ICPC Sphinx University

Contact the university

ICPC Sphinx University Contact information, map and directions, contact form, opening hours, services, ratings, photos, videos and announcements from ICPC Sphinx University, أسيوط الجديده, Asyut.

جاهز تاخد خطوتك الجاية وتبدأ تتدرب بجد؟ 🚀​بعد ما اتقابلنا في الـ Orientation واتكلمنا عن الـ Problem Solving والـ ICPC و...
12/10/2026

جاهز تاخد خطوتك الجاية وتبدأ تتدرب بجد؟ 🚀
​بعد ما اتقابلنا في الـ Orientation واتكلمنا عن الـ Problem Solving والـ ICPC وأهميتهم لمستقبلك، جه وقت الجد! التدريب العملي لأسرة ICPC Sphinx University بيبدأ رسمياً، والباب مفتوح لكل الناس اللي حابة تبني أساس قوي وتطور تفكيرها خطوة بخطوة.
​نظام وتفاصيل التدريب:
​البداية من الصفر: مش محتاج تكون سابق في حاجة، هنبدأ معاك بالأساسيات ونتدرج لحد الأفكار والمسائل المتقدمة.
​مستويات تناسبك: لو لسه جديد تماماً أو عندك خلفية وبتحل، فيه مسار مناسب لمستواك عشان تستفيد بأقصى شكل.
​متابعة وتطبيق عملي: شيتات مسائل، كونتستات دورية، ومينتورز ومساعدين معاك أول بأول يجاوبوا على استفساراتك.
​التأهيل للمسابقات: تجهيز حقيقي يخليك جاهز تدخل مع فريقك وتنافس في مسابقات الـ ICPC الرسمية.
​التقديم:
​🔗 لينك استمارة التقديم: https://forms.gle/wj14a73UYcYqoBtE8
​⏳ آخر موعد للتسجيل: يوم الاربعاء القادم 14/10 الساعة 11:59 مساءً
​املأ الفورم بتركيز، وماتترددش تبدأ، الأهم هو الالتزام والاستمرارية… ومستنيينكم في أول سيشن! 💻🔥
​

سواء كنت لسه بتقول "يا هادي" في البرمجة وبتسأل نفسك: "إيه هو الـ Problem Solving ده وأستفيد منه إيه أصلاً؟"أو حتى بتعرف ...
10/10/2026

سواء كنت لسه بتقول "يا هادي" في البرمجة وبتسأل نفسك: "إيه هو الـ Problem Solving ده وأستفيد منه إيه أصلاً؟"
أو حتى بتعرف تكتب كود بس حاسس إنك تايه ومش عارف إزاي تطور طريقة تفكيرك عشان تجهز نفسك للإنترفيوهات والشركات الكبيرة…
​أسرة ICPC Sphinx University عملتلك الـ Event ده مخصوص عشان يجاوبك على كل ده! 🎯🔥
​في الإيفنت ده هندردش سوا عن:
​عالم الـ ICPC: إيه هي المسابقة دي، وتاريخها، وإزاي ممكن تشقلب طريقة تفكيرك ومستقبلك المهني 180 درجة.

​Problem Solving & Algorithms: ليه هما السلاح السري لأي مبرمج شاطر، وإزاي تبدأ فيهم من الصفر بجد.

​الـ Roadmap: خطة تدريب عملية وواضحة هتمشي معاك خطوة بخطوة من البدايات لحد ما تلاقي نفسك بتنافس في مسابقات رسمية.

​أسرة ICPC Sphinx: مين إحنا، إيه خطتنا للترم ده، والأنشطة والمسابقات اللي بنجهزهالكم، وإزاي تقدر تكون جزء من عيلتنا.

​ساعة لقلبك (Q&A): هنجاوب على كل الأسئلة اللي بتدور في دماغك وهنسمع منك براحتنا.
​الموضوع مش محتاج تكون عبقري، محتاج بس تستمر وتعرف تمشي في الطريق الصح… وده دورنا معاك من أول خطوة! 🤝💡
​تفاصيل الإيفنت:
​📅 اليوم والتاريخ: الإثنين، 12 أكتوبر 2026
​⏰ الوقت: من 11:30 صباحاً لـ 1:00 ظهراً
​📍 المكان: Hall F - كلية الهندسة
​
​مستنينكم تنورونا ونبدأ الرحلة دي سوا! 🚀✨
​

🏆 يعني إيه ICPC؟ وإيه اللي مخليها من أهم مسابقات البرمجة في العالم؟بطولة ICPC هي واحدة من أقدم وأهم البطولات العالمية لط...
09/10/2026

