15/04/2025
🎯 مطلوب تأليف منهج جيولوجيا
جديد الآن :
💎 تواصلت مع بعض الشخصيات الجيولوجية المحترمة اللى اظهروا الاهتمام والقتال على الجيولوجيا بعد الغائها وتهميشها ، وبستكمل دلوقتى باقى الاتصالات .
💎 عاوزين تمصير لمنهج الجيولوجيا وتحديث ويبقى الجانب الاقتصادى العملى فيه كبير ومشروعات تتنفذ بجد فى الفيلد أثناء الرحلات الجيولوجية وفى المعامل المدرسية .
💎 وختى لو الوزارة مش محتاجة شغلنا هنزل الكتاب Pdf وعلى حسابنا فى المنتديات والصفحات الجيولوجية العلمية وكل اكونتات الشخصيات المهتمة بالجيولوجيا .
🔰 واحد هيقولى فين المعامل دى يا مستر ، ده كل معامل الوزارة فاضية ما فيهاش حاجة للجيولوجيا هقول لسعادتك الغزالة بتغزل برجل حمار .
🔰 انا كنت بشتغل فى الخليج رحت لقيت معمل الجيولوجيا دواليب فارغة تماما لان المدرسة كانت جديدة ، قعدت لمدة شهر كامل اخد الطلبة وانزل بيهم الجبال حوالين المدرسة رحلتين كل اسبوع لغاية ما معمل الجيولوجبا اكتمل تماما بكل العينات الدراسية فى المنهج وكلها بخامات محلية .
🔰 وكررت نفس الكلام فى معمل الاحياء وصنعنا شرائح مجهزة فى النبات والحيوان والكائنات الدقيقة باستخدام الميكروتوم وخامات محلية عملنا كورس كامل لأحياء الف 10 واحياء الصف 11 واحياء الصف 12 (3 ثانوى) ولم ننتظر الوزارة حتى تبعث لنا ما نحتاجه ،
✅ اللى يفرح فى الموضوع 3 حاجات :
🔰 ١- الطلبة اشتركوا فى الشغل وحسوا ان الحاجة دى بتاعتهم وبقوا يحافظوا عليها ، وفتحت عيونهم على الابتكار وشجعتهم على البحث العلمى .
🔰 ٢- وفرنا الاف الدولارات اللى كانت بتستخم فى استيراد ما صنعناه وجمعناه فى معملى الاحياء والجيولوجيا وكان مجهودنا مقدر تماما وتم نقلى لاكبر مدرسة فى الولاية بعد هذا المجهود رغم انى لم اكن اسعى لذلك .
🔰 ٣- بعد انتقالى للمدرسة الكبيرة وكانت 11 و 12 فقط توليت الاشراف على النادى العلمى وبميزانية صرف مفتوحة وحصلنا بفضل الله على المركز الاول فى مسابقة الاندية العلمية على مستوى الدولة ودى مسابقة ضخمة جدا فى كل المجالات العلمية فيزياء كيمياء أحياء جيولوجيا كنا بننزل نشترى خامات بالالاف وبصرف مفتوح .
✅ وتم تكريمى بشهادة تقدير لائقة ومبلغ مالى ضخم بمعنى الكلمة للمدرسة .
✅ ما أقوله أن الجيولوجيا ستعود معززة مكرمة ولن نستسلم او نرفع الراية البيضاء من اجل مستقبل مصر والأجيال القادمة .
