18/04/2026
📌 كاش نهار سقسيت روحك علاه نوح عليه السلام ماطلقش مرتوا وعلاه مأذهاش ؟ مالڨري خانتوا في الجانب الديني ، ومأمنتش به ؟ وكانت تسرب الأسرار تاعوا للقوم تاعوا ....
علاش صبر نوح عليه السلام حتى كملت الدعوة تاعوا باه تسلط العذ.اب على القوم تاعو ومنهم مرتوا ؤوليدوا ...
لازم تفهم حاجة في الدنيا هاذي , كاين سيناريوا يعيشوا الإنسان ... والسيناريوا هذاك فيه أحداث فرعية هي جزء من السيناريوا نفسه ... إذا إعتبرنا أن قصة نوح عليه السلام عبارة عن مسلسل ، فسيكون هو البطل وهداية قومه هو موضوع المسلسل ، أما زوجته وإبنه فهم عبارة عن عقبات لمنعه من تحقيق الهدف ...
السؤال المطروح هل نوح عليه السلام ؟ خلى الهدف الاساسي تاعوا وقعد يتبع في مرتوا ويعاند فيها ؟ الاجابة لا ، بل كل المصادر تشير أنه كان يعاملها معاملة حسنة ويحاول يهديها ... كانت تمشي هذيك المعاملة الحسنة حتى قضى ربي عليها العذاب .... لأن نوح عليه السلام فهم بلي مرتوا مجرد عقبة عابرة يجي نهار وتجي دالتها وتجي الظروف المناسبة وين لازم يبعد عليها ... علابالوا بلي يجي نهار وين لازم العلاقة تفض فقط الظروف مكانتش مناسبة باه تفض هذيك العلاقة . لأن أي قصة او مسلسل يجي نهار وين تكون كاينة حلقة اخيرة .
يوسف عليه السلام شاف رؤيا ؟ وهذيك الرؤيا باه تحققت عاش سيناريوا طويل .. يوسف ماقالش علاه الإخوة تاعي تسلطوا عليا ؟ لأنوا كان فاهم الميساج ، وفاهم بلي هوما جزء من السيناريوا .... لذلك نهار طيشوه في البئر ، قال فيهم ربنا جملة عظيمة : { والله غالب على أمره ولكن أكثر الناس لايعلمون } يعني امر الله هو الغالب في القصة من البداية ....
لذلك انت ثاني في حياتك خصك تفهم بلي عندك سيناريوا معين تعيشوا .. وهذاك السيناريوا فيه أحداث فرعية وفيه عقبات ، خصك تفهم الميساج من كل عقبة وتركز على هدفك الاساسي ماشي تبع العقبات ... وديما كي يتسلط عليك بنادم يالوكان باباك ؟ سقسي روحك , إذا كنت انسان مليح علاش ربي خلى المجال للبنادم هذا يأذيني ... كي تفهم الميساج تفهم طريقة التعامل معاه ...
