Hawassa College of Health Sciences - የሀዋሳ ጤና ሳይንስ ኮሌጅ

18/09/2026

15/09/2026

የሀዋሳ ጤና ሳይንስ ኮሌጅ በ 05/01/2019 ዓ.ም የ2018 በጀት ዓመት የሥራ አፈጻጸም ግምገማ እና የ2019 በጀት ዓመት የዕቅድ ውይይት ከአጠቃላይ የኮሌጁ ማህበረሰብ ጋር አካሄደ።

​በመድረኩ በመማር ማስተማር፣ በምርምርና ማህበረሰብ አገልግሎት እንዲሁም በአስተዳደር ዘርፎች የተመዘገቡ አበረታች ውጤቶች የተገመገሙ ሲሆን፣ የኮሌጁ ዲን ወ/ሮ ትሁን ፈለቀ ስኬቶችን ለማስቀጠልና የተቋሙን ራዕይ ለማሳካት የሁሉም ባለድርሻ አካላት ቅንጅት ወሳኝ መሆኑን ገልጸዋል።

​በዕለቱ የላቀ ውጤት ላስመዘገቡ የትምህርት ክፍሎች የዕውቅና ሰርተፍኬት ተበርክቷል፡

​በሙያ ማሻሻያ (Post-Basic) መውጫ ፈተና፡ ሚድዋይፌሪ እና ነርሲንግ ትምህርት ክፍሎች

በደረጃ 4 COC ምዘና፡ ፋርማሲ፣ ህክምና ላቦራቶሪ እና ነርሲንግ ትምህርት ክፍሎች

​በማጠቃለያው ዲኗ ስኬቶቹ የጋራ ጥረት ውጤት መሆናቸውን በመግለጽ፣ በ2019 በጀት ዓመትም የተጀመሩ የለውጥ ሥራዎችን አጠናክሮ በመቀጠል ሁሉም በቁርጠኝነት እንዲረባረብ ጥሪ አቅርበዋል።

​ሀ.ጤ.ሳ.ኮ

05/01/2019 ዓ.ም

10/09/2026

የሀዋሳ ጤና ሳይንስ ኮሌጅ የእንኳን አደረሳችሁ መልዕክት አስተላልፈዋል።

ጳግሜ 5/2018 ዓ.ም

የሀዋሳ ጤና ሳይንስ ኮሌጅ ዲን ወ/ሮ ትሁን ፈለቀ እንኳን ለ2019 ዓ.ም አደረሳችሁ/ አደረሰን በማለት አዲሱ ዓመት የፍቅር፣ የሰላም፣ የጤና፣የብልፅግና፣የስኬት፣ የአብሮነት፣ የመተሳሰብ ፣ የይቅርታና የምህረት አመት እንዲሆንልን ከልብ እመኛለሁ በማለት የመልካም ምኞት መልዕክታቸውን አስተላልፈዋል‼

ሀ.ጤ.ሳ.ኮ
ጳግሜ 5/2018 ዓ.ም

09/09/2026

የሀዋሳ ጤና ሳይንስ ኮሌጅ የህብር ቀንን በማስመልከት ዝቅተኛ ደመወዝ ለሚከፈላቸው ሰራተኞቹ የበዓል ስጦታ አበረከተ

​ ጳጉሜ 04/2018 ዓ.ም | ሀዋሳ

​የሀዋሳ ጤና ሳይንስ ኮሌጅ የ2019 ዓ.ም አዲስ ዓመትንና "የህብር ቀን"ን ምክንያት በማድረግ፣ በኮሌጁ ውስጥ ዝቅተኛ ደመወዝ ለሚከፈላቸው 43 የድጋፍ ሰጪ ሰራተኞች የበዓል ስጦታ ድጋፍ አድርጓል።

​ተቋሙ ማህበራዊ ኃላፊነቱን ለመወጣትና የህብር ቀንን እሴቶች በተግባር ለማሳየት ካለው ቁርጠኝነት በመነሳት ያከናወነው ይህ የበጎ አድራጎት ተግባር፣ ሰራተኞች በዓሉን ከቤተሰቦቻቸው ጋር በደስታና በሰላም እንዲያሳልፉ ለማስቻል ያለመ ነው።

