National University of Computer Studies - NUCS

22/02/2026

တက္ကသိုလ်ဝင်ခွင့်လမ်းညွှန် ဖြစ်မြောက်ရေးအဖွဲ့၏ ကြေညာချက်ကို သိရှိနိုင်စေရန် ထပ်ဆင့် ဝေမျှ အပ်ပါသည်။

စတုတ္ထအကြိမ် တက္ကသိုလ်ဝင်ခွင့်ဆိုင်ရာ လုပ်ငန်းစဉ်များ
ပြန်လည်စတင်ကြောင်း ကြေညာချက်

ဖေဖော်ဝါရီလ (၂၂) ရက်၊ ၂၀၂၆ ခုနှစ်

ပြည်သူ့အသံ၊ စီဒီအမ်အဖွဲ့အစည်းများ၏ အသံကို နားထောင်ကာ ၂၀၂၆ ခုနှစ် ဖေဖော်ဝါရီလ(၂၁) ရက် တွင် ပြည်ထောင်စုဝန်ကြီးချုပ်ရုံး၏ ပြည်သူလူထုသို့ အစီရင်ခံတင်ပြချက်များအနေဖြင့် သက်ဆိုင်ရာ စုံစမ်းစစ်ဆေးရေးအဖွဲ့၏ ရှင်းလင်းချက်များ ထုတ်ပြန်ရှင်းလင်းပေးမှုအပေါ် ကျွန်ပ်တို့အနေဖြင့် ကြိုဆိုပါသည်။ စုံစမ်းစစ်ဆေးရေး ဖြစ်စဉ်များအတွက် ဆက်လက်ဆောင်ရွက်ရန် ရှိသည်များကို ဆက်လက် ဆောင်ရွက်မည် ဖြစ်ကြောင်း ကတိပြုခဲ့သည်ကို သိရှိခဲ့ရပါသည်။
ယင်းကတိပြုချက်များကို သက်ဆိုင်ရာအဖွဲ့အစည်းများက ဖြောင့်မတ်စွာဖြင့် ဆက်လက် အကောင်အထည်ဖော် ဆောင်ရွက်သွားနိုင်မည်ဟု မိမိတို့အနေဖြင့် ယုံကြည်မှုရှိပါသည်။ ယင်းကတိပြုချက်များအပေါ် အကောင်အထည်ဖော်ဆောင်မှုများကိုလည်း ကျွန်ုပ်တို့ ဆက်လက် စောင့်ကြည့်လျှက်လည်း ရှိပါသည်။
ကျောင်းသားကျောင်းသူများ၏ တက္ကသိုလ်ဝင်ခွင့်လျှောက်ထားခြင်းများ သည်လည်း နိုင်ငံအနာဂတ် လူသားအရင်းအမြစ်အတွက် အလွန်အရေးကြီးသည့်အတွက် မလွှဲသာ၍ ခေတ္တရပ်နား ထားခဲ့ရသော စတုတ္ထအကြိမ် တက္ကသိုလ်ဝင်ခွင့် လျှောက်ထားခြင်းဆိုင်ရာလုပ်ငန်းစဉ်များကို ၂၀၂၆ ခုနှစ်၊ ဖေဖော်ဝါရီလ (၂၂) ရက် ညပိုင်းမှ စတင်၍ ပြန်လည် စတင်လုပ်ဆောင်မည် ဖြစ်ပါသည်။
ကျွန်ပ်တို့နှင့်ထပ်တူ ရပ်တည်ပေးခဲ့ကြသော ကျောင်းသား၊ ကျောင်းသူများ၊ မိဘပြည်သူများ၊ CDM ဝန်ထမ်းများအားလုံးကို ကျေးဇူးအထူးတင်ရှိပါသည်။
တက္ကသိုလ်ဝင်ခွင့်လမ်းညွှန်ဖြစ်မြောက်ရေးအဖွဲ့၏ ဖေဖော်ဝါရီ (၁၉)ရက်၊ (၂၀၂၆) ခုနှစ် ထုတ်ပြန်ကြေညာချက်ကြောင့် ကျောင်းသားကျောင်းသူများ အပေါ် နစ်နာမှု သက်ရောက်ခြင်းမရှိစေရန် တက္ကသိုလ်ဝင်ခွင့် လျှောက်လွှာပိတ်မည့်နေ့ကို မူလ ၂၀၂၆ ခုနှစ်၊ မတ်လ ၂ ရက် ည ၁၁ နာရီ ၅၉ မိနှစ် (မြန်မာအချိန်) အစား ၂၀၂၆ ခုနှစ်၊ မတ်လ ၅ ရက် ည ၁၁ နာရီ ၅၉ မိနှစ် (မြန်မာအချိန်) အထိ တိုးမြှင့်သတ်မှတ်လိုက်ပါကြောင်းကိုလည်း တပါတည်း အသိပေးကြေညာအပ်ပါသည်။

