10/02/2026
मंदार कृषी तंत्र विद्यालयात क्रीडा महोत्सव उत्साहात संपन्न
मंदार कृषी तंत्र विद्यालयात वार्षिक क्रीडा स्पर्धांचे आयोजन दि ९ व १० फेब्रुवारी रोजी करण्यात आले होते. विद्यार्थ्यांच्या शारीरिक आणि मानसिक विकासाला चालना देण्यासाठी आयोजित करण्यात आलेल्या या क्रीडा स्पर्धेमध्ये विद्यार्थ्यांनी उत्स्फूर्त सहभाग घेतला . या कार्यक्रमासाठी शारीरिक शिक्षण प्रशिक्षण केंद्र मुंबई महानगरपालिकाचे क्रीडा अधिकारी व कबड्डी कुस्ती राज्यस्तरीय कुस्ती पंच असलेले माननीय श्री रवींद्र परदेशी सर प्रमुख पाहुणे म्हणून लाभले होते. त्यांनी विद्यार्थ्यांना मार्गदर्शन करून खेळाडूंचे मनोबल वाढवले. त्यांनी विद्यार्थ्यांशी संवाद साधताना आयुष्यात खेळाचे महत्त्व अधोरेखित केले.
या क्रीडा स्पर्धेत प्रथम आणि द्वितीय वर्षाच्या सर्व विद्यार्थ्यांनी सहभाग घेतला होता. यामध्ये या स्पर्धांचे माजी विद्यार्थी प्रणय देसले व तुषार गावित उपस्थित असून त्यांनी विद्यार्थ्यांना कृषी शिक्षणाचे महत्त्व याविषयी मार्गदर्शन केले
हा संपूर्ण क्रीडा महोत्सव श्री. दिलीप अहिनवे सर यांच्या नेतृत्वाखाली यशस्वीरित्या पार पडला. कार्यक्रम यशस्वी होण्यासाठी सर्व शिक्षक वृंद व कर्मचारी यांचा हातभार लागला आणि शेवटी प्राचार्या शिंदे मॅडम यांनी कार्यक्रमाचे आभार प्रदर्शन केले
