თბილისის ილია ჭავჭავაძის სახელობის N23 საჯარო სკოლა

22/05/2026

სათქმელადაც ძნელია - დაგვტოვა ილია ჭავჭავაძის სახელობის N23 საჯარო სკოლოს სახელოვანი კოჰორტის წარმომადგენელმა, შესანიშნავმა პედაგოგმა, შეუდარებელმა მეგობარმა და მოსიყვარულე ადამიანმა ეთერ (დოდო) იმედაშვილმა.
თუ რომელიმე პედაგოგს შეეძლო ეთქვა, “სკოლა ჩემი სახლია”, უპირველესყოვლისა ქალბატონ დოდოს. მთელი მისი და მისი ოჯახის, შთამომავლობის ცხოვრება სწორედ 23-ე სკოლას უკავშირდებოდა. დოდო დიდი სიყვარულით მოგვითხრობდა ჯერ ქალთა, მერე კი გაერთიანებული სკოლის ისტორიის ამბებს. წლების წინ ჩვენმა მოსწავლეებმა სურპრიზი მოუწყვეს, როცა ქალბატონ იზა ორჯონიკოძის 70 წლისთავის აღსანიშნავად თანაკლასელები დაუპატიჟეს. “ასეთი ბედნიერი დიდი ხანია არ ვყოფილვარ, თითქოს ბავშვობა დამიბრუნდა” - ასე გადაგვიხადა მადლობა ქალბატონმა დოდომ.

მას კრგად ესმოდა, რომ 23-ე სკოლის მასწავლებლობა მხოლოდ მოვალეობა კი არა, დიდი პატივიც იყო. საქართველოსთვის ძნელ, 90-იან წლებში გახლდათ იგი სკოლის სასწავლო ნაწილის გამგე და დაუცხრომლად ნერგავდა ახალგაზრდა მასწავლებლებსა და მოსწავლეებში სკოლის პატივისცემის გრძნობას.” ადამიანი ორი სახელით მოდის ქვეყნად, ერთი იქ წასაღებია, მეორე აქ დასატოვებელი” - უთქვამს ქართველ კაცს, ქალბატონი დოდოს მიერ აქ დატოვებულ სახელს სასოებით გაუფრთხილდება ილიას სახელობის 23-ე სკოლა…

21/05/2026

🎙️ახალი ეპიზოდი უკვე ეთერშია!
✨ გამოვიდა მერვე ეპიზოდი - „ინტერვიუ ოქროსთან“

რა ხდება, როცა სტუდიაში შემოდის ელემენტი, რომელიც საუკუნეების განმავლობაში იყო ძალაუფლების, სიმდიდრისა და სტაბილურობის სიმბოლო?

ამჯერად „პერიოდულ ექსპრესში“ სტუმრად გვყავს ოქრო - ელეგანტური, თავდაჯერებული და ცოტა ამპარტავანი ელემენტი, რომელიც გვახსენებს, რომ ნამდვილი ღირებულება დროს უძლებს.

🎧 ეპიზოდში მოისმენთ:
✅ რატომ უწოდებენ ოქროს კეთილშობილ მეტალს
✅ რა კავშირი აქვს მას კოლხეთთან, ოქროს საწმისსა და არგონავტებთან
✅ რატომ არ კარგავს ოქრო ფასს მაშინაც კი, როცა ფორმას იცვლის
✅ როგორ შეიძლება ქიმიური ელემენტი იქცეს საინტერესო პერსონაჟად

ელემენტის ხმა: ანასტასია კვაჭაძე
წამყვანი: ბარბარე ნამგალაძე
კლასი: VIII ბ

ეპიზოდი მომზადდა პროექტის „პერიოდულობის მაგიდა - ელემენტები ახლოდან“ ფარგლებში, რომლის მიზანია ქიმიური ელემენტების თვისებების გააზრება შემოქმედებითი პროდუქტის - პოდკასტის/ინტერვიუს - შექმნის გზით.
მოუსმინეთ და აღმოაჩინეთ ოქრო არა მხოლოდ როგორც ძვირფასი ლითონი, არამედ როგორც ელემენტი, რომელსაც საკუთარი ხმა, ხასიათი და ისტორია
აქვს.
#პერიოდულიექსპრესი #ინტერვიუოქროსთან
#ქიმიამარისთანერთად
#8ბკლასი

https://youtu.be/yEYrKwDMWAc?si=xtcM91pvQb0SXVCm

ინტერვიუში მონაწილეობას იღებდნენ VIIIბ კლასის მოსწავლეები: ანასტასია კვაჭაძებარბარე ნამგალაძეპედაგოგი და პროექ...

