08/08/2026
Har yanzu muna siyan Ridi ta Kwara.
A kamfaninmu, muna daraja kowa da kowa, komai ƙanƙantar jarinsa. Mun fahimci cewa mutane da yawa suna son su rika kawo mana kaya, amma ƙarancin jari yana hana su iya tara kaya masu yawa.
Ga shawara ta ga sababbin masu kawo kaya:
Ku haɗa kai a yankinku. Ku tara mutane 5–10 amintattu daga ƙauyenku, unguwarku ko garinku, ku yi joint delivery tare.
Misali, idan mutum 10 ne, kuma kowanne ya kawo buhu 10, za ku samu buhu 100 gaba ɗaya.
• Kowane mutum ya rubuta sunansa a jikin buhunsa.
• Ku ɗauki mota ku tura buhunan 100 zuwa kamfanin.
• Ku zaɓi mutum ɗaya amintacce ya bi kayan.
• A kamfanin, za a auna kayan kowane mutum daban-daban.
• Bayan an kammala awo, za a biya kowane mutum bisa nauyin kayan da ya kawo.
A delivery na gaba, ku zaɓi wani mutum daban ya wakilci ƙungiyar. Ku ci gaba da yin hakan har sai kun gina ƙungiya mai ƙarfi da amana.
Kada ƙarancin jari ya hana ka farawa. Ku fara tare, ku koyi tare, ku girma tare.
Yaya kake ganin kanka a cikin shekaru masu zuwa?
