А. Түүхэн хөгжил
Архуст дахь Улсын сангийн аж ахуйг түшиглэн “Сургууль комбинат”/СК/ байгуулах тухай 1955 оны 10 дугаар сарын 03-ны өдрийн МАХН-ын Төв хороо, БНМАУ-ын сайд нарын зөвлөлийн 437/252 дугаар тогтоолоор байгуулагдсан. 1956 – 1981 онд нийт 6 мэргэжлээр 11908 суралцагчыг төгсгөн Тракторч комбайнч, автын жолооч мэргэжлээр 20 хөдөлмөрийн баатар, 8 гавъяат төрүүлжээ.
1981 онд Техник Мэрг
эжлийн Сургууль /ТМС/. 1981-1991 он хүртэл нийт 3 төрлийн мэргэжлээр 3163 суралцагчыг төгсгөн гаргажээ.
1991 онд Мэргэжлийн Сургалт Үйлдвэрлэлийн Төв /МСҮТ/ болон шинэчлэгдэн зохион байгуулагдсан. 1991-2002 он хүртэл нийтдээ 9 мэргэжлээр 647 суралцагчыг төгсгөн гаргасан байна.
Б. Хөгжлийн явц
Монгол Улсын Их Хурлын 2002 оны 56 дугаар тогтоол, Засгийн Газрын 2003 оны 2 дугаар сарын 11-ний өдрийн 34 дүгээр тогтоол, Боловсрол Соёл Шинжлэх Ухааны Сайдын 2003 оны 07 сарын 23-ний өдрийн 256 дугаар тушаалаар Төв аймгийн Эрдэнэ сумын Ерөнхий Боловсролын Бүрэн Дунд Сургууль /ЕББДС/-тай нэгдэж Мэргэжлийн Сургалттай Ерөнхий Боловсролын Сургууль /МСЕБС/-ийн хэв шинжээр 80 гаруй багш ажиллагсад, 800 гаруй суралцагсадтайгаар үйл ажиллагаагаа явуулж байлаа. 2003 – 2011 онд нийтдээ 2235 суралцагч төгссөнөөс бүрэн дунд боловсролтой төгсөгч 558, суурь боловсролтой 451, мэргэжлийн сургалтаар 1226 суралцагч төгсгөсөн байна.
Монгол Улсын Засгийн Газрын 2011 оны 07 дугаар сарын 06-ны өдрийн 218 дугаар тогтоолоор шинэчлэгдэн Мэргэжлийн Сургалт Үйлдвэрлэлийн Төв /МСҮТ/ болон өөрчлөгдөж 41 багш, ажиллагсад 420 гаруй оюутан суралцагсадтайгаар хичээл, сургалтын үйл ажиллагаагаа явуулж байна.
Төв аймгийн зүүн бүсийн 6 сум, Хэнтий аймгийн баруун бүсийн 3 сум, Улаанбаатар Багахангай, Багануур, Баянзүрх дүүргийн 112900 хөдөлмөрийн насны ажиллах чадвар бүхий иргэдээс жилдээ 200 гаруй суралцагсадыг элсүүлэн сургалтын үйл ажиллагаагаа явуулж байна.
В. Хөгжлийн хандлага
Манай сургууль 2016 он гэхэд байгууллагын чадавхыг дээшлүүлэх оновчтой төлөвлөлтийн үр дүнд хичээл сургалтын баазаа бэхжүүлэн түншлэгч хамтран ажиллагч нартайгаа нягт харилцаа холбоотой ажиллаж, төсөл, хөтөлбөрт идэвхтэй хамрагдан, дадлагын болон мастерийн газар, өөрийн гэсэн суралцагсадын дотуур байр, спорт заалтай болж Төв аймгийн 27 сум, Хэнтий аймгийн баруун бүсийн 3 сум, Улаанбаатар хотын Багахангай, Багануур, Баянзүрх дүүргийн нийтдээ 133900 хөдөлмөрийн насны ажиллах чадвар бүхий иргэдийн хүрээнд мэргэжил эзэмшүүлэхэд чиглэсэн сургалтыг зохион байгуулж байна.
