ბათუმის სამედიცინო აკადემია • Batumi Medical Academy

22/05/2026

ბათუმის სამედიცინო აკადემიას „იმპექსის“ HR გუნდი ესტუმრა.

💜

Impex Career • იმპექსი კარიერა

21/05/2026

💙 21 მაისს, კომპანია PSP Pharma-ს მიერ ორგანიზებული დასაქმების ფორუმი წარმატებით გაიმართა 📍 Sheraton Batumi Hotel-ში.

ფორუმს ესწრებოდნენ ბათუმის სამედიცინო აკადემიის ფარმაციის პროფესიული საგანმანათლებლო პროგრამის სტუდენტები და მასწავლებლები, რომლებმაც მიიღეს შესაძლებლობა:

💼 გასცნობოდნენ ქსელის მიმდინარე ვაკანსიებს
💫 დაეთვალიერებინათ მრავალფეროვანი თემატური სივრცეები
🤝 დაემყარებინათ პროფესიული კონტაქტები
🎁 მიეღოთ საჩუქრები და სასიამოვნო სიურპრიზები

19/05/2026

🌍 გვინდა გაგიზიაროთ სასიხარულო სიახლე

ბათუმის სამედიცინო აკადემიის HR მენეჯერი, ლიკა ბაკურიძე შერჩეულია საერთაშორისო მოხალისეობრივ პროექტში, რომელიც ნიდერლანდებში, ორგანიზაცია Rock Solid Foundation-ის ფარგლებში განხორციელდება. ✨

პროექტი აერთიანებს სხვადასხვა ქვეყნის ახალგაზრდებს და მიზნად ისახავს სოლიდარობის, ტოლერანტობისა და კულტურათაშორისი გამოცდილების გაზიარებას. მონაწილეები იმუშავებენ თავშესაფრის მაძიებელთა მხარდასაჭერად და მიიღებენ უნიკალურ საერთაშორისო გამოცდილებას.

პროექტი ხორციელდება „Erasmus+ ახალგაზრდებისთვის“ და „ევროპის სოლიდარობის კორპუსი საქართველოში“ პროგრამების ორგანიზებით. 🇪🇺

ვამაყობთ ჩვენი გუნდის წევრის წარმატებით და ვუსურვებთ საინტერესო, შთამაგონებელ და ნაყოფიერ თავგადასავალს! 💙

19/05/2026

📚 ბათუმის სამედიცინო აკადემიაში ჩატარდა შეხვედრა/ტრენინგი თემაზე: „ფორმალური და არაფორმალური განათლება გზა პიროვნული და პროფესიული ზრდისკენ“.

აქტივობა აკადემიის ინკლუზიური პროფესიული განათლების სპეციალისტმა, მზია მელაძემ ჩაატარა და მასში სხვადასხვა პროგრამის სტუდენტები მონაწილეობდნენ.

შეხვედრის ფარგლებში მონაწილეებმა იმუშავეს პიროვნული და პროფესიული განვითარების, თანასწორობის, მრავალფეროვნებისა და კომუნიკაციის თემებზე. განხორციელდა სხვადასხვა ინტერაქციული აქტივობა, ჯგუფური სამუშაო და რეფლექსია, რამაც ხელი შეუწყო სტუდენტების თვითშემეცნების, სოციალური უნარებისა და პროფესიული პასუხისმგებლობის გაძლიერებას. ✨

მონაწილეთა უკუკავშირმა კიდევ ერთხელ აჩვენა, რომ მსგავსი აქტივობები მნიშვნელოვანია სტუდენტთა პიროვნული ზრდისა და არაფორმალური განათლების ხელშეწყობისთვის.

19/05/2026

🎉საქველმოქმედო აქცია შინმოვლის პროგრამის ბენეფიციარების მხარდასაჭერად

📌12 მაისს, ბათუმის სამედიცინო აკადემიის და საქველმოქმედო ფონდი საქართველოს კარიტასის ერთობლივი ინიციატივით და ორგანიზებით, საქველმოქმედო აქცია-ღონისძიება გაიმართა, რომელიც ბათუმში შინმოვლის პროგრამის ბენეფიციარი ოჯახების სოციალურ დახმარებას და მათ მიმართ სამოქალაქო სოლიდარობისა და საზოგადოებრივი პასუხისმგებლობის გამოხატვას ისახავდა მიზნად. საქველმოქმედო ინიციატივის ფარგლებში, შინმოვლის მხარდაჭერის პროგრამაში ჩართულ რამდენიმე ოჯახს, ბათუმის სამედიცინო აკადემიის მიერ შეძენილი სურსათი, ჰიგიენური საშუალებები, ეტლი და დამხმარე ინვენტარი გადაეცა. აქციის განხორციელებაში ბათუმის სამედიცინო აკადემიის მოხალისეები / სტუდენტები იღებდნენ მონაწილეობას, რაც ახალგაზრდებში სამოქალაქო აქტივიზმის გაძლიერებას და მოხალისეობრივი კულტურის განვითარებას უწყობს ხელს.

