Soorraa

29/08/2026

10/10/2024

(Personality) Gaarii Gabbifachuuf Fayyadan.

1ffaa: Itti gaafatamummaa fudhachuu!
2ffaa: Namoota biroof dursa kennuu!
3ffaa: Atis namootni biroonis akka injifatan hawwi!
4ffaa: Jechoota dubbattu of eeggannoon filadhu!
5ffaa: Namoota hin ceepha'in, hin mormin!
6ffaa: Kolfi; nama gaarii ta'i!
7ffaa: Amala namoota gara gaaritti hiikkadhu!
8ffaa: Namoota sirriitti dhaggeeffadhu!
9ffaa: Dharraa injifachuu qabaachuu!
10ffaa: Namoota garaa kee irraa jaji!
11ffaa: Wayita dogoggortu amanii irra darbi!
12ffaa: Mari'adhu; malee hin falmin!
13ffaa: Jette-jettee hin odeessin!
14ffaa: Waadaa kee gara kakuu jabaatti jijjiiri!
15ffaa: Namoota galateeffadhu, garuu akka si galateeffatan hin eegin!
16ffaa: Amanamtummaa qabaadhu!
17ffaa: Haaloo garaatti qabattee hin turin!
18ffaa: Waan gootu hundumaa dhugaa irratti hundaa'ii godhi!
19ffaa: Of hin guguddisin!
20ffaa: Namoota hubadhu fedhii isaaniif bakka kenni!
21ffaa: Guyyuu amala gaarii bartee godhadhu!
22ffaa: Qoosaa Amaleeffadhu!
23ffaa: Qoosaa hamilee namootaa buusu hin qoosin!
24ffaa: Hiriyaa gaarii argachuuf jalqaba ofii keetii nama gaarii ta'i!
25ffaa: Bakka namootaa bu'ii yaadi!

19/09/2024

Jaalallee dhabee kophaa jiraachuu isaatiin nama lubbuun isa baate arguu baannullee, nama jaalala hiika hin qabne keessatti kufee ifirraahiis akka fadhu dhabee, nama jaalatu sanirraahiis akka fadhu dhabee lubbuu ifii baase tuulaa tokko arkine.

❤️Sobarratti 2 tahuu irra dhugaarratti kophaa turuu wayya !
:¨·.·¨:

24/08/2024

Na dhiisaa 😌
Gubbeetti na hagdanii
Awwaalcha na lagdanii
Caba koof sababooftanii
Cuuraa koo akooftanii

Gaarummaan koo hunduu
badiin bakka bu'ee
Namootuma kootiin
si'a meeqan du'ee!

Maalif na cabsitu yeroo danuu
Dhiisaa karran cufe lammee banuu
Nan jiraadhaa nan dabsinaa
Hamilee koo kichuuttin cabsinaa
Injiraan mudhii natti taatanii
Foddaa'rraan na jalaa yaatanii...

Dhiisaa...
Irraan namoota koo fakkaattanii
keessaan ana madeessuu
Ofii mi'aa unattanii
anatti jiruu aleessuu

Na dhiisaa nan jiraadhaa adaraa
Yaa namootaa safuu baraa
Eee...
Deddeebistanii na ajjeestaniittu
yeroo dhibbootaaf kuma
Akka niitii looxii anis
gufuu duuba kootiin baqee dhuma
Waaqayyotu baasa gumaa

nan callisaa
Na dhiisaa
😌

21/08/2024

Utuun si jaalladhuu
Onnee banaa dhiiftee
Utuun si abdadhuu
Summii jibbaa biiftee

Keessa koo waraantee
Jaalalaan madeessaa
Godaanuu filatte
Onnee kiyya keessaa

Keessi koo si dhabee
Halkan guyyaa fiigaa
Madaan godaansa kee
Kulkulee na dhiigaa

Akkaataan jiruu kee
Sichi naaf hin ta'uu
Sin jaaladhu garuu
Si jibbuun danda'uu...

═══════════
┗━━━ ━━💞━━

30/07/2024

Muka Makkanniisaa,
Maqaan isaa Amhariffaan (ብሳና) jedhama
Mukki kun Faayidaa Guddaa Qaba,
Mootii mukkeen Afrikaatii,
Qobaa isaa Dhukkuboota Hedduu Yaalee Fayyisuu Danda'a,
Mukki kun Baakteeriyaa fi Fangasii Qorichi Ammayyaa Balleessuu Dadhabe hedduuf Dawaa Ta'uu Danda'era,

Waa'ee Makkanniisaa Yeroon Dubbadhu, Namoonni Hedduun Lakkii kun dhugaa miti jechuu Danda'u! garuu Ani Utuun Waa'ee Biqiltootaa fi mukkeen biraa dubbachuu dhiisee waa'ee Makkanniisaa Qofa Dubbadhe.
Natti Tola ture,
Mokkeen Baayyeetu Biyya Keenya keessatti Argamu Garuu wanti hanga Makkanniisaa Faayidaa Qabu Tokko hin jiru, Dhukkuboota 81 Yaaluuf Tajaajilu Danda'a kan jedhe Anaa miti Qorattoota Saayinsii Ciccimoo idil Addunyaatu Ragaa Ba'e,
Makkanniisni muka Qofa miti inni Warqii Qaalii Afrikaati,

Faayidaalee makkanniisaa keessaa muraasni kunooti,

Summii fi Balfa.
Garaa Namaa keessa Qulqulleessee Baasa, Nama Garaan Gogeef Dawaa Cimaadha,
Farra Baakteeriyaa fi Jarmii,fi Raammoo Maxxantuu Jaardiyaa fi kkf Waan ta'eef Dhukkuboota Hedduu Garaa keessaa Qulqulleessuu Danda'a,

