Lunes 08:00 - 21:00 Martes 08:00 - 21:00 Miércoles 08:00 - 21:00 Jueves 08:00 - 21:00 Viernes 08:00 - 21:00

Facultade de Educación e Traballo Social - Campus Ourense

Casa
España
Orense
Facultade de Educación e Traballo Social - Campus Ourense

Páxina de Facebook da Facultade de Educación e Traballo Social do Campus de Ourense

03/06/2026

🎓🏆 Recoñecemento ao talento e compromiso do noso alumnado!

Acollemos o acto de entrega de premios do concurso "Adiccións: o teu punto de mira" de alumnas de 4º de Educación Social, que foron galardoadas co terceiro premio na categoría de vídeos para YouTube, cunha dotación de 900 euros.

Este traballo foi executado dentro da materia impartida polo docente Manuel Isorna.

Parabéns ás premiadas por este merecido recoñecemento! 👏🏼✨

02/06/2026

Xa está aberto o prazo para os Premios Culturais da Universidade de Vigo 2026. Se tes un proxecto de fotografía, creación audiovisual, maquetas de música ou un dossier de pintura, este é o teu momento.

✅ Traballos en formato dixital, incluídos os teus TFG ou Traballos de Fin de Máster
✅ Ata o 29 de xullo
✅ Inscrición e entrega directamente a través de sede.uvigo.gal

Fai medrar o teu talento! Tes toda a información detallada en uvigo.gal/campus/cultura/premios-culturais 🚀

01/06/2026

O alumnado de Traballo Social do Campus de Ourense impulsou unha nova acción de aprendizaxe-servizo levando talleres de mediación, convivencia e interculturalidade ao IES Eduardo Branco Amor, nos que participaron arredor de 210 estudantes. A iniciativa, integrada no proxecto Cultivar outra mirada, consolídase como unha experiencia de referencia que fortalece a conexión entre universidade e comunidade co apoio de entidades sociais.

https://www.uvigo.gal/universidade/comunicacion/duvi/alumnado-traballo-social-traballa-mediacion-interculturalidade-mais-200-estudantes-eso

30/05/2026

🎓 Graduamos unha promoción máis de infantil, apadriñada por Isabel Mociño e Marcos Loureiro. A eles confiarémoslles, nun futuro próximo, os nosos fillos e fillas e converteranse nuns dos seus principais referentes.

Parabéns e moita ilusión e forza nesta nova etapa das vosas vidas! ✨

29/05/2026

Xa está en marcha a nova edición da Convivencia Profesional e Interuniversitaria de Educación Social Xurés 2026 do Colexio de Educadoras e Educadores Sociais de Galicia , un dos principais espazos de encontro da Educación Social en Galicia. Durante tres xornadas, o Xurés converterase nun punto de unión para profesionais, alumnado e comunidade universitaria, combinando formación, reflexión, intercambio e convivencia nun entorno natural único. Unha oportunidade para crear vínculos, compartir experiencias e achegarse á realidade da profesión desde dentro. 🌿🎓

https://ceesg.gal/xures-2026/

28/05/2026

Na FETS (Facultade de Educación e Traballo Social), celebramos as Letras Galegas en moi boa compaña, con Beatriz e Carmen Caamaño, Mayka Aguado e Ana Romaní. Mayka recordou a súa infancia coa autora homenaxeada, léndonos o seu relato "Xogando con Begoña"; Carmen, egresada de Educación Infantil, reflexionou sobre a relación coa súa tía; Bea Caamaño e Ana Romaní conversaron coa profesora Ana Iglesias sobre a perspectiva feminista e de reivindicación social coa que Begoña Caamaño enfocou a súa vida, o seu traballo e a súa literatura. As súas dúas novelas manteñen neste sentido máxima vixencia, así como o seu traballo xornalístico. Para rematar, o profesor Xosé Constenla agasallounos cun concerto no que estableceu un diálogo entre as súas cancións e os artigos xornalísticos de Begoña Caamañao, sobre temas tan actuais como o antimilitarismo ou a defensa da nosa lingua.
Celebremos a nosa lingua todos os días, vivindo nela!

25/05/2026

✨ Parabéns ao alumnado do último curso do Grao en Educación Social! Un día para recoñecer o voso compromiso coa transformación social e o traballo coas persoas.

🎟 A vosa graduación terá lugar o 29 de maio, ás 19:00 h, na Sala Marie Curie do Edificio Politécnico.
🎓As vosas madriñas serán Rosana Martínez e Paula Rodríguez.

O acceso realizarase con invitación. Será unha honra compartir este momento convosco! 🤍

Grazas a Carlos e á asociación Por eles TEA Ourense por este debuxo.

22/05/2026

Seminario “N’o Passo da música brasileira: estilos musicais brasileiros e Método Passo”, totalmente práctico, pensado para vivir a música en primeira persoa.🎶

📢 Da man de Valéria Garcia Soares, licenciada en Música, Máster en Musicoloxía e investigadora da UNIRIO (Brasil), actualmente en estadía no Campus de Ourense grazas a unha axuda CAPES.

Un encontro dividido en dúas partes:
👉 Un percorrido por diferentes estilos da música brasileira, con audicións para descubrir as súas principais características.
👉 A presentación do Método Passo, un innovador método de educación musical brasileiro, con exercicios prácticos de musicalización.

👩‍🏫 Organizan:
Lucía Casal-de-la-Fuente (Área de Didáctica da Expresión Musical – UVigo) e Oficina de Actividades Culturais (Vicerreitoría do Campus de Ourense)

✨ Actividade aberta e gratuíta, sen necesidade de inscrición previa.

21/05/2026

Unha delegación da Facultade de Educación e Traballo Social visitou a Universitat de Lleida (UdL) e a AFA Escola Pràctiques 1 , de máxima complexidade, e AFA Escola Alba , escola urbana de liña 2.

Esta acción enmárcase no plan de formación continua do profesorado da FETS, abrindo espazos para reflexionar conxuntamente sobre novos modos de deseño dos graos de cara á renovación dos títulos. A través do intercambio con centros educativos referentes, coñecemos experiencias e boas prácticas que inspiran e enriquecen a formación docente.

Dirección

As Lagoas S/n
Orense
32004

Horario de Apertura

Lunes	08:00 - 21:00
Martes	08:00 - 21:00
Miércoles	08:00 - 21:00
Jueves	08:00 - 21:00
Viernes	08:00 - 21:00

Página web

http://fcce.uvigo.es/

Notificaciones

Sé el primero en enterarse y déjanos enviarle un correo electrónico cuando Facultade de Educación e Traballo Social - Campus Ourense publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.