တက္ကသိုလ်ဝင်ခွင့်လမ်းညွှန်ဖြစ်မြောက်ရေးအဖွဲ့
ပညာရေးဝန်ကြီးဌာန
အမျိုးသားညီညွတ်ရေးအစိုးရ

21/02/2026

အားလုံးပဲ မင်္ဂလာပါရှင်✨

ယနေ့ Feb 21ရက်နေ့လေးဟာဆိုရင် "International Mother Language Day" လေးပဲဖြစ်ပါတယ်ရှင်။ လူတစ်ယောက်နဲ့တစ်ယောက် ဆက်သွယ်ဖို့အတွက် ဘာသာစကားတွေ လိုအပ်တယ်ဆိုတာ လူတိုင်းသိကြမှာပါရှင်။ နိုင်ငံတိုင်းမှာ ဒီလိုဆက်သွယ်ဖိုအတွက် သုံးတဲ့ဘာသာစကားများစွာထဲမှာမှ မိခင်ဘာသာစကား ကတော့ နေရာတိုင်းမှာ အရေးပါအရာအရောက်ဆုံး ဘာသာစကားတစ်ခုပဲဖြစ်ပါတယ်။ အဲ့လိုပဲ ကျွန်မတိုရဲ့မွေးဖွားရာမြန်မာနိုင်ငံမှာလဲ မိခင်ဘာသာစကားဖြစ်သည့် မြန်မာဘာသာစကား ကိုလေးစားတန်ဖိုးထားမြတ်နိုးကြဖို့ဆိုတာ မြန်မာနိုင်ငံသားတိုင်းရဲ့တာဝန်တစ်ခုပါပဲရှင်။

"မိခင်ဘာသာစကား တိုင်းသည် နိုင်ငံတစ်နိုင်ငံ၏ ကိုယ်ပိုင်ယဥ်ကျေးမှုများ၊ သမိုင်းကြောင်းများ နှင့် နိုင်ငံ အမွေအနှစ်များရဲ့ အသက်ဝိညာဥ် မြစ်ဖျားခံရာ တစ်ခုလဲ ဖြစ်ပါတယ်ရှင်။ ဒီလိုအမွေအနှစ်ပေါင်းများစွာနဲ့ တည်ဆောက်ဖန်တီးထားတဲ့ ကျွန်မတိုရဲ့ မိခင်ဘာသာစကား မြန်မာဘာသာစကားသည် ​ရေးသားရာတွင်လဲ "၀လုံး" ကိုအခြေခံထားသောကြောင့်ဝိုင်းစက်စက် စကားလုံးများသည်အလွန်ပင် ရှုမဝနိုင်စရာဖြစ်ရပါသည်။ မြန်မာဘာသာစကား၏ဝေါဟာရပေါင်းစပ်မှုများသည်လည်းအဓိပ္ပာယ်များ ကြွယ်ဝနေခြင်းမှာမြန်မာနိုင်ငံသားများအတွက်ဂုဏ်ယူဖွယ်ရာတစ်ခုပင်ဖြစ်ပါသည်။ "🍀

