МУК-Хөгжим судлал, зохиомж, удирдаачийн тэнхим

22/05/2026

ХСЗУТ-ийн багш, хүндэт профессор, хөгжим судлаач Самбуугийн Энхбулаг багшдаа төрийн дээд “Алтангадас” одонгоор шагнагдсанд чин сэтгэлийн баяр хүргэж, талархал илэрхийлье.

Таны олон жилийн эрдэм судлалын хөдөлмөр, хөгжим судлалын салбарт оруулсан үнэт хувь нэмэр ийнхүү төр засгаас өндрөөр үнэлэгдэж буйд бид бахархаж байна. Цаашдын эрдэм шинжилгээ, судалгааны ажилд нь өндөр амжилт, сайн сайхан бүхнийг хүсэн ерөөе!

16/05/2026

“Монголын хөгжим судлал: Өв соёл ба орчин үе” эрдэм шинжилгээний хурал амжилттай зохион байгуулагдлаа. Хурлыг нээж МУК-ын захирал Ц.Шаравцэрэн (PhD) хөгжмийн онол, судлалын мэргэжлийн үнэ цэнэ, өнөөгийн хэрэгцээ шаардлагын талаар үг хэлэв. Мөн СБЗГ-ын дарга Ш.Гүльфайруз (PhD) тэнхимийн тогтмол үйл ажиллагаа, хөгжимчдөд судалгааны ажил ямар ач холбогдолтой болох талаар онцлон танилцууллаа.

Хурлын завсарлагааны үеэр угсаатны хөгжим судлаач Ж.Энэбиш (PhD) оюутан, суралцагчдад эрдэм шинжилгээний ажлын арга зүй, судалгааны чиг хандлагын талаар үнэт зөвлөгөө өгсөн нь арга хэмжээний онцлох хэсгийн нэг байв.

Хүндэт шүүгч М.Озила (PhD) оролцогч оюутан, суралцагчдын судалгааны идэвх, эрэл хайгуулыг өндрөөр үнэлж, тэднээр бахархаж буйгаа илэрхийлэхийн зэрэгцээ уралдаанд хэлэлцүүлсэн өгүүллүүдийн хөндсөн асуудал, судалгааны чиглэл, цаашдын хөгжлийн боломж, ач холбогдлын талаар дэлгэрэнгүй санал, дүгнэлт хэллээ.

Түүнчлэн уралдааны ерөнхий шүүгч ЭШИА-ны дарга М.Ундраа (PhD) шилдэг судалгааны бүтээлүүдийг Монгол Улсын Консерваторийн эрхлэн гаргадаг мэргэжлийн хөгжмийн цахим сэтгүүлд хэвлүүлэх болсныг зарласан нь судалгааны ажлыг дэмжсэн чухал үйл явдал боллоо.

Хурлын модератороор З.Оюундарь ажиллав.

Ерөнхий ивээн тэтгэгчээр Хөгжмийн онол, судлалын ангийн анхны төгсөгч Г.Гүен болон Ж.Энэбиш багш ажилласан бөгөөд нийт оролцогч, удирдагч багш нартаа чин сэтгэлийн талархал илэрхийлье.

“А” ангилал
• Тэргүүн байр: IIк оюутан М.Эрдэнэлхам, Iк Б.Хачиун
• Гутгаар байр: IIк оюутан Б.Энхүүлэн
• Тусгай байр: Iк З.Орхон, Э.Хулан

“B” ангилал
• Тэргүүн байр: IIк Б.Марал
• Дэд байр: Хос Iк Д.Цэцэгдэлгэр
• Гутгаар байр: 12а М.Номин-Эрдэнэ
• Тусгай байр: 12а Б.Анунгоо, 10а Т.Оюу

Нийт оролцогчдодоо баяр хүргэж, цаашдын эрдэм судлал, уран бүтээлийн ажилд нь өндөр амжилт хүсье.

14/05/2026

МОНГОЛ УЛСЫН КОНСЕРВАТОР
Хөгжмийн судлал, зохиомж, удирдаачийн тэнхим
Хөгжмийн ухааны тэнхим

“МОНГОЛЫН ХӨГЖИМ СУДЛАЛ: ӨВ СОЁЛ БА ОРЧИН ҮЕ” эрдэм шинжилгээний хурал 2026 оны 05 дугаар сарын 15-ны өдрийн 13:30 цагт
Монгол Улсын Консерваторын Номын санд зохион байгуулагдана.
Тус хурлын хүрээнд хөгжмийн судлалын салбарын өв уламжлал, орчин үеийн чиг хандлага, оюутан сурагчдын судалгааны үр дүнг танилцуулж, эрдэм шинжилгээний хэлэлцүүлэг өрнүүлнэ.
Эрдэмтэн судлаач, багш, оюутан та бүхнийг хүрэлцэн ирэхийг урьж байна.

09/05/2026

МУ-н Төрийн соёрхолт хөгжмийн зохиолч Б.Мөнхболд багшийн удирдлага дор магистрын зэрэг хамгаалж буй оюутан Б.Болгоно, Б.Босгоно нарын төгсөх ажлын хүрээнд зохион байгуулагдсан уран бүтээлийн тоглолт, шалгалт амжилттай болж өндөрлөлөө.

