BDP College,Parwa

21/09/2026

कठोर परिश्रमाशिवाय यश नाही
बाबासाहेब देशमुख पारवेकर महाविद्यालय पारवाच्या, करिअर कट्टा व स्पर्धा परीक्षा पूर्वतयारी अभ्यास केंद्र, यांच्या संयुक्त विद्यमाने स्पर्धा परीक्षा वास्तव अन् संधी या मार्गदर्शन कार्यक्रमाचे आयोजन.
या कार्यक्रमाचे अध्यक्ष महाविद्यालयाचे प्राचार्य डॉ. धर्मेंद्र तेलगोटे तर प्रमुख मार्गदर्शक श्री शंकर जाधव , प्रमुख पाहुणे प्रा.डॉ. जगदीश हेंडवे व कार्यक्रम समन्वयक डॉ.संदिप देसाई मंचावर उपस्थित होते. कार्यक्रमाची सुरुवात प्रतिमा पूजनाने झाली. कार्यक्रमाचे प्रास्ताविक कार्यक्रम समन्वयक डॉ. संदीप देसाई यांनी करियर कट्टा व स्पर्धा परीक्षा या विभागाच्या माध्यमातून विद्यार्थ्यांकरिता कोणकोणते उपक्रम राबविल्या जातात याची सविस्तर माहिती दिली व स्पर्धा परीक्षा वास्तव अन् संधी या मार्गदर्शन कार्यक्रमचा उद्देश आपल्या प्रास्ताविकातून सादर केला. कार्यक्रमाचे प्रमुख मार्गदर्शक श्री शंकर जाधव यांनी विद्यार्थ्यांना कठोर परिश्रमाशिवाय कोणती यश शक्य नाही, त्याकरीता अथक परिश्रम घेण्याची जिद्द आपल्यात असेल तरच आपण या स्पर्धेच्या युगात तग धरू, आपल्या परिस्थितीच भांडवल न करता, आहे त्या परिस्थितीत आपण आपले ध्येय निश्चित ठेवून स्पर्धा परीक्षेची तयारी केली तर यश नक्कीच मिळणार. त्यांनी अनेक उदाहरणे देऊन आपल्या विचारातून विद्यार्थ्यांमध्ये आत्मविश्वास निर्माण केला. या कार्यक्रमाचे अध्यक्ष महाविद्यालयाचे प्राचार्य डॉ. धर्मेंद्र तेलगोटे यांनी विद्यार्थ्यांना स्पर्धा परीक्षा वास्तव अन् संधी या मार्गदर्शन कार्यक्रमातून विद्यार्थ्यांना स्पर्धा परीक्षेला सामोरे जाताना या कार्यक्रमाचा निश्चितच फायदा होईल, किंबहुना यातील काही भावी अधिकारी म्हणून समोर येतील,अशा आशावाद त्यांनी व्यक्त केल्या. या कार्यक्रमासाठी महाविद्यालयाचे मराठी विभाग प्रमुख प्रा. डॉ. गजानन लोहवे , शिक्षकेतर कर्मचारी व विद्यार्थी मोठ्या संख्येने उपस्थित होते. कार्यक्रमाचे संचालन कुमारी दीक्षा जाधव हीने केले तर आभार कुमारी नंदिनी गुरुनुले हीने व्यक्त केले.

