19/07/2026
Respect ကို Formal ဖြစ်လွန်းတယ်လို့မမြင်ပါနဲ့။
အဖွဲ့အစည်းတစ်ခုရဲ့ Culture ကိုတည်ဆောက်ပေးတာဖြစ်လို့၊ကိုယ်ထက် ကြီးတယ့်လူဖြစ်ဖြစ်၊ငယ်တဲ့လူဖြစ်ဖြစ် respect ဆိုတာထားရမှာပါ။
❝ ရင်းနှီးတာက ကောင်းပါတယ်… ဒါပေမယ့် Respect မရှိတဲ့ ရင်းနှီးမှုက အဖွဲ့အစည်းကို ဖြည်းဖြည်းချင်း ဖျက်ဆီးတတ်ပါတယ် ❞
လူတစ်ယောက်ရဲ့ အရည်အချင်းက သူ့ကို အခွင့်အရေးပေးနိုင်ပေမယ့်… လေးစားမှု (Respect) ကတော့ သူ့ကို ရေရှည်တန်ဖိုးရှိတဲ့ လူတစ်ယောက်ဖြစ်အောင် ထိန်းပေးပါတယ်။ စီးပွားရေးလုပ်လာတဲ့ နှစ်တွေတစ်လျှောက် ကျမ သဘောပေါက်လာတဲ့ အရာတစ်ခုရှိပါတယ်။ကုမ္ပဏီတစ်ခုကို အောင်မြင်အောင် လုပ်ပေးတာက အရင်းအနှီးတစ်ခုတည်း မဟုတ်ပါဘူး။ အရည်အချင်းရှိတဲ့ လူတွေရှိရုံနဲ့လည်း မလုံလောက်ပါဘူး။အဖွဲ့အစည်းတစ်ခုကို ရေရှည်တည်တံ့စေတာက အချင်းချင်းထားရှိတဲ့ Respect ဖြစ်ပါတယ်။
Respect ဆိုတာ ကြောက်လို့ပေးရတဲ့အရာ မဟုတ်ပါဘူး။ရာထူးကြောင့် အတင်းအကျပ် ရလာတဲ့အရာလည်း မဟုတ်ပါဘူး။ကိုယ့်စကားပြောပုံ၊ ကိုယ့်အပြုအမူ၊ ကိုယ့်စည်းကမ်းနဲ့ ကိုယ့်သဘောထားတွေကနေ တဖြည်းဖြည်း တည်ဆောက်ယူရတဲ့ တန်ဖိုးတစ်ခုပါ။ဒီနေ့ခေတ်မှာ “ပျော်ပျော်ပါးပါးပဲ”, “ရင်းရင်းနှီးနှီးပဲ” ဆိုတဲ့ အကြောင်းပြချက်နဲ့ အခေါ်အဝေါ်တွေ၊ စကားအသုံးအနှုန်းတွေ၊ အပြုအမူတွေကို အကန့်အသတ်မရှိ သုံးလာတာကို တွေ့ရပါတယ်။
ရင်းနှီးတာက ကောင်းပါတယ်။ဒါပေမယ့် ရင်းနှီးမှုနဲ့ စည်းကမ်းမဲ့မှုကို မရောထွေးသင့်ပါဘူး။လေးစားမှု မရှိတော့တဲ့ နေရာမှာ စကားနားထောင်မှု လျော့လာတယ်။
စကားနားထောင်မှု လျော့လာတဲ့ နေရာမှာ စည်းကမ်း ပျက်လာတယ်။စည်းကမ်း ပျက်လာတဲ့ နေရာမှာ Accountability ပျောက်လာတယ်။နောက်ဆုံးမှာတော့ အဖွဲ့အစည်းတစ်ခုလုံးရဲ့ Professionalism က တဖြည်းဖြည်း ယိုယွင်းလာပါတယ်။
ကျမ Team ကို ဦးဆောင်လာတဲ့ နှစ်တွေမှာ သေချာမြင်ခဲ့တာတစ်ခုရှိပါတယ်။လူတွေက Leader ကို မလေးစားတော့တဲ့နေ့ကစပြီး ပြဿနာတွေ များလာတာ မဟုတ်ဘူး။Respect ကို တန်ဖိုးမထားတော့တဲ့ နေ့ကစပြီး ပြဿနာတွေ စတင်လာတာပါ။Respect ဆိုတာ CEO အတွက်ပဲ မလိုတာ မဟုတ်ပါဘူး။Receptionist ကိုလည်း လိုတယ်။Security ကိုလည်း လိုတယ်။Cleaner ကိုလည်း လိုတယ်။Intern ကိုလည်း လိုတယ်။Customer ကိုလည်း လိုတယ်။
ရာထူးကြီးလို့ လေးစားတာ မဟုတ်ဘဲ…လူတစ်ယောက်ရဲ့ ဂုဏ်သိက္ခာကို လေးစားတတ်တဲ့ ယဉ်ကျေးမှုကိုတည်ဆောက်နိုင်မှ အဖွဲ့အစည်းက ရေရှည်တိုးတက်နိုင်ပါတယ်။ကျမအတွက်တော့ Respect ဆိုတာ အခမဲ့ပေးလို့ရတဲ့ အရာတစ်ခုပါ။ဒါပေမယ့် အဲဒီအရာက ပြန်ပေးနိုင်တဲ့ တန်ဖိုးကတော့ ငွေနဲ့ တိုင်းတာလို့ မရပါဘူး။လေးစားမှုရှိတဲ့ နေရာမှာ ယုံကြည်မှု ရှိတယ်။ယုံကြည်မှုရှိတဲ့ နေရာမှာ ပူးပေါင်းဆောင်ရွက်မှု ရှိတယ်။ပူးပေါင်းဆောင်ရွက်မှုရှိတဲ့ နေရာမှာ ရေရှည်အောင်မြင်မှု ရှိပါတယ်။ဒါကြောင့်…Respect ကို “Formal ဖြစ်လွန်းတယ်” လို့ မမြင်ပါနဲ့။Respect ဆိုတာ လူတစ်ယောက်ရဲ့ အဆင့်အတန်းကို ဖော်ပြတဲ့ အလေ့အကျင့်ဖြစ်သလို၊ အဖွဲ့အစည်းတစ်ခုရဲ့ Culture ကို တည်ဆောက်ပေးတဲ့ အခြေခံအုတ်မြစ်လည်း ဖြစ်ပါတယ်။
