13/09/2025
📌 كوميكس الإحصاء ببساطة
🎭 الحلقة الثانية: منين نجيبو البيانات؟
👩🎓 سِيري (متحمسة):
"أستاذ… إذا الإحصاء يعتمد على بيانات… منين نجيبوها هذي البيانات؟"
👦 كريم (ساخر):
"ساهلة! نسقسي جارنا، راهو يعرف كلش في الحومة!" 😂
👨🔬 الأستاذ (بهدوء):
"البيانات ماشي إشاعات يا كريم… عندنا طرق علمية نجمعوها بيها. "
🤖 ستّاتي (يرسم على اللوح):
"كاين طريقتين كبار:
1️⃣ البيانات الأوّلية: نروحوا نجمعوها بأنفسنا (استبيانات، مقابلات، نتائج تجارب، ملاحظة مباشرة).
2️⃣ البيانات الثانوية: نستعمل بيانات جاهزة (تقارير رسمية، إحصائيات، قواعد بيانات)."
👩🎓 سِيري (تفكر):
"يعني إذا بغيت نعرف آراء الطلبة على المطعم الجامعي… نقدر ندير استبيان، هذي بيانات أوّلية.
وإذا نلقى تقرير وزارة التعليم حول التغذية الطلابية… هذي بيانات ثانوية!"
👦 كريم (ضاحك):
"وأنا إذا نحوس نعرف وين ناكل اليوم… نكفي نفتح انستغرام المطاعم، هذي بيانات سريعة!" 🤣
👨🔬 الأستاذ (مبتسم):
"بالضبط! المهم نعرف المصدر ونوثّق الطريقة… باش تكون بياناتنا موثوقة."
👩🎓 سِيري (بحماس):
"فهمت! يعني البيانات يا إمّا نجمعها بأنفسنا (أولية)… يا إمّا نلقاوها جاهزة (ثانوية)
شكراً أستاذ 🙏!"
#كوميكس
