05/05/2025
Maqaan isaanii ja'ama. Sheikh Muhammad Zabuur barsiisaa darasoota 3000 oliiti.
Sheikh Mohammadzabuur kan dhalatan Aanaa Daaroo Labuu toora Miliqaayeeti, abbaan isaanii Yuusuuf yoo tahu, gosaan Ituu Baaye dha. Taligni jiddu gala jireenya Maatii isaanii horsiisee bulaa waan turaniif hogu umriin Sheikh Mahammadzabur 8 tahu maatiin isaanii gara Aanaa Bookhetti godaanuun Bookhee qubatan. Abbaan Sheikh Muhammad Zabuur Barnoota Diin Islaam ilmi isaa akka baratu fadhii guddoo qaba ture. Fadhii abbaa isaanii dhugoomsuuf jacha Sheikh Muhammad Zabuuriis joollummaa isaaniirraa barachuu eegalan. Maatiin isaanii Bookheeti haa godaananii qubatan malee sheikh Mahammadzabuur sanuma duraahuu joolummaan diin jala iddoo adda addaati goodaanu jalqabee ture. Barnoota isaaniifiis Hararghee Lixaa,Hararghee Bahaa,Arsii fi Baalee faa keeysa naannawuun waggaa 34f oliif barnoota diin Islaam dhandhamatanii erga guutatan booda majliisa gadi dhaaban. Abbaa Ulamaa'ii Muftii Sheikh Aadam Tuulaa fi Bukhaarii Zamanaa Sheikh Ahmad Watar irrattiis baratanii turan.
Sheikh Muhammad Zabuur rakkinaa fi cinqii Imala Ilmii keeysatti isaan mudatteef osoo harka hin kennatin barnoota isaanii akka gaariidhatti xumuruun Hararghee Lixaa Waaccuudha tti Majliisa (caayaa Diin Islaamaa) dhaabuun barsiisuu eegalan. Yeroo ammaa darasoota 4000 oliitu isaanirratti barata. Erga majliisa isaanii kana waccuutti gadi dhaabanii darasoota hanga arraa isaanirraa ilmii unate k*m dhibbaan yoo tilmaamaman malee rabbumaan haa lakkaa'u. Waggaa 6n darbe kana keessa qofa darasoota isaan irratti barachaa turan kan ulamaa'ii gurguddoo (Sadarkaa Sheikh Mmdzabur) tahan 58 ol Naannoo oromiyaa iddoo adda addaa keessatti majliisa gadi dhaabaniifi akka qubsiisan oddeefannoon isaanirraa arganne ni mul'isti.
Majliisoota Oromiyaa keeysa jirurraa baay'ina darasoota isa keeysatti baratuutiin Majliisni Sheikh Muhammad Zabuur sadarkaa 1ffaarratti arkama..
