الدفعه 56 هندسة الأزهر قسم القوي والألات الكهربائية

  • Home
  • Egypt
  • Nasr City
  • الدفعه 56 هندسة الأزهر قسم القوي والألات الكهربائية

الدفعه 56 هندسة الأزهر قسم القوي والألات الكهربائية لذكري أيامٍ مرت، وأياماً بالأمل تمر، وغداً حتماً تطير العصافير.🕊️✨

10/06/2025

لبيك يا ربى سعينا للعلا
رأينا حُلمنا صحوا نلنا المُنى
سعينا ما سعينا ما تهاونا
لبيك يا ربى لثغرى ها أنا

فـيارب سدد الخُطى وأصب سهم جُهدنا
فـلا بخيبةٍ يُختم ولا سُديً يضيع♥️✨

07/06/2025

لحمتك يا هندسة وتعالى كمل😈🚶‍♀️

في ناس وجودها في حياتنا بيكون رزق، وهاجر من الناس دي.البنت اللي بتعرف تزرع الضحكة في عز الزعل، واللي بتسمعك من غير ما تت...
19/05/2025

في ناس وجودها في حياتنا بيكون رزق، وهاجر من الناس دي.
البنت اللي بتعرف تزرع الضحكة في عز الزعل، واللي بتسمعك من غير ما تتكلم.
اللي بتاخد بإيدك للطريق الصح، واللي بتهون عليك مهما كانت المسافة بعيدة.
هاجر مش بس صاحبة، دي أخت، رفيقة قلب، وسند.♥️

هاجر مش مجرد اسم، هاجر روح جميلة، وابتسامة بتغير المزاج في ثانية.
اللي يعرفها يعرف يعني إيه راحة بال، ويعرف يعني إيه طاقة إيجابية تتوزع على الكل.🥰
هاجر قلبها زي العسل، كلامها بينقط حنية، وضحكتها كأنها انشودة هادية بتريح القلب. 💖

هاجر اللي بتحس بيك من قبل ما تتكلم، واللي دايمًا بتكون جنبك في كل الأوقات.🫂

اللي لما تكلمها، تلاقي عندها الكلمة اللي بتريحك، والنصيحة اللي بتيجي من القلب للقلب.
اللي لما تقعد معاها، بتحس إن الدنيا لسه بخير، وإن في ناس لسه بتعرف تدي من غير حساب.♥️

هاجر صاحبة الجدعنة والأصل، اللي بتعرف تحب من قلبها، وبتدي من غير ما تنتظر مقابل.🥹
دايمًا بتحب الخير للكل، ودايمًا بتفرح لنجاح غيرها وكأنه نجاحها.
وجودها في أي مكان بيغير الأجواء، لأن هاجر مش بس بنت حلوة في شكلها، دي روحها أحلى بكتير.🥰

هاجر الطيبة اللي بتحب تشوف الكل حواليها سعيد، واللي بتزرع الأمل في قلب اللي حواليها.
كلامها كله ذوق واحترام، وأسلوبها كله رقي وأدب، وده مش جديد على بنت الأصول.♥️
هاجر بتدخل القلب من غير استئذان، وتفضل فيه للأبد، لأنها بتعرف إزاي تخلي الناس تحبها بجد. 🌷

هاجر الطموحة اللي بتسعى وبتجتهد وبتحلم، واللي تستاهل تشوف كل أحلامها بتتحقق قدام عنيها.
مهندسة شاطرة، ورفيقة جدعة، وبنت من الزمن الجميل، الزمن اللي فيه الناس كانت بتحب لبعض الخير.♥️
هاجر هي النسمة اللي بتطبطب على قلبك، والضحكة اللي بتعدل مزاجك، والكتف اللي بتسند عليه وقت التعب.

