18/06/2026
سليمان يعود بمنشور جديد يحدث ضجة ليس لدي اي معلومات حول ما تحدث عنه..... لغيابي عن الساحة لذلك هو من سيتولى الامور والمناقشة 😂
يقول.....
رسميا .. إطلاق هذه المنصة التي ستكون أولى الخطوات في سبيل التخلي عن لانام anem .. منصة وطنية فيها كل شهادة و المؤهل تاعها و وين تقدر تخدم بيها و واش تقدر دير بيها و جميع المواد لي تقراها في كامل السداسيات و مقارنات مع باقي التخصصات الموجودة في الوطن و حديث انو مستقبلا يولوا ارباب الأعمال يدرسوا من خلالها مباشرة هادي الأشياء و يتم التوظيف عبرها مباشرة لا لانام لا والو
نحكو على التخصص تاعنا حنا هنا بالنسبة ليها .. تخصص محروقات .. أدخل للمنصة و شوف التخصصات تاع المحروقات كيفاش مصنفة و قارنها مع باقي التخصصات كيما البوليتاك و المدارس العليا و حتى st و شوف الكارثة تاع هذا التخصص ..
من الاخر يعني: أصحاب تخصص انتاج و تنقيب و نقل و توزيع هوما فقط لي عندهم أفضلية على الآخرين باقي التخصصات في أحسن الأحوال كيفك كيف التخصصات العامة الأخرى(اقتصاد ولا جيولوجيا مثلا مكاش فرق بينه و بين اقتصاد و جيولوجيا التي تدرس في كل الجامعات) ..
يعني حاليا خويا المقبل على شهادة البكالوريا و اختيار التخصصات و عندك رغبة في هذا التخصص .. إما تروح مباشرة لمحروقات ورقلة لي تقري هادي التخصصات الأساسية فقط .. و اما محروقات بومرداس يبدلوا السيستام و ينحوا كامل التخصصات الفرعية الأخرى و تروح تقرا فيها .. أما انك تدير محروقات بومرداس من بعد تتخصص في تخصص فرعي كيما اوتوماتيك ولا رافيناج ولا ميكانيك هنا غادي تهلك روحك برك و يولي St خير منك و عنده أولوية عليك فالتوظيف مستقبلا...يعني هداك المعدل من الأفضل دير بيه بوليتاك ولا تخصص آخر احسن بكثير
المنصة راها قيد الإطلاق و مازال الحديث عنها لم يحدث كثيرا إن شاء الله برك لي يربحوا البكالوريا يسمعوا بيها و يدخلوا يشوفوا التخصصات وحدهم ..
هذه المنصة هي حرفيا "أول مسمار يُدقُّ في نعش كلية محروقات بومرداس
(بومرداس)
ورقلة دير على روحك حاليا
#ويييييييو