​በስነ-ስርዓቱ ላይ የኮሌጁ ዲን ክብርት ወ/ሮ ትሁን ፈለቀ እንደገለጹት፤ ኮሌጁ በየዓመቱ በዓላትንና የጳጉሜን ቀናት ምክንያት በማድረግ አብሮነትንና ማህበራዊ ትስስርን የሚያጠናክሩ በጎ ተግባራትን የሚያከናውን ሲሆን፣ በተለይም ዝቅተኛ ገቢ ያላቸውን ሰራተኞች ማገዝ የተቋሙ ቀዳሚ ትኩረት ነው።

​የድጋፉ ተጠቃሚ ሰራተኞች በበኩላቸው ኮሌጁ ላደረገላቸው አጋርነትና አሳቢነት ልባዊ ምስጋናቸውን አቅርበዋል።

የሀዋሳ ጤና ሳይንስ ኮሌጅ
04/13/2018 ዓ.ም

04/09/2026

የሀዋሳ ጤና ሳይንስ ኮሌጅ የስራ አመራር ቦርድ የመጀመሪያ መደበኛ ስብሰባውን አካሄደ
ሀዋሳ፣ ነሐሴ 29/2018 ዓ.ም

የሀዋሳ ጤና ሳይንስ ኮሌጅ የስራ አመራር ቦርድ የመጀመሪያ መደበኛ ስብሰባውን በኮሌጁ አጠቃላይ የመማር ማስተማር፣ የምርምርና ማህበረሰብ አገልግሎት፣ እንዲሁም የተማሪዎች አገልግሎት የ2018 በጀት ዓመት አፈጻጸምና በቀጣይ የትኩረት አቅጣጫዎች ላይ ውይይት አካሂዷል።
የሀዋሳ ከተማ ብልፅግና ፓርቲ ቅ/ጽ/ቤት ኃላፊና የኮሌጁ ቦርድ ሰብሳቢ ክቡር አቶ ማራዶና ዘለቀ ውይይቱን በመሩበት ወቅት እንደገለጹት፤ ኮሌጁ በሀገሪቱ የጤና ስርዓት ውስጥ የላቀ ድርሻ ያላቸውን በስነ-ምግባር የታነፁ እንቁ ባለሙያዎችና የጤና አመራሮችን ያፈራ አንጋፋ ተቋም ነው። አያይዘውም ተቋሙ ከጊዜ ወደ ጊዜ ትምህርት አሰጣጡን ለማዘመንና ምቹ የመማሪያ አካባቢ ለመፍጠር በትንሽ ወጪ ትልቅ ለውጥ ማምጣት እንደሚቻል ያሳየ በመሆኑ ለአመራሮቹ አድናቆታቸውን ገልጸዋል። በኮሌጁ የተከናወኑ ውጤታማ ስራዎች ተጠናክረው እንዲቀጥሉ ከጤና ሚኒስቴር፣ ከክልሉ ጤና ቢሮ እንዲሁም ከባለድርሻ አካላትና አጋር ድርጅቶች በጉድለት ከተነሱ ጉዳዮች ዙሪያ ድጋፍ እንዲደረግ ጥሪ አቅርበዋል።
የሲዳማ ክልል ጤና ቢሮ ምክትል ኃላፊና የስራ አመራር ቦርዱ አባል ክቡር አቶ በላይነህ በቀለ በበኩላቸው፣ ኮሌጁ የመማር ማስተማር ስርዓቱን ለማሳለጥ በአዲስ ሪፎርም ታግዞ ቅጥር ግቢውንና ክፍሎችን በማደስ በትንሽ ወጪ የመሰረተ-ልማት ችግሮችን መፍታት መቻሉ የሚደነቅ መሆኑን አንስተዋል። የክልሉ ጤና ቢሮ በተሻለ ሁኔታ በመደገፍ ክፍተቶችን በጋራ ለመቅረፍ የቦርዱ ስራ መጀመር ትልቅ አቅም እንደሚሆንም አመላክተዋል።
የኮሌጁ ዲን ክብርት ወ/ሮ ትሁን ፈለቀ ባቀረቡት ሰነድ፤ ስለ ኮሌጁ ታሪካዊ እድገት፣ የመማር ማስተማር መሰረተ-ልማቶች፣ ሬጅስተራር እና ላይብሬሪን ዲጂታል ማድረግ፣ ስማርት መማሪያ ክፍሎች፣ የስልጠና ፕሮግራሞች፣ የምርምርና ማህበረሰብ አገልግሎት ተግባራት እና ሌሎች ስኬቶች ዙሪያ ሰፊ ገለፃ አድርገዋል። እንደ ሀገር እውቅና የተቸራቸው አበረታች ተግባራት በመኖራቸው ከሀገር ውስጥና ከሌሎች አገራት ጭምር ለልምድ ልውውጥ የሚመጡ አካላት ቁጥር እየጨመረ መምጣቱን ዲኗ ጠቁመዋል ።
የስራ አመራር ቦርዱ ከቀረበው የአፈጻጸም ሰነድና ከጎበኟቸው ስራዎች በመነሳት በኮሌጁ ቀጣይነት ያለው መሻሻል መኖሩን ተመልክተዋል። በተለይም የዶሮ እርባታ፣ የጓሮ አትክልት ልማትና የአሳ እርባታ ስራዎች ሰራተኛውን በመደጎም ተነሳሽነት ያለው የሰው ሃይል ለማፍራት ያላቸው ፋይዳ ከፍተኛ በመሆኑ ተጠናክረው ሊቀጥሉ ይገባል ብለዋል። ኮሌጁ ከባለድርሻ አካላት ጋር ያለውን ቅንጅት በማጠናከር፣ የግብዓት ማነቆዎችን በመፍታት በ2022 ዓ.ም ለሀገሪቱ ልማት የላቀ አስተዋፅኦ ማበርከት የሚችል ዜጋ ለማፍራት የተያዘውን ራዕይ እውን ማድረግ እንደሚገባ አሳስበዋል።
በመጨረሻም የቦርዱ አባላት እስካሁን የተገኙ ስኬቶችን ለማስቀጠል እና የታዩ ክፍተቶችን በቀጣይ ለማረም በሚያስችል ሁኔታ ላይ በመግባባት የቦርዱ መደበኛ ስብሰባ ተጠናቋል።