هاجر هي البنت اللي بتعرف إزاي تجمع بين الجدعنة والحنية.
بتعرف تكون الضهر والسند، وتعرف تكون الحضن الدافي اللي بيلملم جراحك.
كلامها دايمًا يلمس القلب، صوتها يطمن، ووجودها يخفف أي وجع.
في عز الزحمة، تلاقيها دايمًا واقفة جنبك، بتسمعك، بتشاركك، وبتديك من قلبها. 💞

هاجر هي البنت اللي لما تكلمها تحس إنك بتتكلم مع أختك، واللي لما تفرح لها بتحس إنك فرحت لنفسك.
ضحكتها زي شمس بتطلع في يوم مطر، تهدي الدنيا وتفتح النفس.
روحها زي النسمة في يوم حر، باردة، منعشة، بتخليك تتنفس براحة.♥️

ربنا يوفقك يا هاجر، ويكتب لك السعادة من أوسع أبوابها.
ويرزقك كل الخير اللي قلبك الطيب يستاهله، ويحلي أيامك بذرية صالحة تشبه جمال روحك، وتكوني أحلى وأحن أم في الدنيا. 🌸💖
وتتخرجي علي خير وتبقي اشطر مهندسة وأحن ام ♥️
يا رب دايمًا تفضلي زينة الأيام، ونور القلوب، ونقطة النور اللي بتطفي كل العتمة اللي حوالينا. 💖

في حياتنا بنقابل ناس كتير، لكن في ناس بيكونوا علامة فارقة، ناس وجودهم بيترك أثر ما ينتهيش.ويمنى من النوع ده من الناس… وج...
18/05/2025

في حياتنا بنقابل ناس كتير، لكن في ناس بيكونوا علامة فارقة، ناس وجودهم بيترك أثر ما ينتهيش.
ويمنى من النوع ده من الناس… وجودها نعمة، وكلامها بلسم للروح، وتصرفاتها دروس في العطاء والتفاني. 💖

يمنى عبد الناصر،بنت بسيطة، لكنها عظيمة بطيبتها وأخلاقها.♥️
هدوءها سمة، ورقتها أسلوب حياة، وعطاؤها بلا حدود.
دايمًا بتلاقيها جنبك في وقت الضيق، أول واحدة تطبطب عليك وتسمعك بكل حب.
شخصية مش ممكن تلاقي زيها بسهولة، لأنها نادرة بصدقها ووفائها وإخلاصها لكل اللي حواليها. 🥺💗

كلنا عندنا ذكريات مع يمنى، سواء في الكلية، أو في المواصلات، أو حتى في الأوقات اللي بنكون فيها زعلانين أو مضايقين.
فاكرين لما كنا بنتلخبط في الطريق، وكانت يمنى دايمًا جنبنا تهوّن علينا وتقولنا: “ماتقلقوش، كله هيعدي”.
فاكرين لما كنا محتاجين نلحق محاضرة، وكانت يمنى بتشيل من وقتها وتشرح لنا كل حاجة كأنها بتشرح لنفسها.

يمنى مش مجرد زميلة، يمنى أخت، أخت لكل واحدة في الدفعة.
الكل بيحبها، الكل بيحترمها، الكل بيثق فيها. لأنها دايمًا بتكون موجودة، حتى في أصعب الظروف.
حتى لو كانت تعبانة، حتى لو كانت مجهدة من السفر، بتلاقيها بتبتسم في وشك وتقولك إحنا هنا مع بعض، كله هيبقى تمام✨

من أجمل الصفات اللي بتتميز بيها يمنى هي كرمها وسخاء قلبها.
فاكرة لما كنتِ بتسافري وتتعبي في الطريق، ومع ذلك أول ما توصلي، تبدأي في إرسال المحاضرات للكل؟
فاكرة لما كنتِ بتهتمي إن الكل يفهم الشرح حتى لو كان مش من ضمن شغلك؟
فاكرة لما كنتِ بتسمعي لصديقتك وهي بتحكي عن همومها، وتسيبي كل اللي في إيدك بس علشان تخففي عنها؟

دي يمنى… الشخص اللي دايمًا بيفكر في غيره قبل نفسه.
الشخص اللي بيدور على سعادة الآخرين قبل ما يدور على سعادته الشخصية.
الشخص اللي عنده قدرة عجيبة على إهداء السعادة والراحة لكل اللي حواليه.💖

🌸 يمنى.. القلب الأبيض اللي مايعرفش الحقد 🌸

عارفين الشخص اللي لما تتكلم معاه، تحس إن الدنيا لسه بخير؟
اللي مهما حصل، يفضل محافظ على طيبته ونقائه وبراءته؟
دي يمنى… مفيش مرة شفتها زعلانة من حد أو شايلة في قلبها غل.
دايمًا بتسامح، وبتنسى الإساءة، وبتفضل تسأل على اللي زعلها كأنها هي اللي غلطانة.