31/08/2026

बाबासाहेब देशमुख पारवेकर महाविद्यालयात राष्ट्रीय क्रीडा दिनानिमित्त क्रीडा पोशाखाचे वितरण : पारवा येथील बाबासाहेब देशमुख पारवेकर महाविद्यालयाच्या शारीरिक शिक्षण व क्रीडा विभागातर्फे 29 ऑगस्ट 2026 रोजी हॉकीचे जादूगार मेजर ध्यानचंद यांच्या जयंतीनिमित्त राष्ट्रीय क्रीडा दिन उत्साहात साजरा करण्यात आला. कार्यक्रमाचे अध्यक्ष प्राचार्य डॉ. धर्मेंद्र तेलगोटे होते. तर प्रमुख अतिथी म्हणून इंग्रजी विभाग प्रमुख तथा आय.क्यू.एस.ई. समन्वय डॉ. संदीप अग्रवाल, शारीरिक शिक्षण व क्रीडा विभाग प्रमुख डॉ. अभय चांदेकर उपस्थित होते. कार्यक्रमाच्या सुरुवात मेजर ध्यानचंद यांच्या प्रतिमेस पुष्पहार अर्पण करून अभिवादनाने झाली. यानंतर आचल वाढई व ऐश्वर्या गंध श्रीवार यांनी आपल्या मधुर आवाजात स्वागत गीत सादर केले. पाहुण्यांच्या स्वागता नंतर कार्यक्रमाचे प्रास्ताविक डॉ. अभय चांदेकर यांनी मेजर ध्यानचंद यांचे जीवन कार्य विद्यार्थ्यांसमोर उलगडले आणि राष्ट्रीय क्रीडा दिनाचे महत्त्व अधोरेखित केले. या प्रसंगी अश्विनी पेटकुले, हर्षदा मोहुर्ल, यतीका प्रधान, अर्चना आत्राम, यांनी आपल्या मनोगतातून खेळाचे महत्व विशद केले. प्रमुख अतिथी डॉ. अग्रवाल यांनी विद्यार्थ्यांनी शिक्षणाबरोबरच क्रीडा क्षेत्राततही योगदान द्यावे. कसे आवाहन करीत सर्वांना राष्ट्रीय क्रीडा दिनाच्या शुभेच्छा दिल्या. महिला खेळाडूंना यावेळी क्रीडा पोशाखाचे वितरण करण्यात आले. अध्यक्षीय भाषणात डॉ. धर्मेंद्र तेलगोटे यांनी मेजर ध्यानचंद यांचा आदर्श डोळ्यासमोर ठेवून अधिकाधिक विद्यार्थ्यांनी खेळामध्ये भाग घ्यावा असे आवाहन केले. या कार्यक्रमाला महाविद्यालयाचे सर्व शिक्षक कर्मचारी व विद्यार्थी मोठ्या संख्येने उपस्थित राहून राष्ट्रीय क्रीडा दिनाचा कार्यक्रम मोठ्या उत्साहात व आनंदात साजरा करण्यात आला...

31/08/2026

24/08/2026

बाबासाहेब देशमुख पारवेकर महाविद्यालयात आंतरराष्ट्रीय युवा दिन संपन्न .
स्थानिक बाबासाहेब देशमुख पारवेकर महाविद्यालय पारवा येथे आंतरराष्ट्रीय युवा दिनानिमित्त आज 12-ऑगस्ट 2026 रोजी राष्ट्रीय सेवा योजना आणि रेड रिबिन क्लब ग्रामीण रुग्णालय घाटंजी यांच्या संयुक्त विद्यमाने संपन्न झाला. हा कार्यक्रम महाविद्यालयाचे प्राचार्य डॉ. धर्मेंद्र तेलगोटे यांच्या मार्गदर्शनाखाली राष्ट्रीय सेवा योजना कार्यक्रम अधिकारी डॉ. जगदीश हेंडवे यांच्या नेतृत्वात घेण्यात आला. या कार्यक्रमाचे अध्यक्ष डॉ.गजानन लोहवे तर प्रमुख पाहुणे म्हणून नॅक समन्वयक व रासेयो सहकार्यक्रम अधिकारी डॉ. संदीप अग्रवाल हे मंचावर उपस्थित होते. आयसीटीसी समुपदेशक श्री .सुनील जगताप यांनी आंतरराष्ट्रीय युवा दिनानिमित्त महाविद्यालयातील विद्यार्थ्यांना HIV/AIDS बाबत विद्यार्थ्यांना इत्यंभूत माहिती दिली व शपथ दिली. तर कार्यक्रमाचे अध्यक्ष डॉ. गजानन लोहवे यांनी आंतरराष्ट्रीय युवा दिनाचे महत्त्व विद्यार्थ्यांना पटवून दिले. आंतरराष्ट्रीय युवानिमित्त रॅली काढण्यात आली, तसेच महाविद्यालयात QR Code लावण्यात आले. या कार्यक्रमाला डॉ .अभय चांदेकर,डॉ. संदीप देसाई,श्री.राजू नग्नूरवार,राहुल आडे इत्यादी कर्मचारी आणि विद्यार्थी बहुसंख्येने उपस्थित होते. या कार्यक्रमाचे संचालन व आभार राष्ट्रीय सेवा योजना कार्यक्रमाधिकारी डॉ.जगदीश हेंडवे यांनी केले.