የሀዋሳ ጤና ሳይንስ ኮሌጅ ነሐሴ 29/2018 ዓ.ም

25/08/2026

የሀዋሳ ጤና ሳይንስ ኮሌጅ የ2018 ዓ.ም የሥራ አፈፃፀሙን ገምግሞ የ2019 በጀት ዓመት ዕቅድ አቅጣጫ አስቀመጠ!

​የሀዋሳ ጤና ሳይንስ ኮሌጅ የ2018 በጀት ዓመት የመማር ማስተማር፣ የምርምርና ማህበረሰብ አገልግሎት እና የአስተዳደር ዘርፎች የሥራ አፈፃፀሙን በስኬት የገመገመ ሲሆን፤ የኮሌጁ ዲን ወ/ሮ ትሁን እንደገለጹት ያለፈው ዓመት በጥሩ ውጤቶች የታጀበ ቢሆንም በቀጣዩ 2019 በጀት ዓመት የትምህርት ጥራትን በማረጋገጥ፣ ችግር ፈቺ ምርምሮችንና የማህበረሰብ ተደራሽነትን በማጠናከር እንዲሁም የአስተዳደር አሰራሮችን በብቃትና በቴክኖሎጂ በማዘመን የላቀ አገልግሎት ለመስጠት ዝግጅት ተደርጓል።

​📅 ነሐሴ 19፣ 2018 ዓ.ም | ሀጤሳኮ

11/08/2026

Hawassa College of Health Sciences has been awarded a Certificate of Recognition by the Sidama Regional Health Bureau (RMNCHAY-N Directorate) for our contributions to capacity building, clinical training, and improving maternal and child health services across the region.

​We extend our sincere gratitude to the Regional Health Bureau leadership for this prestigious recognition, and warmly congratulate our managment team and staff whose unwavering commitment makes these achievements possible!

​August 11, 2026
HCHS

05/08/2026

የሀዋሳ ጤና ሳይንስ ኮሌጅ ለ31ኛ ዙር በተለያዩ የጤና ሙያዎች በድግሪና በዲፕሎማ ያሰለጠናቸውን 830 ተማሪዎች ያስመረቀበት የምረቃ ፕሮግራም።🎓
🎓🎓🎓🎓

©: South Radio and Television Agency

02/08/2026

የሀዋሳ ጤና ሳይንስ ኮሌጅ ለ31ኛ ዙር በድግሪና በዲፕሎማ ፕሮግራም ያሰለጠናቸውን 830 ተማሪዎች አስመረቀ

የሀዋሳ ጤና ሳይንስ ኮሌጅ ለ31ኛ ዙር በተለያዩ የጤና ሙያዎች በድግሪና በዲፕሎማ ያሰለጠናቸውን 830 ተማሪዎች በዛሬው ቀን አስመርቋል።