မြန်မာနိုင်ငံမှာနေထိုင်သည့် ကျွန်မတိုရဲ့ သွေးချင်းညီအကိုမောင်နှမ တိုင်းရင်းသား ဘာသာစကားများဟာလဲ မိခင်မြန်မာဘာသာစကားနှင့် မတူဘဲကွဲပြားနေသော်ငြား မြန်မာနိုင်ငံ၏ထူးခြားလှပသည့် အခွဲဘာသာစကားများဖြစ်ပါသည်။ ​ကျွန်မတိုသည် မိခင်မြန်မာဘာသာစကားအပြင် အခွဲဘာသာစကားများကိုပါ လေးစားတန်ဖိုးထားမြတ်နိုးသင့်ပါသည်။🫶

ကျွန်မတိုရဲ့မိခင်ဘာသာစကားကို မမေ့မပျောက်အောင်ထိန်းသိမ်းကာကွယ်စောင့်ရှောက်သင့်သည်ကို နိုင်ငံသားတိုင်းသိရှိရန်လိုအပ်ကြောင်း ယနေ့ "International Mother Language Day" ကိုဂုဏ်ပြုရင်း ရေးသားဖော်ပြလိုက်ပါတယ်ရှင်။🎀

၂၀၂၆ခုနှစ်၊ ဖေဖော်ဝါရီလ၂၁ရက်၊
စနေနေ့

19/02/2026

တက္ကသိုလ်ဝင်ခွင့်လမ်းညွှန် ဖြစ်မြောက်ရေးအဖွဲ့၏ ကြေညာချက်ကို သိရှိနိုင်စေရန် ထပ်ဆင့် ဝေမျှ အပ်ပါသည်။

တက္ကသိုလ်ဝင်ခွင့်(စတုတ္ထအကြိမ်)ဆောင်ရွက်ခြင်းလုပ်ငန်းများ ယာယီရပ်ဆိုင်းကြောင်း ကြေညာချက်

ဖေဖော်ဝါရီ (၁၉)ရက်၊ (၂၀၂၆) ခုနှစ်

အမျိုးသားညီညွတ်ရေးအစိုးရ၊ ဝန်ကြီးချုပ်ရုံး၏ (၂၀၂၆) ခုနှစ် ၊ ဖေဖော်ဝါရီလ (၁၈) ရက်နေ့ ရက်စွဲပါ အမိန့်အမှတ် (၁၅/၂၀၂၆)ဖြင့် ထုတ်ပြန်လာသော ထုတ်ပြန်ချက်သည် အလွန်ပင် တာဝန်ယူမှု တာဝန်ခံမှု ကင်းမဲ့သော၊ မိမိတို့ ယုံကြည်အားကိုးရသော အစိုးရတစ်ရပ်အပေါ် အလွန်အမင်း စိတ်ပျက်ဖွယ် ဖြစ်စေ သော အခြေအနေ ဖြစ်ပေါ်စေခဲ့ပါသည်။

မတရားမှုရှိခဲ့သည်ဟု တိုင်တန်းချက်အပေါ် သက်ဆိုင်ရာစုံစမ်းစစ်ဆေးရေးအဖွဲ့၏ ထုတ်ပြန်ချက်များ သည် ယုံကြည်လက်ခံဖွယ်ရာမရှိဟု ကျွန်ုပ်တို့ ယူဆပါသည်။ သို့ဖြစ်၍ ကျွန်ုပ်တို့သည် ဤဖြစ်ရပ်၌ ကျူးလွန်ခြင်းခံရသူ စီဒီအမ်ဝန်ထမ်းများနှင့်အတူ တသားတည်း ရပ်တည်ပါသည်။ ၄င်းတို့အပေါ်၌ ဖြစ်တည်သော မတရားမှုများကို မိမိတို့အပေါ်၌ ပြုကျင့်ခြင်းခံရသော မတရားမှုများအဖြစ် ထပ်တူခံစား ရပါသည်။

