27/06/2024
हसत खेळत मजेशीर गणित
गणित हा विषय विद्यार्थ्यांनाच काय आपल्या पैकी बहुतेकांना अवघड वाटतो, गणिताची नेहमी भिती वाटते. हि भिती कमी व्हावी , गणित विषयाची आवड निर्माण करुन ती टिकून रहावी म्हणून आपल्या
माध्यमिक विद्यालय नागलवाडी या शाळेत पहिल्यांदाच छोटी छोटी मजेशीर कोडी घालून विद्यार्थ्यांना तर्कशुद्ध पद्धतीने विचार करायला प्रोत्साहन दिले जात आहे.
दररोज वर्गातील फळ्यांवर काही कोडी लिहिली जातात सोबतच शाळेच्या कॉरीडॉरमधील फळ्यांवरसुद्धा ते लिहीलेले असते, जेणेकरून विद्यार्थ्यांच्या डोळ्यासमोर ते राहील आणि कोड्यांचे उत्तर काय असू शकेल याचा विचार विद्यार्थी करत राहतील. दुसऱ्या दिवशी विद्यार्थ्यांना बोलतं करुन, त्यांना वेगवेगळे क्लू देऊन , विविध प्रकारचे प्रश्न विचारुन, या कोड्यांची उत्तरे शोधण्याचा प्रयत्न केला जातो आणि पुन्हा नविन कोडी फळ्यावर लिहीली जातात.
पुस्तकातील साचेबद्ध उदाहरणे घेऊन, त्यांची उत्तरे फळ्यावर लिहून देण्याच्या प्रक्रियेत वर्गातील काही ठराविक विद्यार्थ्यांचाच बहुतेकदा फक्त हुशार विद्यार्थ्यांचाच सहभाग असल्याचे आढळते. मात्र अशा पद्धतीने कोडी सोडवण्याच्या प्रक्रियेत संपूर्ण वर्गच उत्साहाने सक्रिय सहभाग नोंदवत असल्याचे दिसून येते.
विद्यार्थ्यांची विचार शक्ती thinking ability, creativity वाढवण्याचा हा अतिशय उत्तम उपाय आहे.
या उपक्रमाची संकल्पना प्रा. रुबी आर.पी. यांची आहे. त्या़ंच्या सोबत प्रा्. रामकृष्णन यांचेही विशेष मार्गदर्शन लाभत आहे.
प्रा. रामकृष्णन हे पुणे येथील एस.पी.कॉलेज तसेच आबेदा इनामदार कॉलेज मध्ये गणित विषय शिकवतात. भास्कराचार्य प्रतिष्ठान, पुणे, येथे गणित ऑलिम्पीयाड साठी सुद्धा ते मार्गदर्शन करतात.
विद्यार्थ्यां एवढाच नागलवाडी शाळेच्या संपूर्ण स्टाफचाही या उपक्रमात उत्साहपूर्ण सहभाग आहे.
या पोस्ट सोबतच गेल्या दोन, तीन दिवसांतली फळ्यावर लिहीलेली कोडी शेअर केली आहेत, बघा तुम्ही पण जरा आपली विचार शक्ती stretch करुन 😅 ........,
तुम्ही तुमच्या उत्तरासाठी किंवा प्रश्नांसाठी किंवा अधिक माहितीसाठी खालील नंबर वर संपर्क साधू शकता -
प्रा. रामकृष्णन - ७४९८४५८९७४
प्रा. रुबी - ९८२३२३९१८८
✖️ ➕ ➖ ➗ 🟰 ➰ 🔢 🔣 🔣 ✖️➕ ➖