🏆 يعني إيه ICPC؟ وإيه اللي مخليها من أهم مسابقات البرمجة في العالم؟

بطولة ICPC هي واحدة من أقدم وأهم البطولات العالمية لطلاب الجامعات في مجال البرمجة، وبتعتمد بشكل أساسي على مهارة Problem Solving — أو ببساطة: مهارة حل المشكلات🧠💻

💻 ICPC وهي اختصار ل
International Collegiate Programming Contest

البطولة عبارة عن منافسة بين فرق من جامعات مختلفة، والهدف إن كل فريق يحاول يحل أكبر عدد من المسائل في أقل وقت ممكن، ويمثل جامعته في المنافسة 🏫🔥

👥 كل فريق بيتكوّن من 3 طلاب، وبيكون معاه Coach بيساعده ويوجهه خلال رحلته.

طيب... إزاي نوصل للـ ICPC؟ 🤔

🏁 أول مرحلة: ECPC

Egyptian Collegiate Programming Contest

ودي النسخة المصرية من المسابقة، واللي بتتنافس فيها فرق من جامعات مختلفة داخل مصر.

ومن خلال الـ ECPC، الفرق بتحاول تحقق مراكز متقدمة وتتأهل للمراحل الأعلى.

🚀 تاني مرحلة: ACPC

Arab Collegiate Programming Contest

بعد تحقيق مركز يؤهل الفريق من الـ ECPC، يقدر ينتقل للمنافسة على مستوى الوطن العربي في الـ ACPC.

ومن هناك، الفرق اللي تحقق المراكز المؤهلة تقدر توصل لأكبر مرحلة:

🌍 ICPC World Finals

وهنا بتبدأ المنافسة على المستوى العالمي بين أفضل الفرق من مختلف أنحاء العالم. 🔥

🤔 طب المسابقة دي صعبة؟

أكيد فيها تحدي... بس مين قال إنك لازم تكون جامد من البداية؟

طيب لو أنا لسه في سنة أولى؟
❓ أشارك ولا لأ؟

ولو معنديش خبرة كبيرة في البرمجة؟
❓ ينفع أبدأ؟
الإجابة: آه طبعًا ❤️‍🔥
وهنا بييجي دور الأسرة بتاعتنا 👀

إحنا هنا بنساعدك تبدأ من أساسيات البرمجة، ونتدرج معاك خطوة بخطوة لحد ما تكتسب أهم مهارة في رحلتك:

🧠 Problem Solving

سواء كنت لسه بتبدأ في البرمجة، أو عندك أساسيات وعايز تطور مستواك، إحنا موجودين عشان نساعدك تبدأ رحلتك وتطور نفسك معانا. 🚀

فلو كنت فاكر إن الـ ICPC للناس اللي "بتعرف تحل من أول يوم"...
فكر تاني! 😉

استعدوا...
🔥 ICPC Sphinx University راجعة قريب🔥

تابعونا عشان تعرفوا كل التفاصيل 🫣❤️

فخورين جدًا بكل الـ teams اللي شاركت في ECPC، وبكل مجهود الي بذلوه، من أول الـ preparation لحد لحظة المسابقة. ❤️‍🔥المناف...
21/08/2026

فخورين جدًا بكل الـ teams اللي شاركت في ECPC، وبكل مجهود الي بذلوه، من أول الـ preparation لحد لحظة المسابقة. ❤️‍🔥

المنافسة كانت قوية، لكن كل تيم أثبت إنه قادر يتحدى نفسه ويقدم أفضل ما عنده. 👏🏻

المجهود، الوقت، الضغط، والتحديات اللي عدّيتوا بيها مش حاجة بسيطة، ووصولكم للمسابقة في حد ذاته إنجاز يستحق التقدير. ✨

والفخر الأكبر إن 2 Teams من عندنا قدروا يتأهلوا للـ Final! 🎉

التيمات هي :

(FAY_Titans_Force) :1

حسن محمد
علي محمد
يوسف ايمن

(Saybenha_3ala_Allah):2

نورهان عزت
معاذ عمرو
محمد احمد

إنجاز نفتخر بيه جدًا، وإن شاء الله تكون خطوة جديدة لنجاحات أكبر❤️

Thank you to every team for representing us, giving it your all, and making us proud. ❤️

The journey doesn’t end here… See you at the Finals! 🔥

﴿الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا﴾ [المائدة:...
26/05/2026

﴿الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا﴾ [المائدة: 3] 🕋🌙

كل عام وأنتم بخير، وعيد أضحى سعيد عليكم وعلى كل حبايبكم وعلى الأمة الإسلامية كلها 🐑🐄