21/05/2026

🔔🔔🔔

20/05/2026

ბოლო ზარი 2026🔔💜

20/05/2026

ბოლო ზარი 2026🔔

🔔 ძვირფასო მეთორმეტეკლასელებო,
გილოცავთ სკოლის დამთავრებას!💜🎀
დღეს დასრულდა ცხოვრების ის პერიოდი, რომელიც სავსე იყო სიხარულით, მოგონებებით, გამოწვევებითა და გამარჯვებებით.
წინ ახალი გზა, ახალი ეტაპი და უამრავი შესაძლებლობა გელით. გჯეროდეთ საკუთარი თავის, იარეთ თამამად ოცნებებისკენ და არასოდეს დაივიწყოთ ის სითბო, სიკეთე და სიყვარული, რაც სკოლამ გაჩუქათ. ასევე არ დაივიწყოთ ჩვენკენ სავალი გზები - ჩვენ ვამაყობთ თქვენით.
გისურვებთ ბედნიერ მომავალს, წარმატებებსა და დიდი მიზნების ასრულებას!🔔🎓

19/05/2026

ძვირფასო მეთორმეტეკლასელებო 💙განსაკუთრებული დღე დგება თქვენთვის 💞დღე, როდესაც თქვენთვის ბოლო ზარი ირეკება 🔔
გილოცავთ სკოლის დამთავრებას ყველა მეთორმეტეკლასელს! 🎓
გისურვებთ ბედნიერ მომავალს, წარმატებებს,💝💫
ოცნებებისა და მიზნების ასრულებას 💫
ახლა კი გთავაზობთ:

🎓 XII დ კლასი
დამრიგებელი: ნინო მაღრაძე

💐 განსაკუთრებული მადლობა მხარდაჭერისთვის ჩვენი სკოლის დირექტორს, ქალბატონ მაკა ლუტიძეს💜

17/05/2026

ახალგაზრდობის სააგენტოს მიერ ორგანიზებულ პროექტ ,,სასკოლო მოხალისეობის" ფარგლებში ,ჩვენი სასკოლო ექსპედიციის მეორე დღე ძველი თბილისის გულში, ლეგენდარულ მეტეხის უბანში გაგრძელდა! 🏰❤️
​
​🎨 პროექტი „ჩვენი აშენებული თბილისი“ — ბავშვებმა საკუთარი ხელით შექმნეს ძველი თბილისის ულამაზესი მაკეტი(ანა გოგოლაძე, ანასტასია მაკალათია). მათ თავად მოირგეს გიდების როლი, მოსწავლეებმა (ანასტასია ტაბეშაძე, ლიზი გაზდელიანი, ნინო ტუხიაშვილი, ნინია გუნდიშვილი) ძველ თბილისზე ემოციური ლექსები ფერად ფურცლებზე დაწერეს📚

მადლობას ვუხდით ჩვენს საინფორმაციო მხარდამჭერს,მარიამ ჩხეტიანს რომელიც პირველი დღის მსგავსად,დღესაც მეგზურობას გვიწევდა საინფორმაციო ნაკადებში🙌
დიდი მადლობა თითოეულ მოსწავლეს ასეთი ჩართულობისა და აქტიურობისათვის🙌💜
მადლობა პროექტის ხელმძღვანელს,სამოქალაქო განათლების პედაგოგს, ქალაბტონ ქეთევან კერძევაძეს🙌💜

