Rokhan University

13/10/2026

د روښان پوهنتون محصلانو کمېټې غونډه ترسره شوه!

۲۱/ میزان / ۱۴۰۵ هـ. ش

د روښان پوهنتون محصلانو کمېټې غونډه د محصلینو د نظریاتو او وړاندیزونو د اورېدو، د شته ستونزو د حل او د پوهنتوني خدمتونو د لا ښه والي په موخه ترسره شوه.
غونډه د قرآن کریم د څو مبارکو آیتونو په تلاوت سره پیل شوه. ورپسې د روښان پوهنتون د علمي چارو مرستیال، پوهنیار حبیب الرحمن سربلند د پیل وینا وکړه. نوموړي ګډونوالو ته د ښه راغلاست ترڅنګ وویل، چې د پوهنتون اداره د محصلینو ستونزې په جدي ډول څېړي او د حل لپاره یې لازم تدابیر نیسي.
هغه زیاته کړه، چې له محصلینو سره مشورتي ناستې د ادارې او محصلینو ترمنځ د باور، متقابل تفاهم، همغږۍ او روڼو اړیکو په پیاوړتیا کې مهم رول لري.
ورپسې، د محصلانو چارو مرستیال، ښاغلي حضرت بلال ظریفي د تېرو ترسره شویو اقداماتو راپور وړاندې کړ. نوموړي د محصلینو د ملاتړ، د هغوی د ستونزو د حل، د ظرفیت لوړونې او د پوهنتوني خدمتونو د ښه والي په موخه د ادارې له لوري د ترسره شویو فعالیتونو او راتلونکو پلانونو په اړه معلومات شریک کړل. هغه د محصلینو نظریات او وړاندیزونه د پوهنتون د خدمتونو د ښه والي لپاره ارزښتناک وبلل او ډاډ یې ورکړ، چې د هغوی رغنده نظریات او وړاندیزونه به په اړوندو چارو او پلانونو کې په پام کې ونیول شي.
د غونډې په دوام کې محصلینو خپل نظریات او وړاندیزونه له مسؤلینو سره شریک کړل.
یاده غونډه په دعا سره پای ته ورسیده.

درنښت
نشراتو آمریت

13/10/2026

د روښان پوهنتون استادانو ته د ټولګي مدیریت تر عنوان لاندې علمي سیمینار وړاندې شو!

۲۱/ میزان /۱۴۰۵ هـ.ش

د روښان پوهنتون مسلکي پرمختیا مرکز له لوري د پوهنتون استادانو ته «د ټولګي مدیریت» تر عنوان لاندې علمي سیمینار په حضوري او انلاین بڼه وړاندې شو.
یاد سیمینار د قرآن کریم د څو مبارکو آیتونو په تلاوت سره پیل شو. ورپسې د علمي چارو مرستیال، پوهنیار حبیب الرحمن سربلند د پیل وینا وکړه. نوموړي د ټولګي مدیریت پر اهمیت خبرې وکړې او ویې ویل، چې د ټولګي اغېزمن مدیریت د تدریس د کیفیت لوړولو، د زده‌کړې لپاره د مناسب چاپېریال رامنځته کولو، د استاد او محصل ترمنځ د متقابل درناوي پیاوړتیا او د تعلیمي موخو د ترلاسه کولو لپاره مهم رول لري. همدارنګه، نوموړي د استادانو پر مسلکي وړتیاوو، د وخت پر اغېزمن مدیریت او د ټولګي د نظم او ډسپلین پر ساتلو ټینګار وکړ. په پای کې یې له ماسټر استاد وثیق الله نصرتي څخه مننه وکړه، چې یاد علمي سیمینار یې وړاندې کړ.
ورپسې ماسټر استاد وثیق الله نصرتي دټولګي مدیریت تر عنوان لاندې خپل علمي سیمینار وړاندې کړ. نوموړي د ټولګي مدیریت بېلابېل اړخونه تشریح کړل او د اغېزمن تدریس او د زده‌کړې د بهیر د ښه والي لپاره یې مهمې لارښوونې له ګډونوالو سره شریکې کړې.
په یاد سیمینار کې د ټولګي مدیریت پر مفهوم او اهمیت، د ټولګي د نظم او ډسپلین پر ساتلو، د درسي وخت پر اغېزمن تنظیم، د استاد او محصل ترمنځ پر سالمو اړیکو، د محصلینو د ګډون او هڅونې پر لارو چارو، د ټولګي د ستونزو پر مدیریت، د محصلینو د انفرادي توپیرونو په پام کې نیولو او د مثبت او فعال تعلیمي چاپېریال پر رامنځته کولو بحث وشو. همدارنګه یې د تدریس پر مهال د محصلینو د توجه جلبولو، د نامناسبو چلندونو د مدیریت او د تدریسي موخو د ترلاسه کولو لپاره د اغېزمنو میتودونو پر کارولو هم خبرې وکړې.
د ګډونوالو پوښتنو له ځوابولو وروسته یاد سیمینار په دعا سره پای ته ورسید.