يمنى من البنات اللي بتعافر وبتجتهد رغم كل الصعوبات.
بتسافر كل يوم، تركب مواصلات وتتعرض لمواقف كتير، ورغم كده مش بتشتكي.
شوفناها وهي بتتعب وبتسهر عشان تخلص مشاريعها.
شوفناها وهي بتساعد البنات في المواد اللي مش فاهمينها رغم إنها نفسها بتذاكر وتتعلم.

وفي عز تعبها، بتلاقيها بترسم ابتسامة وتقولك: “أنا كويسة، كله تمام”.
القوة اللي عندها مش طبيعية، الإرادة اللي فيها نموذج لكل بنت نفسها تحقق حلمها. 💪✨

لما نشوف أخلاق يمنى وتربيتها، نعرف قد إيه أهلها ناس أصيلة وطيبة.
كلنا شفنا محبتهم ليها، وحرصهم عليها.
وشفنا كمان حبها الكبير ليهم، واحترامها ليهم، وخوفها عليهم.

عارفة يا يمنى؟ أنتِ مش بس نموذج للفتاة المجتهدة والطموحة، لكن كمان نموذج للبنت اللي بتفخر بأهلها وبتحافظ على تربيتهم.
والدك ووالدتك يستاهلوا كل الشكر لأنهم قدموا لنا إنسانة بمعنى الكلمة.💖

أنتِ مش بس بنت هادية ولطيفة.
أنتِ قلب نابض بالحياة، روح مليانة أمل، وابتسامة بتخفف الأوجاع.
كلنا فخورين بيكِ، فخورين بتعبك وبكفاحك وبنجاحك اللي بنشوفه يوم بعد يوم.
مشوارك مش سهل، لكن ثقتنا فيك كبيرة.
هنفضل دايمًا ندعيلك، وهنفضل دايمًا جنبك، لأنك أخت وصديقة وسند.

ربنا يسعدك ويحقق لكِ كل أحلامك، ويرزقك الخير كله.
ويفرح قلبك الطيب، ويديم عليكِ كل النِعَم.
وإن شاء الله نتخرج سوا، ونحتفل بنجاحك، ونشوفك أحلى مهندسة، وأحلى قلب، وأطيب إنسانة.♥️♥️

الاء✨❤️ لها من اسمها نصيب في حياتنا هي فعلا نعمة من ربنا لينا 🥹❤️الاء والسعي الدؤوب والالتزام نادرا ما تلاقي شخص ملتزم ف...
17/05/2025

الاء✨❤️ لها من اسمها نصيب في حياتنا هي فعلا نعمة من ربنا لينا 🥹❤️
الاء والسعي الدؤوب والالتزام
نادرا ما تلاقي شخص ملتزم في دراسته ومهتم بكورساته، وتسليماته في مواعيدها ودي أكتر صفه ملازمه ليها وهي كل حاجه في وقتها
بالاضافه بقى لفهمها وربطها للمعلومات وقدرتها على التوصيل
عارف الشخص اللي بيكون شرحه بيدخل العقل ويقنعك على طول ؟
دي الاء تبسط المعلومه وتوصلهالك في أقل وقت ممكن
لو قصدتها قبل اللجنة ممكن تلخصلك المنهج كله وتحل وتجيب أحلى تقدير كمان.❤️❤️❤️
حسن التصرف والشجاعة
أكتر حد يعلمنا الشجاعة بمفهومها الحقيقي وهي أن تتحرك خائفا
بتتصدر لو في مشكلة وتحاول تحلها بكل طاقتها ..
ناخد ريسكات ونقدم في أي حاجه ايڤنت في أي مكان ياله بينا ؟
تيم في اخر الدنيا ياله بينا ؟
ونفضل نصيح على تعب المشوار وده كمان لأنها مش بتحب المشي ولا اللف بس بالتدبيس تديك احلى أداء 😂❤️❤️❤️
بالإضافة لذكائها في الدراسه هي شخص ذكي عاطفيا مش بس شخص حنون أو بيبذل جهده عشان صحابه يكونوا بخير ،لا بتقدم الحب للي قدامها زي ما هو بيحب مش زي ما هي بتحب.
شخص واعي ومسؤول وتستشيرة في أي حاجه وتتكلم معاه تحس أنك مطمن وأهدى
نيجي بقى للطموح القاتل اللي جايبنا ورى 😂
نشوف اللي خبرة كام سنة ولا كام مشروع ونقعد نتعجب ازاي مستوانا مش زي الناس اللي هناك دي ؟🫣
أزاي احنا في السن ده ومش co founders مثلا 😂😂
وينتهي النقاش بمحاولات تصبير نفسنا إن أحنا لسه بنتعلم وإن شاء الله هنكون زي الناس الجامدين دول ونشجع نفسنا بجملة أغبى منك ووصلوا...كمل 😂😂❤️
اكتر حاجه بتميزها كمان أنها بتتقي الله في خطواتها❤️ وبتسعى ديما تكون أفضل دينيا
فهي أجمل وأفضل صديقة تعينك على الدين والدنيا ❤️❤️
باذن الله بسعيك المميز تكوني اشطر مهندسة smart systems وتوصلي لأعلى position وتكوني فيه راضيه ومرتاحه❤️❤️