بما إننا في إجازة العيد، جه الوقت اللي نعمل فيه Break; من الـ Loops اللي مابتخلصش، ونبعد شوية عن وجع الدماغ بتاع الـ Bugs 🛑💻

العيد فرصة نعمل Refresh لطاقتنا، ونعيش لحظات كلها Accepted وسط العيلة والأصحاب، من غير أي Runtime Error يعكنن علينا فرحتنا 😁

استمتعوا بوقتكم، وكلوا لحمة براحتكم (بس خلوا بالكم من الـ Memory Limit Exceeded في الأكل! 🥩😂) واشحنوا شغفكم عشان نرجع بعد العيد أقوى ونكمل رحلتنا وتحدياتنا.

عيدكم مبارك وكل سنة وأنتم طيبين 💙


بما إننا دايماً بنسعى للتميز وتطوير مهاراتنا التقنية لمواكبة سوق العمل، مفيش فرصة أهم ولا أقوى من التحدي اللي بنستناه كل...
02/04/2026

بما إننا دايماً بنسعى للتميز وتطوير مهاراتنا التقنية لمواكبة سوق العمل، مفيش فرصة أهم ولا أقوى من التحدي اللي بنستناه كل سنة عشان نختبر فيه قدراتنا الحقيقية في التفكير المنطقي والـ Problem Solving..

دلوقتي بقى جه الوقت لواحد من أهم الأحداث اللي بنستناه من السنة للسنة وبنكون متحمسين له جدًا
وهو مسابقة ECPC : Egyptian Collegiate Programming Contest 🔥
ايه هي مسابقة الـ ECPC؟
مسابقة الـ ECPC تعتبر مرحلة من مراحل المسابقة العالمية الكبيرة ICPC، واللي بتُعد من أقوى وأشهر مسابقات البرمجة على مستوى العالم 🌍
وبيشارك فيها أفضل الـ Problem Solvers وبيتنافسوا خلال 5 ساعات على حل مجموعة من المسائل باستخدام لغات البرمجة المختلفة، بهدف حل أكبر عدد ممكن في أقل وقت
والمسابقة بتمر بعدة مراحل:
◀️ أول مرحلة: Qualification ECPC
المرحلة دي بتكون على مدار أيام، وكل يوم بيشارك فيه عدد من جامعات الجمهورية، وبيتأهل منها أفضل الفرق من كل جامعة علشان يوصلوا للنهائي المصري
◀️ ثاني مرحلة: النهائي المصري ECPC
هنا بيتجمع أفضل الفرق من كل الجامعات، وبيتنافسوا على المراكز اللي بتأهلهم للمرحلة الأكبر وهي تصفيات الوطن العربي وأفريقيا
◀️ ثالث مرحلة: ACPC (تصفيات الوطن العربي وأفريقيا)
في المرحلة دي بتتنافس الفرق المتأهلة من مصر مع فرق قوية من مختلف الدول العربية والأفريقية.
◀️ المرحلة الأخيرة: ICPC (العالمية)
ودي القمة ، اللي بيوصل لها أفضل الفرق على مستوى العالم، والمنافسة فيها بتكون على أعلى مستوى، والوصول لها إنجاز كبير جدًا وأبواب كتير بتتفتح بعده

ايه اللي يخليني اشارك ف المسابقة وايه اللي ممكن استفيده منها؟ 🤔

اول واهم حاجة طبعا وهي اننا ف خلال الفترة اللي قبل المسابقة ديه بنتدرب بشكل مكثف وبالتالي بنطور مستوانا ف ال Problem Solving بشكل كبير وده السبب الاهم اللي بيخلينا نشارك ف المسابقة لأنها طبعا اهم مهارة من المهارات اللي مهم جدا انها تكون عندك ف المجال بتاعنا علشان تكون Software Engineer ممتاز و تقدر توصل للشركات الكبيرة

تاني حاجة هي انك بتتعلم مجموعة كبيرة من المهارات من خلال التدريب بتاعك قبل المسابقة زي انك بتتعلم ازاي تشتغل جوا تيم وازاي تتعاونوا مع بعض ف انكم توصلوا لحل مشكلة معينة وازاي تشتغل تحت ضغط وازاي توصل للحل ف وقت قصير وبأقل الموارد