သို့ဖြစ်ပါ၍ အမျိုးသားညီညွတ်ရေးအစိုးရ ခေါင်းစဉ်အောက်မှ ဆောက်ရွက်နေသော တက္ကသိုလ်ဝင်ခွင့် (စတုတ္ထအကြိမ်)ခေါ်ဆိုခြင်း လုပ်ငန်းစဉ်များအားလုံးကို ယနေ့မှစ၍ တစ်စုံတစ်ရာကျေလည်မှု မရမချင်း ရပ်ဆိုင်းပါသည်။

အမျိုးသားညီညွတ်ရေးအစိုးရအနေဖြင့် ထိုတိုင်တန်းချက်အတွက် စုံစမ်းစစ်ဆေးခဲ့သည့် စစ်ဆေးချက် များ၊ သက်သေခံချက်များကို အများပြည်သူများထံ ပွင့်လင်းမြင်သာစွာ ထုတ်ပြန်ရှင်းလင်းမှုများ ပြုပေး ရန်နှင့် အကယ်၍ သက်သေခံချက်များနှင့်စုံစမ်းစစ်ဆေးမှုဖြစ်စဉ်တွင် လိုအပ်ချက်များ ရှိခဲ့ပါက တရား သဖြင့် ပြန်လည်စစ်ဆေးနိုင်ရေးတို့ကို တောင်းဆို ဆန္ဒပြုပါသည်။

(တက္ကသိုလ်ဝင်ခွင့်လျှောက်ထားကြသော ကျောင်းသား/သူများအကြား နစ်နာမှုဖြစ်နိုင်ကြောင်းကိုလည်း ကျွန်ုပ်တို့ သိရှိနားလည်လက်ခံထားပါသည်။ မတရားမှုကို ဆန့်ကျင်နေသည့် CDM ဝန်ထမ်းရပ်ဝန်း ဖြစ်သည့်အတွက် ကျွန်ုပ်တို့၏အခြေအနေနှင့် ရပ်တည်ချက်တို့အား နားလည်ပေးနိုင်ပါရန်ကိုလည်း မေတ္တာရပ်ခံအပ်ပါသည်။)

တက္ကသိုလ်ဝင်ခွင့်လမ်းညွှန်ဖြစ်မြောက်ရေးအဖွဲ့
ပညာရေးဝန်ကြီးဌာန
အမျိုးသားညီညွတ်ရေးအစိုးရ

မှတ်ချက်။ ။ယခုကြေညာချက်တွင် Spring Normal University (SNU) အနေဖြင့် ပါဝင်ခြင်း မရှိပါကြောင်း ထပ်မံ ဖြည့်စွက်အပ်ပါသည်။

18/02/2026

18/02/2026

“နောက်ဆုံးနှစ်ကျောင်းသား/သူများအား ဘွဲ့လက်မှတ်များ ထုတ်ပေးနေဆဲ ဖြစ်ပါသည်”

ကွန်ပျူတာတက္ကသိုလ်များ၊ သတင်းအချက်အလက်နည်းပညာတက္ကသိုလ် (UIT)၊ မြန်မာသတင်းအချက်အလက် နည်းပညာတက္ကသိုလ် (MIIT) နှင့် နည်းပညာတက္ကသိုလ်-ရတနာပုံဆိုက်ဘာစီးတီး (UTYCC) တို့တွင် နောက်ဆုံးနှစ်သင်တန်း တက်ရောက်ခဲ့ကြသော ကျောင်းသား/သူများအတွက် National University of Computer Studies (NUCS) မှ သတ်မှတ်ချက်များနှင့်အညီ စိစစ်ကာ ဘွဲ့လက်မှတ်များ ထုတ်ပေးလျှက်ရှိပါသည်။

အသေးစိတ်အချက်အလက်များကို အောက်ပါလင့်တွင် ဆက်လက်ဖတ်ရှုနိုင်ပါသည်။

ကွန်ပျူတာတက္ကသိုလ်များနှင့် ကွန်ပျူတာနှီးနွယ်တက္ကသိုလ်များမှ ပညာသင်ယူခွင့်ရပ်တန့်နေခဲ့သော နောက်ဆုံးနှစ...

