Georgian College of Internal Medicine

30/09/2023

საქართველოს შინაგანი მედიცინის კოლეგიის საქმიანობის ერთ-ერთ მნიშვნელოვან და სტრატეგიულ მიმართულებას წარმოადგენს "დიგიტალური მედიცინის" პროექტი, რომელიც მიზნად ისახავს კომპლექსური, მტკიცებაზე დაფუძნებული ელექტრონული ალგორიტმების შექმნას. ჩვენ ვეცდებით გავითვალისწინოთ ჩვენი კოლეგების ფართო ინტერესი და მოვიცვათ შინაგანი მედიცინის სხვადასხვა მიმართულება. სიამოვნებით განვიხილავთ თქვენს წინადადებებს და შენიშვნებს!

ამ უაღრესად მნიშვნელოვან საკითხებზე წვდომისათვის, გთხოვთ, მიჰყევით ბმულს:

The biggest association of Georgian doctors of internal medicine and other subspecialists.

29/09/2023

🔴🔵მუდმივად ცვლადი პროფესიული ინფორმაციის წნეხი აუტანელი ტვირთი და მძიმე გამოწვევაა პრაქტიკოსი ექიმებისთვის;

🔴🔵გამოწვევა, რომელზედაც ადეკვატური რეაგირებისთვის არც დრო გვყოფნის და არც ფიზიკური რესურსები.

🔴🔵ასეთ პირობებში კატასტროფულად იზრდება საექიმო შეცდომების რისკი, რომლის მინიმიზაციისთვისაც აუცილებელია დიდი მოცულობის ინფორმაციის ტრანსფორმაცია კომპაქტურ, ადვილად ოპერირებად, მზა პასუხების შემცველ ელექტრონულ ალგორითმებად.

🔴🔵საქართველოს შინაგანი მედიცინის კოლეგია იწყებს ქართული დიგიტალური მედიცინის პროექტს, რომლის პირველი პროდუქტი გახლავთ ევროპის გულის რითმის ასოციაციის 2021 წლის გაიდლაინი "წინაგულების ფიბრილაციის მქონე პაციენტებში არა ვიტამინ K ანტაგონისტი ორალური ანტიკოაგულანტების გამოყენების პრაქტიკული სახელმძღვანელო". Excel-ის ფორმატის ელექტრონული გაიდლაინის ჩამოტვირთვა შეგიძლიათ მითითებული შემდეგი ბმულიდან:

https://www.geocim.org/_files/ugd/d7d108_2c33b41ae6e24e2dbc00a183cb3597db.xlsx?dn=EHRA.xlsx

28/09/2023

🔴🔵 "Non progredi est regredi"🔴🔵

კოლეგიის ლოგო
Coat of Arms

კოლეგიის ლოგო წარმოადგენს თეთრ ფონზე განთავსებულ ორფეროვან (ლურჯი და წითელი) ჯვარს, წინ აღმართული შავკონტურებიანი ჩირაღდნიანი ხელით და კოლეგიის ორენოვანი (ქართული და ინგლისური) და ორფეროვანი (ლურჯი და წითელი) დასახელებით მარცხენა ზედა და მარჯვენა ქვედა კუთხეებში.
​
🔴🔵
ლოგოს ელემენტების ჰერალდიკური მნიშვნელობა:
ტინქტურის (ფერები) სიმბოლური დატვირთვა:
ჰერალდიკური ლურჯი (Azure) - ერთგულება, თავდადება, სამართლიანობა, უმანკოება, ჭეშმარიტება, ძალა და რწმენა;
ჰერალდიკური წითელი (Gules) - დიდსულოვნება, სიკეთე, ძლიერება, მარტვილობა, თავგანწირვის უნარი;
ჰერალდიკური შავი (Sable) - სიბრძნე, კეთილგონიერება, სულგრძელობა, სიუხვე, დიდებულება, გამარჯვება, ტრიუმფი, მუდმივობა, ურყევობა, სიმტკიცე, რწმენა.
ფორმიანი ელემენტების სიმბოლური დატვირთვა:
ჯვარი - რწმენის, ბოროტზე გამარჯვების და მედიცინის სიმბოლო;
ჩირაღდანი - ჭეშმარიტების, ცოდნის, განწმენდის და სიყვარულის სიმბოლო;
ხელი ჩირაღდნით - ცოდნის, სინათლის, სითბოს, ზრუნვის, სიყვარულის გაზიარების სიმბოლო. ​
კოლეგიის დევიზი
კოლეგიის დევიზი წარმოადგენს ოქროსფერი ასოებით შესრულებულ ლათინურ აფორიზმს: "Non progredi est regredi", რომლის შესატყვისი ქართული ფორმულირება შემდეგნაირია: "პროგრესის არარსებობა რეგრესია" და ნიშნავს იმას, რომ ცხოვრება განვითარების და წინსვლის გარეშე, უკუსვლა და დაკნინებაა.