შინმოვლა - სამედიცინო და სოციალური მომსახურებების კომპლექტია, რომელიც ბენეფიციარს ბინაზე მისვლით მიეწოდება, მისი ჯანმრთელობის მდგომარეობის სტაბილიზაციისა და ცხოვრების ხარისხის გაუმჯობესების მიზნით. შინმოვლის მხარდამჭერი სერვისის მოსარგებლეთა ძირითად კონტინგენტს წარმოადგენენ ხანდაზმულები და ქრონიკული დაავადების მქონე პაციენტები, რომლებიც მუდმივ სამედიცინო ჩარევას და მედიკამენტურ მკურნალობას საჭიროებენ. შინმოვლის მხარდამჭერი სერვისი, მისი კომპლექსური ხასიათის გათვალისწინებით და მასშტაბურობიდან გამომდინარე, ზრუნვის სექტორში მომუშავე საჯარო სტრუქტურებსა და სამოქალაქო ორგანიზაციებს, სამედიცინო დაწესებულებებსა და საგანმანათლებლო ინსტიტუტებს შორის აქტიური ინტერაქციის განვითარების და შესაძლებლობების გაერთიანების აუცილებლობას აჩენს.

ბათუმის სამედიცინო აკადემია და საქველმოქმედო ფონდი საქართველოს კარიტასი აქტიურად თანამშრომლობს შინმოვლის სფეროში პროფესიული განათლების განვითარებისა და კვალიფიციურ სპეციალისტთა მომზადების უზრუნველყოფის მიზნით, აღნიშნული საქველმოქმედო აქცია მოცემული თანამშრომლობის ფორმატში განხორციელდა და ორგანიზაციებს შორის რესურსებისა და შესაძლებლობების კონსოლიდირების კუთხით აქტიური პარტნიორობა სამომავლოდაც გაგრძელდება.

19/05/2026

18/05/2026

18/05/2026

💙 ბათუმის სამედიცინო აკადემიის პროფესიული საგანმანათლებლო პროგრამების განმახორციელებელი მასწავლებლები კასტელო მარეში გამართულ თიმბილდინგ აქტივობაში მონაწილეობდნენ.

შეხვედრა მიზნად ისახავდა გუნდის გაძლიერებას, ეფექტური კომუნიკაციის ხელშეწყობასა და პროფესიულ გარემოში თანამშრომლობის კიდევ უფრო განვითარებას. 🤝

თიმბილდინგი ბათუმის სამედიცინო აკადემიის ინიციატივით დაიგეგმა და განხორციელდა. ✨

მენტორები :
მზია მელაძე - ინკლუზიური პროფესიული განათლების სპეციალისტი

ლიკა ბაკურიძე - ბათუმის სამედიცინო აკადემიის HR

ელენე კურტანიძე - ბათუმის სამედიცინო აკადემიის PR მემეჯერი

დღე დატვირთული იყო საინტერესო აქტივობებით, ინტერაქციული სავარჯიშოებითა და პოზიტიური ემოციებით, რომელმაც მონაწილეებს გამოცდილების გაზიარებისა და ერთმანეთის უკეთ გაცნობის შესაძლებლობა მისცა.

🙏 მადლობას ვუხდით თითოეულ მონაწილეს აქტიური ჩართულობის, თანამშრომლობისა და პოზიტიური ენერგიისთვის.

📍 Castello Mare Hotel & Wellness Resort
#ბათუმისსამედიცინოაკადემია

14/05/2026

ბათუმის სამედიცინო აკადემიას „იმპექსის“ HR გუნდი ესტუმრა.

შეხვედრის ფარგლებში სტუდენტებმა მიიღეს ინფორმაცია კარიერული შესაძლებლობების, დასაქმების ბაზრის მოთხოვნებისა და პროფესიული განვითარების მიმართულებების შესახებ. შეხვედრა ინტერაქციულ რეჟიმში წარიმართა და საინტერესო გამოცდილებად იქცა სტუდენტებისთვის.

ბათუმის სამედიცინო აკადემია მადლობას უხდის „იმპექსის“ გუნდს სტუმრობისა და გამოცდილების გაზიარებისთვის💜

Impex Career • იმპექსი კარიერა

13/05/2026

✈️ ბათუმის სამედიცინო აკადემია ევროპულ კონფერენციაზე

აკადემიის წარმომადგენლობა მონაწილეობას მიიღებს EfVET-ის საერთაშორისო კონფერენციაში, რომელიც გაიმართება ბელგიაში, ქალაქ ბრუგეში, 25–29 მაისს.

🌍 EfVET წარმოადგენს პროფესიული განათლების ერთ-ერთ ყველაზე მნიშვნელოვან ევროპულ პლატფორმას, სადაც:
✨ იკრიბებიან პროფესიული განათლების ლიდერები
✨ განიხილება თანამედროვე ტენდენციები
✨ იქმნება ახალი საერთაშორისო პარტნიორობები
🎯 კონფერენციაში მონაწილეობა კიდევ ერთი ნაბიჯია აკადემიის ინტერნაციონალიზაციისა და ხარისხიანი განათლების განვითარების მიმართულებით.

💡 ვაგრძელებთ ზრდას საერთაშორისო დონეზე