ثالث حاجة يا عزيزي إن ديه بتكون فرصة مهمة جدا وفريدة من نوعها مش بتيجي غير مرة كل سنة واجوائها بتكون رائعة جدا ومميزة وبتخليك تقابل وتتعرف علي ناس جديدة من كل انحاء الجمهورية من المجال بتاعنا وبيشاركوك نفس الاهتمامات وتقدر انك تتكلم معاهم وتستفيد منهم وتتنافس معاهم كمان ف المجال بتاعنا

رسوم المشاركة بتاعت ال ECPC السنة ديه 1500جنيه للتيم الواحد (500 لكل فرد)
ملحوظة : للتيمات اللي هتتأهل علشان تمثل الجامعه في ال ECPC فقط إنما مراحل ال Qualification اللي بتكون في الجامعه مجانيه طبعا .
وبعد ما بتدفع الرسوم للمسابقة بنتولي احنا مهمة تسجيل التيمات ..

📌 تفاصيل Qualification عندنا:

وعشان نجهزكم بأفضل شكل، هننظم ليكم اتنين Contest:
1️⃣ الـ Contest الأول: وده هيكون تجريبي بالكامل، الهدف منه إنكم تجربوا الأجواء وتفهموا الدنيا ماشية إزاي بشكل مبدئي, وهيكون معاده يوم السبت القادم بتاريخ 2026/4/4.

2️⃣ الـ Contest الثاني: وده هو الـ Qualification، وبناءً عليه هيتم تحديد واختيار الطلبة اللي هيتأهلوا ويمثلونا في المسابقة بإذن الله, وهيكون معاده يوم الأربعاء القادم بتاريخ 2026/4/8

بالنسبة للمواعيد وأي تفاصيل تاني تبعونا علي جروب الوتس ودا اللينك الخاص بيه الQualfication

https://chat.whatsapp.com/DIA5zKoBWpk8klcAmAiKF7?mode=gi_t

https://forms.gle/AmrJ7t6aLkmgxfrG8

دا لينك فورم التسجيل اللي جاهز وهيشارك في ال contest فقط
يقدر يسجل في الفورم

جاهزين للتحدي؟ 🔥

مكملين المشوار.. خلصنا الأسبوع الأول من الـ Marathon! 🏆فيه ناس بتبدأ وبتقع في النص، وفيه "وحوش" نفسهم طويل ومكملين مهما ...
28/02/2026

مكملين المشوار.. خلصنا الأسبوع الأول من الـ Marathon! 🏆
فيه ناس بتبدأ وبتقع في النص، وفيه "وحوش" نفسهم طويل ومكملين مهما كانت غيبوبة الفطار صعبة! 🔥 الـ Leaderboard في اليومين اللي فاتوا ولعت، والمنافسة بقت بالثواني والـ Penalties.

ليه بنعمل كده؟ 🤔
عارفين إن الالتزام في وسط العزومات والمسلسلات والعبادة صعب، بس الـ Problem Solving مش مجرد حل مسائل، ده Mental Toughness (صلابة ذهنية). اللي بيقدر يحل وهو صايم أو بعد التراويح، بيقدر يخلص أي Task تقيلة في شغله بعد كده بسهولة. 💪🧠

💡 تذكير سريع بالسيستم:
ساعة الصفر: 11 بالليل المسألة بتنزل كل يوم عدا الجمعه 🕙

🔗 لو لسه بعيد عن المنافسة.. ادخل وجرب نفسك في اللي جاي:
https://codeforces.com/group/HmMTxESObl/contests

💬 جروب المتابعة والنقاشات (لو واقف قدامك فكرة):
https://chat.whatsapp.com/JyASU5OfMff0sBalgR2wVb

"العبرة بالخواتيم".. اللي بدأوا كتير، بس اللي هيكملوا هما اللي أساميهم هتفضل منورة في الـ History بتاع الجروب. 🔥🚀

غيبوبة ما بعد الإفطار؟.. خليك "بروجرامر" فايق في رمضان! 💻🚀كلنا عارفين إن رمضان والكسل صحاب، والـ Problem Solving بيبقى ف...
20/02/2026

غيبوبة ما بعد الإفطار؟.. خليك "بروجرامر" فايق في رمضان! 💻🚀
كلنا عارفين إن رمضان والكسل صحاب، والـ Problem Solving بيبقى في "ذمة الله" بعد الفطار 🫠. بس إحنا مش هنسيبك "تأنتخ" وتضيع مجهود الشهور اللي فاتت!

عشان كده، قررنا نرجع "الفورمة" بتحدي يومي خفيف ولطيف.. بنقدم لكم:

✨ Marathon Problem Solving ✨
إيه الحكاية؟🤔
المارثون ده مش مجرد حل مسائل، ده "دايت" لعقلك عشان ميكسلش! 🧠

مسألة واحدة يومياً: مش هتاخد من وقتك، بس هتخلي الـ Logic بتاعك دايماً شغال.

