05/09/2025
संयुक्त विज्ञप्ति !!
मिति: २०८२ भदौ २० गते नेपाल विद्यार्थी संघ, अनेरास्ववियु (क्रान्तिकारी), र अनेरास्ववियु प्राकृतिक ब्यबस्थापन कलेज पुरन्चौर इकाई समितिद्वारा संयुक्त विज्ञप्ति जारी गरिएको छ।
उक्त विज्ञप्तिमा कृषि तथा वन विज्ञान विश्वविद्यालय (कृ.व.वि.वि.) प्रशासनद्वारा हालै प्रकाशित गरेको शैक्षिक सत्र २०८२/८३ को स्नातक तह (B.Sc. Ag, B.V.Sc. & A.H., B.Sc. Fisheries, B.Sc. Forestry) प्रवेश परीक्षासम्बन्धी सूचनामा विद्यार्थी हितविपरीत खालका बुँदाहरू समावेश गरिएको भन्दै गम्भीर आपत्ति जनाइएको छ र सुधारको लागि निम्न जायज मागहरू प्रस्तुत गरिएको छ:
मागहरू:
१. स्नातक तहका विभिन्न कार्यक्रमको एकीकृत प्रवेश परीक्षामा सोधिने प्रश्नपत्रको विषयगत विभाजन पुरानै ढाँचामा कायम गर्नुपर्छ र सो परीक्षा संकाय अनुसार फरक-फरक प्रश्नपत्रमा सञ्चालन गर्नुपर्ने।
२. विश्वविद्यालयका विभिन्न संकायद्वारा विभिन्न कार्यक्रमहरूलाई निजीकरण तथा व्यापारीकरण गर्ने उद्देश्यले खुलाएको संकाय विकास कोष (FDF) तत्काल खारेज गर्नुपर्ने।
३. विश्वविद्यालयका विभिन्न संकायको भर्ना शुल्क स्पष्ट रूपमा प्रस्तुत गर्नुपर्ने।
विद्यार्थी संगठनहरूले विश्वविद्यालयलाई ४८ घण्टे अल्टिमेटमसहित यथाशीघ्र मागहरू सम्बोधन गर्न आग्रह गरेका छन्। अन्यथा, थप कडा आन्दोलनात्मक कदम चाल्न बाध्य हुने चेतावनी दिइएको छ।
जय ने.बि. संघ
जय नेपाल 🇳🇵❤️
