Nangarhar University

28/09/2026

27/09/2026

قراردادي خبرتیا!
د ننګرهار پوهنتون ریاست له ټولو هغو امارتي او خصوصي شرکتونو څخه چې په شرایطو برابر وي، غوښتنه کوي چې د ننګرهار پوهنتون کرنې او وترنري علومو پوهنځیو د تحقیقاتي فارمونو لپاره د اړتیا وړ لوازمو د داوطلبۍ په پروسه کې ګډون وکړي.
داوطلب شرکتونه دې د ټاکل شوې شرطپاڼې کاپي د ننګرهار پوهنتون تدارکاتو امریت څخه چې د جلال اباد ښار په اوومه ناحیه، کابل – جلال اباد لویې لارې درونټې سیمه کې موقعیت لري ترلاسه کړي.
د داوطلبۍ غونډه کې ګډون کوونکي دې د اعلان د خپرېدو له نېټې څخه د لسو (۱۰) کاري ورځو په موده کې خپل وړاندیز (آفر) د شرطپاڼې، تدارکاتو قانون او نافذو طرزالعملونو له شرایطو سره سم مهر او بند (سربسته) د ننګرهار پوهنتون د تدارکاتو امریت ته وسپاري.
یادښت:
- د وړاندیزونو (آفرونو) د پرانیستې غونډه به د اعلان خپرېدو له نېټې وروسته په یوولسمه (۱۱مه) کاري ورځ د سهار په ۱۰:۰۰ بجو د ننګرهار پوهنتون ریاست مقام د غونډو په تالار کې ترسره شي.
- هغه وړاندیزونه (آفرونه) چې له ټاکلې نېټې وروسته ورسېږي یا د انټرنېټ له لارې استول شوي وي، د منلو وړ نه دي.
درنښت
د ننګرهار پوهنتون اداره

22/09/2026

د پنځه میلیونه افغانیو په ارزښت د جوزجان پوهنتون برېښنا شبکې د بیارغونې او ارتقا پروژې چارې پیل شوې
په دغه پروژه کې د زړو او خرابو پایو او لینونو پر ځای د نویو او معیاري پایو او لینونو وصل کول او له ۲۵۰ څخه ۴۰۰ کیلو واټه برېښنا ته د ترانسمېټر ارتقا شامله ده، چې په دې سره به د جوزجان پوهنتون د برېښنا ظرفیت له ۶ زره څخه ۲۰ زره میګاواټه ته پورته او د پوهنتون ستونزې به ورسره حل شي.
د یادونې وړ ده چې د دغې پروژې مالي لګښت د لوړو زده کړو وزارت له بودیجې ورکول کېږي.
ــــــــــــــــــــــــــــــــــــــــــــــــــــــــــــــــــــــــــــــــ
کار پروژه بازسازی و ارتقای شبکه برق پوهنتون جوزجان به ارزش پنج میلیون افغانی آغاز شد
این پروژه شامل تعویض پایه‌ها و لین‌های فرسوده و خراب با پایه‌ها و لین‌های جدید و معیاری و ارتقای ترانسفارمر از ۲۵۰ به ۴۰۰ کیلووات می‌باشد که با تکمیل این پروژه، ظرفیت برق پوهنتون جوزجان از ۶ هزار به ۲۰ هزار میگاوات افزایش یافته و مشکلات برق این پوهنتون برطرف خواهد شد.
قابل یادآوری است که هزینه مالی این پروژه از بودجه وزارت تحصیلات عالی پرداخت می ‌شود.
ــــــــــــــــــــــــــــــــــــــــــــــــــــــــــــــــــــــــــــــ
Five-Million-Afghanis Power Network Upgrade Project Begins at Jawzjan University
The project includes replacing old and damaged power poles and lines with new, standard ones, as well as upgrading the transformer from 250 to 400 kilowatts. This will increase Jawzjan University’s electricity capacity from 6,000 to 20,000 megawatts and help resolve the university’s power-related problems.
It should not be left untold that the project is funded by the Ministry of Higher Education.

21/09/2026

د ننګرهار پوهنتون کمېټو او مستقلو آمریتونو مسؤلینو ته د کیفیت لوړاوي او اعتبار ساتنې د ۱۱ ګونو معیارونو د تشریح ورکشاپ پیل شو.

د ننګرهار پوهنتون علمي چارو معاونیت په نوښت د کیفیت لوړاوي او اعتبار ساتنې آمریت او مسلکي زده کړو پرمختیايي مرکز په ګډو هڅو د دې پوهنتون د کمېټو او مستقلو آمریتونو (۲۵) تنو مسؤلینو ته د کیفیت لوړاوي او اعتبار ساتنې د یوولس‌ګونو معیارونو د تشریح، تفسیر او تطبیق په اړه دوه ورځنی ورکشاپ پیل شو.

په دغه ورکشاپ کې به ګډونوالو ته د کیفیت لوړاوي او اعتبار ساتنې یوولس‌ګونه معیارونه، د هر معیار اړوند اساسي شاخصونه او د بېلابېلو څانګو د ارزونې چک‌ لېستونه په تفصیل سره تشریح او د معیارونو د پلي کېدو، مستندسازۍ او د ارزونې د بهیر اغېزناک مدیریت په هکله لازم معلومات وړاندې شي.

د ننګرهار پوهنتون د علمي چارو مرستیال پوهنیار م.ولوي حبیب الله احمدي او د کیفیت لوړاوي او اعتبار ساتنې آمر پوهندوی حنیف الله باوري د ورکشاپ ګډونوالو ته په خبرو کې د کیفیت لوړاوي د مواردو تعقیب او اجرااتو ارزښت او ښه تطبیق ته یې د مسؤلینو توجه په اهمیت خبرې وکړې.