16/05/2026

საქართველოს პარლამენტის ქალთა და ბავშვთა საკითხებზე მომუშავე დროებითი კომისიის ორგანიზებით, მიმდინარე წლის 15 მაისს, საქართველოს პარლამენტის სასახლის თამარ მეფის სახელობის დარბაზში გაიმართა ღონისძიება, რომელიც ოჯახური ურთიერთობების გაძლიერებას მიეძღვნა. 🇬🇪 👨‍👩‍👧‍👦✨
ღონისძიების მთავარი მიზანი იყო ბავშვიანი ოჯახების სოციალური და ეკონომიკური მდგომარეობის გაუმჯობესებაზე რეკომენდაციების შემუშავება და მრავალშვილიანი ოჯახებისთვის უკეთესი, სტაბილური და მხარდამჭერი გარემოს შექმნაზე ზრუნვა.
კომისიის ინიციატივით ჩატარდა კონკურსი თემაზე: „ჩემი ოჯახი — ჩემი თვალით დანახული სამყარო“, რომლის ფარგლებშიც თბილისის სხვადასხვა სკოლის მოსწავლეებმა ოჯახურ ღირებულებებსა და ოჯახის მნიშვნელობაზე შექმნილი ნამუშევრები წარადგინეს.🎨🖌️
კონკურსის ფარგლებში არაჩვეულებრივი ნამუშევრები შექმნეს ჩვენმა უნიჭიერესმა ბავშვებმა:
VIIა კლასის მოსწავლეებმა ელენე გოგუაძემ და ალექსანდრე ასათიანმა (დამრიგებელი მარიამ ჩხეტიანი)
VII დ კლასის მოსწავლე მარიამ ჩადუნელმა, (დამრიგებელი თეა მამულაშვილი)
IX ბ კლასის მოსწავლემ ანასტასია მაკალათიამ (დამრიგებელი მაია მენაბდიშვილი)
Xბ კლასის მოსწავლემ სალომე ჯავრიშვილმა (დამრიგებელი ინგა შავაძე)
Xდ კლასის მოსწავლემ ნუცა ვაჭარაძემ(დამრიგებელი ქეთევან კერძევაძე)
Xl გ კლასის მოსწავლე ალექსანდრე ბარამიძემ (დამრიგებელი მარიამ ჩხეტიანი) .
XI გ კლასის მოსწავლემ ნატა შიშინაშვილმა(დამრიგებელი მარიამ ჩხეტიანი)
მადლობას ვუხდით თითოეულ მათგანს🙌🙌
(ულამაზესი ნახატების გამოფენას კი მალე შემოგთავაზებთ სკოლაში ) 💜🙌
განსაკუთრებით საამაყოა, რომ კონკურსში გამარჯვება მოიპოვა ჩვენი სკოლის XI გ კლასის მოსწავლემ ნატა შიშინაშვილმა.💫💜
ვულოცავთ ამ წარმატებას ნატას და მომავალშიც ვუსურვებთ კიდევ უფრო საინტერესო, ნაყოფიერ და წარმატებულ მიღწევებს! 💜✨

16/05/2026

დღეს 23-ე საჯარო სკოლის VII კლასის მოსწავლეებს შორის ჩატარდა სახალისო აქტივობა “ყველაზე სწრაფი“ 🏃‍♀️🏃‍♂️
შეჯიბრება გაიმართა ჩვენი სპორტის მასწავლებლების - ანი ელოშვილისა და მარინე ჯინჭარაძის ინიციატივით.
გამოვლინდნენ ყველაზე სწრაფი მოსწავლეები:
💫მათე ზაქუტაშვილი — VII გ კლასი
💫ეკატერინე მგალობლიშვილი — VII დ კლასი
მონაწილეებს გადაეცათ სამახსოვრო სიგელები. 🥰🏆
მარათონმა მხიარულ, მეგობრულ და სახალისო გარემოში ჩაიარა.
მადლობა ყველა მონაწილეს აქტიური ჩართულობისა და პოზიტიური ემოციებისთვის! 😍👏

15/05/2026

ამჯერად გთავაზობთ XII გ კლასისა და I გ კლასის ნამუშევარს 🎓
XII გ კლასის დამრიგებელი: თეა მამულაშვილი 💝
🌷🌼 მადლობა მხარდაჭერისთვის ირინა სიხარულიძესა და მის I გ კლასს 💞

14/05/2026

https://youtu.be/dTkrkCSEtZg?si=7OD_b-c4sSQWwSBX
👇👇

2026-2027 სასწავლო წლის პირველ კლასში ბავშვის რეგისტრაციის ვიდეო ინსტრუქცია – III ეტაპი (ტერიტორიული პრინციპი)