقي تمثیل ترسره کړد الفلاح پوهنتون، د فوق لیسانس برنامو امریت له لوري د نړیوالو ...
13/05/2026

د نړیوالو حقوقو ماسټرۍ برنامې محصلانو حقوقي تمثیل ترسره کړ

د الفلاح پوهنتون، د فوق لیسانس برنامو امریت له لوري د نړیوالو حقوق ماسټرۍ برنامې محصلانو « د ګلوبل ټیک او اینوټیک شرکتونو تر منځ د قرارداد دعوې» تر سرلیک لاندې حقوقي تمثیل د پوهاند احمد ګل واثق په لارښوونه او د ژوري هئیت په حضور کې ترسره کړ.

په دغه تمثیل کې محصلان په دوه ګروپونو ویشل شوي و. هر ګروپ خپل حقوقي تحلیل، د نړیوالو قوانینو تطبیق، مقایسوي حقوقي څېړنه او عملي حل لارې د ژوري هیئت مخې ته وړاندې کړې. د ژوري هئیت له لوري د ارزونې بهیر د ځانګړي فورم له مخې ترسره شو، چې پکې د حقوقي اصطلاحاتو درسته کارونه، د نړیوالو قوانینو تحلیل، د قضیې حقوقي استدلال، د راپور علمي ترتیب، د ماخذونو استعمال، د پریزنټېشن کیفیت او د سوالونو ځوابول شامل وو.
د ژوري هیئت غړو د هر محصل او ګروپ فعالیت په جلا ډول و ارزول او د ډېرو نمرو پر بنسټ یې دویم ګروپ ګټونکی اعلان کړ.

د عامه اړیکو او نشراتو امریت.

د انجینري پوهنځي محصلانو د اوبو رسونې ریاست څخه لیدنه وکړهد الفلاح پوهنتون، انجینري پوهنځي سیول څانګې سهار دورې اووم سمس...
12/05/2026

د انجینري پوهنځي محصلانو د اوبو رسونې ریاست څخه لیدنه وکړه

د الفلاح پوهنتون، انجینري پوهنځي سیول څانګې سهار دورې اووم سمستر محصلانو، د استاد ګلاب جان شینواري په لارښوونه، د ساحوي کتنې پر مهال د جلال‌ اباد ښار د اوبو رسونې ریاست څخه لیدنه وکړه.
په دې ساحوي کتنه کې د لارښود استاد او اړوند ریاست د استازو له لوري محصلانو ته د اوبو برخې د معلوماتو راټولولو پروسیجر او د ډیټا اخیستنې او ساتنې په اړه تفصیلي معلومات وړاندې شول. همدارنګه، د یادې کتنې پر مهال محصلانو د نوموړي ریاست له بېلابېلو څانګو، امکاناتو او موجوده تجهیزاتو څخه له نږدې لیدنه وکړه.
محصلانو د یاد ریاست د ورځنیو چارو او وسایلو په اړه بېلابېلې پوښتنې مطرح کړې، چې د لارښود استاد او د ریاست د مسؤلینو له خوا ورته ځوابونه وویل شو.

د عامه اړیکو او نشراتو امریت

Address

Shaheed Abdul Qadir Street, Majboor Abad Oppossit 14th Water Pump
Jalalabad
25000

Opening Hours

Monday 06:00 - 20:00
Tuesday 06:00 - 20:00
Wednesday 06:00 - 20:00
Saturday 06:00 - 20:00
Sunday 06:00 - 20:00

Telephone

+93786888870

Website

Alerts

Be the first to know and let us send you an email when ALFALAH UNIVERSITY الفلاح پوهنتون posts news and promotions. Your email address will not be used for any other purpose, and you can unsubscribe at any time.

Contact The University

Send a message to ALFALAH UNIVERSITY الفلاح پوهنتون:

Shortcuts

Share

Category