01/12/2020
"ပင်းယနှင်အင်းလျားမောင်နှမဆောင်သီချင်း''
"ဒီလိုညလေး ကောင်းမြတ်တဲ့အချိန်.....အတူဆုံစည်းခဲ့ကြ....တို့အပေါင်းသင်းတွေရယ်....သံယောဇဥ်တွေခိုင်မြဲခဲ့..... ထာဝရလတ်ဆတ်နေဆဲ...ကံ့ကော်မြေ''
ဒီသီချင်းလေးက၂၀၁၃ ခုနှစ်နောက်ပိုင်း ပင်းယဆောင်နဲ့ အင်းလျားဆောင်က ကျောင်းသား၊ကျောင်းသူတွေတော့ ကြားဖူးလေ့ရှိကြပါတယ်။ ကျွန်တော်တို့ ပင်းယနဲ့ အင်းလျား မောင်နှမဆောင် မိတ်ဆုံညစာစားပွဲ (Hall Dinner) တွေမှာ ဆိုလေ့ရှိကြပါတယ်။
#သီချင်းလေးရဲ့ရာဇဝင်
ဒီသီချင်းလေးကို ၂၀၁၅ ခုနှစ် ပင်းယနဲ့ အင်းလျား မောင်နှမဆောင် မိတ်ဆုံညစာစားပွဲမှာ စတင်သီဆိုခဲ့ကြတာပါ။ အင်းလျားဆောင် အဆောင်မှူး တီချယ်ကြီးက ညစာစားပွဲမှာဆိုဖို့ Theme Song လိုချင်လို့ ပင်းယဆောင်က ကျောင်းသားတွေကို အကူအညီတောင်းပါတယ်။ ထိုကိစ္စကို ကျွန်တော်တို့ရဲ့ စီနီယာ ကိုအောင်ချစ်မိုး ( First Batch, Geology )က သယ်ဆောင်လက်ဆင့်ကမ်းရင်း ကိုကောင်းမင်းခန့် (Geology)ဆီရောက်လာခဲ့ပါတယ်။ အဲ့ဒါနဲ့ ကိုကောင်းမင်းခန့်က ဒီသီချင်းလေးကို ရေးဖြစ်ခဲ့ပြီး ကျန်တဲ့ အဆောင်နေ ဘူမိကျောင်းသားတွေက ကူညီပံ့ပိုးပေးခဲ့ကြပါတယ်။
အဲ့ဒီ့အချိန်က ပင်းယဆောင် အဆောင်မှူးက ဆရာကြီး ဒေါက်တာအောင်မင်းနိုင် (ကထိက၊ မြန်မာစာဌာန) ဖြစ်ပါတယ်။ ကိုကောင်းမင်းခန့်က ဆရာကြီးကို ဒိသီချင်းလေး ဂစ်တာနဲ့တီးပြီးဆိုပြတော့ ဆရာကြီးလည်း သဘောကျသွားပြီး ဆိုခွင့်ပေးခဲ့ပါတယ်။
#တေးရေးသူ
ဒီသီချင်းလေးရဲ့ပိုင်ရှင်ကတော့ ကိုကောင်းမင်းခန့်ဖြစ်ပါတယ်။ အဆောင်သားတွေကတော့ ကို့ခန့်လေး လို့ချစ်စနိုးနဲ့ အတိုကောက်ခေါ်ကြတယ်။
ကိုကောင်းမင်းခန့်က၂၀၁၃ ခုနှစ်မှာ ဘူမိဗေဒ ဂုဏ်ထူးတန်းဘွဲ့ကို ပြည်တက္ကသိုလ်ကနေ ရရှိခဲ့ပါတယ်။ ၂၀၁၄ မှာမြန်မာ့ရေနံမှာ အလုပ်လုပ်ခဲ့ပြီး
၂၀၁၅ မှာ ဘူမိဗေဒ မဟာတန်းကို မြေအောက်ရေဆိုင်ရာဘူမိရူပဗေဒ ဘာသာရပ် အထူးပြု၍
ရန်ကုန်တက္ကသိုလ်မှာတက်ခဲ့ပါတယ်။ ၂၀၁၇ မှာ မဟာဘွဲ့ရရှိခဲ့ပြီး ၂၀၁၈မှာ မဟာသုတေသနပညာသင်တန်းပြီးခဲ့ပါတယ်။
လက်ရှိမှာတော့ အကိုကြီးက StrataLog ဆိုတဲ့ Data Loggingလုပ်ငန်းမှာ Chief Geologistအနေနဲ့ တာဝန်ယူလုပ်ကိုင်နေပါတယ်။
ရန်ကုန်တက္ကသိုလ် ကျောင်းသားဘဝကို ပင်းယဆောင်မှာနေထိုင်ခဲ့ပြီး တက်လှမ်းခဲ့ပါတယ်။ သူက ဂစ်တာတီးအလွန်ကောင်းသလို စီနီယာ၊ ဂျူနီယာ အပေါ်အလွန်သဘောပြည့်ခဲ့တဲ့ အကိုကြီးပါ။ အမှတ်တရတွေက များလွန်းလို့ ရေးပြရင် ကုန်မှာ မဟုတ်ပါဘူး။
မှတ်မှတ်ရရပြောရရင်ဖြင့် ပင်းယဆောင် ထမင်းစားခန်းမှာ မီးဖိုဆောင်ကိုသွားတဲ့ ပထမတံခါးမှာ သူ့လက်ရာတွေ တွေ့နိုင်ပါသေးတယ်။ ပင်းယဆောင်ဝါဆိုသင်္ကန်းကပ်ပွဲအတွက် ညပိုင်းချက်ပြုတ်နေကြချိန် ကျွန်တော်တို့ရဲ့ အချစ်တော် ဆရာသက်(ဒေါက်တာသက်မျိုးဇော်)ကို အကိုကြီးကောင်းမင်းခန့်က သူ့ရည်းစားဟောင်းအကြောင်း မူးမူးနဲ့ပြောပြရင်း သူ့လက်ကို ဓားနဲ့သွေးဖောက်ပြီး သူ့ရည်းစားဟောင်းနာမည်ကို နံရံပေါ်မှာရေးခဲ့တာပါပဲ။ အခုထိ အဲ့ဒိီ့စာ မည်းမည်းကြီး ရှိပါသေးတယ်။ အခုတော့ အကိုကြီးလည်း လူကြီးလူကောင်းအနေဖြင့် ဘဝပြေးလမ်းကို လျှောက်လှမ်းနေပါပြီ။ အကိုကြီး အစစ အရာရာ အဆင်ပြေပါစေ။ ပင်းယဆောင်ကြီးကလည်း သူ့ရဲ့ ကျောင်းသားတွေအားလုံးကို သတိရနေပါတယ်။
သီချင်း Link
https://www.facebook.com/pinnyahallyu/videos/527308014844937/
အားလုံးပဲ ကျန်းမာချမ်းသာကြပါစေ။ ကိုဗစ်ကပ်ရောဂါရန်မှလည်း ကင်းဝေးကြပါစေခင်ဗျာ။
#ပင်းယဆောင်မိသားစု
#ရန်ကုန်တက္ကသိုလ်နှစ်တစ်ရာပြည့်အမှတ်တရ
