دوردگو دلوړو زده کړو مؤسسه

01/09/2020

#پایلې
#لسانس، #ماستري، #دوکتورا



د خپلې پایلې د کتلو لپاره لاندې لېنک پرانېزئ، په وروستۍ برخه Search Bar د خپلې تذکرې شمېره ورکړئ، خپله پایله به وګورئ.
https://www.hec.gov.pk/english/scholarshipsgrants/amisp/Pages/Result-Afghan-Scholarship.aspx

#نوټ①: که چېرې د نوملیکنې پر مهال مو د تذکرې شمېرې کیڼ خواته یو یا دوه صفرونه ورکړي وي، هغه هم ورسره په Search Bar کې ورکړئ.

#نوټ②: د بریاليو کسانو د نورو پروسو په اړه به موږ په بل پوسټ کې معلومات خپاره کړو.

07/08/2020

د وردګو پوهنتون د رسمي ویب سایت څښتن شو!
وردګ د لوړو زه کړو مؤسسه په هیواد کې یو له هغه علمي او اکادمیکو مرکزونو څخه شمیرل کیږي ، چې د اسلامي او ملي ارزښتونو په رڼا کې، پکې په علمي او مسلکي توګه سره ځوان نسل ته ښوونه او روزنه ورکول کیږي ، نو د یو داسې اکادمیک او علمي مرکز د هویت د لاڅرګندتیا او غوړېدنې له پاره اړتیا وه ، تر څو دا علمي کانون د رسمي ویب سایت درلودنکی شي ، چې د څښتن په سپڅلي فضل ، د لوړوزده کړو وزارت په هڅو او د مخابراتو او تکنالوژۍ وزرات په مرسته مو د پوهنتون له پاره ویب سایت جوړ او فعال کړو ، تاسو کولای شی د پوهنتون ویب سایت له لاندې ادرس څخه ومومی ، او د پوهنتون په هکله اړینو موضوعاتو او معلوماتو ته لاس رسی پیدا کړی او کولای شی له دې لارې زموږ سره په اړیکه او ارتباط کې پاتې شی. https://wrdu.edu.af/ps
په درنښت

https://wrdu.edu.af/ps

وردګ د لوړو زده کړو مؤسسه د افغانستان لوړو زده کړو وزارت د قوانینو په چوکاټ کې خپل علمي او اکاډمیک فعالیت کوي، چې تر ټولو مهم او اساسي رسالت یې د اسلامي او ملي ارزښتون....

27/04/2020

نبوي ارشاد:
پېشلمی کوئ! په پېشلمي کي برکت دئ. که څه هم يو غړپ اوبه وي.

24/04/2020

د کرنې پوهنځي له پاره پر څلور جریبه ځمکه, دڅېړنیزفار جوړونې کارونه بشپړ شول:
دهغه څیړنیز فارم کارونه چې څه موده وړاندې د کرنې او مالدارۍ وزارت د NHLP پروګرام له لوري پيل شوي وو پایته ورسیدل ، په دې څیړنیز فارم کې تر ((۱۰۰۰)) زیات بېلابېل میوه لرونکي نیالګي کینول شول.
په یاد څیړنیز فارم پورې اړوند د یولړ نورو تجهیزاتو او امکاناتو ، لکه : (دیو مسلکي کارکونکي ګمارنه یا FLRC ، تراکتور ، کیمیاوي سرې ، د مسؤل کس له پاره دفتري تجهیزات او داسې نورو ...) د برابرونې وعده هم شویده ، چې اوسمهال یې هم ساتنه او پالنه د همغه مسلکي کارکونکي له لخوا چې د NHLP لخوا ګمارل شویدی ترسره کیږي.
دا څیړنیز فارم د کرنې پوهنځي د عملي کارونو د تر سراوي له پاره لویه لاسته وړنه ده , چې په راتلونکې کې به پکې د هارتیکلچر څانګې استادان او محصلین وکولای شي خپلې علمي څېړنې او تجربې ترسره کړي ، په دې برخه کې د وردګ ولایت د NHLP مسؤل انجنیر نجیب الله واحدي صاحب څخه نړۍ مننه کوو ، چې په مرسته او زیار سره یې ددې څیړنیز فارم د جوړونې کارونه بشپړ شول.
سږ کال د پوهنتون د زرغونیتا ، ښېرازۍ او ابادۍ په موخه د زون پایتخت ، کرنې وزارت د بڼوالۍ اومالدارۍ د ملي پروژې (NHLP) ، لوړو زده کړو وزارت ، عزیزي بانک او یو شمیر نورو بااحساسه وګړو په مرسته د پوهنتون په انګړ کې تر ((۳۰۰۰)) زیات میوه لرونکي ، بې مېوې او زینتي نیالګي کېنول شول ، د پوهنتون رهبري یو ځل بیا له ټولو مرسته کونکو ادارو او اشخاصو څخه نړۍ مننه کوي ، او ټولو مرسته کوونکو ته ډاډ ورکوي ، چې ددې نیالګیو او بوټو په ساتنه او پالنه کې به ځانګړې پاملرنه ولري.

23/04/2020

خبرتیا
وردګ پوهنتون د محصلینو د (۱۳۹۸) کال پاتې شوې بدل اعاشه حواله شوې ده محصلین د خبر وي.

12/02/2020

لوړې زده کړې د اوسني عصر تر ټولو مهمه اړتیا ده!