24/08/2026

हर घर तिरंगा जनजागृती अभियान.
स्थानिक बाबासाहेब देशमुख पारवेकर महाविद्यालय पारवा येथील राष्ट्रीय सेवा योजना विभागाच्या वतीने हर घर तिरंगा जनजागृती अभियान उत्साहात राबविण्यात आले. राष्ट्रीय सेवा योजनेच्या विद्यार्थ्यांनी हातात तिरंगा घेऊन महाविद्यालय ते पारधी बेडा आणि कोलाम पोड आणि मुख्य चौकातून रॅली काढून विद्यार्थ्यांनी घोषणा देत हर घर तिरंगा जनजागृती अभियान राबविले. महाविद्यालयाचे प्राचार्य डॉ.धर्मेंद्र तेलगोटे यांनी याप्रसंगी विद्यार्थ्यांना हर घर तिरंगा आणि स्वातंत्र्यसंग्रामात ज्या क्रांतिकारकांनी योगदान दिले त्यांच्या बलिदान तसेच क्रांती दिन विषयी सविस्तर विद्यार्थ्यांना मार्गदर्शन केले. विद्यार्थ्यांनी हर घर तिरंगा या अभियानांतर्गत राष्ट्रप्रेम आणि देशभक्ती विषयी जनजागृती करावी असे याप्रसंगी प्राचार्य डॉ. धर्मेंद्र तेलगोटे यांनी विद्यार्थ्यांना आवाहन केले. या अभियानांतर्गत महाविद्यालय परिसरात विद्यार्थ्यांनी स्वच्छता मोहीम राबवली. राष्ट्रीय सेवा योजना कार्यक्रम अधिकारी प्रा. डॉ. जगदीश हेंडवे , सह कार्यक्रम अधिकारी डॉ. संदीप अग्रवाल ,डॉ. गजानन लोहवे, डॉ. लक्ष्मण यादव ,डॉ. अभय चांदेकर ,डॉ. संदीप देसाई ,शिक्षकेतर कर्मचारी आणि विद्यार्थी मोठ्या प्रमाणात या रॅलीमध्ये सहभाग झाले होते. या कार्यक्रमाचे आयोजन राष्ट्रीय सेवा योजना कार्यक्रमाधिकारी डॉ.जगदीश हेंडवे यांनी प्राचार्य डॉ.धर्मेंद्र तेलगोटे यांच्या नेतृत्वात केले.

24/08/2026

डॉ.एस आर रंगनाथन यांना अभिवादन
बाबासाहेब देशमुख पारवेकर महाविद्यालय पारवाच्या ग्रंथालय विभागातर्फे ग्रंथालय शास्त्राचे जनक डॉ.एस. आर. रंगनाथन यांच्या जयंतीनिमित्त ग्रंथपाल दिन साजरा करण्यात आला .
या कार्यक्रमाचे अध्यक्ष महाविद्यालयाचे प्राचार्य डॉ.धर्मेंद्र तेलगोटे, प्रमुख पाहुणे म्हणून इंग्रजी विभाग प्रमुख तथा अंतर्गत गुणवत्ता हमी कक्षाचे समन्वय प्रा.डॉ. संदीप अग्रवाल उपस्थित होते. प्रारंभी डॉ. एस आर.रंगनाथन यांच्या प्रतिमेचे पूजन करून अभिवादन करण्यात आले.कार्यक्रमाचे समन्वयक डॉ. संदीप देसाई यांनी आपल्या प्रास्ताविकातून,ग्रंथालय शास्त्राचे जनक डॉ. एस.आर. रंगनाथन यांचे ग्रंथालयशास्त्रातील योगदान व ग्रंथालय चळवळी संदर्भातील माहिती विद्यार्थ्यांना देऊन त्यांच्या जीवन कार्याची माहिती विद्यार्थ्यांना दिली. कार्यक्रमाचे प्रमुख पाहुणे प्रा. डॉ. संदीप अग्रवाल यांनी डॉ.एस. आर.रंगनाथ यांनी सांगितलेला पंचसूत्रीचा उपयोग ग्रंथालयात कसा झाला आणि त्याचा फायदा विद्यार्थ्यांनी आपल्या विद्यार्थी जीवनात घ्यावा असे आवाहन त्यांनी आपल्या मनोगत व्यक्त केले. आपल्या अध्यक्षीय भाषणात प्राचार्य डॉ.धर्मेंद्र तेलगोटे यांनी डॉ.एस.आर. रंगनाथन यांच्या कार्यामुळे त्यांचा जन्मदिवस ग्रंथपाल दिवस म्हणून साजरा केला जातो. विद्यार्थी जीवनात आपण ही एक निश्चित ध्येय गाठून या समाजाच नेतृत्व करावे असे आवाहन विद्यार्थ्यांना केले . या कार्यक्रमाकरिता प्रा.डॉ.गजानन लोहवे, प्रा.डॉ.लक्ष्मण यादव, प्रा.डॉ. जगदीश हेंडवे ,प्रा.डॉ. अभय चांदेकर ,श्री अजय पांचाळ, श्री अरविंद जिद्दीवार , श्री दिलीप इंगोले व विद्यार्थी मोठ्या संख्येने अभिवादन कार्यक्रमास उपस्थित होते.