18/02/2026

"အတုအယောင်၊ အလိမ်အညာ Page များဖြစ်ကြောင်း အသိပေးခြင်း"

NUCS အပါအဝင် ကြားကာလတက္ကသိုလ်များ၏ အသင်းအဖွဲ့များပုံစံဖြင့် အွန်လိုင်းတွင် Page များကို ရည်ရွယ်ချက်ရှိရှိဖြင့် ဖွင့်လှစ်လာကြောင်း တွေ့ရှိရပါသည်။
ကျောင်းသား/သူနှင့် မိဘပြည်သူများအနေဖြင့် တက္ကသိုလ်မှ တရားဝင် ထုတ်ပြန်ထားသော Page များကိုသာ Follow ပြုလုပ်ကြပါရန် အထူး သတိပေးအပ်ပါသည်။

NUCS အသုံးပြုနေသည့် အွန်လိုင်းချန်နယ်များမှာ အောက်ပါအတိုင်း ဖြစ်ပါသည်။
- Facebook : https://web.facebook.com/profile.php?id=61565827423927
- Website : https://nucs-edu.org

ဖွင့်လှစ်သည့် သင်တန်းအလိုက် အသုံးပြုသည့် Telegram Group များကို LMS ထဲတွင် ကြေညာပေးထားပါသည်။ Group တိုင်းတွင် သက်ဆိုင်ရာ ဆရာ/မအနည်းဆုံး တစ်ဦးပါဝင်ပြီး စောင့်ကြည့်ပေးလျှက်ရှိပါသည်။
NUCS အနေဖြင့် တက္ကသိုလ်မှ ဖွင့်လှစ်ပေးခြင်းမဟုတ်သော (ကျောင်းသား/သူများသာ ပါဝင်သော) Telegram Group များ ဖွဲ့စည်းခြင်းကို တားမြစ်ထားပါသည်။
ကျောင်းသား/သူများအနေဖြင့်လည်း ယင်းသို့သော Group များသို့ ဖိတ်ခေါ်ခံရပါက တက္ကသိုလ်ဝာာဝန်ရှိသူများကို ချက်ခြင်းအသိပေးပါရန်နှင့် ဝင်ရောက်ခြင်း လုံးဝ (လုံးဝ) မပြုကြပါရန် လုံခြုံရေး အသိဖြင့် အသိပေးအပ်ပါသည်။

15/02/2026

Covid-19 ဖြစ်ချိန်မှစ၍ သင်တန်းများရပ်တန့်ခဲ့ရပြီး စစ်အာဏာသိမ်းမှုကို ဆန့်ကျင်လျှက်ယခုတိုင် CDM ပြုလုပ်ထားသည့် သက်ဆိုင်ရာကွန်ပျူတာနှင့် ကွန်ပျူတာနှီးနွယ်တက္ကသိုလ်များ၏ သင်တန်းနှစ်အသီးသီးမှ ကျောင်းသား/သူများ ဆက်လက်ပညာသင်ယူနိုင်ရေးအတွက် National University of Computer Studies (NUCS) တွင် ၂၀၂၄ခုနှစ်မှ စတင်၍ ဖွင့်လှစ်‌သင်ကြား‌ပေးလျှက် ရှိပါသည်။
အသေးစိတ်အချက်အလက်များကို အောက်ပါလင့်တွင် ဖတ်ရှုနိုင်ပါသည်။

ကွန်ပျူတာတက္ကသိုလ်များနှင့် ကွန်ပျူတာနှီးနွယ်တက္ကသိုလ်များမှ ပညာသင်ယူခွင့်ရပ်တန့်နေခဲ့သော ကျောင်းသား‌/.....

