School of Public Health of the National Institute of Public Health

25/09/2026

ខេត្តរតនគិរី៖ ថ្ងៃអង្គារ ១១កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២២ ខែកញ្ញា ឆ្នាំ២០២៦ វិទ្យាស្ថានជាតិសុខភាពសាធារណៈ សហការជាមួយនាយកដ្ឋានសុខភាពផ្លូវចិត្ត និងការបំពានគ្រឿងញៀន មជ្ឈមណ្ឌលជាតិគាំពារមាតានិងទារក និងមជ្ឈមណ្ឌលថែទាំ និងស្រាវជ្រាវការប៉ះទង្គិចផ្លូវចិត្ត(CTRO)បានរៀបចំសិក្ខាសាលាពិគ្រោះយោបល់លើគំរូកញ្ចប់អន្តរាគមន៍នៃគម្រោងស្រាវជ្រាវស្តីពី "ការពង្រឹងសមត្ថភាពបុគ្គលិកសុខាភិបាលនៅមណ្ឌលសុខភាព ដើម្បីបំពេញតម្រូវការសុខភាពមាតា និងសុខភាពផ្លូវចិត្ត សម្រាប់យុវវ័យនិងមនុស្សវ័យក្មេងនៅកម្ពុជា (HARMONY-Cambodia)”
——————————————————————
វិទ្យាស្ថានជាតិសុខភាពសាធារណៈក្រោមគម្រោង HARMONY-Cambodia ដែលទទួលបានការគាំទ្រហិរញ្ញវត្ថុពី International Development Research Centre (IDRC) នៃប្រទេសកាណាដា បានរៀបចំសិក្ខាសាលាពិគ្រោះយោបល់លើគំរូកញ្ចប់អន្តរាគមន៍នៃគម្រោងស្រាវជ្រាវស្តីពី "ការពង្រឹងសមត្ថភាពបុគ្គលិកសុខាភិបាលនៅមណ្ឌលសុខភាព ដើម្បីបំពេញតម្រូវការសុខភាពមាតា និងសុខភាពផ្លូវចិត្ត សម្រាប់យុវវ័យនិងមនុស្សវ័យក្មេងនៅកម្ពុជា” ក្រោមអធិបតីភាពរបស់លោក ជា សានិត ប្រធានមន្ទីរសុខាភិបាល នៃរដ្ឋបាលខេត្តរតនគិរី។

គោលបំណងសិក្ខាសាលានេះរួមមាន៖
•បង្ហាញលទ្ធផលបឋមនៃការសិក្សាដើមគ្រា ដោយរួមមាន ការត្រៀមលក្ខណៈរួចរាល់នៃប្រព័ន្ធសុខាភិបាល សមត្ថភាពបុគ្គលិកសុខាភិបាល ចន្លោះប្រហោងនៃការផ្តល់សេវា ទស្សនៈរបស់សហគមន៍ និងឱកាសក្នុងការបញ្ជ្រាបសេវាសុខភាពផ្លូវចិត្តទៅក្នុងសេវាថែទាំសុខភាពមាតា
•បង្ហាញគំរូកញ្ចប់អន្តរាគមន៍នៃការបញ្ជ្រាបសេវាសុខភាពផ្លូវចិត្តទៅក្នុងសេវាថែទាំសុខភាពមាតា
•ពិភាក្សា និងប្រមូលធាតុចូល ពីភាគីពាក់ព័ន្ធ​ដើម្បីរួមគ្នាបង្កើតកញ្ចប់អន្តរាគមន៍ដែលមានលក្ខណៈសមស្របតាមបរិបទ និងតម្រូវការ