24/08/2026

बाबासाहेब देशमुख पारेकर महाविद्यालय पारवा येथे करियर कट्टाअंतर्गत प्रवेश पूर्व जागरूकता कार्यक्रमाचे आयोजन
5 ऑगस्ट 2026 रोजी इंडिया बुक ऑफ वर्ल्ड रेकॉर्ड मध्ये समाविष्ट होणारे ऍक्टिव्हिटी करिअर कट्टा इंडक्शन अवेअरनेस कार्यक्रम घेण्यात आला . या कार्यक्रमाचे अध्यक्ष महाविद्यालयाचे प्राचार्य डॉ .धर्मेंद्र तेलगोटे तर प्रमुख पाहुणे प्रा. डॉ. संदीप अग्रवाल , डॉ. गजानन लोहवे, डॉ. अभय चांदेकर,समन्वयक डॉ. संदीप देसाई मंच्यावर उपस्थित होते. आपल्या प्रास्ताविकात प्रा. डॉ. संदीप देसाई यांनी करियर कट्टा इंडक्शन अवेअरनेस प्रोग्राम संदर्भात करिअर डायरी व करिअर कट्टा अंतर्गत समाविष्ट उपक्रमाची माहिती देऊन, विद्यार्थ्यांना करिअर कट्ट अंतर्गत येणाऱ्या विविध उपक्रमांची माहिती दिली. कार्यक्रमाचे प्रमुख पाहुणे प्रा.डॉ. संदीप अग्रवाल यांनी महाराष्ट्र शासनाच्या उच्च व तंत्र शिक्षण विभाग आणि माहिती तंत्रज्ञान सहाय्यता केंद्र यांच्या संयुक्त विद्यमाने सुरू केलेल्या अत्यंत महत्त्वाचा उपक्रम म्हणजे करिअर कट्टा आहे . करिअर कट्टा या उपक्रमात महाविद्यालयातील विद्यार्थ्यांनी आवर्जून सहभाग नोंदवावा कारण अतिशय माफक दरात तज्ञ व्यक्तींचे मार्गदर्शन यातून मिळणार आहे. असे मार्गदर्शन त्यांनी आपल्या मनोगतम व्यक्त केले. या कार्यक्रमाचे अध्यक्ष महाविद्यालयाचे प्राचार्य डॉ.धर्मेंद्र तेलगोटे यांनी विद्यार्थ्यांना करिअर कट्ट्या अंतर्गत आयएस आपल्या भेटीला व उद्योजक आपल्या भेटीला या कार्यक्रमाव्यतिरिक्त इतर ऍडऑन कोर्स सुद्धा या करिअर कट्ट्यांतर्गत राबविले जातात, त्यामुळे ग्रामीण भागातील विद्यार्थ्यांसाठी अतिशय उपयुक्त असे ऑनलाइन प्लॅटफॉर्म ,महाराष्ट्र राज्य उच्च तंत्र शिक्षण विभाग व माहिती तंत्रज्ञान सहायता केंद्र यांच्या संयुक्त विद्यमाने विद्यार्थ्यांच्या सर्वांगीण विकासाचे बिद्र घेऊन.
आपणासाठी उपलब्ध करून दिले आहे. तेव्हा आपण सर्वांनी यात सहभाग नोंदवून आपले भविष्य उज्वल करावे असे आव्हान आपल्या अध्यक्षीय मनोगतात त्यांनी व्यक्त केले. या कार्यक्रमाकरिता महाविद्यालयाचे प्रा. डॉ .लक्ष्मण यादव , प्रा.डॉ.जगदीश हेंडवे उपस्थित होते. कार्यक्रमाचे संचालन व आभार समन्वयक डॉ. संदीप देसाई यांनी केले या कार्यक्रमाकरिता विद्यार्थी मोठ्या संख्येने उपस्थित होते.

