თავისუფალი უნივერსიტეტი - Free University

  • Home
  • Georgia
  • Tbilisi
  • თავისუფალი უნივერსიტეტი - Free University

თავისუფალი უნივერსიტეტი - Free University www.freeuni.edu.ge
https://www.youtube.com/freeunimedia
https://twitter.com/BenduCampus

თავისუფალი უნივერსიტეტს აქვს რვა სკოლა:

1. ბიზნესის სკოლა - ESM
2. საერთაშორისო ურთიერთობების სკოლა
3. კომპიუტერული მეცნიერების, მათემატიკისა და ინჟინერიის სკოლა - MACS[E]
4. მართვისა და საზოგადოებრივ მეცნიერებათა სკოლა
5. სამართლის სკოლა
6. ფიზიკის სკოლა
7. ვიზუალური ხელოვნების, არქიტექტურისა და დიზაინის სკოლა - VA[A]DS
8. სოციალური, ჰუმანიტარული და საბუნებისმეტყველო მეცნიერებების სამაგისტრო და სადოქტორო სკოლა

კომპიუტერული მეცნიერებისა და მათემატიკის საბაკალავრო პროგრამის კურსდამთავრებული ირაკლი ხუციშვილი შეუერთდა Google-ს ლონდო...
11/06/2026

კომპიუტერული მეცნიერებისა და მათემატიკის საბაკალავრო პროგრამის კურსდამთავრებული ირაკლი ხუციშვილი შეუერთდა Google-ს ლონდონის ოფისს Software Engineer-ის პოზიციაზე.

ირაკლი AI Fitness Coach-ის გუნდში მუშაობს Personal Health Assistant-ის მიმართულებით.

თავისუფალი უნივერსიტეტის სამართლის სკოლის ბიზნესის სამართლის (LLM) სამაგისტრო პროგრამის ონლაინ გაცნობითი შეხვედრა გაიმარ...
10/06/2026

თავისუფალი უნივერსიტეტის სამართლის სკოლის ბიზნესის სამართლის (LLM) სამაგისტრო პროგრამის ონლაინ გაცნობითი შეხვედრა გაიმართება 18 ივნისს, 19:00 საათზე.

შეხვედრას გაუძღვება სამართლის სკოლის დეკანი, რევაზ ხოფერია.

ბიზნესის სამართლის სამაგისტრო პროგრამა ხორციელდება 2015 წლიდან. პროგრამის მიზანია, კურსდამთავრებულებმა შეძლონ ბიზნესის სამართლის სფეროში მიღებული სისტემური ცოდნისა და უნარების გამოყენება, ბიზნესის სამართლის ცვალებადი გარემოს მართვა ინოვაციებისა და ახალი, ორიგინალური იდეების განვითარების გზით.

მონაწილეებს შესაძლებლობა ექნებათ გაეცნონ პროგრამის სტრუქტურას, სწავლების ფორმატს და მიიღონ ამომწურავი პასუხები მათთვის მნიშვნელოვან კითხვებზე.

ონლაინ გაცნობით შეხვედრაში მონაწილეობის მისაღებად აუცილებელია რეგისტრაცია.

რეგისტრაციისთვის იხილეთ ბმული: https://shorturl.at/xtuQQ

კომპანია CQM-მა შენობის სისტემების ინჟინერიის საბაკალავრო პროგრამის სამ სტუდენტს სრულად დაუფინანსა ერთი სემესტრის სწავლი...
10/06/2026

კომპანია CQM-მა შენობის სისტემების ინჟინერიის საბაკალავრო პროგრამის სამ სტუდენტს სრულად დაუფინანსა ერთი სემესტრის სწავლის საფასური.

ანა ქურციკიძემ, დავით ნემსაძემ და ნატალი თათვიძემ ჯუნიორ პროექტის პირველი მოდულის "Shark Tank" კონკურსში ყველაზე მაღალი შეფასება მიიღეს და კომპანიისგან ერთი სემესტრის სწავლის საფასურის დაფინანსება მიიღეს.

სასტიპენდიო პროგრამა მეორე სასწავლო წელია ხორციელდება თბილისის თავისუფალ უნივერსიტეტსა და კომპანია CQM-ს შორის გაფორმებული ურთიერთთანამშრომლობის მემორანდუმის ფარგლებში.

საერთაშორისო ურთიერთობების საბაკალავრო პროგრამის სტუდენტი ანა ოსეფაშვილი გაცვლითი პროგრამით სწავლას აგრძელებს იაპონიაში,...
09/06/2026

საერთაშორისო ურთიერთობების საბაკალავრო პროგრამის სტუდენტი ანა ოსეფაშვილი გაცვლითი პროგრამით სწავლას აგრძელებს იაპონიაში, Toyo University-ში.

