قهوه هندسه

28/04/2026

•
( امحها يا علي)

قاعدة شرعية و نصيحة نبوية
في إنهاء كثير من الخلافات
قاعدة إجتماعية و سياسية و إدارية و أسرية
في زمن المشاحنات و الخلافات

في صلح الحديبية
و الذي كان بين كفار قريش و بين النبي ﷺ اختار المشركون سفيراً لهم و هو سهيل بن عمرو لعقد الصلح و بعد الإتفاق على بنود الصلح
قال له النبي ﷺ : هات اكتب بيننا و بينك كتاباً
فدعا النبي ﷺ علي بن أبي طالب رضي الله عنه و قال : اكتب بعد (بإسمك اللهم) هذا ما قاضى عليه محمد رسول الله و سهيل بن عمرو
فاعترض سهيل بن عمرو و قال :
والله لو نعلم أنك رسول الله ما صددناك عن البيت و لكن اكتب محمد بن عبدالله
فقال رسول الله ﷺ لعلي :
إمحها يا علي و اكتب محمد بن عبدالله
فقال علي رضي الله عنه : والله لا أمحوها أبداً
فقال ﷺ : هاتها يا علي ، فمحاها بيده ﷺ

( امحها يا علي )
تجاوز عن الصغائر للحفاظ على العظائم

( امحها يا علي )
تحول بالمسار من الجدل الهادر للأوقات الثمينة
إلى الانشغال بما ينبني عليه من الأعمال القويمة

( امحها يا علي )
خسارة لحظية لأجل مغانم استراتيجية

( امحها ياعلي )
خطوة تكتيكية للوراء
ﻷجل قفزة استراتيجية مبهرة للأمام

( امحها يا علي )
فتح بها نبيكم مكة و حفظ الأمة..

( امحها يا علي )
تلك استراتيجية نبيكم مع كفار قريش
فما بالكم مع الأصحاب و الأرحام

( امحها يا علي )
تتطلب شجاعة المسامحة من جهة
و شجاعة الاعتذار من جهة أخرى

( امحها يا علي )
ما أحوج الرجل و زوجته لها
ما أحوج الوالد و الولد لها
ما أحوج الأخ و أخوته لها
ما أحوج الجار و جاره لها
ما أحوج الصديق و صديقه لها
ما أحوج المجتمع كله إليها

إلتماس الأعذار ، طريق الأخيار
و إحسان الظن ، سبيل الأطهار
و الصفح و العفو ، شيمة الأبرار
و نسيان الماضي ، عفو الكبار

( امحها يا علي )
قاعدة راقية ، لهدم الماضي
قاعدة أساسية ، لبناء الحاضر
قاعدة أساسية ، لرؤية المستقبل

( امحها يا علي )
راحة نفس و راحة روح
راحة ضمير و راحة قلب

روى الذهبي في تاريخ الإسلام :
كان مسعود الهمذاني من خيار الناس
كثيراً ما يعفو عن الناس بقوله :
( الماضي لا يُذكر ) ، فمـ.ـات
فرؤيَ في المنام فقيل له : ما فعل الله بك؟
قال: أوقفني بين يديه ، و قال لي :
يا مسعود ، ( الماضي لا يُذْكَر )
انطلقوا به إلى الجنة

رزقنا الله وإياكم الفردوس الأعلى من الجنة ★*★

28/03/2025

خليك فاكر المرتب اللي انت قبضته ده لقبل العيد وللعيد ولبعد العيد

فهمت ولا اعيد 😀

25/03/2025

نتمني من هيئه الترفيه السعوديه اللي عملت لنا مسلسل فيه المدرس بيتhرش بالطلبه !! والأخ بيتhرش بأخوه !!!!!! والستات بيتhرشوا ببعض !!!! والرجاله بتخون زوجاتهم علشان عندهم مشاكل عضويه !!!!
انها تسلط لنا الضوء شويه على المجتمع السعودي علشان نتعلم منه

10/03/2025

من الحاجات اللي محتاجين ندعي ربنا بيها إنه يرزقنا الصلابة النفسية واللامبالاة قدام الصغائر !

يعني إيه ؟

يعني مش أي موقف صغير يضايقك أو ياخد من تفكيرك ونفسيتك ويعكنن عليك يومك ؛
ويبقى عندك الحكمة اللي تميّز بيها المواقف من بعضها ، وتعرف إيه يستاهل تنشغل بيه وإيه حله الوحيد تجاهله !

لأن ‏جزء من العافية في اللامبالاة ،، وبعض الفطنة في التعامي ،، وشيء من الراحة في التخفّف ...

وليس بالضرورة أن ينال كلّ شيء من قلبك !!