الباب مفتوح للكل: سواء كنت بتدرب معانا أو زميل حابب يشاركنا التحدي، مكانك محجوز ومنورنا في العيلة! 🤝🥰

عشان توازن بين العبادة والـ Coding، ده السيستم اللي هنمشي عليه:
🏁 صافرة البداية: السبت الجاي 21 فبراير (الموافق 3 رمضان)!🌙🤗
🕙 ساعة الصفر: المسألة هتنزل 11 بالليل (أحلى وقت للتركيز بعد التراويح وقبل السحور)🤩
☕ الهدنة: يوم الجمعة إجازة "فصلان" للعبادة والأهل 🥰🤗

🔗 لينك التحدي على Codeforces (دوس Join واستعد):
https://codeforces.com/group/HmMTxESObl/contests

💬 وعشان محدش يتوه أو يكسل، عملنا جروب للمتابعة:
لو واجهتك مشكلة في الحل، أو حابب تدردش في فكرة المسألة، وكمان عشان نفكرك بالمسألة يومياً.. انضم لينا هنا:
https://chat.whatsapp.com/JyASU5OfMff0sBalgR2wVb

"قليلٌ دائم، خيرٌ من كثيرٍ منقطع".. رمضان فرصة ذهبية للالتزام، والبداية من هنا. مستنيين نشوف أساميكم بتنور الـ Leaderboard! 🔥🏆

ربنا يتقبل منا ومنكم صالح الأعمال ويوفقنا لكل خير ❤️🥰🤗

﴿ شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَىٰ وَالْفُرْقَانِ ۚ فَمَن...
18/02/2026

﴿ شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَىٰ وَالْفُرْقَانِ ۚ فَمَن شَهِدَ مِنكُمُ الشَّهْرَ فَلْيَصُمْهُ ۖ وَمَن كَانَ مَرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۗ يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَىٰ مَا هَدَاكُمْ وَلَعَلَّكُمْ تَشْكُرُونَ﴾ [ البقرة: 185]🌙✨

كل سنة وأنتم طيبين بمناسبة حلول شهر رمضان المبارك. أسرة ICPC Sphinx University بتهنئكم جميعاً وتتمنى لكم شهر مليان بالخير والبركة والسكينة. 🕌🧡🕊️

يا رب يكون شهر كله توفيق، والـ "Accepted" ميفارقش حياتكم ولا الـ Submissions بتاعتكم ✅💻، وتطلعوا منه بأعلى Gain في الطاعات وفي الـ Problem Solving كمان. 📈🌙

صوماً مقبولاً وإفطاراً شهياً.. وكل سنة وأنتم طيبين 🥰🤗
الواحد في انتظار صلاة التراويح والـ Night Sessions! 🌌😍😍🥳

🌙💻

الراوند دي موجهة للي حابب يكون جزء من كيان طلابي،يتعلم 📚، يشتغل ضمن فريق 👥، ويشارك في بناء حاجة حقيقية على المدى الطويل....
28/01/2026

الراوند دي موجهة للي حابب يكون جزء من كيان طلابي،
يتعلم 📚، يشتغل ضمن فريق 👥، ويشارك في بناء حاجة حقيقية على المدى الطويل.

إحنا بندوّر على ناس:

عندها فضول تتعلم وتطوّر نفسها 🚀

بتقدّر العمل الجماعي 🤝

مستعدة تلتزم وتتحمّل مسؤولية دورها ✅

كونك Member معانا يعني:

مشاركة فعلية مش مجرد اسم ✨

تجربة عملية داخل فريق منظّم 🛠️

مهارات بتتكوّن مع الوقت ⏳

مساحة تحترم المجهود وتقدّر الالتزام 🌱

📌 ملحوظة: التقديم متاح لحد
يوم الأحد الساعة 11:59 PM ⏰

لو شايف نفسك في الكلام ده،
سجّل من هنا 👇
https://forms.gle/8pDA2wiMC6wbgADJ6

ICPC Sphinx University
بنشتغل مع بعض… وبنطوّر نفسنا خطوة خطوة 💪🏻🧠

Address

أسيوط الجديده
Asyut

Website

Alerts

Be the first to know and let us send you an email when ICPC Sphinx University posts news and promotions. Your email address will not be used for any other purpose, and you can unsubscribe at any time.

Contact The University

Send a message to ICPC Sphinx University:

Shortcuts

Share