ანა ერთი სემესტრით ისწავლის ბიზნესის ადმინისტრირების პროგრამაზე. სასწავლო პროგრამა მოიცავს იაპონური ენისა და ისტორიის სასწავლო საგნებსაც.

გაცვლითი პროგრამა ხორციელდება თბილისის თავისუფალ უნივერსიტეტსა და ტოიოს უნივერსიტეტს შორის გაფორმებული მემორანდუმის ფარგლებში.

კახა ბენდუქიძის კვირეულის ფარგლებში, 25 აპრილს, კულინარიის აკადემიამ ქართული საგაზაფხულო კერძების საქველმოქმედო მასტერკ...
08/06/2026

კახა ბენდუქიძის კვირეულის ფარგლებში, 25 აპრილს, კულინარიის აკადემიამ ქართული საგაზაფხულო კერძების საქველმოქმედო მასტერკლასს უმასპინძლა 💛✨

მასტერკლასს დაესწრნენ თავისუფალი და აგრარული უნივერსიტეტის წარმომადგენლები, ალუმნი ფონდის დონორები და "ტოიოტა კავკასიის" გუნდი, რომელმაც საკუთარი მონაწილეობით 1 სტუდენტის სასწავლო გრანტი სრულად დააფინანსა.

ღონისძიების სტუმრებმა კულინარიის აკადემიის ლექტორებთან ერთად მოამზადეს ქართული სამზარეულოს გამორჩეული კერძები - ჩაქაფული, გებჟალია და სხვადასხვა სახეობის ფხალი🔥

მასტერკლასის ფარგლებში მიღებული თანხით და "ცოდნის მხარდაჭერის" პროექტის ფარგლებში მიღებული სხვა დონაციებით, ფინანსური საჭიროების მქონე შერჩეულ სტუდენტებს ალუმნი ფონდი თავისუფალ უნივერსიტეტში სწავლის საფასურის იმ ნაწილს დაუფინანსებს, რომელიც 2026 წლამდე სახელმწიფო გრანტით იფარებოდა💘

კახა ბენდუქიძის კამპუსში კონკურსი Thurgood Marshall 2026 ჩატარდა.კონკურსი ყოველწლიურად ტარდება თავისუფალი უნივერსიტეტის ...
05/06/2026

კახა ბენდუქიძის კამპუსში კონკურსი Thurgood Marshall 2026 ჩატარდა.

კონკურსი ყოველწლიურად ტარდება თავისუფალი უნივერსიტეტის სამართლის სკოლით დაინტერსებული XI-XII კლასის მოსწავლეებისთვის. წლევანდელ კონკურსში საპრიზო ადგილები და შესაბამისად სწავლის დაფინანსების ვაუჩერი მოიპოვეს:

I ადგილი - ნიკოლოზ კუჭაშვილი - 2000 ლარიანტი გრანტი
II ადგილი - ბარბარე შავიშვილი - 1500 ლარიანი გრანტი
III ადგილი - ანრი ცეცხლაძე - 1000 ლარიანი გრანტი

თითოეულ მოსწავლეს, შესაბამისი გრანტით დაუფინანსდება სწავლა თავისუფალი უნივერსიტეტის სამართლის სკოლაში.

#კონკურსი

თბილისის თავისუფალი უნივერსიტეტის ფიზიკის სკოლის მეოთხე კურსის სტუდენტმა, ნიკა მალცევმა, სამეცნიერო კვლევის შედეგები გამ...
04/06/2026

თბილისის თავისუფალი უნივერსიტეტის ფიზიკის სკოლის მეოთხე კურსის სტუდენტმა, ნიკა მალცევმა, სამეცნიერო კვლევის შედეგები გამოაქვეყნა მაღალრეიტინგულ რეფერირებად ჟურნალში Physics of Plasmas.

ნაშრომში: "გრიგალური სოლიტონები და ელექტრომაგნიტური კონების ფილამენტაცია რელატივისტურად გადაგვარებულ პლაზმაში" შესწავლილია ელექტრომაგნიტური გრიგალური (ვორტექსული) კონების გავრცელება და სტაბილურობა რელატივისტურად გადაგვარებულ ასტროფიზიკურ პლაზმაში. ასევე, ნაჩვენებია, რომ ტოპოლოგიური მუხტის მქონე სოლიტონები მოქმედებენ, როგორც არაწრფივი ატრაქტორები მიზიდულობის სასრული არეებით.