02/01/2025

مضغوط؟
زعلان من عدم تقديرك في شغلك؟
فيه حد بيكيدلك؟ أو شمتان فيك؟
حاسس إن كل حاجة بقت صعبة ومخنوق؟
وكلمة “معلش” بتستفزك أكتر؟

أنا مش جاية أقولك “معلش”، لأنك مش محتاج حد يهون عليك بطريقة مستفزة.
لكن اللي عايزة أقوله إنك لازم تعرف:

لما تكون مستنفر طول الوقت، وجسمك في حالة طوارئ 🚨، جهازك العصبي بيشتغل فوق طاقته.
ولو فضلت كده لفترة طويلة، جهاز المناعة هيتأثر…
الأمراض تبدأ تظهر، واحدة ورا التانية،
والدكاتره هتقولك: “مرض مناعي” أو “أمراض مناعية”.
وفي الآخر، كل عضو في جسمك يبدأ يشتكي بطريقته.

أنا هنا من المستقبل، وبقولك:
“يا ريت كنت اتعلمت بدري أتعامل مع مشاعري، وأسيبها تعدي بدل ما أشيلها على قلبي.” ❤️‍🩹
• اتعلم تهدي نفسك، وما تقولش “أنا كده ودمي بيتحرق”.
• اتعلم تفهم مشاعرك وتغير نظرتك للأمور.
• اقرأ، ادرس، العب رياضة، وكن رحيم بنفسك.

فكر دايمًا في قول الله:
“فَاصْبِرْ لِحُكْمِ رَبِّكَ فَإِنَّكَ بِأَعْيُنِنَا.”

وافتكر:
كل قضاء ربنا خير.
ردد: “إنا لله وإنا إليه راجعون، اللهم أجرني في مصيبتي واخلفني خيرًا منها.”

هونها على نفسك، لأنك غالي عند ربك.
انت خليفة الله في الأرض. 🌍
عامل نفسك بلطف.

رحلة حياتك واحدة بس، وأنت تستاهل تعيشها وأنت مرتاح.

02/01/2025

لو مليت جردلين مية سخنة بنفس درجة الحرارة بالظبط....
جردل من سخان كهربا..🥶
وجردل من سخان غاز..😶‍🌫️
تفتكر الاتنين هايبردوا بعد نفس الوقت !!!!!!!!

كنت عايز اسيبك تفكر شوية......
بس مش مهم ...
الإجابة لأ طبعاً.....

الجردل اللي فيه مية من سخان الغاز هاتبرد أسرع من المية اللي من سخان الكهربا...

يعني لو جردل الميه اللي من سخان الغاز هايبرد بعد نص ساعة..
جردل الميه اللي من سخان الكهربا هايبرد بعد ساعة..

عارف ليه!!!!!!!
لأن المية اللي من سخان الغاز سخنت عن طريق المرور علي مواسير سخنة جدا..
ودى عملية أسمها sensible heat

انما المية اللي من سخان الكهرباء ...دى مية سخنت علي الهادى وفضلت تسخن علي مهلها لحد ما وصلت لدرجة الغليان.....
ودى عملية أسمها Latent heat

نفس النظرية دى تنطبق علي ناس كتير ...
ناس بقت مديرين في خلال شهور ودول ممكن نسميهم
Sensible Managers

وناس تانية بقت مديرين بعد ما ادعكت واتمرمطت خلال سنين كتيراووووووي وسنين...ودول ممكن نسميهم
Letent Managers

الأتنين مديرين صحيح
بس واحد هايبرد ويفشل بعد شهور او سنين لأنه مدير غاز.

والتاني هايفضل مكمل طول عمره لأنه مدير كهربا .

مش ممكن نساوى بين الاتنين مهما كان الأمر
المدير اللي استوي علي نار هادية.. ده معلم كبير.. وخبراته التراكمية رهيبة..
التاني بقي مدير علشان عنده واسطة
او بالحظ.. وده مش مدير أصلا.
اصل مش معني انك اشتغلت في اي حاجه سنه ولا سنتين دا يأهلك تكون مدير اصلا لازم يكون عندك الخبره الكافيه علشان تقدر تفهم الناس اللي تحتك
كل ما الواحد بيتعب و يشقى للوصول لهدف بيكتسب خبرات تراكمية كبيرة فى السكة و هو ده الرصيد الحقيقى
لازم نسعي و نتعب كتير علشان منستسهلش و نوصل بسرعه و يا بخت اللي عنده مدير خبره و جايبها من تحت من تحت اوي.

09/03/2024

04/03/2024

ليه في بيع العربيات بيتقال استخدام طبيب كـ ميزة .. ومافيش مرة اتذكر في اعلان عربية استخدام مهندس كـ ميزة مع انه أولي؟

04/03/2024

فى احد المقابلات لتعين مهندس جديد .. والتقديم كان شاب اتخرج من 7 سنين وقضي السبع سنوات فى شركة عملاقة تعتبر من اكبر شركات المقاولات فى السعودية.. انا بصراحة مستغرب جدا ان حد يترك وظيفة فى الشركة الكبيرة ويجى على شركة ممكن تكون حجمها اقل وبنفس الراتب تقريبا مع التضحية بمميزات وجودك فى الشركة الكبيرة من حيث التامينات والامتيازات والمكافاة وخلافهم ..