24/08/2026

दीक्षारंभ कार्यक्रमात विद्यार्थ्यांना दिले महाविद्यालयातील अभ्यासक्रमाचे व कामकाजाचे धडे
बाबासाहेब देशमुख पारवेकर महाविद्यालय,पारवा महाविद्यालयात सत्र 2026 -2027 वर्षाकरिता प्रथम वर्षात प्रवेश घेतलेल्या विद्यार्थ्यांकरीता, इंडक्शन कार्यक्रमांतर्गत दीक्षारंभ कार्यक्रम संपन्न. या कार्यक्रमाचे उद्घाटन महाविद्यालयाचे प्राचार्य डॉ. धर्मेंद्र तेलगोटे यांच्या हस्ते करणात आले. कार्यक्रमाची सुरुवात संत गाडगे बाबा यांची प्रतिमा पूजन करून व विद्यापीठ गीताने करण्यात आली. कार्यक्रम समन्वयक तथा अंतर्गत गुणवत्ता हमी कक्ष समन्वयक प्रा.डॉ. संदीप अग्रवाल इंग्रजी विभाग प्रमुख यांनी आपल्या प्रास्तविकेतून दीक्षारंभ कार्यक्रमाची रूपरेषा विद्यार्थ्यांसमोर सादर केली. महाविद्यालाने विविध क्षेत्रात केलेल्या प्रगतीचे विश्लेषण केले व दीक्षारंभ कार्यक्रम आयोजनाचा उद्देश सांगून, आपल्या विषयाची माहिती विद्यार्थ्यांना दिली. विद्यार्थ्यांना शिक्षणाकरीता उपयुक्त वातावरण निर्माण करणे, त्यांच्या शैक्षणिक आवडी आणि उपक्रमांना प्रोत्साहन देणे ,शिक्षकांमध्ये नातेसंबंध निर्माण करणे, एक निरोगी दैनंदिनी तसेच, एकमेकात प्रेम संघभावना,आत्मविश्वासाची भावना, संवेदनशीलता आणि स्वत: ची समज विकसित करून स्वयंम प्रेरना तयार करणे व सार्वत्रिक मानवी मूल्ये वाढी करता मार्गदशन करणे हा या कार्यक्रमाचा उद्देश होता. आपल्या उद्घाटनिय भाषणात महाविद्यालयाचे प्राचार्य तथा कार्यक्रम अध्यक्ष डॉ.धर्मेंद्र तेलगोटे यांनी विद्यार्थ्यांना अभ्यासात सातत्य ठेवून नवीन तंत्रज्ञान आत्मसात करण्याचे व एक चांगले व्यक्तीमत्व म्हणून नवनवीन उपक्रम हाती घेऊन राष्ट्र बांधणीच्या कार्यात हातभार लावण्याचे आवाहन केले.