18/05/2026
Sa dugay nga panahon, ang Carbon Public Market nahimong kasingkasing sa adlaw-adlaw nga kinabuhi sa mga Sugboanon. โ
Dinhi nagagikan ang panginahanglan sa daghang pamilya, ug dinhi usab makita ang paningkamot sa mga manininda nga nagtrabaho gikan sa kaadlawon hangtod sa gabii. Dili lang kini usa ka merkado, kundili usa ka buhing komunidad nga puno sa istorya sa paglaum, pagpaningkamot, ug kalig-on sa katawhan.
Sa karon nga panahon, samtang nagkadaghan ang plano sa pag-uswag ug pag-usab sa syudad, importante nga hinumduman nga ang Carbon dili lang yuta o estruktura nga mahimong iprivate o himuong negosyo sa pipila. Kini usa ka pampublikong luna nga nag-alagad sa katawhan, ug ang pagpanalipod niini nagpasabot sa pagpanalipod sa katungod sa komunidad nga makagamit ug makabenepisyo sa usa ka merkado nga para sa tanan.
Busa, sa pagpakita sa atong baruganan ug paghinumdom sa kahulugan sa Carbon, magtapok ta sa Bagsakan karong Mayo 22 sa mga kiosk sa University of the Philippines Cebu. Kini usa ka higayon sa paghiusa aron ipadayag nga ang Carbon kinahanglan magpabilin nga bukas, publiko, ug tinuod nga alang sa katawhan.
What: KINABUHI: Bagsakan sa UP
When: May 22, 2026 9:00 AM-4:00 PM
Where: UP Cebu Admin Kiosks
ANHI NA, MGA BAI! ๐
