Bulsu Departamento ng Araling Pilipino

21/09/2026

𝐈𝐤𝐚-𝟓𝟒 𝐧𝐚 𝐠𝐮𝐧𝐢𝐧𝐠𝐭𝐚𝐨𝐧 𝐧𝐠 𝐝𝐞𝐤𝐥𝐚𝐫𝐚𝐬𝐲𝐨𝐧 𝐧𝐠 𝐁𝐚𝐭𝐚𝐬 𝐌𝐢𝐥𝐢𝐭𝐚𝐫

Ngayong araw, ating ginugunita ang isa sa pinakamadilim na bahagi ng ating kasaysayan bilang isang bayan — ang deklarasyon ng Martial Law noong Setyembre 21, 1972 ng dating pangulo na si Ferdinand E. Marcos Sr.

Sa ilalim ng martial law, marami ang ikinulong, tinortyur, pinaslang, at sapilitang iniwala tulad ng mga g**o, estudyante, mga magsasaka, mga aktibista, at iba pa.

Ating alalahanin ang lagim ng ating nakaraan at huwag hayaang muli itong maulit. Labanan natin ang mga abusado, pasista, at magnanakaw sa kaban ng bayan.

19/09/2026

𝐊𝐫𝐢𝐭𝐢𝐊𝐀𝐋 𝟐𝟎𝟐𝟔

Sa ating patuloy na pag-iral sa espasyong ginagalawan, iba’t ibang uri ng panlipunang isyu ang ating nakasasalamuha at hinaharap. Kung kaya’t ito ang nagpapaigting ng ating kamalayan sa mas malalim at kritikal na pag-iisip at pag-unawa sa lipunan. Madalas, ito rin ang nagiging sanhi kung bakit tayo kumakatha at nagsusulat ng kapaki-pakinabang para sa ating komunidad.

Kaya naman, inihahandog ng Bulacan State University (BulSU), Kolehiyo ng Arte at Literatura (KAL), Departamento ng Wika, Panitikan, at Araling Pilipino (DWPAP), at ng BA Malikhaing Pagsulat 4-A ang programang KritiKAL 2026.

Nilalayon ng KritiKAL 2026 na maibahagi at maisiwalat ng mga mag-aaral sa BA Malikhaing Pagsulat 4-A ang kanilang mga panukalang proyekto. Malugod din na itinatampok sa idaraos na programa ang pagiging bahagi nina G. Marco Nepomuceno at G. Jerome Balonzo Vitug na magsisilbing mga tagapagsalita at panelista na sisipat at gagabay sa mga naturang mag-aaral. Gayundin, makakasama sa programa ang mga kaguruan na magsisilbing panelista mula sa Departamento ng Wika, Panitikan, at Araling Pilipino.

Magaganap ang sabay na sesyon ng KritiKAL 2026 sa darating na ika-21 ng Setyembre sa ganap na 8:00 n.u. – 3:00 n.h. sa Bulwagang Federizo, silid FH 208 at FH 209.

16/09/2026

𝐌𝐚𝐚𝐥𝐚𝐛 𝐧𝐚 𝐏𝐚𝐠𝐛𝐚𝐭𝐢, 𝐒𝐢𝐫 𝐌𝐚𝐲𝐤!

Ang buong Departamento ng Wika, Panitikan, at Araling Pilipino ay bumabati kay Sir Michael Angelo V. Santos, na tagapangulo ng BA Malikhaing Pagsulat, para sa pagkakalimbag ng kanyang mga dagli sa "𝟮𝟬𝟮𝟬: 𝗔𝗻𝗴 𝗛𝗶𝗻𝗮𝗵𝗮𝗿𝗮𝗽 𝘀𝗮 𝗜𝘀𝗮𝗻𝗴 𝗜𝗴𝗹𝗮𝗽 (𝗠𝗴𝗮 𝗗𝗮𝗴𝗹𝗶)" ng University of Santo Tomas Publishing House.

Ikinararangal ka namin, Sir Mayk!

15/09/2026

𝐊𝐨𝐧𝐠𝐫𝐞𝐬𝐨 𝐧𝐠 𝐌𝐚𝐥𝐨𝐥𝐨𝐬

Ngayong araw, ating ginugunita ang ika-128 guningtaon ng makasaysayang pagbubukas ng Kongreso ng Malolos noong Setyembre 15, 1898.

Ang kongresong ito ang nagratipika ng deklarasyon ng kalayaan na nagbunsod upang isilang ang kauna-unang republika sa Asya taong 1899.

Mabuhay ang Kongreso ng Malolos!

10/09/2026

𝐏𝐚𝐠𝐩𝐮𝐩𝐮𝐠𝐚𝐲 𝐬𝐚 𝐦𝐠𝐚 𝐁𝐚𝐠𝐨𝐧𝐠 𝐇𝐢𝐫𝐚𝐧𝐠 𝐧𝐚 𝐏𝐚𝐦𝐛𝐚𝐧𝐬𝐚𝐧𝐠 𝐀𝐥𝐚𝐠𝐚𝐝 𝐧𝐠 𝐒𝐢𝐧𝐢𝐧𝐠!

