Lizeoa

Lizeoa Ikastola

💚 LAN ESKAINTZA: ADMINISTRARIALizeoan administrari bat behar dugu datozen hilabeteetarako, jardunaldiaren %100ean. Lanpo...
01/09/2026

💚 LAN ESKAINTZA: ADMINISTRARIA

Lizeoan administrari bat behar dugu datozen hilabeteetarako, jardunaldiaren %100ean. Lanpostuak bi egiteko nagusi izango ditu: Eskola Kiroleko koordinazioa eta idazkaritzako behin-behineko ordezkapena.

Eskatzen edo baloratuko diren baldintzak:

🗣️ Euskara ahoz zein idatziz menperatzea
🏃 Eskola Kirolean esperientzia izatea
💻 Administrari lanetan esperientzia izatea: kontabilitatea, nominak, ofimatika…
👧👦 Haurrekin aisialdian esperientzia izatea

📩 Interesa baduzu, bidali zure curriculuma irailaren 6a baino lehen:
[email protected]

Bazatoz? 💚

?

💚 Ikasturte berri bati ekin diogu!Gaur, Lizeoko bost ikastoletako irakasleak goiko eraikinean elkartu dira klaustroan, i...
01/09/2026

💚 Ikasturte berri bati ekin diogu!

Gaur, Lizeoko bost ikastoletako irakasleak goiko eraikinean elkartu dira klaustroan, ikasturte berriari elkarrekin ekiteko. Zerbitzuetako eta idazkaritzako lankideak ere martxa ederrean dabiltza ikasleak datozenean dena prest izateko 💪😊

Indartuta gatoz, ilusioz eta erronka berriei aurre egiteko gogoz. Ikasturte honetan ere, orain arte bezala, argi ditugu gure helburuak: eskualdea euskalduntzen jarraitzea, kalitatezko hezkuntzan sakontzea eta herrigintzan gure alea jartzea.

Ikasleekin, familiekin eta komunitate osoarekin elkarlanean egingo dugu bidea.

🚀 Ikasturte berri bat, erronka berriak, eta, begi-bistan, bide bat elkarrekin!

?

25/07/2026

🎉💚 San Juan jaietako txupinazoan, Lizeoaren 50 urteko ibilbidea omendu dute!

Aurten, Gema, Karmele eta Lurdes Sistiaga izan dira San Juan jaietako txupinazoko protagonistak, Lizeoaren 50. urteurrena dela eta. 💚🎆

Eskerrik asko Donibaneko Jai Batzordeari, eta zorionak urte hauetan guztietan Lizeoaren parte izan zareten eta egiten jarraitzen duzuen guztioi. 💚

🎊 50 urte, herrigintzan eta euskararen alde, elkarrekin.

BidebatElkarrekin Ikastolak LizeoaGara SanJuanJaiak

☀️💚 Orain bai… oporretara goaz!Gaur gure Lilitegietako txikienek ere ikasturteari agur esan diote. Haiekin amaitu dugu i...
21/07/2026

☀️💚 Orain bai… oporretara goaz!

Gaur gure Lilitegietako txikienek ere ikasturteari agur esan diote. Haiekin amaitu dugu ikasturtea, eta, orain bai, Lizeoa goitik behera eta behetik gora oporretan dagoela esan dezakegu. 🌼😊

Azken eguna ospatzeko, mural koloretsu eta eder bat margotu dute elkarrekin. 🎨🖌️ Irudi hauetan ikus dezakezue egindako lana.

💚 Eskerrik asko ikasleei, familiei eta langile guztiei elkarrekin bizi dugun ikasturteagatik.

🌞 Ondo pasa oporrak, atseden hartu eta indarrak berritu. Irailean ikusiko dugu elkar!

?

💚📚 LAN ESKAINTZAK!2026-2027 ikasturterako irakasle berriak bilatzen ari gara:🧪 Zientzietako irakaslea (jardun osoa)🌍 Giz...
02/07/2026

💚📚 LAN ESKAINTZAK!

2026-2027 ikasturterako irakasle berriak bilatzen ari gara:

🧪 Zientzietako irakaslea (jardun osoa)
🌍 Gizarteko irakaslea (jardun osoa)

Ezinbesteko baldintzak:
✔️ Dagokion gradua
✔️ Irakaskuntza Masterra
✔️ Euskarako C1 ziurtagiria
✔️ Ingeleseko B2 ziurtagiria (Gizarteko lanposturako)

📝 Curriculumak uztailaren 5era arte jasoko ditugu ikasturte osoko lan-eskaintzetarako.

📌 Data horretatik aurrera jasotako curriculumak 2026-2027 ikasturteko ordezkapenetarako lan-poltsan sartuko ditugu.

🔗 Izena eman: https://docs.google.com/forms/d/e/1FAIpQLSc7__OfXodQM6i7BlwpcAAQjMys_yD7g_9ATFcxigKZSZfwig/viewforms

?

⚠️ Adi! Euskararen normalizazioaren aurkako oldarraldiaren azken gertakarien harira, hiru elkarretaratze deitu ditugu os...
01/07/2026

⚠️ Adi! Euskararen normalizazioaren aurkako oldarraldiaren azken gertakarien harira, hiru elkarretaratze deitu ditugu ostegun honetarako hiriburuetako campusetan:

🗓️ Uztailak 2, osteguna • 12:00

👉 Bilboko Ingeniaritza Eskola
👉 Donostiako Karlos Santamaria Zentroa
👉 Gasteizko Letren Fakultatea

- Unibertsitatera sartzeko probetan zenbait ikaslek lortutako emaitza eskasak euskararen aurkako oldarraldia hezkuntzara hedatzeko baliatu dela salatu du Kontseiluak.
- Ikasle guztien euskalduntzea bermatzeko bidea hizkuntza-ereduen sistema gainditzea eta euskarazko ikasteredua orokortzea de.

