Seminariu de Filoloxía Asturiana

06/10/2026

VIENRES 6 DE PAYARES: CICLU DE CONFERENCIES "LOS MODELOS POÉTICOS XAPONESES NES LLITERATURES ROMÁNIQUES PENINSULARES"

De 9:30 a 13:30 na Sala de Conseyos del Departamentu de Filoloxía Española (Campus de Santuyano / Milán).

Entrada llibre.

03/10/2026

WEB DEL ATLES ETLEN: ACTUALIZACIÓN

La web del atles "Estudiu de la Transición Llingüística na Zona Eo-Navia (Asturies), conocíu poles sigles ETLEN, acuriosóse estéticamente en tipografía, xuegu de colores y otros detalles. Amás, actualizáronse dellos datos.

Recordámosvos que nesta web (agospiada na Universidá d'Uviéu) podéis baxar, enteru o en partes, l'atles llingüísticu del gallego-asturianu o eonaviegu, na frontera ente l'asturianu y el gallegu:

ETLEN ye la sigla d’Estudiu de la transición llingüística na zona Eo-Navia, Asturies, un proyectu d’investigación de la Universidá d’Uviéu que desembocó nel atles llingüísticu del mesmu nome, publicáu nel 2017. L’ETLEN ye una obra de xeografía llingüística centrada na faza más ...

01/10/2026

24/09/2026

IV ALCUENTRU INTERNACIONAL DE FILOLOXÍA ASTURIANA
LLINGUA, DISCURSU Y PODER: PERSPECTIVES CRÍTIQUES CONTEMPORÁNEES

Los díes 12 y 13 de payares de 2026 va desenvolvese na Universidá d’Uviéu’l IV Alcuentru Internacional de Filoloxía Asturiana, col títulu “Llingua, discursu y poder: perspectives crítiques contemporánees”. L’actu va celebrase na Sala de Xuntes del Departamentu de Filoloxía Española, nel Edificiu Departamental de la Facultá de Filosofía y Lletres.

Como nes ediciones anteriores, l’AIFA pretende poner en diálogu la filoloxía asturiana con otres disciplines, enanchando les perspectives sobre cuestiones d’interés comunes y promoviendo l’anovación metodolóxica. Los temes principales d’esta cuarta edición son la sociollingüística crítica (día 12) y l’análisis del discursu mediáticu y educativu (día 13).

Nesta edición, ye posible participar con un póster que se rellacione colos temes del congresu. La convocatoria pa rexistrar la propuesta ta abierta hasta’l 10 d’ochobre de 2026. Les propuestes han mandase per esti formulariu: https://forms.gle/vuHDARyMz9Ye3J5Q8

L’asistencia al IV AIFA puede certificase sin costu, previa inscripción nel formulariu: https://forms.gle/BF9oJSTScLKpK5obA.

Contactu: [email protected]
Twitter: / Instagram:

Esta información puede atopase tamién na web del Seminariu de Filoloxía Asturiana:
https://sfa.grupos.uniovi.es/actualidad/-/blogs/iv-alcuentru-internacional-de-filoloxia-asturiana-llingua-discursu-y-poder-perspectives-critiques-contemporanees?_33_redirect=https%3A%2F%2Fsfa.grupos.uniovi.es%2Factualidad%3Fp_p_id%3D33%26p_p_lifecycle%3D0%26p_p_state%3Dnormal%26p_p_mode%3Dview%26p_p_col_id%3Dcolumn-1%26p_p_col_count%3D1

07/09/2026

https://www.uniovi.es/en/estudia/extension/aulas/-/asset_publisher/V5zhy2mAzWX6/ofertaViva/id/15341813

25/08/2026

AULA D'ESTENSIÓN UNIVERSITARIA: "INTRODUCCIÓN A LA INVESTIGACIÓN FILOLÓXICA NEL ÁMBITU DEL ASTURIANU Y DEL GALLEGO-ASTURIANU"

Del 31 d'agostu al 30 de setiembre ye'l periodu de matriculación. El cursu celébrase del 1 d'ochobre al 26 de payares del 2026.

27/07/2026

AULA "INTRODUCCIÓN A LA INVESTIGACIÓN FILOLÓXICA" 2026: MATRICULACIÓN EN SETIEMBRE

L'Aula d'Estensión Universitaria "Introducción a la Investigación Filolóxica nel Ámbitu del Asturianu y del Gallego-Asturianu" va celebrase n'ochobre próximu. La matriculación va abrise en setiembre.

[Esta información atópase tamién na web del Seminariu de Filoloxía Asturiana]:

https://sfa.grupos.uniovi.es/actualidad/-/blogs/aula-introduccion-a-la-investigacion-filoloxica-2026-matriculacion-en-setiembre?_33_redirect=https%3A%2F%2Fsfa.grupos.uniovi.es%2Factualidad%3Fp_p_id%3D33%26p_p_lifecycle%3D0%26p_p_state%3Dnormal%26p_p_mode%3Dview%26p_p_col_id%3Dcolumn-1%26p_p_col_count%3D1

20/06/2026

EL TRADUCTOR ESLEMA ABRE ESTENSIÓN EN CHROME Y FIREFOX

ESLEMA, el sistema de traducción automática castellanu-asturianu desendolcáu pola Universidá d'Uviéu a partir de la tecnoloxía Apertium, presenta 15 años depués una estensión de Chrome y Firefox.

La nueva estensión permite tanto la traducción páxina a páxina como continua, acompañando la navegación, de páxines en castellanu al asturianu.

Anque nun se trata d'un proyectu activu, trátase d'una pequeña contribución a la comunidá qu'utiliza entá güei de forma activa'l traductor.

🔗 Chrome Web Store:

https://chromewebstore.google.com/detail/hacobgkkfdbaihkbokoagmdkgocdpaad?utm_source=item-share-cb

🔗 Firefox Add-ons:

https://addons.mozilla.org/es-ES/firefox/addon/eslema-navega-n-asturianu/

Descargar Eslema — Navega n'asturianu para Firefox. Traduz páxines web del castellanu al asturianu. Basáu nel traductor Eslema (Apertium).Traduz páxines web del castellanu al asturianu automáticamente. Basáu nel motor de traducción Apertium y nel proyectu Eslema de la Universidá d'Uviéu.