សិក្ខាសាលានេះមានការអញ្ជើញចូលរួមពីនាយកដ្ឋានសុខភាពផ្លូវចិត្ត និងការបំពានគ្រឿងញៀន មជ្ឈមណ្ឌលថែទាំ និងស្រាវជ្រាវការប៉ះទង្គិចផ្លូវចិត្ត(CTRO) មន្រ្តីពាក់ព័ន្ធនៃមន្ទីរសុខាភិបាល នៃរដ្ឋបាលខេត្តរតនគិរី និងភាគីពាក់ព័ន្ធផ្សេងៗរួមមាន អ្នកស្ម័គ្រចិត្តភូមិ ស្រ្តីមានផ្ទៃពោះនិងអ្នកម្តាយវ័យក្មេងផងដែរ។

22/09/2026

រាជធានីភ្នំពេញ ថ្ងៃសៅរ៍ ៨កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែកញ្ញា ឆ្នាំ២០២៦ សាលាសុខភាពសាធារណៈបានរៀបចំកម្មវិធីកិច្ចពិភាក្សាក្រោមប្រធានបទ "Implementation Science" ។

កម្មវិធីនេះប្រព្រឹត្តទៅដោយមានវត្តមានរបស់វាគ្មិនកិត្តិយសរួមមាន៖
- ឯកឧត្តមវេជ្ជបណ្ឌិត ទា ផលា អនុប្រធានអាជ្ញាធរជាតិប្រយុទ្ធប្រឆាំងនឹងជំងឺអេដស៍ បានចែករំលែកអំពីបទពិសោធន៍នៃការអនុវត្តកម្មវិធីប្រយុទ្ធប្រឆាំងនឹងជំងឺអេដស៍នៅកម្ពុជា។
- លោកស្រីសាស្រ្តាចារ្យ Grace Marie Ku អ្នកស្រាវជ្រាវជាន់ខ្ពស់ និងសាស្រ្តាចារ្យ មកពីវិទ្យាស្ថានត្រូពិកវេជ្ជសាស្ត្រ (Institute of Tropical Medicine) បានណែនាំអំពីគោលគំនិត និងសារៈសំខាន់នៃវិទ្យាសាស្ត្រអនុវត្តក្នុងការផ្សារភ្ជាប់លទ្ធផលស្រាវជ្រាវទៅនឹងការអនុវត្តជាក់ស្តែង។

វាគ្មិនទាំងពីរបានបន្តចូលរួមវេទិកាពិភាក្សា ដោយមានលោកបណ្ឌិត តែ វណ្ណារ័ត្ន ជាអ្នកសម្របសម្រួលកិច្ចពិភាក្សា ដែលវេទិកាពិភាក្សានេះបានផ្តល់ឱកាសដល់អ្នកចូលរួមក្នុងការផ្លាស់ប្តូរចំណេះដឹង និងបទពិសោធន៍ ព្រមទាំងជំរុញឱ្យមានការចែករំលែក និងការសន្ទនាយ៉ាងផុសផុល ពាក់ព័ន្ធនឹងការអនុវត្តវិទ្យាសាស្ត្រក្នុងវិស័យសុខាភិបាលសាធារណៈ។

សាធារណៈជនដែលបានចូលរួមក្នុងកម្មវិធីនេះ មានមកពីមជ្ឈដ្ឋានចម្រុះដូចជា អង្គភាពពាក់ព័ន្ធក្នុងវិស័យសុខភាពសាធារណៈ អង្គភាពអប់រំជំនាញសុខាភិបាល អ្នកស្រាវជ្រាវ និងនិស្សិតនៃសាលាសុខភាពសាធារណៈផងដែរ។

20/09/2026

Congratulations to Mr. Lim Hokkean, our PhD student (Batch 2) at the School of Public Health, National Institute of Public Health (NIPH), whose doctoral research focuses on strengthening laboratory biosafety and public health capacity in Cambodia.

We are pleased to see his academic journey and commitment to strengthening Cambodia’s biosafety capacity highlighted during his recent international engagement. Following his participation in the World One Health Congress in Lisbon, Portugal, from 4-7 September 2026, Mr. Lim had the opportunity to visit and engage with the Rotary Club Tours-Balzac in France on 9 September 2026.