درنښت
نشراتو آمریت

13/10/2026

د معالجوي طب پوهنځي محصلینو ته « د عصبي جراحي تشخیصي راډیولوژیکي معایناتو» تر عنوان لاندې علمي سیمینار وړاندې شو!

۲۱/ میزان /۱۴۰۵ هـ.ش

د معالجوي طب پوهنځي محصلینو ته د «عصبي جراحي تشخیصي راډیولوژیکي معایناتو» تر عنوان لاندې علمي سیمینار وړاندې شو.
یاد علمي سیمینار د قرآن کریم د څو مبارکو آیتونو په تلاوت سره پیل شو، ورپسې د معالجوي طب پوهنځي رئیس، پوهنیار متخصص ډاکټر خیبر اقبال ساپي، یاد سیمینار وړاندې کړ. نوموړي په خپل علمي سیمینار کې د عصبي سیستم د اړوندو ناروغیو د تشخیص، د دماغ د مقناطیسي ریزونانس انځور اخیستنې (MRI) او کمپیوټري توموګرافۍ (CT Scan)، همدارنګه د ملا او نخاع د یادو راډیولوژیکي معایناتو په اړه هر اړخیز معلومات وړاندې کړل او د دغو معایناتو پر اهمیت یې خبرې وکړې.
د ګډونوالو پوښتنو له ځوابولو وروسته یاد سیمینار په دعا سره پای ته ورسید.

درنښت
نشراتو آمریت

07/10/2026

07/10/2026

روښان د طبي علومو ملي علمي ـ څېړنیز ژورنال دویمه ګڼه خپره شوه!

۱۴/ میزان /۱۴۰۵ هـ.ش

روښان پوهنتون د طبي علومو ملي علمي ـ څېړنیز ژورنال دویمه ګڼه د علمي څېړنو، طبي نوښتونو او مسلکي تجربو د شریکولو په موخه، په بریالیتوب سره چاپ او خپره شوه.
په دې ګڼه کې د طبي علومو په بېلابېلو برخو کې علمي او څېړنیزې مقالې، نوې څېړنیزې موندنې، علمي نظریات او مسلکي تجربې راټولې شوې دي، چې د علمي پوهې د پراختیا، څېړنیز فکر د پیاوړتیا او د طبي علومو په برخه کې د نویو معلوماتو د وړاندې کولو لپاره ارزښتمنه علمي محتوا وړاندې کوي.
روښان پوهنتون د علمي او څېړنیز بهیر پیاوړتیا، د معیاري لوړو زده‌کړو پراختیا او د څېړنې فرهنګ د ودې په برخه کې خپلو هڅو ته دوام ورکوي، څو د علم او څېړنې له لارې د هېواد د علمي او مسلکي ظرفیتونو په لوړولو کې اغېزمن رول ولوبوي.
د دې ژورنال د دویمې ګڼې خپرېدل د روښان پوهنتون د علمي ـ څېړنیز بهیر د لا پیاوړتیا په لاره کې یو بل ارزښتناک ګام دی.

درنښت
نشراتو آمریت

05/10/2026

Workshop Announcement!

Join us for an informative and practical two-day workshop on Smart Job Seeking, designed to provide participants with essential strategies and practical guidance for finding job opportunities, preparing for the job market, and improving their career prospects.

Presenter: Wahidullah Hayat, University Lecturer
Date: 13–14/07/1405
Time: 2:30 PM
Venue: PDC Hall, Rokhan University

Sincerely,
Publications Directorate

04/10/2026

د علم، فکر او نوښت لپاره یو ځانګړی چاپېریال!

د روښان پوهنتون تالار د علمي غونډو، فکري تبادلې او د پوهې د ودې لپاره یو مناسب ځای دی.

روښان پوهنتون؛ د علم او روښانه راتلونکي په لور.