08/04/2026
ගම්පහ වික්රමාරාච්චි දේශීය වෛද්ය විශ්වවිද්යාලය ප්රජා සහභාගීත්වයෙන් ඖෂධ භෝග වගාවට මුලපුරයි.
ගම්පහ වික්රමාරච්චි දේශීය වෛද්ය විශ්වවිද්යාලයේ University Business Linkage ඒකකය මඟින් සංවිධානය කරන ලද ප්රජා සහභාගීත්ව ඖෂධ භෝග වගා වැඩසටහන 2026 අප්රේල් 07 දින දේශීය ඖෂධ සම්පත් දෙපාර්තමේන්තුවේ පරිශ්රයේදී සාර්ථකව ආරම්භ කරන ලදී.
මෙම අවස්ථාවට විශ්වවිද්යාලයේ උපකුලපති, ජ්යේෂ්ඨ මහාචාර්ය වසන්තා සුබසිංහ මහත්මිය, පාර්ලිමේන්තු මන්ත්රී උපුල් අබේවික්රම මහතා, දේශීය වෛද්ය පීඨයේ පීඨාධිපති මහාචාර්ය ප්රියානි පීරිස් මහත්මිය ආයුර්වේද ඖෂධ සංස්ථා සභාපතිනි ගීතාමානී කරුණාරත්න මහත්මිය ඇතුළු නිලධාරීන් සහභාගී වූහ.
මෙම වැඩසටහනේ ප්රධාන අරමුණ වන්නේ ඖෂධ භෝග වගාව ප්රවර්ධනය කරමින් ගොවීන්ට ස්ථාවර ආදායම් මාර්ගයක් සැපයීම සහ දේශීය වෛද්ය ක්ෂේත්රයට අවශ්ය ඖෂධ අමුද්රව්ය සුරක්ෂිතව සපයා ගැනීමයි.
ඖෂධ භෝග මිලදී ගැනීම සඳහා දිගුකාලීන වැඩපිළිවෙලක් යටතේ ගොවීන් සමඟ ගිවිසුම් ගත කිරීමේ අරමුණින් පැවති මෙම අවස්ථාවට, ආයුර්වේද සංස්ථාව නියෝජනය කරමින් සභාපතිනි ගීතාමානී කරුණාරත්න මහත්මිය සහ කළමනාකරණ අධ්යක්ෂතුමන් සහභාගී වූහ. එමෙන්ම Link Natural ආයතනය නියෝජනය කරමින් කේ.ටී.සී. ජීවන්ත මහතා (කෘෂිකාර්මික ව්යාප්ති හා CSR කළමනාකරු) සහ බී.ඒ. චලිත වීරසේකර මහතා (කෘෂිකාර්මික කළමනාකරු) ද එක්ව සිටියහ.තවද, වනමන්දාව ඖෂධ නිෂ්පාදන ආයතනය නියෝජනය කරමින් එහි කළමනාකාර අධ්යක්ෂක වෛද්යාචාර්ය සෝමරත්න මල්ලවාරච්චි මහතා ඇතුළු නිලධාරීන් ද ගම්පහ දිස්ත්රික්කයේ අත්තනගල්ල, දොම්පේ, මහර සහ ගම්පහ යන ප්රාදේශීය ලේකම් බලප්රදේශවලින් ඖෂධ භෝග වගා කිරීමට උනන්දුවක් දක්වන ගොවීන් හතලිස් දෙනෙකු (40) පමණ සහභාගී විය.
මෙහිදී ගම්පහ දිස්ත්රික්කයේ පාංශු තත්ත්වයන්ට ගැළපෙන ඖෂධ භෝග හඳුන්වාදීම සිදුකරන ලදී. එසේම එම භෝග වගාවෙන් ලැබිය හැකි ආර්ථික ප්රතිලාභ, නිෂ්පාදන මිලදී ගැනීමේ හැකියාව සහ වෙළඳපොළ අවස්ථා පිළිබඳව ගොවීන් දැනුවත් කරන ලදී. එමෙන්ම, පසුඅස්වනු තාක්ෂණික දැනුම ලබාදීම සඳහාද එකඟතාව පළ කරන ලදී.
ශ්රී ලංකාවේ දේශීය වෛද්ය විද්යාවේ ප්රධාන කේන්ද්රයක් ලෙස සැලකෙන ගම්පහ දිස්ත්රික්කය තුළ මෙම වැඩසටහන ක්රියාත්මක කිරීම මඟින් ඖෂධ නිෂ්පාදන ත්රය ශක්තිමත් කරමින් ස්ථාවර හා දිගුකාලීන සැපයුම් දාමයක් ස්ථාපිත කිරීමට බලාපොරොත්තු වේ.
එසේම, මෙම ක්ෂේත්රයේ පවතින ගැටලු ලෙස නිෂ්පාදන ප්රමාණයේ අස්ථිරතාව, ස්ථාවර මිල පද්ධතියක් නොමැතිවීම සහ සැපයුම් දාමයේ දුර්වලතා වැනි කරුණු සැලකිල්ලට ගනිමින්, එම ගැටලු අවම කර ගැනීම මෙම වැඩසටහනේ මූලික අරමුණක් ලෙස දක්වා ඇත.
මෙම වැඩසටහන සඳහා සම්පත් දායකත්වය දේශීය ඖෂධ සම්පත් දෙපාර්තමේන්තුවේ කථිකාචාර්ය සහ අන්තර්ජාතික කෘෂිකර්ම අරමුදලේ කෘෂි විශේෂඥවරයෙකු වන සහ නිවන්ත කණුවන මහතා විසිනි.