The meeting provided an opportunity for him to present his doctoral research and vision for strengthening biosafety capacity in Cambodia and to explore potential support for the continuation of his PhD journey.

His commitment to advancing expertise in high-containment laboratories, particularly BSL-3 laboratories, represents an important contribution to strengthening Cambodia’s laboratory systems, biosafety capacity, and future health security.

We are proud to support his academic journey and look forward to the contribution of his research to public health in Cambodia and beyond.

Building knowledge. Strengthening capacity. Serving public health.

18/09/2026

15/09/2026

📢 ថ្ងៃនេះគឺជាថ្ងៃចុងក្រោយនៃការចុះឈ្មោះចូលរៀនហើយ! ⏰
✨ សូមកុំឱ្យឱកាសដ៏ពិសេសនេះកន្លងផុតទៅ។ សម្រាប់លោកអ្នកដែលមិនទាន់បានចុះឈ្មោះ សូមរួសរាន់ឡើង!

12/09/2026

09/09/2026

📢 Free Registration is NOW OPEN! ✦

Join us for an insightful seminar on Implementation Science! Whether you are a student, researcher, or public health professional, this is a great opportunity to explore global perspectives and learn from real-world success stories right here in Cambodia.

📲 How to Register: Space is limited! Simply scan the QR Code on the flyer to secure your spot today.

09/09/2026

🎓 ឱកាសបន្តការសិក្សាថ្នាក់បរិញ្ញាបត្រជាន់ខ្ពស់វិទ្យាសាស្រ្ត ផ្នែកអាហារូបត្ថម្ភ ឆ្នាំសិក្សា ២០២៦-២០២៧!
សាលាសុខភាពសាធារណៈ នៃវិទ្យាស្ថានជាតិសុខភាពសាធារណៈ កំពុងបើកទទួលពាក្យចូលរៀនសម្រាប់ថ្នាក់បរិញ្ញាបត្រជាន់ខ្ពស់វិទ្យាសាស្រ្ត ផ្នែកអាហារូបត្ថម្ភ (Master of Science in Nutrition)!

💡 ជំនាញគោលដែលលោកអ្នកនឹងទទួលបានរួមមាន៖
- ចំណេះដឹងស៊ីជម្រៅផ្នែកអាហារូបត្ថម្ភ (Nutrition Knowledge)
- ជំនាញរៀបចំគម្រោង និងការស្រាវជ្រាវ (Research Planning and Design Skills)
- សមត្ថភាពក្នុងការវិភាគ និងអនុវត្តការស្រាវជ្រាវ (Research/Program Conduct & Analysis Skills)

⏳ ប្រញាប់ឡើង! កាលបរិច្ឆេទឈប់ទទួលពាក្យគឺ ថ្ងៃទី១៥ ខែកញ្ញា ឆ្នាំ២០២៦

• សម្រាប់ព័ត៌មានសិក្សាតាមកម្មវិធីសិក្សា សូមចូលមើលក្នុងគេហទំព័រផ្លូវការរបស់វិទ្យាស្ថានជាតិសុខភាពសាធារណៈ តាមរយៈតំណរភ្ជាប់៖ https://niph.org.kh/niph/niph-school/
• សម្រាប់ពាក្យសុំចូលរៀន សូមបំពេញពាក្យតាមប្រព័ន្ធអេឡិចត្រូនិច (online) តាមរយៈតំណរភ្ជាប់៖ https://niph.org.kh/niph/school/
• បើមានសំណួរទាក់ទងនឹងការដាក់ពាក្យចូលរៀន សូមសាកសួរតាមរយៈ Telegram Channel តាមរយៈតំណរភ្ជាប់៖ https://t.me/sphapplication

