25/04/2026
பசறை வலய கிரிக்கெட்: மகுடம் சூடியது பசறை தமிழ் மகா வித்தியாலயம்! 🏏
பசறை வலய பாடசாலைகளுக்கிடையில் நடைபெற்ற 20 வயதுக்குட்பட்ட கிரிக்கெட் போட்டியில், 2026 ஆம் ஆண்டிற்கான சாம்பியன் (Champions) பட்டத்தை வென்று பசறை தமிழ் மகா வித்தியாலயம் வரலாற்று சாதனை படைத்துள்ளது! 🥇
மாணவர்களின் அசாத்திய விடாமுயற்சி, மைதானத்தில் காட்டிய ஒற்றுமை மற்றும் வெற்றிக்கான தாகம் ஆகியவையே இந்த மகுடத்தை சூட்டியுள்ளது.
மிகக் குறுகிய கால அவகாசத்திற்குள், மாணவர்களின் திறமையை இனங்கண்டு அவர்களை ஒரு சிறந்த அணியாக செதுக்கிய விளையாட்டுப் பயிற்றுவிப்பாளர் பிரசன்னா அவர்களின் அர்ப்பணிப்புமிக்க வழிகாட்டல் இவ்வெற்றியில் முக்கிய மைல்கல்லாகும்.
வெற்றிச் செய்தியை அடுத்து பாடசாலை அதிபர், ஆசிரியர்கள், பழைய மாணவர்கள் மற்றும் நலன்விரும்பிகள் என பலரும் மாணவர்களுக்கும் பயிற்றுவிப்பாளருக்கும் தமது மனமார்ந்த வாழ்த்துகளைத் தெரிவித்து வருகின்றனர்.
இதே உற்சாகத்துடன் எதிர்காலத்திலும் பல சாதனைகளை படைக்க எமது மனமார்ந்த வாழ்த்துகள்!
✍️ நடராஜா மலர்வேந்தன்