दीक्षारंभ कार्यक्रमाचे प्रमुख पाहुणे , मराठी विभाग प्रमुख प्रा. डॉ. गजानन लोहवे यांनी उपस्थित राहून विद्यार्थ्यांना स्वयंप्रेरणेने उदिष्ठ साध्य करण्याकरिता मेहनत करण्याकरिता प्रेरित केले व आपल्या विषयाची व त्यांच्या कडे असलेल्या विभागांची माहिती विद्यार्थ्यांना दिली. या प्रसंगी प्रा. डॉ. लक्ष्मण बाबाराव यादव यांनी राज्यशास्त्र विषयासंदर्भात तसेच त्यांच्याकडे असलेल्या विविध विभागांची माहिती विद्यार्थ्यांना देऊन मार्गदर्शन केले. प्रा. डॉ. जगदीश हेंडवे यांनी इतिहास विषया सोबतच, पर्यावरण, राष्ट्रीय सेवा योजना ,सांस्कृतिक कार्यक्रम,युवा महोत्सव इतरही विभागांची माहिती विद्यार्थ्यांना देऊन मार्गदर्शन केले.महाविद्यालयाचे परीक्षा अधिकारी तथा शारीरिक शिक्षण संचालक व क्रीडा प्रा. डॉ. अभय चांदेकर यांनी मागील सत्रातील विद्यार्थ्यांनी खेळात मिळवलेल्या उपलब्धी विद्यार्थ्यांसमोर मांडली व खेळातून स्वतःचे करियर घडविण्यासंदर्भात विद्यार्थ्यांना प्रोत्साहित केले तसेच पदवी च्या परीक्षेसंबंधी नियम, परीक्षा अर्ज भरणे साठी मार्गदर्शक तत्त्वे व ग्रेड सिस्टम बाबत मार्गदर्शन केले. ग्रंथपाल प्रा .डॉ. संदीप देसाई यांनी महाविद्यालयात असलेल्या ग्रंथ संपदेच्या उपलब्धतेबाबत तसेच ऑनलाइन ई.बुक्स, स्पर्धापरीक्षा, बाबत उपलब्ध सुविधा,ग्रंथालयाचे नियम याबाबत मार्गदर्शन करून महाराष्ट्र राज्य उच्च व तंत्र शिक्षण विभाग आणि महाराष्ट्र माहिती तंत्रज्ञान साहित्य केंद्र यांच्या संयुक्त विद्यमाने आयोजित करिअर कट्टा या कार्यक्रमाची सविस्तर माहिती या दीक्षारंभ कार्यक्रमात विद्यार्थ्यांना दिली.महाविद्यालयाचे मुख्य लिपिक श्री अजय पांचाळ व श्री अरविंद जिद्दीवार यांनी विद्यार्थ्यांना प्रशासकीय कामकाजात येणाऱ्या अडचणींबाबत प्रवेश प्रक्रिया,शिष्यवृत्ती, महाडीबीटी, आयकार्ड, बोनाफाईड, इतर प्रक्रिया याबाबत मार्गदर्शन केले. या कार्यक्रमाचे संचालन कार्यक्रम समन्वयक प्रा. डॉ. संदीप अग्रवाल यांनी केले तर कार्यक्रमाचे आभार सह समन्वयक प्रा.डॉ. संदीप देसाई यांनी मानले.या वेळी दीक्षारंभ कार्यक्रमास विद्यार्थ्यांनी उत्स्फूर्तपणे प्रतिसाद दिला.