08/09/2026

«និស្សិតបរិញ្ញាបត្រជាន់ខ្ពស់ជំនាន់ទី១៨ នៃសាលាសុខភាពសាធារណៈ បង្ហាញលទ្ធផលនៃការស្រាវជ្រាវអង្កេតរហ័ស នៅមន្ទីរសុខាភិបាលនៃរដ្ឋបាលខេត្តពោធិ៍សាត់»

នៅព្រឹក ថ្ងៃអាទិត្យ ៩រោច ខែស្រាពណ៍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៦ ខែកញ្ញា ឆ្នាំ២០២៦ សាលាសុខភាពសាធារណៈ នៃវិទ្យាស្ថានជាតិសុខភាពសាធារណៈ បានរៀបចំសិក្ខាសាលា ផ្សព្វផ្សាយលទ្ធផលនៃការស្រាវជ្រាវអង្កេតរហ័ស ដែលធ្វើឡើងដោយនិស្សិតជំនាន់ទី១៨ នៅមន្ទីរសុខាភិបាល នៃរដ្ឋបាលខេត្តពោធិ៍សាត់។
ក្នុងសិក្ខាសាលានេះ និស្សិតបានធ្វើបទបង្ហាញអំពីលទ្ធផលសំខាន់ៗនៃការស្រាវជ្រាវ ដែលផ្តោតលើការវាយតម្លៃស្ថានភាពសុខភាព អាហារូបត្ថម្ភកុមារ កម្រិតចំណេះដឹងផ្នែកសុខភាពរបស់ប្រជាពលរដ្ឋ ព្រមទាំងគុណភាពសេវានៅតាមមណ្ឌលសុខភាព។
ព័ត៌មានទាំងនេះនឹងក្លាយជាមូលដ្ឋានយ៉ាងសំខាន់ សម្រាប់អាជ្ញាធរខេត្ត ស្រុក និងមន្ត្រីសុខាភិបាលពាក់ព័ន្ធ ក្នុងការគ្រោងផែនការ និងលើកកម្ពស់គុណភាពសេវាសុខាភិបាលឱ្យកាន់តែប្រសើរឡើងសម្រាប់ប្រជាជននៅក្នុងតំបន់។
សូមថ្លែងអំណរគុណយ៉ាងជ្រាលជ្រៅចំពោះមន្ទីរសុខាភិបាល នៃរដ្ឋបាលខេត្តពោធិ៍សាត់សម្រាប់ការស្វាគមន៍ដ៏កក់ក្តៅ និងកិច្ចសហការដ៏ល្អប្រសើរ!

