МУИС-ийн Багшийн хөгжил, суралцахуйг дэмжих төв

Home
Mongolia
Ulaanbaatar
МУИС-ийн Багшийн хөгжил, суралцахуйг дэмжих төв

МУИС-ийн Багшийн хөгжил, суралцахуйг дэмжих төвийн хуудас

Багшийн хөгжил, цахим сургалтын төв нь Академик болон салбар дундын судалгааны зарчимд үндэслэн сургалт, судалгаа, хувь хүний ур чадварын хүрээнд МУИС-ийн багшийн мэргэжлийн хөгжилд дэмжлэг үзүүлэх зорилготой.

13/05/2026

2025 оны ЭШ-д шалгуулагчдын хамгийн бага оноо авсан даалгавар, сэдвийн хүрээнд бэлтгэсэн ЭЕШ-ын 10 судлагдахуун тус бүрээр 3 зөвлөмж хичээл буюу нийт 30 контент ⬇️

07/05/2026

“Идэвхтэй сургалтын арга, оролцоонд суурилсан сургалтын туршлага солилцох воркшоп”-ийг зохион байгууллаа

Монгол Улсын Их Сургуулийн “Профессор багшийн хөгжлийг дэмжих хөтөлбөр (2025-2030)”-ийн хүрээнд “Идэвхтэй сургалтын арга, оролцоонд суурилсан сургалтын туршлага солилцох воркшоп”-ийг өнөөдөр (2026.05.07) зохион байгууллаа.

Энэхүү воркшопт уригдсан зочин багш нар өөрсдийн сургалтдаа амжилттай хэрэгжүүлж буй идэвхтэй сургалтын арга, оролцоонд суурилсан сургалтын шинэлэг туршлагаа танилцуулав. Арга хэмжээнд танхим болон цахимаар 90 гаруй багш оролцлоо.

Зочин багш нар болон танилцуулсан сэдвүүд:

- Б.Түвшинтөр (ШУС-НУС, СЗОНХТ) “MS Office 365-ийн зарим боломжууд: SharePoint-ийг сургалтад ашиглах нь”
- С.Бүжинлхам (ШУС-ХУС, ФШСТ) “Логикийн удиртгал хичээлийн үр дүнг сайжруулахад ашигласан жижиг аргууд”
- Ц.Навчаа (ШУС-БУС, МТ) “Бодит цагийн суралцахуйн аналитик”
- Б.Бат-Отгон (МТЭС, ЭХИТ) “Хичээлийн үзүүлэн ба видео бэлтгэх”
- Г.Амарсанаа (МТЭС, МКУТ) “Багшийн AI туслах хөгжүүлж, нэвтрүүлэх нь”
- И.Даваадорж (ШУС-ХУС, УЗУСТ) “Оюутны бичих чадварыг хөгжүүлэх нь”

Сургалтын арга зүй, сайн туршлагаа харамгүй хуваалцсан зочин багш нартаа талархал илэрхийлье!

БАГШИЙН ХӨГЖИЛ, СУРАЛЦАХУЙГ ДЭМЖИХ ТӨВ

06/04/2026

🇮🇳 Энэтхэгийн Соёлын харилцааны зөвлөлийн тэтгэлэгт хөтөлбөрийн талаар мэдээлэл олголоо
Дэлгэрэнгүй: https://news.num.edu.mn/?p=114672

25/03/2026

Бүгд Найрамдах Энэтхэг Улсын Элчин сайдын яам (India in Mongolia (Embassy of India, Ulaanbaatar)-аас Энэтхэгийн Соёлын харилцааны зөвлөл (ICCR)-өөс 2026-2027 оны хичээлийн жилд зарласан тэтгэлэгт хөтөлбөрийн талаарх мэдээлэл өгөх өдөрлөгийг зохион байгуулах гэж байна.
Тус өдөрлөгөөр Энэтхэгийн их, дээд сургууль, судалгааны хүрээлэнгүүдэд суралцах боломж, тэтгэлгийн нөхцөл, бүртгэлийн журам болон бусад холбогдох мэдээллийг дэлгэрэнгүй танилцуулна.
Өдөрлөг 2026 оны 04 дүгээр сарын 03-ны Баасан гарагийн 10:00 цагт Багш, оюутны хөгжлийн төвийн 502 тоот хурлын өрөөнд болно.
Нээлттэй хөтөлбөрүүд:
-Дипломын сургалт
-Бакалаврын түвшний хөтөлбөр
-Магистрын түвшний хөтөлбөр
-Докторын (Ph.D.) хөтөлбөр
Оюутан, суралцагчид, багш, ажилтан та бүхнийг тус өдөрлөгт идэвхтэй оролцохыг урьж байна.