27/09/2023

🔴🔵

ჩვენი კოლეგიის მიერ ინიცირებული "დიგიტალური მედიცინის" პროექტის ფარგლებში შემუშავებულ იქნა ზრდასრულთა საზოგადოებაში შეძენილი პნევმონიის ანტიმიკრობული თერაპიის ელექტრონული გაიდლაინი, რომელიც ეფუძნება UpToDate-ის უახლეს მონაცემებს.

🔴🔵
აღნიშნულ გაიდლაინში თქვენ შეგიძლიათ იხილოთ ზრდასრულთა საზოგადოებაში შეძენილი პნევმონიის როგორც ამბულატორიული, ასევე სტაციონარული მართვის პრაქტიკული რეკომენდაციები.

🔴🔵
გთხოვთ, იხილოთ ბმული:

27/09/2023

🔴🔵
გამოქვეყნდა საქართველოს შინაგანი მედიცინის კოლეგიის იუნიორთა სექციის წევრების, ანზორ გოგიბერიძის, ლევან ჭელიძის, იზი მგელაძის ავტორობით და პროფ. კახაბერ ჭელიძის თანაავტორობით შესრულებული პუბლიკაცია, რომელიც ეხება ზრდასრულთა ასაკში ინიცირებული სტილის დაავადების დიაგნოსტიკის და წარმატებული მართვის კლინიკურ შემთხვევას.

🔴🔵
ფარმაციის და სამედიცინო მეცნიერებების საერთაშორისო კვლევითი ჟურნალი
International Research Journal of Pharmacy and Medical Sciences (IRJPMS)
ISSN (Online): 2581-3277)

26/09/2023

🔴🔵
საქართველოს შინაგანი მედიცინის კოლეგიის და ფარმაცევტული კოპანია Gedeon Richter-ის თანამშრომლობის ფარგლებში შემუშავებულ იქნა მჟავასუპრესიული თერაპიის თანამედროვე პრაქტიკული რეკომენდაციების შემცველი ბროშურა, რომელიც მიზნად ისახავს პირველად ჯანდაცვაში შესაბამისი ცოდნის და შეხედულებების კულტივაციას.

🔴🔵
https://www.geocim.org/_files/ugd/d7d108_86046ca3aace41459eb081f11928d4b5.pdf

26/09/2023

ძვირფასო კოლეგებო!
​
🔵🔴
საქართველოს შინაგანი მედიცინის კოლეგიაში გაწევრების სურვილის შემთხვევაში, წლიური მოსაკრებელი,
35 ლარის ოდენობით, გადარიცხეთ შემდეგ საბანკო ანგარიშზე:
​
🔴🔵
საქართველოს ბანკი
მიმღები: საქართველოს შინაგანი მედიცინის კოლეგია
ლარის ანგარიშის ნომერი: GE97BG0000000162343793
​
🔴🔵
გადახდის დამადასტურებელი დოკუმენტი მიმაგრებული ფაილის სახით გადმოაგზავნეთ კოლეგიის მეილზე [email protected]

🔴🔵
მეილში მიუთითეთ:
თქვენი სრული სახელი და გვარი ქართულ და ინგლისურ ენებზე;
პირადი ნომერი;
სპეციალობა და შესაბამისი სერტიფიკატის ნომერი;
სამუშაო ადგილი;
საკონტაქტო ტელეფონი;
მოქმედი ელექტრონული ფოსტის მისამართი (არსებობის შემთხვევაში ალტერნატიული ელექტრონული ფოსტის მისამართიც).
​
🔴🔵
48 საათის განმავლობაში თქვენს მიერ მითითებულ მეილზე მიიღებთ წევრობის დამადასტურებელ სერტიფიკატს.
​
🔴🔵
ჩვენთვის უდიდესი პატივი და პრივილეგიაა თქვენთან თანამშრომლობა!

25/09/2023

🔴🔵

სიხარულით გიზიარებთ საქართველოს შინაგანი მედიცინის კოლეგიის იუნიორთა სექციის წევრების, ახალგაზრდა და პერსპექტიული მედიკოსების: ლევან ჭელიძის და ანზორ გოგიბერიძის პირველ ნაშრომს, რომელიც ეძღვნება სისხლის მჟავა-ტუტოვანი წონასწორობის დარღვევების სწრაფ და მარტივ ინტერპრეტაციას.

🔴🔵
გადმოცემის მარტივად აღსაქმელი და ლაკონური ფორმა, ორიგინალური ილუსტრაციები, ცხრილები, დიაგრამები და ალგორითმები, უკიდურესად მიმზიდველს ხდის ახალგაზრდა კოლეგების ნაშრომს, რომელსაც ნამდვილად არ აქვს პრეტენზია ფუნდამენტალურობაზე, თუმცა სრულიად აკმაყოფილებს სამაგიდო სახელმძღვანელოს მოთხოვნებს.

🔴🔵
ეს გახლავთ სექცია,რომელიც წარმოადგენს მედიცინის სტუდენტების, შინაგანი მედიცინის სხვადასხვა მიმართულებების რეზიდენტების და ახალგაზრდა ექიმ-სპეციალისტთა გაერთიანებას, რომელსაც უკავშირდება კოლეგიის დამფუძნებელთა, საპატიო და პროფესიულ წევრთა უდიდესი იმედები!