10/06/2025
مصرف أبوظبي الإسلامي – مصر فاتح باب التقديم حاليًا في **إدارة الشريعة**، ودا لفرص تدريب لطلبة رابعة شريعة وقانون إنجليزي أو تجارة إنجليزي، وكمان لتعيين خريجين دفعات 2023 و2024 سواءً شريعة وقانون إنجليزي أو تجارة إنجليزي (ويُفضل اللي مخلص جيش أو معاه إعفاء) المسمى الوظيفي هو Junior Shari’a Associate.
وسواء تدريب أو تعيين، لازم تجهز CV حديث بصيغة PDF ويكون عليه صورتك بلبس فورمال علشان دي أول حاجه هتعبر عنك، واتأكد إن الملف سليم وبيفتح كويس قبل ما تبعته.. التقديم هيكون من خلال اللينك دا:
https://forms.gle/DFhT7mDZoi9gj6k59
وابعت الCV على:
[email protected]
ـــــ
شوية نصايح مهمه يا شباب ياريت نركز فيها..
- تقديرك في الكلية مهم طبعًا، لكن مش هو معيار الاختيار.. فلو تقديرك مش عالي ميمنعكش من انك تقدم.
- المؤسسات الكبيرة التقييم والاختيار فيها بياخد وقت كبير شوية، فمينفعش توقف حياتك على وظيفة قدمت فيها.
- مش مطلوب منك غير بذل الجهد، أما تحقيق النتيجة دا بتاع ربنا.
- وظيفة البنك بتحتاج مستوى عالي من الانضباط الاحترافية، فحاول تخلي ال CV بتاعك يعكس الصورة دي.
- مينفعش اسم الايميل يكون فيه اسم دلع.
- مينفعش تقدم على وظيفة في مكان ومتعملش أقل قدر من المذاكرة للمجال دا.
- لو مستواك في الإنجليزي أقل من **جيد** بلاش تقدم.
- الثقة في المقابلة مطلوبه "تواضع" لا غرور ولا ضعف.
- يفضل ال CV يكون إنجليزي وبيعكس بيانات حقيقة بدون مبالغة أو تقليل.
- مينفعش تبقى مقدم على وظيفة في مجال شرعي وال CV بيعكس طلبك لوظيفة قانونية.
- لو المكان اللي مقدم فيه تواصل معاك وحددلك معاد.. مينفعش تيجي متأخر، أو تغيب بدون اعتذار.
- اهتماماتك ومواهبك مهم تتكتب في ال CV حتى لو شايف ان ملهاش علاقة بالوظيفة.
- التزامك بكل النصايح دي مش بالضرورة هيضمنلك الحصول على الوظيفة، لكن الأكيد انك هتحصل على احترامك لنفسك.
﴿وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ﴾
﴿إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلًا﴾