في حياتنا بنقابل ناس بيعدّوا كأنهم نسمة هوا، لكن أثرهم بيبقى محفور في القلب والذاكرة. ومن الناس دي هي آية عبد الله — الص...
16/05/2025

في حياتنا بنقابل ناس بيعدّوا كأنهم نسمة هوا، لكن أثرهم بيبقى محفور في القلب والذاكرة. ومن الناس دي هي آية عبد الله — الصديقة اللي دخلت حياتنا صدفة لكن بقيت فيها بقوة وإصرار، وأثبتت إنها أكتر من مجرد صديقة، دي أخت حقيقية وسند في كل وقت. 🫂♥️

آية هي صاحبة القلب الطيب والروح النقية اللي دايمًا جاهزة تطبطب وتدعم، حتى لو هي نفسها غرقانة في قلقها وتعبها.
هي اللي دايمًا بتقولك: “متقلقيش.. هتلحقي”، وهي نفسها في قمة التوتر والقلق.
آية مش بس بتقولك الكلام ده، دي بتعيشه معاك لحظة بلحظة. بتفضل جنبك في كل خطوة، تشيل همك قبل همها، وتساعدك كأن مش وراها غيرك. 🤍💪

آية مش مجرد طالبة هندسة، دي مثال حي للإصرار والاجتهاد.
كل حاجة بتعملها بتحط فيها قلبها وعقلها، وتفضل تدور وتبحث وتستنزف كل طاقتها لحد ما تخرج بأحسن نتيجة ممكنة.
لو طلبت منها حاجة، هتلاقيها بتشرحهالك بكل حب وتفصيل، وكأنها بتشرح لنفسها.
هي اللي بتبذل مجهود إضافي عشان تتأكد إن اللي حواليها فاهمين ومستوعبين، ودي ميزة مش أي حد يقدر يعملها. 👏✨

آية عندها طاقة احتواء مش عادية.
مهما كان اللي حواليها بيمروا بأزمات أو ضغط أو توتر، تلاقيها أول واحدة بتطبطب وتدعم وتسمع من قلبها.
اللي يعرفها يعرف إنها أطيب قلب وأجمل روح، وإنها لما تحب حد، بتفضل تدعيله بصدق وكأنها بتدعي لنفسها.♥️🥰
ولو حد طلب منها نجوم السما، تلاقيها بتحاول توصلهم له بأي طريقة.

آية أكتر واحدة منظمة ماشاءالله،
كل ورقة، كل مذكرة، كل محاضرة مترتبة ومرتبة وكأنها مشروع تخرج في حد ذاته.
دايمًا أول واحدة في المدرج، وأول واحدة بتخلص واجباتها على أكمل وجه.🤭
ولو هنتكلم عن المواعيد، فآية مثال يُحتذى بيه. تيجي قبل المعاد بساعة وتفضل مستنية بدون أي ملل.
المبدأ بتاعها في الامتحانات هو: “اللي ذاكرته هكتبه حتى لو مش مطلوب مني”، وده فعلاً اللي مخليها دايمًا من الأوائل. 🤍

🌟 رسالة من القلب من حد عزيز عليكي:

يا آية، مهما كتبت ومهما قلت مش هقدر أوصف قد إيه وجودك كان فارق في حياتنا كلنا.
أنتِ الشخص اللي بدونه الكلية ما كانتش هتبقى بالألوان دي، ولا الضحك والهزار كان هيبقى ليه طعم.
أنتِ الذكرى الجميلة اللي هنفتكرها ونحكي عنها لسنين جاية، واللي علمتنا إن الصديق الجدع هو اللي بيسندك ويمسح دمعتك قبل ما تنزل.