სტატიას შეგიძლიათ გაეცნოთ აქ: https://doi.org/10.1063/5.0324986

თავისუფალი და აგრარული უნივერსიტეტების ინჟინერიის მიმართულების პროგრამების სტუდენტების ორგანიზებით 5 ივნისს კახა ბენდუქი...
03/06/2026

თავისუფალი და აგრარული უნივერსიტეტების ინჟინერიის მიმართულების პროგრამების სტუდენტების ორგანიზებით 5 ივნისს კახა ბენდუქიძის კამპუსში მეორედ გაიმართება რადიო-კონტროლირებადი მანქანების შეჯიბრი - მოტობურთი 2026 🏁 ⚽️🚗

•⁠ ⁠11:00-12:00 - წინასამზადისი: გუნდები განთავსდებიან განკუთვნილ მაგიდებთან და წარადგენენ მოწყობილობებს
•⁠ ⁠12:00-12:10 - ღონისძიების გახსნა: ღონისძიების და მონაწილეების წარდგენა
•⁠ ⁠12:10-14:40 - ჯგუფური ეტაპის მატჩები: ყოველი გუნდი იბრძოლებს play-off ეტაპზე გასვლისთვის
•⁠ ⁠14:40-15:30 - შესვენება: მუსიკა, გუნდები პარალელურად შეამოწმებენ მოწყობილობებს და მოემზადებიან შემდეგი ეტაპისთვის; ასევე, ჩაიწერება ინტერვიუები თითოეულ გუნდთან
•⁠ ⁠15:30-17:00 - Play-offs & Final: საუკეთესო გუნდები დაუპირისპირდებიან გადამწყვეტ მატჩებში
•⁠ ⁠17:00-17:30 - დაჯილდოება და ღონისძიების დახურვა: გამარჯვებულების პრიზები, ერთობლივი ფოტოები, ღონისძიების შეჯამება.

#მოტობურთი

თავისუფალი უნივერსიტეტის არქიტექტურის საბაკალავრო პროგრამაზე ჩასაბარებლად სავალდებულო შემოქმედებითი ტურისთვის პორტფოლიოს...
03/06/2026

თავისუფალი უნივერსიტეტის არქიტექტურის საბაკალავრო პროგრამაზე ჩასაბარებლად სავალდებულო შემოქმედებითი ტურისთვის პორტფოლიოს ატვირთვა დაიწყო.

იხილეთ რეგისტრაციის ლინკი: https://shorturl.at/DDyfq

პორტფოლიოს ატვირთვის ბოლო ვადაა 8 ივნისი.

თავისუფალი უნივერსიტეტის ორგანიზებით სკოლის მოსწავლეებისათვის ჩატარებული “თავისუფალი აზროვნების” კონკურსის გამარჯვებულებ...
02/06/2026

თავისუფალი უნივერსიტეტის ორგანიზებით სკოლის მოსწავლეებისათვის ჩატარებული “თავისუფალი აზროვნების” კონკურსის გამარჯვებულები გამოვლინდნენ კახა ბენდუქიძის კამპუსში.

კონკურსი განკუთვნილია XI-XII კლასის მოსწავლეებისთვის, რომლებიც დაინტერესებულები არიან თავისუფალი უნივერსიტეტის რომელიმე საბაკალავრო პროგრამით.

კონკურსის გამარჯვებულებს გადაეცათ კახა ბენდუქიძის ცოდნის ფონდის სასწავლო გრანტი:
•⁠ I ადგილი - ანდრია ვანიძე - 2 500-ლარიანი სასწავლო გრანტი
•⁠ II ადგილი - ანა შახ-ნაზაროვი - 1 500-ლარიანი სასწავლო გრანტი
•⁠ III ადგილი - მარიტა გოგესაშვილი - 1 000-ლარიანი სასწავლო გრანტი

ცოდნის ფონდის სასწავლო გრანტი თავისუფალი უნივერსიტეტის ნებისმიერ სკოლაში სწავლას დააფინანსებს და 8 სემესტრზე გადანაწილდება.

#კონკურსი

Address

Kakha Bendukidze Campus
Tbilisi
0131

Telephone

+995322200901

Website

Alerts

Be the first to know and let us send you an email when თავისუფალი უნივერსიტეტი - Free University posts news and promotions. Your email address will not be used for any other purpose, and you can unsubscribe at any time.

Contact The University

Send a message to თავისუფალი უნივერსიტეტი - Free University:

Shortcuts

Share

Category