03/09/2026
MULA UP BAGUIO HANGGANG UP MINDANAO: SUMULONG, MAKIBAKA, AT BIGUIN ANG PASISMO NG ESTADO! IPAGTANGGOL ANG UNIBERSIDAD NG SAMBAYANAN!
Sa katatapos lamang na ika-50 National Congress ng Katipunan ng mga Sanggunian ng Mag-aaral sa UP (KASAMA sa UP), matagumpay na binuo ng malawak na hanay ng sangkaestudyantehan ang isang pangkalahatang campaign paper.
Sa nagdaang taon, serye ng mga tagumpay ang naitala ng mga Iskolar ng Bayan mula Cordillera hanggang Mindanaoโmula sa mahigit 18,000 iskolar na nag-walkout, tumungo sa lansangan, at ipinaglaban ang ating demokratikong karapatan. Ngunit hindi rito nagtatapos ang laban; mas matitinding suliranin at pakikibaka pa ang kailangan nating sama-samang harapin at igpawan.
Sa bagong labas na NEP 2027, muling pinatunayan ng rehimeng US-Marcos ang pagpapahalaga nito sa koprapsyon, pasismo, at digmaanโna siyang mas lalong nagpapahirap at kumikitil sa buhay ng sambayanang Pilipino. Habang binabarat ang badyet sa mga batayang pampublikong serbisyoโlalo na sa edukasyonโpinatawan pa ng โฑ2.95 bilyong kaltas ang UP sa kabila ng malalang kakulangan sa mga klasrum, akademikong units, at pasilidad. Lalo pa itong pinatitindi ng paglala ng komersyalisasyon at ang presensya ng militar at galamay ng estado sa pamantasan, tulad ng 11th RCDG sa UP Mindanao.
Sa pamamagitan ng ating kolektibong lakas, itataguyod natin ang masigasig na kampanya para sa sapat at makabuluhang pondo sa pamantasan at sa buong sektor ng edukasyon. Kagyat nating kakalampagin at lalabanan ang imperyalismo at ang mga pinsalang idinudulot ng digmaan nito. Sa gitna ng walang-tigil na pagbaha at korapsyon ng naghaharing-uri, ating patatambulin ang panawagang papanagutin si Sara Duterte at singilin si Marcos Jr. Isisingil natin sa pasistang rehimen ang katarungan para kay Alyssa Alano, Maureen Santuyo, at sa buong Negros 19, kasabay ng panawagang ibasura ang lahat ng represibong akademikong polisiya.
Mula sa pagkakasa ng mga talakayan, pagbitbit ng mga kampanya sa lansangan, paglubog sa hanay ng masa upang suriin ang kanilang tunay na kalagayan, hanggang sa walang-tigil na paglalantad sa kabulukan ng sistema, tiyak na mapagtatagumpayan natin ang mas marami pang laban.
Iskolar ng Bayan, Makibaka para sa Bayan, Ipagtanggol ang Edukasyon, Ipaglaban ang Karapatan, at Sumulong para sa Pagbabago.