المهم لقيت ان المدير مش موافق عليه بحجة ان خبرتة ضعيفة مقارنة بعدد سنين الشغل فقررت انى اقابلة علشان افهم يمكن اقدر اقنع المدير ان يقبله باعتبار انى شايف انه فرصة لانه جاى من شركة كبيرة بالاسم والحجم ومشاريع لاحصر لها ويفيدنا بخبراته وتطوراته

لما قابلتة اكتشفت ان الشاب ده قضي 7سنين من حياته ومن عمرة تقريبا ولاحاجه ..بمعنى انه اشتغل فى شركة مقاولات عملاقة مرتبها كويس لكن قسم المهندسين عندهم فيه مثلا 20 مهندس متقمسين على مجموعات

كل مجموعه متكونه من 2 الى 3 مهندسين ليها مهمه واحده وملهاش دعوة بالمجموعات الاخرى ..وهو كان بيشتغل فى الحصر فقط يعنى بيحصر المشروع ويجمع الكميات فى شيت اكسل ولما يجيله كميات من مهندسي المواقع بيراجعها مع الكميات اللى حصرها ويوقع عليها واخر اليوم يجمع ملف الحصر بتاعه مع حصر المقاولين ويديها لقسم المستخلصات وبس .. يعنى معلوماته عن الادارة الهندسية والمشاريع ضعيفة جدا.

بينما اى مهندس بيشتغل فى نفس الفترة الكبيرة دى فى شركة صغيرة بيعرف يشتغل موقع وشوب وحصر ومستخلص وعهده وتصفية واستلام بنود والتعامل مع عملاء وموردين وهو ده الى ادركة بعد 7 سنوات وعايز يلحق يصححه ويتعلم حتى لو ضحى بالشركة الكبيرة بس طبعا ده مش كفايه

المشكلة ان فيه ناس كثير جدا مش قادرة تفهم العلاقة بين الفلوس والخبرة وبين الشركة الكبيرة والصغيرة وان كل ماخبرتك زادت دخلك بيزيد وان شغلك فى الشركة الكبيرة خبرة محدوده عكس الصغيرة خبرة موسعه وان لو قلنا انك بتشتغل 40 سنه فأول 10 سنين من حياتك المهنية هى اللى بتحدد دخلك في ال 30 سنه القادمة ..فلازم تلاقي مكان تتعلم منه وتضحى شوية بالدخل مقابل التعلم وده اللى بيعمله شباب كثير لما يشتغلوا فى بدايتهم

المشكلة انك لو ماخذتش بالك والايام بتجرى هتلاقي ان زمايلك اللى جعلوا الاولوية للتعليم سبقوك بمراحل
والحاجه الثانية مش هتعرف تلحق نفسك غير بتضحية كبيرة بس وقتها هيكون فاتك حاجات كثير اهمها الصحة والعمر

لما تبص على الراجل اللى طلع بالسلم ده بسهوله بص الاول هو سعى قد ايه تعب قد ايه ووضحى قد ايه هتعرف انه ضحى بحاجات كثير غيره مكنش بيحب التضحية عشان شوية امتيازات لاتسمن ولاتغنى من جوع

منقول

23/02/2024

عندما يخرج زوجك ليقابل آلاف الوجوه الكالحة كي يوفر لك معيشة طيبة، قد فرمته الحياة وأثقلت كاهليه الأعباء، مع مشقة الحياة التي نحياها، وإرهاق الكسب الحلال، وأنت نائمة هادئة مستقرة لا تفكير لك في شيء، قد كفاكِ الله هم معافسة الناس ومكابدة المشاق؛ فأقل ما يمكن أن تفعليه لتطفئي نار معاناته: بسمة طيبة، وكلمة مريحة وامتصاص تلك النيران التي تعتلج في نفسه قد صهرته صهرا حتى صار كالمشتت لكثرة ما يعانيه!
أن يقابل ذلك كله بانعدام مسئولية وعدم تقدير أو احترام؛ أو نظرة قبيحة وكلمة قد تشعل نيران غضبه؛ فتحملي ما ينالك بعدها، واعلمي أن يداك أوكتا وفوك نفخ.
من كان عندها رجل يسعى لإطعامها وأولادها من حلال ورعايتهم؛ فلتحمد الله؛ ولتكن له عونا تمتص غضبه وتهدئ روعه وتربت على كتفه؛ وإلا فبئس الزوجة وبئست الحياة معها.

23/02/2024

نصيحة لأصحاب الشركات والمدراء طول مانت متعلق في رقبتك بيوت ناس عمرك ماهتقع حتي لو انت متتساهلش فربنا بيرزقك عشانهم، الرزق بيتبع صاحبها