08/09/2023
ANTI TAMUNG MANUK
Ing metung a manuk bayu ya milaban,
Tutu yang sagana keta nang pamangan.
Prutas, bitamina, kaya apag da ngan,
Mengari yang santu karelang sasamban.
Paruminggu bayu itang laban miras,
Manyaman ya batal, atin ya pang gatas.
Paneng mayayapis babanten kabukas,
Ban yang mikundisyun bayu mukyat gradas.
At potang sinambut mitas ya ulaga,
Espesyal pang tutu ing tratu da keya.
Uling iyang sangkan anya mika pera,
Kaya da iyapag sablang kaylangan na.
Pakayapan sugat, ibye ing atensyun,
Lugud ampon lingap at ing anggang aksyun.
At nung mikabyus ya datang ing panaun,
Labang pasibayu, mi paradang milyun..
Misan ing disgrasya e tamu alisyan,
Nung akatulid mu palak yang masikan.
Manuk pakamalan nung keralabyusan,
Iyugse da nemu ketang pibulbulan...
Makanyan mu naman keng bie na ning tau,
Nung atin kang pera turing dakang Guinu...
Dapot istung miras ikang mangalulu,
Keka mekinabang, e danaka balu.
Mismo 💯💯✔️✔️