نوموړو وویل، جوړ شوی ورکشاپ د ارزونې لپاره د اسنادو برابرولو، د پوهنتون علمي او اداري فعالیتونو تنظیم، نیمګړتیاوو تشخیص او د چارو د لا ښه والي لپاره ډېر مهم دی.

د ورکشاپ روزونکي استاد او د وترنري علومو پوهنځي رئیس پوهنوال رضوان الله ممله وال به د موضوع اړوند معلومات او موضوعات په تفصیلي توګه ارایه او د ګډونوالو پوښتنې ځواب کړي.

سرچینه: د نشراتو او عامه اړیکو امریت

20/09/2026

ننګرهار پوهنتون کې له ۳۸ اړمنو محصلینو سره مالي مرسته وشوه.

ختیځ کې د (ایچ ایچ ار ډي) خیریه مؤسسې د ننګرهار، لغمان او یو شمېر خصوصي پوهنتونونو له ۳۸ تنو اړمنو محصلینو سره پوهنتون ته د تګ راتګ او ترانسپورټي لګښتونو په موخه د درېیو میاشتو لپاره مالي مرسته وکړه.

د مسؤلینو په وینا، د دې مالي ملاتړ او مرستې له کبله به د یادو محصلینو اقتصادي ستونزې او اړتیاوې تر یوه بریده راکمې شي.

یاده نغدي مرسته د ننګرهار پوهنتون د محصلانو خدمتونو او همغږۍ امریت کې محصلینو ته وسپارل شوه.

د ننګرهار پوهنتون د محصلانو خدمتونو او همغږۍ آمر قاري بشیر احمد احمدي په خپلو خبرو کې د دې مرستې هرکلی وکړ او ویې ویل، د اړمنو محصلینو لاسنیوی د هغوی د زده‌کړو د دوام لپاره مهم دی؛ ځکه ډېری محصلین د اقتصادي ستونزو له امله له بېلابېلو ننګونو سره مخ وي او دا ډول مرستې کولای شي د هغوی د ورځنیو مصارفو یوه برخه پوره کړي.

د مرسته کوونکې مؤسسې د زده کړو ملاتړ پروګرام مسؤل محمد ابراهیم مسعودي وویل، په زده کړه ییز بهیر کې د محصلینو ملاتړ د دوی د ماموریت یوه مهمه برخه ده او هڅه کوي، چې اړتیا ته په کتو د محصلینو د ترانسپورټ، زده‌کړو او نورو اړوندو لګښتونو په برخه کې له هغوی سره مرسته او همکاري وکړي.

محصلینو د مرستندویه ادارې څخه مننه وکړه او ویې ویل، چې دغه مالي مرسته به پوهنتون ته د منظم تګ راتګ او زده‌کړو په دوام کې ورسره مرسته وکړي.

سرچینه: د نشراتو او عامه اړیکو امریت

17/09/2026

د ننګرهار پوهنتون محصلینو ته د انګلیسي ژبې او کمپیوټر زده کړې کورسونه پیل شول.

د لوړو زده کړو محترم وزارت په هدایت د ننګرهار پوهنتون محصلانو خدمتونو او همغږۍ امریت له خوا د دې پوهنتون سلګونو محصلینو ته د انګلیسي ژبې او کمپیوټر زده کړې څلور میاشتني کورسونه پیل شول.

د مسؤلینو په وینا، دې کورسونو ته چې سهار او ماسپښین مهال ټولګي لري، د پوهنتون د څوارلسو پوهنځیو نږدې (۶۰۰) تنه محصلین جذب شوي او تدریسي چارې یې د مسلکي او مجربو استادانو له خوا پر مخ وړل کېږي.

د یادو کورسونو د پرانیستې په مناسبت جوړه شوې غونډه کې د ننګرهار پوهنتون د علمي څېړنو مرستیال، د محصلانو او محصلانو خدمتونو او همغږۍ آمرینو، د کورسونو استادانو او محصلینو ګډون کړی و.

د ننګرهار پوهنتون د علمي څېړنو مرستیال پوهندوی دوکتور سعید محمد وقار په خپلو خبرو کې د محصلینو لپاره د دغو کورسونو جوړول مهم وبلل او زیاته یې کړه، چې د مسلکي زده کړو سره د ژبو او معاصرو ټکنالوژیکو وسایلو زده کړه او پر کارونې یې برلاسي د محصلینو د علمي او مسلکي ودې لپاره ځانګړی ارزښت لري.

نوموړي زیاته کړه، چې د انګلیسي ژبې او کمپیوټر زده کړه محصلینو ته دا زمینه برابروي، چې له علمي سرچینو، نویو څېړنیزو معلوماتو او ډیجیټلي وسایلو څخه په ګټوره توګه استفاده وکړي او خپلو علمي وړتیاوو ته پراختیا ورکړي.

د ننګرهار پوهنتون د محصلانو چارو آمر م.ولوي سعیدالله عمري او د محصلانو خدمتونو او همغږۍ آمر قاري بشیر احمد احمدي په خپلو ویناوو کې د علم په ارزښت خبرې وکړې، د جوړو شویو کورسونو په شرایطو، حاضرۍ، ازموینې او اړوندو نورو مسایلو په اړه یې معلومات شریک کړل او راتلونکي کې یې محصلینو ته د ورته علمي او ظرفیت لوړونې برنامو د جوړولو ژمنه وکړه.

د یادونې وړ ده، چې ننګرهار پوهنتون تر دې وړاندې هم د محصلینو د علمي او مسلکي پرمختګ، عملي زده کړو او اړینو مهارتونو د پراختیا په هدف په بېلابېلو برخو کې ګڼې روزنیزې او مهارتي برنامې جوړې او پلي کړې دي.

سرچینه: د نشراتو او عامه اړیکو امریت