University of Heng Samrin Thbongkhmum - UHST

10/09/2026

សាកលវិទ្យាល័យ ហេង សំរិន ត្បូងឃ្មុំ សូមអបអរសាទរបេក្ខជនជ័យលាភីប្រឡងមធ្យមសិក្សាទុតិយភូមិទាំងអស់។ សូមជោគជ័យលើការសិក្សាកម្រិតឧត្តមសិក្សាជាបន្ត។

University of Heng Samrin Thbongkhmum (UHST) warmly congratulates all successful candidates of the Upper Secondary School Examination (Baccalaureate). We wish you continued success and excellence as you embark on the next chapter of your academic journey in higher education. Congratulations, and best wishes for your bright future!

10/09/2026

សាកលវិទ្យាល័យ ហេង សំរិន ត្បូងឃ្មុំ នៅចាំស្វាគមន៍បេក្ខជនយើងដែលចង់បន្តការសិក្សាកម្រិតបរិញ្ញាបត្រជាន់ខ្ពស់ បរិញ្ញាបត្រ និងបរិញ្ញាបត្ររង សម្រាប់ឆ្នាំសិក្សា២០២៦-២០២៧។ សូមរួសរាន់មកដាក់ពាក្យនៅរៀងរាល់ម៉ោងធ្វើការ និងរៀងរាល់ថ្ងៃចន្ទ-អាទិត្យ។ យើងមានមន្រ្តីនៅប្រចាំការ និងចាំផ្តល់ប្រឹក្សាយោបល់រៀងរាល់ថ្ងៃ។ សូមអញ្ជើញមកទស្សនកិច្ចដោយផ្ទាល់នៅសាកលវិទ្យាល័យ ហេង សំរិន ត្បូងឃ្មុំ នៅតំបន់រដ្ឋបាលខេត្តត្បូងឃ្មុំ។

08/09/2026

ថ្នាក់ដឹកនាំមហាវិទ្យាល័យ និងវិទ្យាស្ថានរបស់សាកលវិទ្យាល័យ ហេង សំរិន ត្បូងឃ្មុំ ទាំង ៧រូប។ សូមទ្រង់ អ្នកឧកញ៉ា លោកឧកញ៉ា ឯកឧត្តម អស់លោក លោកស្រី អ្នកនាងកញ្ញា ដែលមានបំណងចង់ឲ្យសាច់ញាតិ បងប្អូន និងកូនចៅបន្តការសិក្សាថ្នាក់បរិញ្ញាបត្រជាន់ខ្ពស់ បរិញ្ញាបត្រ និងបរិញ្ញាបត្ររង អាចទាក់ទងដើម្បីសាកសួរព័ត៌មានលម្អិតទៅតាមជំនាញដែលចង់សិក្សា។ ស្វាគមន៍សម្រាប់ការសិក្សានៅសាកលវិទ្យាល័យ ហេង សំរិន ត្បូងឃ្មុំ ជាគ្រឹះស្ថានសិក្សារដ្ឋ និងនៅកណ្តាលតំបន់រដ្ឋបាលខេត្តត្បូងឃ្មុំ។

08/09/2026

សូមអបអរសាទរ និងស្វាគមន៍បេក្ខជនទាំង ៥៥៦រូប ដែលទទួលបានអាហារូបករណ៍ ១០០ភាគរយ (មិនបង់ថ្លៃសិក្សា ៤ឆ្នាំ) សិក្សានៅសាកលវិទ្យាល័យ ហេង សំរិន ត្បូងឃ្មុំ។ សូមបេក្ខជនទាំង ៥៥៦រូប ប្រញាប់មកបំពេញសំណុំពាក្យសុំចូលរៀនចាប់ពីម៉ោង ០៨ម០០ព្រឹក ដល់ម៉ោង ០៥ម៣០រសៀលនៅរៀងរាល់ថ្ងៃចន្ទ-អាទិត្យចាប់ពីថ្ងៃផ្សាយដំណឹងនេះតទៅរហូតដល់ថ្ងៃទី២២ ខែកញ្ញា ឆ្នាំ២០២៦។ បើហួសកាលបរិច្ឆេទនេះ ចាត់ទុកថាបោះបង់អាហារូបករណ៍ និងផ្តល់អត្ថិភាពបន្តដល់បេក្ខជនជាប់បម្រុង។ សូមអរគុណ