Тоглолтод оролцсон нийт уран бүтээлчид, гоцлоочид болон хамтран ажилласан уран бүтээлийн баг хамт олонд талархал илэрхийлье. Мөн төгсөгчдөдөө цаашдын эрдэм судлал, уран бүтээлийн ажилд нь өндөр амжилт хүсье.

05/05/2026

Монголын шинэ хөгжим – 100’ IX уралдааны бичлэгүүдийг YouTube-ийн mongolianstateconservatory_hut сувгаас үзэх боломжтой боллоо.

Enjoy the videos and music you love, upload original content, and share it all with friends, family, and the world on YouTube.

28/04/2026

Монголын хөгжим судлал: Өв ба орчин үе” сэдэвт эрдэм шинжилгээний хуралд оролцогчдод зориулсан өгүүлэл, эссе бичих арга зүй, сэдэв сонголтын талаар нээлттэй зөвлөгөө өгөх уулзалт амжилттай зохион байгуулагдлаа.

Уулзалтын эхэнд ХУТ-ийн багш Э.Уранхүү (БТА) угсаатны хөгжим судлаач, Урлаг судлалын ухааны доктор, профессор Ж.Энэбиш багшийн нэрэмжит хурлын А ангилал (мэргэжлийн хөгжим судлал)-ын 1, 2, 3-р байр болон тусгай байрын шагналыг гардуулах болсныг мэдэгдэв. Мөн энэхүү санаачилга нь Монголын мэргэжлийн хөгжим судлалын залгамж халааг бэлтгэх, үндэсний хөгжмийн өв судлалыг өргөжүүлэн хөгжүүлэхэд чухал ач холбогдолтойг онцлон тэмдэглэлээ.

Ж.Энэбиш багшийн эрдэм шинжилгээний бүтээл, судалгааны өв нь Монголын хөгжим судлалын салбарт үнэтэй хувь нэмэр оруулсан билээ. Түүний эхлүүлсэн үйлс цаашид үргэлжилж, шинэ үеийн судлаачид олноор төрөн гарна гэдэгт итгэлтэй байна. Ж.Энэбиш багшдаа нийт судлаачдын өмнөөс эрүүл энх, сайн сайхан бүхнийг хүсье.

27/04/2026

МЭДЭГДЭЛ
Сургуулийн хэмжээнд олон уралдаан, тэмцээн, тайлан тоглолт давхцаж буйтай холбоотойгоор Монголын хөгжим судлал: “Өв соёл ба орчин үе” сэдэвт эрдэм шинжилгээний хурлын өгүүлэл хүлээн авах хугацааг 2026.05.11 хүртэл сунгав.
Сүүлийн шатны шалгаруулалт 2026.05.15-нд 10.00 цагт МУК-ын Номын санд эхэлнэ.
Өгүүллийг 2026.05.11-ний өдрийн 18:00 цаг хүртэл Microsoft Word файлаар [email protected] хаягаар илгээж, мөн хэвлэмэл хувийг хичээлийн А байрны 211 тоотод өгнө үү.
ХСЗУТ, ХУТ
2026.04.27

25/04/2026

Энэхүү уралдаанд оролцох хүсэлтэй оюутан, сурагчдад зориулан онолын тэнхимийн багш нарын зүгээс эрдэм шинжилгээний өгүүлэл, илтгэл боловсруулах арга зүй, бичлэгийн бүтэц, академик стандартын талаар зөвлөмж өгөх семинар 2026 оны 4 дүгээр сарын 27-ны 12:30 цагт 404 тоот танхимд зохион байгуулагдана.

24/04/2026

Монголын шинэ хөгжим–100 IX уралдаан амжилттай зохион байгуулагдлаа.
Ерөнхий ивээн тэтгэгч, хөгжмийн зохиолч, Нэгүн студийн захирал Б.Одбаяр, хамтран ажилласан ҮХТ-ийн тэнхим, шударга хөгжмийн багш нар, мөн хийлч, продюсер Баярцэнгэл (Bay) нарт чин сэтгэлийн талархал илэрхийлье.

“А” ангилал:

* Тэргүүн байр: IIк оюутан М.Гэрэлцэцэг
* Дэд байр: Iк оюутан Э.Хулан,
IIIк оюутан Ч.Тэмүүжин
* Гутгаар байр: Iк оюутан Ц.Ивээл,
Iкоюутан А.Төгс-ирээдүй
*ҮХТ-ийн шударга хөгжмийн багш М.Нарантуяагийн нэрэмжит тусгай шагнал:
IIк оюутан М.Гэрэлцэцэг,
Iк оюутан А.Төгс-ирээдүй нар тус тус хүртлээ.

“B” ангилал:

* Тэргүүн байр: 12б ангийн сурагч Г.Дагвадорж
* Дэд байр: 12б ангийн сурагч Э.Амарсанаа
* Гутгаар байр: 11б ангийн сурагч Э.Үүлэнсолонго, 11б ангийн сурагч Г.Агиймаа
* Тусгай байр: 12б ангийн сурагч У.Пүрэвбаатар, 10в ангийн сурагч Г.Анхбаяр нар тус тус хүртлээ.

Бүх оролцогчдодоо баяр хүргэж, уран бүтээлийн өндөр амжилт хүсье!