Waajjira Daldalaa fi Misooma Gabaa Aanaa Dawwee Harawaa

09/07/2026

Online Haaromsa Eeyyama Daldalaa Adoolessa 01/2018 irraa jalqabee Hawaasni Daldalaa Aanaa keenyaa hundi Dirqama isaa bahee Seera qabeessummaa isaa mirkaneessuu qaba.
https://etrade.gov.et/

'uura Guddina_Diinagdeeti!!

08/07/2026

Hawaasa Daldalaa Aanaa Dawwee Harawaa Hundaaf:-

Baga Haaromsa Eeyyama Daldalaa Kan Bara Baajataa 2019 Geessan!!

Waajjirri Daldalaa fi Misooma Gabaa Aanaa Dawwee Harawaa Daldaltoota Aanaa Keenyaa hundaaf ergaa Baga Haaromsa Eeyyama Daldalaa Kan Bara Baajataa 2019 Nagaan Geessan/Geenyee dabarseera.

Itti Gaafatamaan Waajjira Daldalaa fi Misooma Gabaa Aanichaa Obboo Aliyyi Mohammad akka jedhanitti bara baajataa 2018 karoora haaromsa Eeyyama daldalaa %75 raawwatamuu isaa fi Karoora Bara Baajataa 2019 galmaan gahuuf hojiilee qophii xumuruun tajaajila barbaachisu kennuuf maamiltoota eegaa akka jiran ibsaniiru.

Haaluma kanaan Adoolessa 1/2018 irraa eegalee Tajaajilli Haaromsa Eeyyama Daldaltootaa karaa toora Internetiin (online) raawwatamuu waan jalqabeef hawaasni daldalaa Aanichaa hundi gara waajjira daldalaa dhufuun Eeyyama Daldalaa keessan Haaromsuun Seera qabeessummaa keessan akka mirkaneessitaniif Waajjirri Daldalaa fi Misooma Gabaa A/D/Harawaa Ergaa kana dabarseera.

Tajaajila_si'ataa fi ariifataa itti Quufinsa Maamiltootaaf!!

08/07/2026

07/07/2026

Qaala’iinsa gatii guutummaan dhabamsiisuun hin danda’amu, tasgabbeessuun garuu ni danda’ama - Dooktar Abiy Ahimad

Finfinnee, Waxabajjii 30, 2018 (FMC) – Qaala’iinsa gatii guutummaan dhabamsiisuun hin danda’amu, tasgabbeessuun garuu ni danda’ama jedhan Ministirri Muummee FDRI Dooktar Abiy Ahimad.

Dooktar Abiy Ahimad gabaasa raawwii hojii bara baajataa 2018 fi karoora bajaata 2019 ilaalchisee Yaadaa fi gaaffii dhimmoota diinagdeerratti miseensota Mana Maree Bakka Bu’oota Uummataarraa ka’aniif deebii fi ibsa kennaniiru.

Hanqina mana jireenyaa furuuf bara baajataa 2018 keessa manneen jireenyaa miiliyoonni1.2 ijaaramuu fi bara 2019 ammoo manneen jireenyaa miiliyoona1.5 ijaaruuf karoorfamuu kaasan Dookta Abiy Ahimad.

Finfinneetti qofaaa Daandiin Asfaalitii Kiiloomeetirri kumni1 ol ijaaramuu ibsan.

Ijaarsi Buufataalee xiyyaaraa 7 xumuramuu kaasan.

Piroojektoota sababoota garaagaraan harkifatan xumuruuf xiyyeeffannoon ni hojjetama jedhaniiru.

Baajata bara 2019 hanga danda’ametti baasii akkaataa qusatuun hojiirra oolchuuf kan hojjetamu ta’uu himan.

Naannoleen galii isaanii akka fooyyeessan deeggarsi barbaachisu akka taasifamuu ibsanii, baajatni dhimma ramadameef akka oolu hojiin hordoffii fi to’annoo akka cimu hubachiisan.

Hannaa fi malaammaltummaa dhabamsiisuuf hojiin ragaa fi ragaa qofarratti hundaa’e ni hojjetamas jedhan.

Itiyoophiyaa keessa kan jiru hattoonni namoota dhuunfaa malee hanna dhaabbatummaa waan hin taaneef hattoota dhuunfaa to’achuun ammoo daran rakkisaa ta’uu kaasan.

04/07/2026

Waajjirri_Daldalaafi_Misooma Gabaa_A/D/Harawaa_Hojii_Hordoffii_Bittaafi_ Gurgurtaa_Oomisha_Maashootiif Taasisuu_Cimsee_Itti_Fufeera.

Waxabajjii 27/2018

Qonnaan bultoonni Oomisha Maashoo gabaaf dhiheessuu akkuma itti fufanitti jiru.Guyyaa har'aas Gabaa Booraatti Bittaa fi Gurgurtaan Oomisha Maashoo Suuraan

Maalif_Hordofamaa_Jira?

Qonnaan bultoonni Aanaa keenyaa Maashoo Kilaastaraa fi Bal'inaan oomishuun kan Beekamudha.

Haaluma kanaan bara kanas Carraa Rooba argateen waktii balgiitti Oomisha Maashoo irratti bobba'uun Yeroo ammaatti oomisha maashoo qulqullina qabu oomishee gabaaf dhiheessaa jira.

Kanaafuu Waajjirri Daldalaa fi Misooma Gabaa Hordofuun kan barbaachiseef,Tasgabbii gabaa uumuu fi Dallaalaan Oomisha qonnaan bultoota gidduu galee akka hin fayyadamneef ciminaan hojjechaa jirra.Kunis:-

1. Oomishtummaa_fi Dhiyeessii_Cimsuuf,
Yeroo ammaa qonnaan bultoonni Aanichaa dammaqinaan oomisha isaanii wiirtuuwwan gabaaf dhiyeessuutti waan jiraniifi.

2. Sirna_Gabaa_Haqaa_Gochuuf:- Waajjirri Daldalaa fi Misooma Gabaa Seektaroota ykn qaamolee dhimmi ilaallatu waliin qindoominaan sirna gabaa iftoomina qabuu fi hojmaata Seera qabeessa ta'een kan daldaltoonni seera qabeessa ta’anii fi qonnaan bultootni gurguratan qofti kallattiin walqunnamsiisuufi

3. Hojii_hordoffii:-
Adeemsi bittaa,gurgurtaa seera qabeessaa fi haala ulaagaa guuteen akka raawwatamu akkasumas hordoffii qulqullinaa fi nageenyaaf xiyyeeffannoon addaa kennamee hojjetamaa jira.

4) Walitti_hidhiinsaafi_Bu'aa:-
Adeemsi daldalaa ammayyaan kun sochii daldalaa Aanaa keenyaa Dammaqsuu qofa osoo hin taane, guddina dinagdee waliigalaa Aanichaatiif carraa guddaa ta’aa jira.Gama biraatiin Oomishni Qonnaan bultoota keenyaa Al-ergiif Gabaa biyyaalessaatiif dhihaatee Gara Biyyoota alatti ergamuun Oomishicha beeksisuu bira darbee Doolaara argamsiisaa jira.

Kanaaf Sirnaa fi Seera Daldalaa Haqa qabeessattu jiraachuu Qaba!!

29/06/2026

har'a Dhaabnu Dhaloota boruutiif Wabiidha!

29/06/2026