በምረቃ መርሀ ግብሩ ላይ በክብር እንግድነት ተገኝተው ተማሪዎችን ያስመረቁት የሲዳማ ክልል ጤና ቢሮ ኃላፊ ዶ/ር ሰላማዊት መንገሻ ባስተላለፉት መልዕክት አንጋፋው የሀዋሳ ጤና ሳይንስ ኮሌጅ ዘንድሮ ለ31ኛ ዙር ተማሪዎቹን ሲያስመርቅ ከእውቀት ከልምዳቸው ሳይሰስቱ ይህን ሁሉ ባለሙያ ላፈሩ መምህራን፣ ከሌላቸው ላይ ቆርሰው ላስተማሩ ወላጆች ፣እንዲሁም ለኮሌጁ ማህበረሰብ በሙሉ እንኳን ለዚህች ልዩ ቀን አበቃችሁ እንኳን ደስ አላችሁ ብለዋል።

በሲዳማ ክልል ሞዴል የጤና ስርዓት ለመገንባት በሚደረገው ጉዞ የዕለቱ ተመራቂዎች ጉልህ ሚና ማበርከት እንደሚጠበቅባቸው ያሳሰቡት ሀላፊዋ፣ ለማህበረሰባቸሁ ጤና ዘብ በመቆም፣ ህዝባቸሁን በመልካም ስነምግባር፣ በርህራሄና በቅንነት በማገልገል ሙያዊ ግዴታቸውን እንዲወጡ የአደራ መልዕክታቸውን አስተላልፈዋል።

የሀዋሳ ጤና ሳይንስ ኮሌጅ ዲን ወ/ሮ ትሁን ፈለቀ በበኩላቸው ከብዙ ውጣ ውረድ እና ልፋት በኋላ የድካማቸውን ፍሬ ለማየት ለተገኙ ተመራቂዎችና ወላጆቻቸው የእንኳን ደስ አላችሁ መልዕክት አስተላልፈዋል።

በ1972 ዓ.ም በጤና ረዳትነት ተማሪዎችን በማስተማር የጀመረው ይህ ኮሌጅ በአሁኑ ሰዓት በ6 የድግሪና በ7 የዲፕሎማ ፕሮግራም ተማሪዎችን ተቀብሎ በማሰልጠን በስነምግባር የታነፁ ብቁና ርህራሄን የተላበሱ ባለሙያዎችን በጥራት በማሰልጠን የሚጠበቅበትን ኃላፊነት እየተወጣ የሚገኝ ተቋም መሆኑንም ወ/ሮ ትሁን ገልፀዋል።

ከጊዜ ወደ ጊዜ የኮሌጁን የመማር ማስተማር ሂደት ለማሻሻልና ፅዱና ምቹ አካባቢን ለመፍጠር በተሰራው ስራ ተማሪዎች እየተዝናኑ የሚያጠኑበት ስፍራ በማመቻቸት፣ የኮሌጁን አገልግሎት በቴክኖሎጂ በማዘመን እና በተለያዩ የሪፎርም ስራዎችና የማህበረሰብ አገልግሎት የተጀመረው ሥራ ውጤት እያመጣ መሆኑን ወ/ሮ ትሁን ተናግረዋል።

ዲኗ አክለውም የጤና ሙያ በገንዘብ የማይተመንና ድንበር የሌለው በመሆኑ የዕለቱ ተመራቂዎች በተመደቡበት የሙያ መስክ በትጋትና በአገልጋይነት መንፈስ ሊሰሩ እንደሚገባም አሳስበዋል።

የሲዳማ ክልል ጤና ቢሮ

24/07/2026

📯 እንኳን ደስ አላችሁ!አለን 🎓✨

​የሀዋሳ ጤና ሳይንስ ኮሌጅ የ31ኛ ዙር ያሰለጠናቸዉን ተማሪዎቹን በታላቅ ድምቀት ያስመርቃል!

​ይህ ደማቅ የምረቃ በዓል ሐምሌ 26/2018 ዓ.ም (August 2, 2026 G.C) ከጠዋቱ 3:00 ጀምሮ በሲዳማ ባህል አዳራሽ ይካሄዳል።

​የተመራቂ ቤተሰቦች፣ ወዳጅ ዘመዶች እና የኮሌጃችን ማህበረሰብ በሙሉ በዚህ ታላቅ የበዓል ቀን አብራችሁን እንድታከብሩ በታላቅ አክብሮት ተጋብዛችኋል!

​📌 በልህቀት ታንፀን ለላቀ ትምህርት ጥራት እንሠራለን!

የሀዋሳ ጤና ሳይንስ ኮሌጅ (HCHS)