يوميات طلاب معهد معاوني القضاء

  • Home
  • Egypt
  • Minya
  • يوميات طلاب معهد معاوني القضاء

يوميات طلاب معهد معاوني القضاء هى صفحه تهتم اولا واخيرا بطلاب معهد معاوني القضاء

17/07/2023

أقوى نتيجة حصلت عليها أنا في اختبار انياجرام هي النمط 2.

12/09/2021

مين حفظ منهج القرآن الكريم

31/08/2021

يتمنون لك الخير بشرط أن هذا الخير لا يجعلك أفضل منهم ، طيبون لكن بوقاحة

29/08/2021

منقول؛؛!
معاكم مريم محمود من معهد معاوني القضاء✨
خلونا نبدأ نتكلم ع المعهد والمواد بتاعته وفرص العمل وازاي تمشي فيه إلى آخره..
مبدئيًا المعهد سنتين يعني تعليم فوق متوسط
بمصاريف
انتظام بس مفيش انتساب
لسة فاتح جديد، الدفعة الجديدة اللي هتدخل تعتبر تاني دفعة فيه ودي تعتبر ميزة لأن أي حاجة جديدة بيكون عليها طلب ومحتاجين ناس كتير في المجال
_هل ده معناه إن في تكليف؟
~معظم الناس اللي دخلت المعهد دخلته علشان الأمل ده، أمل إن المعهد يكون ليه تكليف، ولكن هل في فعلًا تكليف؟!
الحقيقة لأ، لغاية دلوقتي منزلش أي حاجة بتتكلم عن التكليف فموضوع التكليف لسة مش محسوم أمره ولكن خليني أقولك متفقدش الأمل لأن المحاكم محتاجة معاوني قضاة جدًا يعني لو جربت ونزلت محكمة وسألت ايه أخبار كثافة الموظفين عندهم هتلاقي الأغلبية بيقولك إن في عجز كبير لدرجة إن في واحد قال احنا عندنا عجز في الموظفين بنسبة %70 فمن ناحية الطلب ع الوظيفة فهي مطلوبة، ولكن..!
_أيوة بقى بدأت العيوب تظهر، ولكن ايه؟
~طالما مكمل معانا لغاية هنا ومتقبل فكرة إنه معهد سنتين وفوق متوسط فأنا من وجهة نظري معتقدش إن المعهد ليه عيوب بصراحة
أما بالنسبة لـ ولكن فالفكرة هنا إن مش أي حد هيشتغل في الوظيفة دي زي زمان، كان أي حد بيعرف يقرأ ويكتب يشتغل لأ الموضوع اتغير
_يعني ايه؟
~علشان تفهم قصدي هقولك الأول ع كام حاجة
مصر دلوقتي ماشية في اتجاه الرقمنة
يعني كل حاجة بمعنى كل حاجة هتبقى من خلال النت،
زي مانتِ مثلًا كتبتي الرغبات ع النت وهتعرفي التنسيق من ع النت وبطايق الرقم القومي وشهادات الميلاد الكمبيوتر والضرايب وحاجات تانية كتير بقى الأساس بتاعها الأونلاين كمان القضاء في طريقه إنه يبقى إلكتروني "في حاجات فيها تعامل أوفلاين وأونلاين عادي وفي حاجات خلاص بقت كلها أونلاين بس" ولكن الاتجاه اللي الحكومة ماشية فيه دلوقتي هي رقمنة التعاملات الحكومية كلها وطبعًا على رأسهم مرفق القضاء اللي احنا بنتكلم عنه
وبالفعل التعامل مع المحاكم الاقتصادية على مستوى الجمهورية دلوقتي بقى إلكتروني
يعني من الآخر هتهتمي بنفسك من ناحية الكمبيوتر وتاخدي كورسات ICDL مثلًا وخلافه وتبقي فعلًا قادرة إنك تواكبي التقدم ده هتلاقي شغل غير كدة لأ، لأن الحكومة حاليًا مش ناوية تعين حد يكون عبء عليها مش بيعرف يتعامل مع الإنترنت بوجه خاص أو الكمبيوتر بوجه عام
_يعني ايه بقى معاون قاضي أو هشتغل ايه بالظبط؟
~معاون يعني مساعد
معاون القاضي ده مش شخص واحد دول ناس كتير
سكرتير القاضي "اللي بيطلق عليه أمين السر" ده يعتبر معاون قاضي
كمان رئيس القلم الجنائي لو هي محكمة عادية
أو رئيس قلم الكتاب لو محكمة إدارية دول يعتبروا من معاوني القضاة
محصل الرسوم
قلم الحفظ
قلم الجدول
قلم النسخ
الناس دي كلها وغيرهم يعتبروا من معاوني القضاة
يعني من الآخر معاوني القضاة دول حلقة الوصل بين القضاة والخصوم
في شغل كمان لخريجي المعهد وهو إنه يبقى كاتب في النيابة أو موظف في الشهر العقاري وممكن لو حد لم يوفق في الشغل في الحكومة ومعرفش يتعين يشتغل مساعد محامي
_تمام احنا كدة خلصنا كلام عن الشغل، التنسيق أخباره ايه؟
علمي: 495 بما يعادل %76.15
أدبي: 439 بما يعادل %69.68
_هندرس ايه جوة؟ وهل المواد شبه شريعة وقانون ولا ايه الدنيا؟
~معظم المواد هتكون قانون ولكن في بعض المواد هتكون مهارية علشان تكونوا مؤهلين لسوق العمل زي مهارات اللغة العربية مثلًا أو الحاسب
وبما إن المعهد لسة جديد فالمواد اللي فيه كمان جديدة وبتواكب التقدم مش حاجات تقليدية زي القديم يعني مثلًا في مادة هتاخدوها في سنة أولى اسمها "إجراءات التقاضي الإلكتروني" وفي مادة هتاخدوها في سنة تانية اسمها"تطبيقات عملية على الطب الشرعي" يعني من الآخر هتستمتعوا جدًا معانا في المعهد وهتحسوا إنكم بتاخدوا الحاجة اللي هتشتغلوا بيها فعلًا مش كتر مواد وخلاص زي م موجود في معظم الكليات، وهسيبلكم صورة فيها مواد السنتين بعدد ساعات كل مادة في أول كومنت
ده غير إن معظم دكاترة القانون بيظبطونا في إنهم يخففوا علينا كتير في الامتحانات بحجة يعني إننا معهد ومش مطالبين بحاجات كتير زي شريعة وقانون، بس ده ميقللش خالص من المعهد بالعكس، المعهد السنة اللي فاتت واخد من 76.15 في حين إن شريعة وقانون انتظام واخدة من69.38 *علمي *
الفكرة كلها في طبيعة الشغل واحنا كمعاوني قضاة مش بنحتاج القانون أوي في الشغل
وطبعًا أهم حاجة حضور المحاضرات من أول السنة علشان تفهم، خصوصًا أول ترم علشان لو كبّرت في أول السنة هتلاقي الدنيا باظت منك أوي علشان أول مرة تدرس قانون، فانت حتى لو بتحضر محاضراتك هتحس نفسك تايه وقلقان كدة أول شهر مثلًا بس لما بتحضر بتفهم *أو ع الأقل هتعرف الكتاب بيقول ايه بشكل عام وتعرف تقرأ بفهم * حتى لو مبتفهمش من دكتور معين احضرله بردو علشان الدكاترة بتقول الحاجات المهمة اللي غالبًا بتيجي في الامتحان
احساس التوهان ده مش هيروح غير مع أول نتيجة تاخدها من الكلية فمتقلقش من الاحساس ده
أهم حاجة احضر محاضراتك علشان لما تتزنق تعرف ع الأقل هتذاكر ايه متبقاش تايه وسط 400 صفحة في مادة واحدة مش عارف حتى تقرأهم
نخليهم 200 بس وتعرف تقرأ وانت فاهم بتقول ايه😂
وأخيرًا ربنا يوفقكم، ويرزقكم اللي فيه الخير ليكم.
وهكون معاكم في الكومنتات لو حد حابب يستفسر عن حاجة