28/04/2026

जिल्हा परिषद प्राथमिक शाळा जाम येथे फिरते ग्रंथालय या वाचन प्रकल्पाचे उद्घाटन
बाबासाहेब देशमुख पारवेकर महाविद्यालय पारवाच्या ग्रंथालय विभागाच्या वतीने ग्रंथालय शास्त्राचे जनक डॉ. एस. आर. रंगनाथन यांनी सांगितलेल्या ग्रंथालय सूत्रांपैकी १) ग्रंथ हे उपयोगा करिता आहे. २) प्रत्येक वाचकाला ग्रंथ मिळाला पाहिजे ३)प्रत्येक ग्रंथाला वाचक मिळाला पाहिजे. या त्रिसूत्रीच्या आधारे विद्यार्थ्यांना उन्हाळ्यातील सुट्ट्यात विद्यार्थ्यांच्या बौद्धिक क्षमतेला चालना देता यावी, त्यांना वाचण्याची आवड निर्माण व्हावी, त्यांना नियमित वाचनाची सवय लागावी. या करिता महाविद्यालयाचे प्राचार्य आदरणीय डॉ. धर्मेंद्र तेलगोटे यांच्या संकल्पनेतून (लायब्ररी ऑल व्हील) फिरते ग्रंथालय या वाचन उपक्रमाचे आयोजन करण्यात आले आहे. या कार्यक्रमाचे उद्घाटन जिल्हा परिषद प्राथमिक शाळा जाम येथे करण्यात आले. या कार्यक्रमाचे अध्यक्ष, महाविद्यालयाचे प्राचार्य डॉ.धर्मेंद्र तेलगोटे तर या कार्यक्रमाचे उद्घाटक प्रा . डॉ. संदीप अग्रवाल, तर प्रमुख उपस्थिती सरपंच श्री रमेशची सीडाम, शाळा व्यवस्थापन समितीचे अध्यक्ष मुक्तियारजी शेख ,श्री बाळकृष्ण वाढई , शाळेतील सहाय्यक शिक्षिका सुप्रिया काकडे ,कार्यक्रम समन्वयक डॉ. संदीप देसाई उपस्थित होते. आपल्या उद्घाटनने भाषणात डॉ. अग्रवाल यांनी विद्यार्थ्यांना वाचनाची आवड निर्माण करण्यासाठी महाविद्यालयाच्या ग्रंथालय विभागाने आयोजित केलेला. फिरते ग्रंथालय हा उपक्रम अतिशय स्तुत्य आहे आणि या उपक्रमामुळे विद्यार्थ्यांना निश्चितच वाचनाची आवड निर्माण होऊन वाचन संस्कृती टिकून राहील आणि विद्यार्थी हा अधिक वाचनाभिमुख होईल अशी त्यांनी अपेक्षा व्यक्त करून या उपक्रमाला त्यांनी शुभेच्छा दिल्या. तर या कार्यक्रमाचे अध्यक्ष महाविद्यालयाचे प्राचार्य डॉ धर्मेंद्र तेलगोटे यांनी विद्यार्थ्यांना वाचनाबद्दलचे महत्त्व आणि वाचनाने माणूस कसा घडत असतो याविषयी विविध उदाहरणे देऊन, पुस्तक वाचण्याचे महत्व विद्यार्थ्यांच्या मनावर कोरले. तर प्रमुख पाहुणे शाळा व्यवस्थापन समितीचे अध्यक्ष मुक्तियारजी शेख यांनी विद्यार्थ्यांना या उपक्रमाचे फायदे सांगून त्यांना या उपक्रमात सहभागी होण्यासाठी प्रोत्साहित केले. त्याचबरोबर जाम गावचे सरपंच श्री रमेशजी सीडाम यांनी हा उपक्रम विद्यार्थ्यांसाठी कसा उपयोगी आहे याचे महत्त्व सांगितले व कार्यक्रमास शुभेच्छा दिल्या.
जिल्हा परिषद प्राथमिक शाळा, जाम येथील वर्ग पहिली ते पाच पर्यंतचे विद्यार्थी आहेत. या विद्यार्थ्यांना उन्हाळ्यातील सुट्ट्यात महाविद्यालयाच्या ग्रंथालयात उपलब्ध असलेले बाल साहित्य/ गोष्टींची पुस्तके फिरते ग्रंथालय या वाचन उपक्रमा मार्फत तेथील शाळेतील विद्यार्थ्यांना देऊन त्यांच्यात वाचन अभिरुची निर्माण करण्याचा उद्देशाने या उपक्रमाची सुरुवात करण्यात आली. या कार्यक्रमाकरिता शाळेतील इतर शिक्षक तसेच महाविद्यालय कर्मचारी श्री दिलीप इंगोले, विद्यार्थी मोठ्या संख्येने उपस्थित होते.