17/08/2026

សេចក្តីជូនដំណឹងស្តីពី ការជ្រើសរើសនិស្សិតអាហារូបករណ៍ពេញលេញឱ្យចូលរៀននៅតាមគ្រឹះស្ថានឧត្តមសិក្សាសាធារណៈ ក្រោមឱវាទក្រសួងអប់រំ យុវជន និងកីឡា សម្រាប់ឆ្នាំសិក្សា ២០២៦-២០២៧ ក្នុងក្របខណ្ឌគម្រោងកម្មវិធីភាពជាដៃគូសហភាពអឺរ៉ុប-កម្ពុជា

ក្រសួងអប់រំ យុវជន និងកីឡា សូមជូនដំណឹងដល់សាធារណជន និងបេក្ខជនទាំងអស់ដែលមានបំណងចង់បន្តការសិក្សានៅតាមឧត្តមសិក្សាសាធារណៈឱ្យបានជ្រាបថា៖ ក្រសួងនឹងធ្វើការជ្រើសរើសបេក្ខជនចំនួន ៣២០កន្លែង ដើម្បីទទួលអាហារូបករណ៍ចូលរៀននៅកម្រិតបរិញ្ញាបត្រ កម្រិតបរិញ្ញាបត្រជាន់ខ្ពស់ និងកម្រិតបណ្ឌិត នៅតាមគ្រឹះស្ថានឧត្តមសិក្សាសាធារណៈ ក្រោមឱវាទក្រសួងអប់រំ យុវជន និងកីឡា ក្នុងក្របខណ្ឌគម្រោងកម្មវិធីភាពជាដៃគូសហភាពអឺរ៉ុប-កម្ពុជា លើបរិវត្តកម្មអប់រំបច្ចេកទេស ២០២៤-២០២៧។ ការផ្តល់អាហារូបករណ៍ពេញលេញលើការបង់ថ្លៃសិក្សា និងថវិកាឧបត្ថម្ភប្រចាំខែដល់បេក្ខជនក្នុងអំឡុងពេលកំពុងសិក្សានៅកម្រិតបរិញ្ញាបត្ររយៈពេល ៤ឆ្នាំ កម្រិតបរិញ្ញាបត្រជាន់ខ្ពស់រយៈពេល ២ឆ្នាំ និងកម្រិតបណ្ឌិតរយៈពេល ៣ឆ្នាំ សម្រាប់ឆ្នាំសិក្សា ២០២៦-២០២៧ ដែលមានព័ត៌មានលម្អិតជូនភ្ជាប់។

សាកលវិទ្យាល័យ ហេង សំរិន ត្បូងឃ្មុំ ផ្តល់អាហារូបករណ៍កម្រិតបរិញ្ញាបត្រចំនួន ២១កន្លែង និងកម្រិតបរិញ្ញាបត្រជាន់ខ្ពស់ចំនួន ១៥កន្លែង។ សូមរួសរាន់មកទទួលពាក្យដាក់ប្រឡងនៅសាកលវិទ្យាល័យ ហេង សំរិន ត្បូងឃ្មុំ នៅរៀងរាល់ម៉ោងធ្វើការ។

11/08/2026

09/08/2026

សាកលវិទ្យាល័យ ហេង សំរិន ត្បូងឃ្មុំ សូមជូនពរដល់ប្អូនៗ ជាបេក្ខជនដែលត្រូវប្រឡងទាំងអស់ សូមទទួលបានជោគជ័យ និងនិទ្ទេសល្អលើការប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី១០ ខែសីហា ឆ្នាំ២០២៦ នេះ។ ជួបគ្នាឆាប់ៗ នៅកម្រិតឧត្តមសិក្សា។