حصيلة أول عام دراسي في المعهد الناس الى فكرانا بنلعب ايه رأيكم في العب ده
03/07/2021

حصيلة أول عام دراسي في المعهد الناس الى فكرانا بنلعب ايه رأيكم في العب ده

03/07/2021

الناس اللي خلصت امتحان ناس عظمه 💪
والناس اللي مخلصتش امتحان ناس قمر 🖤
ربنا معااكوو 😂😂😂😂😂احنا خلصنا
وانتو لسه 😂😂😂

03/07/2021

وإن سألوك كيف تخطيت؟
قل: "صبرت، فأرضاني الله"

03/07/2021

وكالعادة ي ساده "الصلاة عل النبي "مصدر السعادة 💚✨

03/07/2021

الى عنده سؤال عن المعهد يسيبه في تعليق وهنرد عليه

03/07/2021

اللهم نتيجة تسعد قلوبنا وتزيل تعب هذا العام ❤️

25/06/2021

بشاير خير انشاء الله

Address

شارع ١٥
Minya

Telephone

+201229981985

Website

Alerts

Be the first to know and let us send you an email when يوميات طلاب معهد معاوني القضاء posts news and promotions. Your email address will not be used for any other purpose, and you can unsubscribe at any time.

Shortcuts

Share

Category