13/02/2026

National University of Computer Studies (NUCS) နှင့် ပတ်သက်သော အချက်အလက်များကို စနစ်တကျ မိတ်ဆက်ပေးထားသော Video ဖြစ်ပါသည်။

ဤ Video တွင် —
• NUCS ဆိုတာဘာလဲ
• လျှောက်ထားနိုင်သော ကာလ
• လက်ခံမည့် ကျောင်းသားဦးရေ
• တင်သွင်းရမည့် စာရွက်စာတမ်းများ
• ဝင်ခွင့်စာမေးပွဲ အချက်အလက်များ
• သင်ကြားပုံစံ
• သင်တန်းကာလ နှင့် Semester Structure
• ရရှိနိုင်သော ဘွဲ့များ

စသည့် အရေးကြီးသော အချက်အလက်များအား အကျဉ်းချုပ် တင်ပြထားပါသည်။

၂၀၂၆ ဝင်ခွင့်အတွက် ပြင်ဆင်လျှောက်ထားလိုသော ကျောင်းသား/သူများအနေဖြင့် ဤ Video ကို ကြည့်ရှုလေ့လာပြီး လိုအပ်သော အချက်အလက်များကို သိရှိနိုင်ပါသည်။ အသေးစိတ်ထပ်မံသိရှိလိုပါက https://nucs-edu.org/admission/admission-call-04/ တွင်၀င်ရောက်လေ့လာနိုင်ပါသည်။

Academic Excellence toward the Future of Technology.

09/02/2026

(၇၉)နှစ်မြောက် ပြည်ထောင်စုနေ့ အထိမ်းအမှတ်
University Programming Contest ပြိုင်ပွဲကြေညာချက်
*********************************************
National University of Computer Studies - NUCS သည် ယခုအခါတွင် International Collegiate Programming Contest (ICPC) Global ၏ အသိအမှတ်ပြု မှုရရှိထားပြီးသော တက္ကသိုလ်တစ်ခုဖြစ်ပါသည်။

ICPC ၏ University Level ဖြစ်သော University Programming Contest (NUCS) ပြိုင်ပွဲကို (၇၉)နှစ်မြောက် ပြည်ထောင်စုနေ့ အထိမ်းအမှတ်အဖြစ် ကျင်းပပြုလုပ်ပါမည်။

ပါဝင်ယှဉ်ပြိုင်ရန် ဖောင်(၂(က))ဖြည့်ထားသူ NUCS ကျောင်းသား/သူများသည် အများဆုံး (၃)ဦးပါဝင်သော အဖွဲ့ကို ဖွဲ့စည်းကာ သက်ဆိုင်ရာ ဆရာ/မများထံတွင် စာရင်းပေးသွင်းပြီး Online ဖြင့် ယှဉ်ပြိုင်ရပါမည်။

ပြိုင်ပွဲအတွက်ကြိုတင် လေ့ကျင့်သင်ကြားပေးမှု Training Session ရှိမည်ဖြစ်ပြီး အချိန်နှင့်မီတင်လင့်ကို သက်ဆိုင်ရာ ဆရာ/မများထံတွင် စုံစမ်း မေးမြန်းနိုင်ပါသည်။

https://nucs-edu.org/annoucements/uni-programming-contest/

06/02/2026

NUCS လျှောက်ထားမည့်သူများအတွက် သတိပေးချက်
# # # # # # # # # # # # # # # # # # # # # # # # # # # # # # #
စတုတ္တအကြိမ် တက္ကသိုလ်ဝင်ခွင့်တွင် National University of Computer Studies - NUCS သို့ လျှောက်ထားလိုသူ ကျောင်းသား/သူများသည် MES ထဲတွင်
“ကွန်ပျူတာသိပ္ပံ/နည်းပညာဘွဲ့” ကို
ရွေးချယ်ရမည် ဖြစ်ပါသည်။

06/02/2026

NUCS ဝင်ခွင့်ခေါ်ဆိုမှုကို ဝင်ရောက် ဖတ်ရှုဖို့ ဖိတ်ခေါ်ပါတယ်။

NUCS တွင် တက်ရောက်လိုသူများသည် အမျိုးသားညီညွတ်ရေးအစိုးရ၊ ပညာရေးဝန်ကြီးဌာန၊ တက္ကသိုလ်ဝင်ခွင့်စိစစ်ရေးအဖွဲ့က...

27/01/2026