20/08/2026
“မိုးရာသီအားကစားပြိုင်ပွဲ ပိတ်ပွဲအခမ်းအနား”
ပညာရေး၏ "ကာယ၊ ဉာဏ၊ စာရိတ္တ၊ မိတ္တ၊ ဘောဂ" ဆိုသည့် “ဗလငါးတန်” ဘက်စုံပညာရေး မူဝါဒအတိုင်း ကျောင်းသား၊ ကျောင်းသူများ စာပေသင်ကြားရေးအပြင် ကိုယ်ကာယ ကြံ့ခိုင်ရေး၊ အသင်းအဖွဲ့လိုက် ပူးပေါင်းဆောင်ရွက်တတ်သည့် အားကစားစိတ်ဓာတ်များ ပျိုးထောင်ပေးနိုင်ရန်မှာ လွန်စွာ အရေးကြီးပါသည်။
၂၀၂၆-၂၀၂၇ ပညာသင်နှစ်၊ နေပြည်တော် စိုးစံ ကိုယ်ပိုင်အထက်တန်းကျောင်း၏ ကျောင်းသား၊ ကျောင်းသူများ အချင်းချင်း ပူးပေါင်းဆောင်ရွက်မှုကို အားပေးကာ ပညာရေးနှင့် အားကစား ဘက်စုံဖွံ့ဖြိုးတိုးတက်ရေးကို ညီညွတ်စွာ ပေါင်းစည်းပေးနိုင်ရန် ရည်ရွယ်၍ ၂ဝ၂၆ ခုနှစ် ကျောင်းတွင်း မိုးရာသီဘောလုံးပြိုင်ပွဲများအတွက် ပိတ်ပွဲအခမ်းအနားကို ဩဂုတ်လ (၁၈) ရက် အင်္ဂါနေ့တွင် ကျောင်းတွင်းဘောလုံးကွင်း၌ မူ၊လယ်၊ထက် ကျောင်းသား ကျောင်းသူများပါ အပါ စည်ကားစွာဖြင့် စုပေါင်းကျင်းပပြုလုပ်ပေးခဲ့ပါသည်။
ကျောင်းတွင်း မိုးရာသီဘောလုံးပြိုင်ပွဲ ပိတ်ပွဲ အခမ်းအနားကို အောက်ပါ အစီအစဉ်များအတိုင်း စနစ်တကျ ဖွင့်လှစ်ပေးခဲ့ပြီး ပိတ်ပွဲ အခမ်းအနား အစီအစဉ်များအရ ကျောင်းသား၊ ကျောင်းသူများအားလုံးနှင့် အားကစားသမားများ ဘောလုံးကွင်းအတွင်း နေရာယူခြင်း၊ နိုင်ငံတော်သီချင်းအား သံပြိုင်သီဆိုကြပြီးနောက် ဗိုလ်လုပွဲ (ပထမပိုင်း) - အနော်ရထာအသင်းနှင့် ကျန်စစ်သားအသင်း ယှဉ်ပြိုင်ကစားခဲ့ကြပါသည်။
ဆက်လက်၍ ဒုတိယပိုင်းပွဲမစတင်ခင် ကျောင်းသူလေးများက ဖျော်ဖြေရေးအစီအစဉ်များတွင် မြူးကြွတက်ကြွသော အကအလှများဖြင့် ဖျော်ဖြေပေးခဲ့ပြီးနောက် မိုးရာသီအားကစားပြိုင်ပွဲ၏ ဒုတိယပိုင်းအဖြစ် ဆက်လက်ယှဉ်ပြိုင်ကစားခဲ့ကြရာ ကျန်စစ်သားအသင်းမှ အနော်ရထာအသင်းအား ၄ ဂိုး - ဂိုးမရှိဖြင့် အနိုင်ရရှိခဲ့ပြီး ၂၀၂၆ ခုနှစ်၊ ကျောင်းတွင်း မိုးရာသီအားကစား (ဘောလုံးပြိုင်ပွဲ)၏ အနိုင်ရရှိသူများအဖြစ် ထွက်ပေါ်လာခဲ့ပါသည်။
အခမ်းအနား နောက်ဆုံးအစီအစဉ်အဖြစ် အားကစားထူးချွန်ဆုများ ချီးမြှင့်ခြင်း၊ ကြက်တောင်၊ ဘောလီဘောနှင့် 𝐂𝐇𝐄𝐒𝐒 ပြိုင်ပွဲများတွင် အနိုင်ရရှိသူများနှင့် ဘောလုံးပြိုင်ပွဲတွင် အသင်းလိုက်နှင့် တစ်ဦးချင်း ဆုရရှိသူများကို အသီးသီး ဆုချီးမြှင့်ပြီးနောက် စုပေါင်းအမှတ်တရ ဓာတ်ပုံရိုက်ကူးကာ ၂၀၂၆-၂၀၂၇ ပညာသင်နှစ် မိုးရာသီအားကစားပြိုင်ပွဲ ပိတ်ပွဲအခမ်းအနားကို အောင်မြင်စွာ ပိတ်သိမ်းခဲ့ပါသည်။
မိုးရာသီအားကစားပြိုင်ပွဲများ ဖြစ်မြောက်ရေးအတွက် အချိန်ပေး၍ ပါဝင်ဆောင်ရွက်ပေးပါသော တာဝန်ရှိသူ ဆရာ၊ ဆရာမအားလုံးကိုလည်း အထူးပင်ကျေးဇူးတင်ရှိပါတယ်ရှင့်။
ယခုလို မိုးရာသီအားကစားပြိုင်ပွဲများမှတဆင့် နေပြည်တော်စိုးစံကျောင်းသား ကျောင်းသူများအနေဖြင့် ကိုယ်လက်လှုပ်ရှားမှုများကြောင့် ကိုယ်ခံအား မြင့်မားလာစေရန်၊ အားကစားစိတ်ဓာတ်နှင့် အသင်းအဖွဲ့လိုက် ပူးပေါင်းဆောင်ရွက်လိုသော စိတ်ဓာတ်များကို မြှင့်တင့်ပေးနိုင်ရန်၊ အလားအလာရှိသော ထူးချွန်ကျောင်းသား ကျောင်းသူ လက်ရွေးစင်များ ပေါ်ပေါက်လာပြီး ပညာရေးနှင့် အားကစား ဘက်စုံဖွံ့ဖြိုးတိုးတက်ရေးကို ညီညွတ်စွာ ပေါင်းစည်းပေးသွားနိုင်ဖို့ ရည်ရွယ်ရင်း မိုးရာသီအားကစားပြိုင်ပွဲ ပိတ်ပွဲအခမ်းအနားမှ ပထမဆုကို ထိုက်တန်စွာ သိမ်းပိုက်ခဲ့သော ကျန်စစ်သားအသင်း၏ အောင်မြင်မှု၊ အားကစားထူးချွန်ဆုများ ရရှိခဲ့ကြသော ကျောင်းသား ကျောင်းသူများအား ဂုဏ်ယူကြောင်း ပြောကြားရင်း မိုးရာသီအားကစားပြိုင်ပွဲ ပိတ်ပွဲ အခမ်းအနားမှ ပုံရိပ်များကို မျှဝေပေးလိုက်ရပါတယ်ရှင်။
#မိုးရာသီအားကစားပွဲ