ربنا يسعدك ويوفقك في طريقك، ويحقق لك كل أحلامك الكبيرة والصغيرة.
وإن شاء الله أشوفك قريب مهندسة ناجحة بتبني أحلامها وتحققها واحدة واحدة.
وتفضلي دايمًا مصدر فخر لأهلك وكل اللي حواليكي.♥️

الهادئة بطبعها، النقية بقلبها، التي تحل أينما كانت فتُضفي على المكان سكينةً وبهجة، 💜🤍إنها المهندسه : هاجر عادل.💜🤍ابنة ال...
15/05/2025

الهادئة بطبعها، النقية بقلبها، التي تحل أينما كانت فتُضفي على المكان سكينةً وبهجة، 💜🤍
إنها المهندسه : هاجر عادل.💜🤍
ابنة الشرقية الأصيلة، وصاحبة الخُلق الرفيع، التي إن عرفتُها يومًا، فقد عرفت قلبًا لا يُشبه سواه. 💜💜🤍🤍
أقرب ما تكون للأخت للجميع التي يُطمئن القلب بوجودها.🤍💜
هاجر من القلائل الذين يجتمع فيهم الذكاء، واللُطف، وروح المبادرة💜🤍
لا تتأخر يومًا عن عون أحد، ولا تبخل بعلم أو وقت، بل كانت دومًا سبّاقة بالخير.💜🤍
اذا احتاجت إليها دايما تسعدك لدرجه ممكن تشرحلك وهيه وافقه ف الاتوبيس واحنا رايحين ع الامتحان أو حتى في أكثر اللحظات توترًا وكأن الأمر رسالة لا تؤجَّل.💜🤍🤍🤍
هاجر من أهل القرآن، لا باللفظ فقط، بل بالخلق والجوهر. 🤍💜💜
حديثها قليل، لكن كلماتها تترك أثرًا طيبًا لا يُنسى.💜🤍
كانت سندًا حقيقيًا، وقلبًا أبيض لا يحمل سوى النية الطيبة والدعاء الصادق.💜🤍
شخصيه مسؤلة جدا وعلى الرغم من مسؤولياتها، لم تفقد يومًا روحها الجميلة،
كلامها يبعث الطمأنينة في النفس، وتُشعر من حولها بالراحة والأمان.💜🤍
وعندما تتحدث، تُحسن التعبير، وإن صمتت، حضرها وحده كافٍ ليُشعر الجميع بالطمأنينة.💜🤍
هاجر طبعا جميله ومبهجه وضحكتها تجنن وبسيطه ورقيقه بسيطه ف كل حاجه تقريبا ف التعامل لينه وسهله وتحس انها حد انت عارفه من زمان وف لبسها بيكون بسيط ورقيق ليدي ف نفسها ما شاء الله عليها وطبعا مهوسه بالاسكين كير 🤣💜
ومن الناس الي اول ما المحاضرة تخلص منشوفهاش 🤣💜
ودمها خفيف وقعدتها مبيتشبعش منها 🤍💜
ومهندسه شاطرة ومجتهدة وقد المسئوليه
ربنا يُسعدها، ويوفّقها، ويرزقها خير ما تتمنى، وأن يجعل والدها في أعلى درجات الفجر بها لكونها مهندسه وخاتمه ايات الله .🤍💜
وجودك في حياتنا نعمة، وحبك في الله باقٍ ما بقينا.💜🤍
وسيبقى وجودكِ في الذاكرة نعمة لا تُنسى، ومحبتكِ في القلب دعاء لا ينقطع.💜🤍
نُحبك بصدق، ونفتخر بكونك جزءًا من رحلتنا.💜🤍

ونحب نهديكي هذة الأبيات
صديقي وخِلّي وبعضي وكُلّي..
شريك النجاح شريك العناء..
إذا ضاق صدري وخارت قوايا ..
وجفت دموعي إبان البكاء..
وجدتك كنت ملاذي وظلّي..
رفيقًا يُواسي ويمحو العناء..
مضينا سويّا بحلو ومُرّ ..
فيا سعد روحي بهذا الوفاء 💜🤍

Address

Nasr City

Website

Alerts

Be the first to know and let us send you an email when الدفعه 56 هندسة الأزهر قسم القوي والألات الكهربائية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category