24/05/2026
π΅ππΊπΈ REPORT | LIBO-LIBONG PINOY SA U.S., NANGANGAMBA SA BAGONG GREEN CARD POLICY
Tinatayang nasa 100,000 hanggang 200,000 Pilipino sa Amerika ang posibleng maapektuhan ng bagong polisiya ng U.S. immigration kaugnay ng pagkuha ng Green Card o permanent residency. Ayon sa ulat, maaaring obligahin ang mga aplikante na bumalik muna sa kanilang sariling bansa habang hinihintay ang proseso ng kanilang aplikasyon.
Sa ilalim ng bagong patakaran ng U.S. Citizenship and Immigration Services o USCIS, lilimitahan na lamang sa βextraordinary circumstancesβ ang pag-aadjust ng status habang nasa loob ng Amerika. Marami ang nangangamba dahil maaari itong magdulot ng pagkakahiwalay ng pamilya, pagkawala ng trabaho, at matagal na paghihintay sa pagproseso ng dokumento.
Ayon kay Philippine Ambassador Jose Manuel βBabeβ Romualdez, libo-libong Pilipino ang posibleng maapektuhan ng pagbabagong ito lalo na ang mga matagal nang naghihintay ng kanilang legal residency status sa United States.
π Marami ngayon ang nananawagan ng malinaw na guidelines at konsiderasyon para sa mga migranteng matagal nang nagtatrabaho at namumuhay sa Amerika kasama ang kanilang pamilya.