ℹ️ Irakurri osorik webgunean: https://kontseilua.eus/oldarraldia/usap-elkarretaratzeak

23/06/2026

💚🎶 “Zor diegu”, Lizeoaren 50. urteurreneko kantua

Plazara! jaialdian estreinatu genuen Zor diegu, Lizeoaren 50. urteurrena ospatzeko sortutako abestia.

Jurgi Ekizak eta Lizeoko abesbatzak (LH6ko ikasleek) lehen aldiz interpretatu zuten zuzenean, eta urteurreneko festako une berezienetako bat bihurtu zen.

🎶 Zor diegu kantuaren bidez, Badiako ikastola txikiak abiatzen lehenik, eta Lizeoa osatzen ondoren, herrigintzan aritutako pertsona guztien lana eta konpromisoa aitortu nahi izan ditugu. Gaur egun garena izateko ezinbestekoak izan diren belaunaldi guztiei eskainitako esker ona da.

🎥 Hemen duzue estreinaldiaren bideoa, karaoke formatuan, nahi duenak ikasi, kantatu eta gurekin batera gozatzeko!

🙏 Eskerrik beroenak Pasaiako eta Lezoko Udalei, urteurreneko ekitaldietan emandako babes eta laguntzagatik.

💚🎶 Gozatu eta kantatu gurekin!

?

19/06/2026

💚👏 Eskerrik asko, Karmele!

Gaur, ikasturteko azken egunarekin batera, Karmele Legorbururen azken eguna ere izan da Lizeoan. Urte luzez gure komunitatearen parte izan ondoren, erretiroa hartu du.

Ikasleek agur hunkigarria prestatu diote, urte hauetan guztietan jasotako maitasunaren eta esker onaren isla. 🌸✨

Euskararen aldeko militante sutsua izan da beti Karmele, eta belaunaldi askori transmititu dizkie hizkuntzarekiko atxikimendua, konpromisoa eta maitasuna. 💚

Eskerrik asko urte hauetan guztietan egindako lanagatik eta utzi duzun arrastoagatik. Etapa berri honetan onena opa dizugu!

🎥 Hona hemen gaurko agurreko une batzuk.

?

🧪✨ Zientziaren magia LH2ko ikasleekinLeherketak, txinpartak, burbuilak, koloretako urak, koloretako keak, airean geratze...
19/06/2026

🧪✨ Zientziaren magia LH2ko ikasleekin

Leherketak, txinpartak, burbuilak, koloretako urak, koloretako keak, airean geratzen diren objektuak eta hormak zeharkatzen dituztela diruditen esperimentuak... 😮🎇

LH2ko ikasleek zientzia-erakustaldi ikusgarria izan dute, Lizeoko goiko eraikinetik etorritako irakasleen eskutik. 🧑‍🔬👩‍🔬

Tailerrean, materiaren eta bereziki gasen ezaugarriak ezagutzeko aukera izan dute, esperimentuen bidez. Izan ere, airez inguratuta bizi gara etengabe, baina askotan ez gara haren presentziaz jabetzen. Horregatik, gasek aukera paregabea eskaintzen dute harridura eta jakin-mina pizten dituzten esperientziak egiteko. 💨🔍

Baina saioaren helburua ez da harritzea bakarrik. Esperimentu bakoitzaren atzean dagoen azalpen zientifikoa bilatzea ere izan da erronka, ikasleek ikusitakoa ulertu eta arrazoitzeko aukera izan dezaten. 🤔💡

Zientziaz gozatzen, galderak egiten eta mundua beste begi batzuekin ikusten! 💚🔬

?

🎤✨ Bat-bateko bertsoak, ausardia eta irribarreak!Ikasturte amaierari begira, LH5eko eta LH6ko ikasleek bertso saio polit...
18/06/2026

🎤✨ Bat-bateko bertsoak, ausardia eta irribarreak!

Ikasturte amaierari begira, LH5eko eta LH6ko ikasleek bertso saio polita eskaini dute Juanba Berasategin. 👏🎶

Ikasturtean zehar landutakoa erakusteko aukera izan dute: papertxo batean ausaz jasotako bi oin abiapuntu hartuta, koplak osatu behar izan dituzte bat-batean, ikaskideen aurrean. 🎙️😄

Horretarako,aurrez ikasitako lau doinu erabili dituzte: Maritxu nora zoaz, Baldarrak, Ikusi nuenean eta Behin batian Loiolan (zaharra). 🎵

Ikasle hauek ikasturte osoan zehar bertsolaritza lantzen aritu dira astean ordubetez. Bidea, Bertsozale Elkarteko Joanes Ilarregirekin hasi zuten eta Andoni Rekondorekin amaitu dute, eta bukatzeko, ikasitakoa oholtza gainean erakutsi dute.

Zorionak ikasle guztiei egindako lanagatik eta erakutsitako ausardiagatik! 💚👏

?

Address

Larrabide 5

20110

Website

Alerts

Be the first to know and let us send you an email when Lizeoa posts news and promotions. Your email address will not be used for any other purpose, and you can unsubscribe at any time.

Contact The University

Send a message to Lizeoa:

Shortcuts

  • Want your university to be the top-listed University?

Share