05/08/2026

EURASIA Convention 2026, Busan, Republic of Korea
- - - - - - - - - - - - - - - - - - - - - - -
នាថ្ងៃទី៣-៤ ខែសីហា ឆ្នាំ២០២៦ ឯកឧត្តមសាស្រ្តាចារ្យរង ពិន វណ្ណារ៉ូ សាកលវិទ្យាធិការនៃសាកលវិទ្យាល័យ ហេង សំរិន ត្បូងឃ្មុំ បានដឹកនាំប្រតិភូសាកលវិទ្យាល័យ ហេង សំរិន ត្បូងឃ្មុំ ទៅចូលរួមកម្មវិធី EURASIA CONVENTION BUSAN 2026 ស្តីពី តួនាទីនៃការអប់រំក្នុងយុគសម័យនៃភាពចលាចល៖ ក្តីសង្ឃឹមសម្រាប់យុគសម័យថ្មី នៅទីក្រុងប៊ូសាន ប្រទេសកូរ៉េខាងត្បូង ដែលមានការចូលរួមពីគ្រឹះស្ថានឧត្តមសិក្សាមកពី ៣០ប្រទេស ដោយផ្តល់នូវវេទិកាអន្តរជាតិសម្រាប់កិច្ចសន្ទនា ការផ្លាស់ប្តូរចំណេះដឹង និងកិច្ចសហប្រតិបត្តិការ លើអនាគតនៃវិស័យអប់រំ និងតួនាទីរបស់គ្រឹះស្ថានឧត្តមសិក្សាក្នុងការដោះស្រាយបញ្ហាប្រឈមសកល នាសម័យកាលដែលពិភពលោកកំពុងមានការផ្លាស់ប្តូរយ៉ាងឆាប់រហ័ស។

On 3–4 August 2026, Assoc. Prof. Dr. PIN Vannaro, Rector of the University of Heng Samrin Thbongkhmum (UHST), led a delegation from the University of Heng Samrin Thbongkhmum to participate in the EURASIA Convention Busan 2026, held under the theme "The Role of Education in the Age of Chaos: Hope for a New Era" in Busan, Republic of Korea. The convention brought together representatives from higher education institutions across 30 countries, providing an international platform for dialogue, knowledge exchange, and collaboration on the future of education and the role of higher education in addressing global challenges in an era of rapid change.
- - - - - - - - - - - - - - - - - - - - - - -
រៀបចំដោយ៖ ក្រុមការងារផ្សព្វផ្សាយរបស់ សហសត។

01/08/2026

Starfield Library in Seoul, Republic of Korea on 01 August 2026

30/07/2026

ប្រឡងឆមាសទី២ ឆ្នាំសិក្សា២០២៥-២០២៦ នៅសាកលវិទ្យាល័យ ហេង សំរិន ត្បូងឃ្មុំ
- - - - - - - - - - - - - - - - - - - - - - -
នាថ្ងៃទី២៨ ខែកក្កដា ឆ្នាំ២០២៦ សាកលវិទ្យាល័យ ហេង សំរិន ត្បូងឃ្មុំ បានរៀបចំកម្មវិធីប្រឡងបញ្ចប់ឆមាសទី២ សម្រាប់ឆ្នាំសិក្សា២០២៥-២០២៦។ សូមថ្លែងអំណរគុណយ៉ាងជ្រាលជ្រៅចំពោះគណៈកម្មការទាំងអស់ដែលបានបំពេញការងារដោយការទទួលខុសត្រូវខ្ពស់ និងប្រកបដោយវិជ្ជាជីវៈ (ច្បាប់ យុត្តិធម៌ តម្លាភាព និងអាចទទួលយកបាន) ក្នុងគោលបំណងដើម្បីឲ្យការបណ្តុះបណ្តាលនៅសាកលវិទ្យាល័យ ហេង សំរិន ត្បូងឃ្មុំ ប្រកបដោយគុណភាព។ សូមកោតសរសើរខ្ពស់ដល់បេក្ខជនទាំងអស់ដែលអនុវត្តវិន័យនៃការប្រលងបានល្អ (អ្នកចេះគឺជាប់)។

On 28 July 2026, the University of Heng Samrin Thbongkhmum (UHST) successfully conducted the Semester II Final Examinations for the 2025–2026 academic year. We would like to express our sincere appreciation to all members of the examination committees for carrying out their responsibilities with the highest level of professionalism, integrity, and commitment. Their dedication to ensuring that the examinations were conducted in accordance with the principles of legality, fairness, transparency, and accountability has contributed significantly to maintaining the quality of education at the University of Heng Samrin Thbongkhmum. We also extend our heartfelt congratulations to all students for demonstrating excellent discipline throughout the examination process. As the saying goes, "Those who possess the required knowledge and competence will succeed."
- - - - - - - - - - - - - - - - - - - - - - -
ក្រុមការងារសាកលវិទ្យាល័យ ហេង សំរិន ត្បូងឃ្មុំ។