29/08/2026
Rakshabandhan 28 August 2026राष्ट्रीय क्रीडा दिनानिमित्त क्रीडा स्पर्धांचे आयोजन
अहवाल
महाविद्यालयाचे नाव : कॅम्प एज्युकेशन सोसायटीचे डॉ. अरविंद ब. तेलंग कला, विज्ञान व वाणिज्य वरिष्ठ महाविद्यालय, निगडी, पुणे
विभाग : राष्ट्रीय सेवा योजना व क्रीडा विभाग
दिनांक : २९ ऑगस्ट २०२६
स्थळ : महाविद्यालयाचे क्रीडांगण
वेळ : सकाळी ९.०० वाजता
अहवाल
कॅम्प एज्युकेशन सोसायटीचे डॉ. अरविंद ब. तेलंग कला, विज्ञान व वाणिज्य वरिष्ठ महाविद्यालय, निगडी, पुणे येथे राष्ट्रीय क्रीडा दिन उत्साहपूर्ण वातावरणात साजरा करण्यात आला. राष्ट्रीय सेवा योजना व क्रीडा विभागाच्या संयुक्त विद्यमाने या कार्यक्रमाचे आयोजन करण्यात आले.
भारत सरकारच्या युवा व क्रीडा मंत्रालय तसेच संबंधित क्षेत्रीय संचालनालयाच्या निर्देशानुसार २९ ऑगस्ट २०२६ रोजी राष्ट्रीय क्रीडा दिनानिमित्त महाविद्यालयाच्या क्रीडांगणावर विविध क्रीडा स्पर्धांचे आयोजन करण्यात आले.
कार्यक्रमामध्ये विद्यार्थ्यांनी उत्स्फूर्त सहभाग नोंदविला. खोखो, कबड्डी, व्हॉलीबॉल तसेच मुला-मुलींच्या विविध क्रीडा स्पर्धा घेण्यात आल्या. विद्यार्थ्यांनी सांघिक भावना, शिस्त, खेळाडूवृत्ती आणि नेतृत्वगुणांचे दर्शन घडविले.
क्रीडा हा विद्यार्थ्यांच्या शारीरिक तसेच मानसिक विकासासाठी अत्यंत महत्त्वाचा आहे. नियमित खेळामुळे आरोग्य चांगले राहण्यासोबतच आत्मविश्वास, निर्णयक्षमता, सहकार्याची भावना आणि संघभावना विकसित होते. राष्ट्रीय क्रीडा दिनाच्या माध्यमातून विद्यार्थ्यांमध्ये क्रीडाप्रती आवड निर्माण करणे आणि “खेळा व निरोगी राहा” हा संदेश देणे हा या उपक्रमाचा प्रमुख उद्देश होता.
कार्यक्रमाच्या यशस्वी आयोजनासाठी महाविद्यालयाचे प्राचार्य डॉ. प्रकाश पाटील, राष्ट्रीय सेवा योजना विभागाचे कार्यक्रम अधिकारी डॉक्टर वनिता लिंगायत, शारीरिक शिक्षण संचालक डॉक्टर सविता फलके तसेच महाविद्यालयातील सर्व शिक्षक व शिक्षकेतर कर्मचारी यांनी सहकार्य केले. विद्यार्थ्यांच्या उत्स्फूर्त सहभागामुळे हा क्रीडा उपक्रम यशस्वीपणे पार पडला.