Sa atas ng Proklamasyon blg. 1414 ni Pangulong Ferdinand R. Marcos, pinagtibay ang paggawad ng Orden ng Pambansang Alagad ng Sining kina:

𝗣𝗔𝗡𝗜𝗧𝗜𝗞𝗔𝗡
Dr. Nicanor G. Tiongson (Malolos, Bulacan)
+Gregorio C. Brillantes (Camiling, Tarlac)

𝗔𝗥𝗞𝗜𝗧𝗘𝗞𝗧𝗨𝗥𝗔
+Ar. Gabriel P. Formoso (Makati City, Metro Manila)

𝗦𝗔𝗬𝗔𝗪
Rafael "Nonoy" C. Froilan (Calbiga, Samar)

𝗗𝗜𝗦𝗘𝗡𝗬𝗢
Maria Beatriz "Patis" Pamintuan-Tesoro (Iloilo City, Iloilo)

𝗣𝗘𝗟𝗜𝗞𝗨𝗟𝗔
+Armando "Bing" Lao (Davao City, Davao del Sur)

𝗠𝗨𝗦𝗜𝗞𝗔
Dr. Alfredo S. Buenaventura (Santa Maria, Bulacan)

𝗧𝗘𝗔𝗧𝗥𝗢
+Teodoro L. Hilado (Silay City, Negros Occidental)

𝗦𝗜𝗡𝗜𝗡𝗚 𝗕𝗜𝗦𝗪𝗔𝗟
Imelda Cajipe-Endaya (Paete, Laguna)
Nunelucio Alvarado (Sagay City, Negros Occidental)

Mabuhay ang mga bagong Pambansang Alagad ng Sining.

05/09/2026

𝐏𝐚𝐠𝐩𝐮𝐩𝐮𝐠𝐚𝐲 𝐤𝐚𝐲 𝐍𝐀 𝐑𝐞𝐬𝐢𝐥 𝐁. 𝐌𝐨𝐣𝐚𝐫𝐞𝐬!

Kaisa ang buong Departamento ng Wika, Panitikan, at Araling Pilipino sa pagluluksa sa pagpanaw ni Pambansang Alagad ng Sining sa Panitikan 𝗥𝗲𝘀𝗶𝗹 𝗕. 𝗠𝗼𝗷𝗮𝗿𝗲𝘀, ngayong araw.

Si NA Resil B. Mojares ay isang tanyag na kritikong pampanitikan, mananalaysay, antropologo, at g**o. Itinaguyod niya ang panrehiyonal na panitikan at kasaysayan upang ipakilala na ang panitikan at kasaysayan ay hindi lamang nagmumula sa Kalakhang Maynila, bagkus malaki rin ang ambag ng mga rehiyon sa pagbuo ng pambansang identidad. Dahil sa kanyang mga naging ambag para sa paghulma ng ating pagkakakilanlan bilang nasyon, noong 2018 ay iginawad sa kanya ang Orden ng Pambansang Alagad ng Sining sa larang ng Panitikan.

Maraming salamat at Paalam, NA Resil B. Mojares!

04/09/2026

PATIMPALAK SA BUWAN NG WIKA UPDATES

Narito ang petsa ng paglalabas ng mga nanalong mga kalahok at ang kanilang karampatang premyo.

Paglalabas ng mga nanalo - Lunes, Ika-14 ng Setyembre

Ang premyo sa tatlong (3) timpalak ay:
Unang gantimpala - Php 500.00
Ikalawang gantinpala - Php 300.00
Ikatlomg gantimpala - Php 200.00

Humihingi ng paumanhin ang Lokal ng Konseho sa mabagal na pag-usad ng patimpalak, ito ay dahilan ng higit isang buwang suspensiyon ng klase dulot ng matinding pagbaha at masamang panahon. Parating dalangin ang inyong kaligtasan at matinding pag-iingat sa panahon ng sakuna.

🎨: Raniedel Maglalang

02/09/2026

01/09/2026

𝐌𝐀𝐑𝐀𝐌𝐈𝐍𝐆 𝐒𝐀𝐋𝐀𝐌𝐀𝐓 𝐏𝐎!

Ang buong Departamento ng Wika, Panitikan, at Araling Pilipino at Kolehiyo ng Arte at Literatura ay lubos na nagpapasalamat sa aming mga naging kaagapay at katuwang para sa pagdiriwang ng Buwan ng Wika 2026.

Bagama't may ilang programang kanselado, sinisikap ng DWPAP at iba pang katuwang na maisakatuparan ang mga ito sa darating na araw o linggo.

Muli, maraming salamat po sa inyong lahat.

31/08/2026

𝐌𝐚𝐤𝐚𝐛𝐮𝐥𝐮𝐡𝐚𝐧𝐠 𝐀𝐫𝐚𝐰 𝐧𝐠 𝐦𝐠𝐚 𝐁𝐚𝐲𝐚𝐧𝐢!

Ngayong araw, ating ginugunita ang laang araw para sa lahat ng bayani ng ating lahi. Ngayong araw, ipinapaalala sa atin na hindi naging libre ang mga bagay na tinatamasa natin nang may laya. Marami ang nagsakripisyo para rito, kaya nasa atin ngayon kung paano ipagpapatuloy ang paglaban para sa mga ito.

Ngayong araw rin, mas mainam na gunitain natin ang ating mga bayani sa paraan ng kanilang pagtindig at pagsasalita laban sa inhustisya at korapsyon na patuloy na naglalagay sa alangin sa buhay ng mga Filipino. Tumindig, Magsalita, at Kumilos!