Dhukkuba Vaayiresii tiruu fi dhukkuba Simbiraa yaaluuf Hundee yokan hidda Caaroo isaa fi Qola_ Qoncee isaa Tumamee Cafaqame Jiidhaa isaa Fallaana Guddaa Tokko Bishaan Burcuqoo Tokkotti Naqamee Daqiiqaa 10 Danfisamee ho'aa isaa Ganama garaa duwwaatti dhugama guyyaa 3,

Dhukkuba Ambeebaa yaaluu fi garaa keessaa dhukkuboota garaa garaa Qulqulleessuuf
Baallii isaa Tumamee Cafaqame Jiidhaa isaa Fallaana Guddaa Tokko Bishaan Burcuqoo Tokkotti Naqamee Daqiiqaa 10 Danfisamee ho'aa isaa Ganama Garaa Duwwaatti dhugama, Hanga Sa'aatii Torbaa tti Nyaata Tokko Fayyadamuun hin Ta'u, guyyaa 3 haala kanaan yoo Fayyadame Dhukkuba Ambeebaa irraa Guutummaan Guutuutti Fayyuu Danda'a,

Dhiiga marsaa Laguu dubartootaa
Qaama keessatti ititee, Kuufamee Hafe, Qulqulleessee Baasaa, Baala fi Hidda isaatu walitti Tumamee Cafaqame Akka Shaayiitti Danfisamee Qabbanaa'e ganama garaa duwwaatti Burcuqoo Tokko dhuguma Guyyaa 3 qofa itti fayyadamaa,

29/07/2024

Haala itti fayyadama Biqiltuu Asaangiraa yokan Banjii,

Dhukkuboota Onnee yaaluu fi Kolestiroolii miidhaa Qabu LDL dhiiga keessaa Hirrisuuf,
Dhukkuba, Dhiibbaa dhiigaa fi Sukkaaraa yaaluuf Baallii isaa Tumamee Cafaqame Fallaana Guddaa Tokko Bishaan Leetira walakkaa wajjin Danfisamee Qabbanaa'e ganama garaa duwwaatti Burcuqoo Tokko dhuguma Guyyaa laaqana Dura Burcuqoo Tokko halkan Nyaata Dura Burcuqoo tokko,
Guyyaa 5

dhukkuboota Sombaa kan Akka Asmii fi Daranyoo sombaa
Utaalloo fi Taayifoodii Yaaluuf,
Firiin isaa Tumamee Daakuu isaa Fallaana Guddaa Tokko Aannan Burcuqoo Tokko Wajjin Danfisamee garaa duwwaatti dhuguma . guyyaa 3

Nama Saree Maraatuun Ciniineef Dawaadha, hundee/hidda, isaa Tumamee Cafaqame Qaama Bakka ciniiname irratti miidhama, Akkasumas Hiddi isaa Tumamee Cafaqame Bishaan isaa Cuunfame Calalamee Siinii Bunaa Tokko Garaa Duwwaatti dhugama, Guyyaa 5 itti fayyadama,

Rakkoo Hirriba dhabuu, dhaabuu fi Jeeqamu Sammuu yaaluuf
Daakuu firii isaa yokan Daakuu Baala isaa Fallaana Guddaa Tokko Aannan Burcuqoo Tokko Wajjin Danfisamee Hirriba dura dhugama, guyyaa 3,

Dhukkuba Garaachaa fi Marrimaanii yaaluuf Akkasumas Ciniinnaa Garaatiif, Baalli isaa Tumamee Cafaqame Akka Shaayiitti Danfisamee Qabbanaa'e ganama garaa duwwaatti Burcuqoo Tokko dhuguma. Guyyaa 4,

Rifeensa mataa Harca'e yokan Buqqa'e Deebisee Biqilchuu Danda'a, Baalli isaa Xixiqqoon Tumamee Cafaqame Mataa Guutuutti Dibatama daqiiqaa 10 booda bishaan Qulqulluun dhiqatama, guyyaa 7

Dhukkuba Sihirii Falfalaa fi Budaa yokan ija namaa yaaluuf Hundee,hidda, isaa fi Firii isaa Tumamee Cafaqame Aduu keessatti Gogafama sana booda, daakuu isaa Zayitii ijersaa yokan Zayitii Zayituunaa wajjin walitti makame Qaama Guutuutti Dibatama, Akkasumas Ni ulatama yokan Ni Aarfatama,

Dhukkuba Gaggabdoo Sammuu fi Onnee Wajjin Walqabatu Akkasumas Gaggabdoo Gosa hunda yaaluuf
Firiin isaa Akka Bunaatti Akaa'amee, Akkuma Bunaatti Tumama, Akkasumas Baalli isaa jiidhaa isaa Tumamee Cafaqame Aduu keessatti Gogafama, Erg

22/07/2024

Silaa dubbattee na dubbista
Bakka sin nyaanne ofumaaf hooqatta ,
Sammuuf yaada qajeelaa qabaadhu yoos nagaa argatta!

Oduu sobaa fii ragaan sobaa kee anaan na jabeesse
Tulluurratti yoo ol na baaseef malee
mogolee koo hin cabsu atuu numa beekta!

Maaliif siin wal na qixxeessiita
Maalumaaf foolatta?
Anoo quba sin qabu akkanumaan raatofta !

Hundaa siif dhiisee keessa burraaqittaa?
Moo soba kee wajjiin kokkee kee si qabee si rakku laata!😂

15/07/2024

Sooressi hin baranne
waan Hiyyeecha ofiif
uume itti fakkaata❗😏