12/11/2024
كاين واحد الفيديو كيدور ديال واحد الاستادة كتسب واحد خاينا وكتلعن ليه الواليدين ونايض بوكميكم كينتاقد فالاستادة... وخا ماعنديش مع الموعلمين ولكن الصراحة خصها تقال: اغلبية ليسيات ديال المغريب عامرين غي بالزبل وبزيادة لور... التلاميد شبعو الخوبز ولقاو التعليم فابور وزملو ومالقاوش ليفركع ليهوم الكمارا...
واحد الاستاد كيتقدا عندي وكيقري هنا فسيدي مومن قال ليا: خويا موحماد راه مابقيناش كنقريو التلاميد راه ولينا كنتعاملو مع الالتراس والشمكارا والقحاب وولاد الزنا... هاد الهضرا الا سمعها وزير التعليم غادي يصيفط الاستاد نيشان لدارو ولكن انا فهمتو شنو بغا يقول وباش كيحس حيت هاد التلاميد كيجيو يتقداو عندي وكنعرفهوم شنو كيسواو: الجوع والكلاخ والزملة حيت الاسرا مابقاتش كتعرف تربي وولات المرا غي كتحل الرجلين وكتولد ولوح الخرا وصيفطيه عند الموعليم يربيه...
راه ليسيات ديال المغريب حاليا ولاو خطار وباش تقري فيهوم راه بلا ماتبقا تقول ليا بيداغوجيا ولا بجلاغوجيا ولا قلاوي... راه خصك جوج حوايج السمطة الكحلا ولانتريمو ديال بصح وخاص ليسي يزيدو فيه واحد البيت فيه مكتب وكيكلسو فيه جوج حناش بحال المحطة ديال القامرا ولا المحطة ديال ولاد زيان ولي هضر دي دينمو لاكاب يكلسوه على القرعة ويوريوه النيعام ديال الفابور ويقولو ليه بلي كاينا ناس فسوس وازيلال و الاطلاس خرجات من القراية حيت ماعندهاش ليسي ومشات تسرح الغنم ولا تخدم فتبقالت... راه كاين شي بلايص صعيب الواحد يقري فيهوم الا مكانتش عندو الفورما ديال جون سينا بحال دوار لحجر والقلوشة و العكاكبا وشلا مناطيق فيها شي بنادم خلقو ربي وندم عليه...
الاستادة راه دارت خطأ ولكن راه الا شفتي الحيوانات ليكيدوزو من حدا الكونطوار هنا فسيدي مومن غادي تعضرها...
#المنتخبالمغربي