وردګ پوهنتون د کرنې پوهنځي استاد ښاغلي محمد جان آرین د کابل پوهنتون ، کرنې پوهنځي په اګرانومي څانګه کې د خپلې ماسټرۍ دورې تېزېس په پوره بریالیتوب سره دفاع کړ. د کرنې پوهنځي ریاست د پوهنتون په اکاډمیک بهیر د دغه پرمختګ مبارکي لومړی ښاغلي استاد پوهنیار محمد جان آرین ، د پوهنتون ادارې، محصلینو او ټولو هېواد والو ته وایي. په دې هیله چې د کرنې پوهنځي محصلین د استاد له علمي تجروبو څخه بشپړه ګټه پورته کړي.

09/02/2020

د خواشینۍ پیغام!

په ډېره خواشینۍ سره مو خبر تر لاسه کړ, چې د وردګ پوهنتون د کرنې پوهنځي د لومړی ټولګي زده کړیال خالد د ښاغلي پشم ګل زوی چې د وردګو ولایت د جلګې ولسوالۍ اصلي اوسېدونکی دی, د امریکایي ځواکونو په هوایي برید کې په خپل کلي کې په شهادت رسېدلی دی. د وردګ پوهنتون رهبري او استادان شهید خالد ته د جنت الفردوس کورنۍ, دوستانو او محصلینو ته د الله جل جلاله له دربار څخه د پوره صبر غوښتونکي دي.
۱۳۹۸/۱۱/۲۰

23/09/2019

د دې ښوونځی نوم څه شی دی؟
او د وردګو په کومه سېمه کې ده؟

31/12/2018

#دا ډول ځوانان لا ډېر شه!!!!!
دا ځوان حشمت الله د امیرخان زوی د جغتو ولسوالۍ اوسیدونکی دی؛ په هغه مسابقو کې چې د وردګو ولایت د پوهنې ریاست له لوري په کار اچول شوې وه؛ لومړی مقام ترلاسه او د پوهنې ډګر کې ځلاند ستوري وبلل شو. یاد زده کړیال ته د ملي سوداګرو په مرسته د کرولاموټر جایزه ورکړل شوه؛ مونږ پرې ویاړو او لا یې بریمن غواړو.

25/08/2018

خپل د خوښې وړ نوماند ته رایه وکاروئ!

24/08/2018

د پاکستان لسانس، ماسترۍ او دکتورا بورسونه

د نوم لیکنې وروستۍ نېټه: ۱۵ ستمبر ۲۰۱۸

د پاکستان حکومت افغان محصلینو ته د طب، انجنیري، زراعت، اداره، کمپیوتر ساینس او نورو برخو کې ۳۰۰۰ بورسونه اعلان کړي دي. دغه بورسونه محصلینو ته ټول فیس، د اوسیدو مصارف، د کتابونو مصارف او د جیب خرڅ ورکوي.
بورسونه لسانس، ماسترۍ او دکتورا ته ورکول کیږي.

شرایط:

هغه محصلین چې غواړي طب، فارمسي او Dentistry (غاښونو داکتري) ته امتحان ورکوي نو باید pre-medical یې ویلي وي (البته د هغه چا لپاره دی چې پاکستان کې یې زده کړې کړي وي) او ۶۵ سلنه نومرې ولري.

څوک چې انجنیري انتخابوي نو باید pre-engineering (البته د هغه چا لپاره دی چې پاکستان کې یې زده کړې کړي وي) یې ویلی وي او ۶۵ سلنه نومرې ولري.

له دې پرته څانګو لپاره یې باید دولس کاله ښوونځی ویلي وي او د نومرو اوسط يې ۶۰ سلنه وي.

د ماسترۍ لپاره لومړنی شرط دادی چې ۱۲ کاله یې ښوونځی ویلی وي او بیا یې څلور کلنه لسانس دوره کړې وي او د نومرو اوسط یې ۶۰ سلنه وي.

له دې پرته د لسانس لپاره د پاکستان د لوړو زده کړو کمیسیون د ارزیابۍ سند او د دولسم صنف لپاره د IBCC معادل سند ولري.

همدا راز هغه کسان چې د لسانس لپاره داخله کوي عمر یې باید د ۱۷-۲۳ کلونو تر منځ وي او دولسم صنف یې له ۲۰۱۶ کال څخه مخکې نه وي خلاص کړی او د نومرو اوسط یې تر ۶۵ سلنه کم نه وي.

پر دې سربېره محصل باید د شمولیت په ازموینه کې تر ۵۰ لوړې نومرې ویسي. تر دې کمې نومرې اخیستونکي ناکام بلل کیږي.

هغه محصلینو چې پخوا یې یاد سکالرشیپ اخیستی وي د دوهم ځل لپاره دا سکالرشيپ نشي اخیستلای.

د داخلې لارښود

داخله یواځې دپاکستان لوړو زده کړو کمیسیون د وېیپاڼې له لارې د ۲۰۱۸ز کال د ستمبر د میاشتې تر ۱۵مې انلاین کیږي.

نوي محصلین باید لومړی د تذکرې نمبر او ایمیل ورکولو سره ځانته اکونټ خلاص کړي او بیا خپله فورمه په دقیقه توګه ډکه کړي:

http://pakafghan.hec.gov.pk/hec-assp-portal/auth/login.jsf

له ټولو په شرایطو برابرو کسانو څخه به د پاکستان سفارت له لوري ازموینه واخیستل شي، چې د ازموینې نېټه به وروسته وټاکل شي.

18/08/2018

کابل کې مېشت وردګ ښاغلی صدیق مدثر!

د ترکیې هیواد لسانس دولتي بورس ته لار بریا خپله کړې!
ښاغلی مدثر له هغه زرګونو ثبت نام کوونکو یواځنی افغان ځوان دی چې دې بورسو ته یې لار پیدا کړې.
موږ ټولو ته دې مبارک وي!