13/04/2026

'ओळख योग प्राणायामाची' प्रशिक्षण शिबिराचा समारोप : स्थानिक बाबासाहेब देशमुख पारवेकर महाविद्यालयाच्या शारीरिक शिक्षण व क्रीडा विभागाच्या वतीने 'ओळख योगप्राणायामाची' या प्रकल्पांतर्गत आयोजित प्रशिक्षण शिबिराचा समारोप जिल्हा परिषद प्राथमिक शाळा जांब येथे झाला. बाबासाहेब देशमुख पारवेकर महाविद्यालयाचे प्राचार्य डॉ. धर्मेंद्र तेलगोटे यांच्या संकल्पनेतून व मार्गदर्शनातून जांब येथील जिल्हा परिषद प्राथमिक शाळेतील विद्यार्थ्यांचा शारीरिक क्षमतेचा विकास होऊन त्यांची रोगप्रतिकारक शक्ती वाढावी यासाठी अशा प्रकारचे प्रकल्प सुरू केले आहे. समारोपीय कार्यक्रमाचे अध्यक्ष महाविद्यालयाचे प्राचार्य डॉ. धर्मेंद्र तेलगोटे हे होते. तर व्यासपीठावर प्रमुख पाहुणे म्हणून शाळा व्यवस्थापन समितीचे अध्यक्ष मुकत्यार शेख, ग्रामपंचायत सरपंच रमेश सिडाम, ग्रामपंचायत सदस्य संगीता चौधरी, पोलीस पाटील लता आत्राम, अंगणवाडी सेविका योगिता कुडमते, शाळा व्यवस्थापन समितीचे सदस्य रामकृष्ण वाढई, महाविद्यालयाचे इतिहास विभाग प्रमुख डॉ. जगदीश हेंडवे, शाळेच्या मुख्याध्यापिका नीता नन्नावरे, सहाय्यक शिक्षिका सुप्रिया काकडे, आणि महाविद्यालयाचे शारीरिक शिक्षण विभाग प्रमुख डॉ. अभय चांदेकर प्रामुख्याने उपस्थित होते. प्रार्थना व पाहुण्यांच्या स्वागता नंतर समारोपीय कार्यक्रमाचे प्रास्ताविक या प्रकल्पाचे समन्वय प्रा.डॉ.अभय चांदेकर यांनी केले. दिनांक 6 एप्रिल ते 11 एप्रिल 2026 दरम्यान सकाळी साडेसात ते नऊ या वेळेमध्ये प्रशिक्षण वर्गाच्या माध्यमातून विद्यार्थ्यांना वेगवेगळ्या स्थितीतील वीस आसने प्रात्यक्षिकासह महाविद्यालयाच्या विद्यार्थिनींनी प्रशिक्षणाच्या माध्यमातून शिकविण्यात आल्याचे त्यांनी सांगितले. शाळा व्यवस्थापन समितीचे अध्यक्ष मुकत्यार शेख यांनी आपल्या मनोगतात प्रशिक्षण शिबिरा बाबत समाधान व्यक्त करून महाविद्यालयाचे आभार त्यांनी मानले. याप्रसंगी प्रमुख पाहुण्यांनी समायोजित विचार व्यक्त करून प्रशिक्षणार्थींची अभिनंदन केले. कार्यक्रमाचे अध्यक्ष डॉ. धर्मेंद्र तेलगोटे यांनी आपल्या अध्यक्षीय भाषणात योगासनांच्या माध्यमातून विद्यार्थ्यांनी आपला तसेच समाजाचा विकास साधावा व आपल्या जीवनामध्ये आसन प्राणायाम किती महत्त्वाचे आहे हे वेगवेगळे उदाहरण देऊन पटवून देत प्रशिक्षणार्थींचे अभिनंदन करीत त्यांना शुभेच्छा दिल्या. याप्रसंगी विद्यार्थ्यांनी प्रशिक्षण शिबिरामध्ये शिकवण्यात आलेल्या आसनांचे संगीताच्या तालावर प्रात्यक्षिक सुद्धा करून दाखविले. या कार्यक्रमादरम्यान शिबिरामध्ये सहभागी विद्यार्थ्यांना तसेच प्रशिक्षण देणाऱ्या महाविद्यालयीन विद्यार्थिनींचा ज्यामध्ये कू. अश्विनी पेटकुले, अनुजा प्रधान, दुर्गा शेंडे, आचल वाढाई, ऐश्वर्या गंधश्रीवार, नंदिनी गुरनुले यांचा पाहुण्यांच्या हस्ते प्रमाणपत्र व पुष्पगुच्छ देऊन सत्कार करण्यात आला. याप्रसंगी विद्यार्थ्यांनी शिबिराविषयी आपले मनोगत व्यक्त केले. कार्यक्रमाचे संचालन नंदिनी गुरनुले आभार दुर्गा शेंडे यांनी मानले. प्रशिक्षण शिबिर यशस्वी ते साठी महाविद्यालयाचे प्राचार्य डॉ.धर्मेंद्र तेलगोटे यांच्या मार्गदर्शनाखाली, शारीरिक शिक्षण संचालक प्रा. डॉ. अभय चांदेकर यांच्या नेतृत्वात तसेच शाळा व्यवस्थापन समितीचे अध्यक्ष मुकत्यार शेख शाळेच्या मुख्याध्यापिका नीता नन्नावरे, सहाय्यक शिक्षिका सुप्रिया काकडे तसेच गावकऱ्यांची मोलाचे सहकार्य लाभले.