07/09/2026

[English below]
នាថ្ងៃទី១ ខែកញ្ញា ឆ្នាំ២០២៦ សាលាសុខភាពសាធារណៈ នៃវិទ្យាស្ថានជាតិសុខភាពសាធារណៈ សហការជាមួយទីភ្នាក់ងារជាតិបញ្ជាក់ចំណាយ (ទ.ជ.ប.) បានបញ្ចប់ដោយជោគជ័យនូវវគ្គបណ្ដុះបណ្ដាលស្ដីពី «ការកសាងសមត្ថភាពលើការវិភាគទិន្នន័យ» សម្រាប់មន្ត្រី-បុគ្គលិកនៃទីភ្នាក់ងារជាតិបញ្ជាក់ចំណាយ។ វគ្គបណ្ដុះបណ្ដាលរយៈពេល៧ថ្ងៃនេះ ត្រូវបានរៀបចំចាប់ពីថ្ងៃទី២៤ ខែសីហា ដល់ថ្ងៃទី១ ខែកញ្ញា ឆ្នាំ២០២៦។ វគ្គបណ្ដុះបណ្ដាលនេះមានគោលបំណងពង្រឹងសមត្ថភាពអនុវត្តរបស់អ្នកចូលរួមក្នុងការប្រើប្រាស់ STATA សម្រាប់ការគ្រប់គ្រង និងវិភាគទិន្នន័យ ដោយផ្តោតលើវិធីសាស្ត្រស្ថិតិ និងការអនុវត្តជាក់ស្តែង។ អ្នកចូលរួមបានអនុវត្តលើការរៀបចំ និងសម្អាតទិន្នន័យ ការបង្កើត និងកែប្រែអថេរ ការវិភាគស្ថិតិបែបពិពណ៌នា ការវិភាគទិន្នន័យស្ទង់មតិដោយគិតគូរពី sampling design និង survey weights ព្រមទាំងការបកស្រាយ និងការបង្ហាញលទ្ធផលវិភាគ។ វគ្គបណ្ដុះបណ្ដាលនេះបានរួមបញ្ចូលមេរៀនជាមួយនឹងលំហាត់អនុវត្តដោយផ្ទាល់ ដើម្បីឱ្យអ្នកចូលរួមអាចយកជំនាញដែលបានសិក្សាទៅអនុវត្តលើទិន្នន័យជាក់ស្តែង។ នៅថ្ងៃបញ្ចប់ អ្នកចូលរួមបានធ្វើការវិភាគទិន្នន័យជាក្រុម និងធ្វើបទបង្ហាញ ដោយអនុវត្តដំណើរការវិភាគចាប់ពីការកំណត់សំណួរស្រាវជ្រាវ ការរៀបចំទិន្នន័យ និងការវិភាគ រហូតដល់ការបកស្រាយ និងបង្ហាញលទ្ធផល។ វគ្គបណ្ដុះបណ្ដាលនេះបានចូលរួមពង្រឹងសមត្ថភាពរបស់មន្ត្រី-បុគ្គលិក ទ.ជ.ប. ក្នុងការប្រើប្រាស់ទិន្នន័យ និងវិធីសាស្ត្រស្ថិតិសម្រាប់គាំទ្រដល់ការស្រាវជ្រាវ ការរៀបចំផែនការ ការវិភាគនិន្នាការ និងការសម្រេចចិត្តដោយផ្អែកលើភស្តុតាង។ តាមរយៈ Health Data Learning Hub សាលាសុខភាពសាធារណៈ នៃវិទ្យាស្ថានជាតិសុខភាពសាធារណៈ បន្តគាំទ្រការអភិវឌ្ឍសមត្ថភាពវិភាគទិន្នន័យជាក់ស្តែង និងលើកកម្ពស់ការប្រើប្រាស់ទិន្នន័យប្រកបដោយប្រសិទ្ធភាពក្នុងស្ថាប័ន។
ថវិកាសម្រាប់វគ្គបណ្ដុះបណ្ដាលនេះ គាំទ្រដោយទីភ្នាក់ងារជាតិបញ្ជាក់ចំណាយ (ទ.ជ.ប.)។
⸻
On 1 September 2026, the School of Public Health of the National Institute of Public Health (NIPH), in collaboration with the National Payment Certification Agency (NPCA), successfully completed the seven-day “Data Analysis Capacity Building” training for NPCA staff. The training was conducted from 24 August to 1 September 2026.
The training aimed to strengthen participants’ practical capacity in using STATA for data management and statistical analysis, with a focus on statistical methods and hands-on application. Participants practiced data preparation and cleaning, variable creation and transformation, descriptive statistical analysis, complex survey analysis incorporating sampling design and survey weights, and the interpretation and presentation of analytical findings.
The course combined instruction with hands-on exercises, enabling participants to apply their learning to real-world data. On the final day, participants completed a group data analysis and presentation, applying the full analytical process from developing a research question and preparing the data to conducting the analysis, interpreting the findings, and presenting the results.
The training contributed to strengthening the capacity of NPCA staff to use data and statistical methods to support research, planning, trend analysis, and evidence-informed decision-making. Through the Health Data Learning Hub, the School of Public Health of the National Institute of Public Health (NIPH) continues to strengthen practical data-analysis capacity and promote the effective use of data across institutions.
This training was financially supported by the National Payment Certification Agency (NPCA).