24/03/2026

Багшийн хөгжлийн төвүүд туршлага судаллаа
МУИС-ийн Багшийн хөгжил, суралцахуйг дэмжих төвд 2026 оны гуравдугаар сарын 24-ний өдөр төрийн өмчит болон хувийн хэвшлийн их, дээд сургуулиудын багшийн хөгжлийн төвүүдийн төлөөлөл зочлон туршлага судаллаа.
Энэхүү үйл ажиллагаа нь Багшийн хөгжлийг дэмжих манлайлал нийгэмлэг (TDLA)-ийн санаачилгаар зохион байгуулагдаж байгаа бөгөөд багшийн хөгжлийн төвүүдийн шилдэг туршлагыг түгээн дэлгэрүүлэх, байгууллага хоорондын хамтын ажиллагааг бэхжүүлэхэд чиглэж байна.
Хөтөлбөрийн хүрээнд оролцогчид МУИС-ийн Багшийн хөгжил, суралцахуйг дэмжих төв, Дижитал профессор студитэй танилцаж, багшийн хөгжлийн чиглэлээр хэрэгжүүлж буй ажлуудын талаар мэдээлэл авлаа.

13/02/2026

📣”Шинэ багшийг чиглүүлэх сургалт” боллоо
Дэлгэрэнгүй: https://news.num.edu.mn/?p=114007

08/01/2026

“Эрдэм шинжилгээний бичвэрт хиймэл оюуныг (Generative AI) ашиглах нь” сэдэвт вебинарыг зохион байгууллаа
МУИС-ийн Багшийн хөгжил, суралцахуйг дэмжих төв нь Nature Masterclasses-ын “Harnessing Generative AI in Academic Writing” буюу “Эрдэм шинжилгээний бичвэрт хиймэл оюуныг ашиглах нь” сэдэвт вебинарыг МУИС-ийн багш, судлаачдад зориулан зохион байгууллаа.
Тус вебинарыг Nature Portfolio-ийн Олон нийттэй харилцах албаны дарга, Nature Masterclasses-ийн ахлах сургагч багш Dr. Jeffrey Robens удирдаж 170 гаруй багш, судлаач хамрагдлаа.
Вебинараар хиймэл оюуны суурь ойлголтуудыг танилцуулж, өрөөсгөл мэдээлэл үүсгэх, зохиогч болон эх сурвалжаар дурдах, хиймэл оюунаар үүсгэсэн зураг ашиглах, бичвэрт хиймэл оюун ашигласан байдлыг ил тод мэдээлэх, сэтгүүлийн редакцын бодлого, peer review хийхэд хиймэл оюуныг хэрхэн ашигладаг талаар мэдээлэл өгч нээлттэй хэлэлцүүлэг өрнүүлэв.

31/12/2025

МУИС-ийн эрдмийн хамт олон Та бүхэнд айлчлан ирж буй 2026 оны мэнд хүргэе!

Багшийн хөгжил, суралцахуйг дэмжих төв

19/12/2025

МУИС-ийн багш, ажилтнуудад зориулсан иогийн өдөрлөг, сургалт амжилттай үргэлжилж байна
МУИС-ийн Багшийн хөгжил, суралцахуйг дэмжих төв нь Улаанбаатар хот дахь Бүгд Найрамдах Энэтхэг Улсын Элчин сайдын яамтай хамтран зохион байгуулж буй багш, ажилтнуудад зориулсан иогийн өдөрлөг, сургалт амжилттай үргэлжилж байна. Тус өдөрлөг, сургалтыг Энэтхэгийн Элчин сайдын яамны иогийн багш, Др.Вивек Кумар Мадхэшиа удирдан явуулж буй юм.
Энэхүү үйл ажиллагааг ирэх оны нэгдүгээр сараас эхлэн танхимын багтаамжийг нэмэгдүүлж, тогтмол зохион байгуулахаар төлөвлөж байна.

28/11/2025

МУИС-ийн багш, ажилтанд зориулсан иогийн өдөрлөг, сургалт эхэллээ
МУИС-ийн Багшийн хөгжил, суралцахуйг дэмжих төв болон India in Mongolia (Embassy of India, Ulaanbaatar) хамтран зохион байгуулж буй багш, ажилтнуудад зориулсан иогийн өдөрлөг, сургалт өнөөдрөөс эхэллээ.
Өдөрлөгийг Энэтхэгийн Элчин сайдын яамны иогийн багш Др. Вивек Кумар Мадхэшиа удирдан явууллаа.
Иогийн өдөрлөг нь багш, ажилтны бие махбодын болон оюун санааны сайн сайхан байдлыг дэмжих, стресс тайлах, эрүүл амьдралын хэв маягийг төлөвшүүлэх зорилготой.
Энэ удаагийн сургалтаар:
- Зөв амьсгалах техник
-Таргалалтын менежмент
-Стресс бууруулах арга
-Сэтгэл зүйн эрүүл мэндийг дэмжих дасгалууд
-Иог Нидра
-Асанa болон пранаяамын дасгалуудыг хийлээ.
Цаашид МУИС-ийн багш, ажилтанд зориулсан иогийн сургалтыг үе шаттайгаар үргэлжлүүлэн зохион байгуулах юм.

Address

Ulaanbaatar

Telephone

+97677307730

Website

http://cfddl.num.edu.mn/

Alerts

Be the first to know and let us send you an email when МУИС-ийн Багшийн хөгжил, суралцахуйг дэмжих төв posts news and promotions. Your email address will not be used for any other purpose, and you can unsubscribe at any time.

Contact The University

Send a message to МУИС-ийн Багшийн хөгжил, суралцахуйг дэмжих төв:

Shortcuts

Want your university to be the top-listed University in Ulaanbaatar?