17/09/2026
د علمي اثارو د لارښود په اړه په ۱۴۰۵/۶/۲۵ نېټه علمي سېمینار ترسره شو.
پامیر پوهنتون کې د کمپیوټر ساینس پوهنځي اتم سمستر محصلینو ته (د علمي اثارو، څېړنیزو مقالو، مونوګرافونو او پروژو او د مأخذونو لارښود) تر سرلیک لاندې د علمي سېمینار لومړی کو رس پیل شو.
په دې پروګرام کې د پامیر پوهنتون رئیس پوهنوال سیدکریم شاه نیکمل محصلینو ته د علمي اثارو د لیکنو تخنیکي، شکلي، ادبي او د ژباړې د سمې کارونې، ترتیب، تنظیم او ثبت په اړه معیاري او اړینې لارښوونې وړاندې کړې.
نوموړي د علمي څېړنو په بهیر کې د معتبره سرچینو د کارونې او د مأخذونو د اصولو د مراعاتولو American Psycological Association (APA) سیستم پر استعمال خبرې وکړې او محصلینو ته یې د پورته عنوان مربوط د لیکلو پر مهال د ماخذونو د منظم او معیاري استعمال او ثبت په اړه علمي او عملي سپارښتنې وکړې او زیاته یې کړه چې نړۍ کې د لیکوالۍ تقریباً تر سلو پورې مختلف ډولونه کارول کېږي. خو د لوړو زده کړو وزارت په چوکاټ کې تر ۱۳۹۰ش کال پورې MLA سیستم کارېده او وروسته له هغې علمي اثار په APA سیستم کارول کېږي.
د پروګرام په پای کې محصلینو خپلې پوښتنې او ستونزې مطرح کړې، چې د پوهنوال نیکمل له لوري ورته لازم وضاحتونه وړاندې شول.
د نشراتو او عامه اړیکو آمریت
